သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကသာခရိုင်ဦးစီး မှူးရုံးမှ ဒု-ခရိုင်ဦးစီးမှူး ဦးကြည်နိုင်ဦး(ဦးစီးမှူး)သည် ၂၀၂၄-ခုနှစ် ဧပြီလ (၃)ရက်နေ့တွင် ကသာမြို့၊ အမှတ်(၅)ရပ်ကွက်ရှိ အချိုရည်ဖြန့်ဖြူးရောင်းချသည့် လုပ်ငန်းရှင်နှင့် တွေ့ဆုံဆွေးနွေးခြင်း ဆောင်ရွက်ခဲ့ပါသည်။

     ထိုသို့ တွေ့ဆုံဆွေးနွေးခဲ့ရာ ဦးကြည်နိုင်ဦးမှ ဌာနအနေဖြင့် ပြည်သူများ ဘေးအန္တရာယ်ကင်းရှင်းသော ကုန်စည်များ သုံးစွဲနိုင်ရန်အတွက် စားသောက်ကုန်၊ လူသုံးကုန်ပစ္စည်းများနှင့် ပတ်သက်၍ လစဉ် ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိကြောင်း၊ ဈေးကွက်စောင့်ကြည့် စစ်ဆေးခြင်းဆောင်ရွက်ရာတွင် အဓိကအနေဖြင့် ကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြထားမှု ရှိ/မရှိ၊ တားမြစ်ကုန်စည်များ၊ သက်တမ်းလွန်ကုန်စည်များ ရောင်းချမှု ရှိ/မရှိ စသည်တို့ကို စစ်ဆေးလျက်ရှိကြောင်း ဆွေးနွေးပြောကြားခဲ့ပါသည်။ ဆက်လက်၍ လုပ်ငန်းရှင်အား စားသုံးသူကာကွယ်ရေး ဥပဒေ(၂၀၁၉) အခန်း(၁၀)ပါ လုပ်ငန်းရှင်များလိုက်နာရမည့်တာဝန်များ၊ အခန်း(၁၈)ပါ ကုန်စည်အလိုက်ထည့်သွင်းဖော်ပြရမည့် ကုန်အညွှန်းအမှတ်အသားဆိုင်ရာ အချက်အလက်များ စသည်တို့ကို ရှင်းလင်းဆွေးနွေးခြင်းများ ဆောင်ရွက်ခဲ့ပြီး ဖြန့်ဖြူးရောင်းချသည့် အချိုရည်ဘူးများတွင် ကုန် အညွှန်းအမှတ်အသား ပြည့်စုံစွာဖော်ပြထားခြင်း ရှိ/မရှိ၊ ရက်လွန်ကုန်စည်များ ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်တာဝန်ခံ ဦးမြင့်ကြည်(ရုံးအုပ်)နှင့် ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာန၊  အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ (၂-၄-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် မင်းဘူးမြို့မ‌ဈေးအတွင်းရောင်းချနေသော စားသောက်ကုန်များမှာ စားသုံးရန်သင့်/မသင့် ရှောင်တခင်ဝင်ရောက်စစ်ဆေးခဲ့ပါသည်။

      ထိုသို့စစ်ဆေးရာတွင် ဈေးအတွင်းရှိ စားသောက်ကုန်များဖြစ်သည့် မုန့်ဖတ်၊ နနွင်းမှုန့်၊ အရောင်တင်၊ အမဲသွေး၊ ဆိတ်သွေး၊ ပုစွန်ခြောက်၊ ပဲပြား၊ ပိတ်ဆွယ်၊ ခံတက်ချဉ်၊ လက်ဖက်၊ ငရုတ်သီးမှုန့်၊ ကြက်အူချောင်း၊ ဝက်အူချောင်း၊ ငါးပိထောင်း၊ အသားတု၊ ခေါက်ဆွဲခြောက်၊ ဘူးချဉ်၊ ပိန္နဲသီး၊ ချင်းပေါက်တို့ကို နမူနာဝယ်၍စစ်ဆေးခြင်း၊ မုန့်ဖတ် (၄)ဆိုင်၊ အရောင်တင် (၂)ဆိုင်၊ ကြက်အူချောင်း(၂)ဆိုင်နှင့် ဝတ်အူချောင်း(၂)ဆိုင်တို့မှ အမျိုးအမည်ပေါင်း (၂၆)မျိုးအား ဓာတ်ခွဲစမ်းသပ်စစ်ဆေးခဲ့ရာ ချင်းပေါက်တစ်မျိုးကိုသာ ချွတ်ဆေးနှင့် တာရှည်ခံဆေးများသုံးစွဲထားသဖြင့် စားသုံးရန်မသင့်ကြောင်းသိရှိရပါသည်။ ထို့နောက် မူရင်းထုတ်လုပ်ဖြန့်ဖြူးရောင်းချသော ဦးစိုး၊ စက်ဝိုင်းရပ်၊ အမှတ်(၃)ရပ်ကွက်နေအိမ်သို့ ပေါက်ပြီးသောချင်း၊ ပထမရေစိမ်သောချင်း၊ ဒုတိယရေစိမ်သောချင်းနှင့် ဈေးကွက်အတွင်းသို့ တင်ပို့ရန်ချင်းတို့အား နမူနာကောက်ယူ၍စစ်ဆေးခဲ့ရာ ဈေးကွက်အတွင်းသို့ ပို့မည့်နမူနာတွင် ချွတ်ဆေးနှင့်တာရှည်ခံဆေးများ သုံးစွဲထားသည်ကိုတွေ့ရှိရသဖြင့် သိမ်းဆည်းခဲ့ပြီး နောက်နောင် ဤကဲ့သို့ မသုံးစွဲပါဟု ခံဝန်ကတိရေးထိုးစေခြင်းနှင့် ဈေးကွက်အတွင်း ထပ်မံတွေ့ရှိပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း ရှင်းလင်းပြောကြားခဲ့ကြောင်းသိရှိရပါသည်။

DOCA(မကွေး)

     တနင်္သာရီတိုင်းဒေသကြီး အစိုးရအဖွဲ့၏ ၂၀၂၄-၂၀၂၅ ဘဏ္ဍာရေးနှစ် ဒေသန္တရစီမံကိန်း တာဝန် ပေး အပ်ပွဲ အခမ်းအနားကို ၄.၄.၂၀၂၄ ရက်နေ့၊ နံနက် (၁၀း၃၀)နာရီတွင် တနင်္သာရီတိုင်း‌ဒေသကြီးအစိုး ရအဖွဲ့ရုံး၊ (၃)ထပ်ဆောင်ခန်းမ၌ ကျင်းပခဲ့ရာ တနင်္သာရီတိုင်းဒေသကြီးဝန်ကြီးချုပ်၊ တိုင်းဒေသကြီးအစိုးရအဖွဲ့ဝင်များ၊ တိုင်းအဆင့်ဌာနဆိုင်ရာများနှင့်အတူ တိုင်း‌‌ဒေသကြီး စားသုံးသူ‌ရေးရာဦးစီးဌာန    တက်‌ရောက်ခဲ့ပါသည်။

     အဆိုပါ အစည်းအဝေးတွင် တနင်္သာရီတိုင်း‌ဒေသကြီး ဝန်ကြီးချုပ်မှ အဖွင့်အမှာစကားပြောကြားခဲ့ပြီး တိုင်း‌ဒေသကြီး စီမံကိန်းရေးဆွဲ အကောင်အထည်ဖော်ရေး ကော်မတီဥက္ကဌမှ  ၂၀၂၄-၂၀၂၅ ဘဏ္ဍာ‌ ရေးနှစ်၊   ဒေသန္တရစီမံကိန်း ဆောင်ရွက်မည့် လုပ်ငန်းတစ်ခုချင်းအား ရှင်းလင်းပြောကြားခဲ့ကာ တိုင်းဒေသကြီး စီးပွားရေးရာဝန်ကြီးမှ စီမံကိန်းအလိုက် သက်ဆိုင်ရာဌာနများက မိမိနှင့်သက်ဆိုင်သည့်ကဏ္ဍအလိုက် အောင်မြင်အောင်    အကောင်အထည်ဖော်ဆောင်ရွက်သွားရန်   ပြောကြားခဲ့ပြီး တိုင်းဒေသကြီး ဝန်ကြီးချုပ်နှင့် စီးပွားရေးရာဝန်ကြီးတို့မှ သက်ဆိုင်ရာဌာနများနှင့်   ခရိုင်(၄)ခရိုင်တို့အား   ၂၀၂၄-၂၀၂၅   ဘဏ္ဍာရေးနှစ်   ဒေသန္တရစီမံကိန်းတာဝန်များ    ပေးအပ်ခဲ့ကာ  အခမ်းအနားအား    နံနက်(၁၁း၃၀) နာရီတွင် ပြီးမြောက်ခဲ့ကြောင်း သတင်းရရှိပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် ၄.၄.၂၀၂၄ ရက်နေ့တွင်မိုးညှင်းမြို့၊ မြို့မရပ်ကွက်ရှိ ကုန်မျိုးစုံရောင်းဝယ်ရေးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

     ထိုသို့ဆွေးနွေးရာတွင် စားသုံးသူကာကွယ်ရေးဥပဒေတွင် ပါရှိသော စီးပွားရေးလုပ်ငန်းရှင် ဆိုသည်မှာ ကုန်စည်ကို ထုတ်လုပ်ခြင်း ၊ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း ၊ပြန်လည် ရောင်းချခြင်းကိုဖြစ်စေ၊ ထောက်ပံ့ပေးခြင်းကိုဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာ လုပ်ငန်းလုပ်ကိုင်ခြင်းကိုဖြစ်စေ တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏ တာဝန်များဖြစ်သော ကုန်စည်သို့မဟုတ် ဝန်ဆောင်မှု၏ အာမခံချက်၊သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန်သော သတင်းအချက် အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ စားသုံးသူနစ်နာ ဆုံးရှုံးမှုဖြစ်ပွားစေမည့် ကုန်စည်သို့မဟုတ် ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက် ရောင်းချခြင်းကို ရှောင်ကြဉ်ခြင်း၊ ကုန်စည်သို့မဟုတ် ဝန်ဆောင်မှုနှင့် စပ်လျဉ်း၍ ကတိပြုထားသော အာမခံချက်နှင့် ကိုက်ညီမှုမရှိပါက ကတိပြုထားသည့်အတိုင်း တာဝန်ယူဆောင်ရွက် ပေးခြင်းစသည့်အချက်များ၊ ကုန်စည်/ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း၊ ကုန်စည်/ ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ကုန်အညွှန်းအမှတ်အသားနှင့်ပတ်သက်၍ သိကောင်းစရာများ၊ စားအုန်းဆီနှင့် ပတ်သက်၍ သိကောင်းစရာများအကြောင်းတို့ကို ရှင်းလင်းဆွေးနွေးခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ သထုံမြို့နယ်တာဝန်ခံနှင့် ဝန်ထမ်းများသည် မွန်ပြည်နယ်၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့်  သထုံမြို့နယ်၊ အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီအဖွဲ့ဝင်များနှင့်ပူးပေါင်း၍ (၃-၄-၂၀၂၄) ရက်နေ့တွင် သထုံမြို့နယ်၊ ရွှေစာရံဘုရားအနီးဝန်းကျင်ရှိ အစားအသောက်ရောင်းချနေသည့်ဆိုင်များ၊ စတိုးဆိုင်များ၊ ကုန်စုံဆိုင်များအား ကွင်းဆင်းစစ်ဆေးခဲ့ကြောင်းသိရှိရသည်။

   ထိုသို့ကွင်းဆင်းစစ်ဆေးရာတွင် သထုံမြို့နယ်၊ ရွှေစာရံဘုရားအနီးဝန်းကျင်၌ ရောင်းချနေသောစားသောက်ကုန်များမှာ ကျန်းမာရေးနှင့်ညီညွတ်မှုရှိ/မရှိကိုစစ်ဆေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရသည်။ ထို့နောက် မွန်ပြည်နယ်၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ ရွေ့လျားဓာတ်ခွဲခန်းဖြင့် အစားအသောက်များအား နမူနာယူစစ်ဆေးခဲ့ကြောင်းသိရှိရပါသည်။

DOCA(မွန်)