သတင်းနှင့် လှုပ်ရှားမှုများ

           (၂၉.၄.၂၀၂၂)ရက်နေ့ နံနက် (၁၀:၀၀)နာရီ အချိန်တွင် ရှမ်းပြည်နယ်(အရှေ့ပိုင်း) ၊စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးဦးဆောင်၍ တာဝန်ရှိဝန်ထမ်းများနှင့်အတူ (၂၉.၄.၂၀၂၂)ရက်နေ့ နံနက် (၁၀:၀၀)နာရီ အချိန်တွင် ကျိုင်းတုံမြို့၊ ဒုတိယပြည်နယ်ဦးစီးမှူးရုံးဝင်းရှိ ဌာနပိုင်မြေတွင် အိတ်ဖွင့်တင်ဒါစနစ်ဖြင့် ငှားရမ်းထားသော မြေပေါ်တွင် ဆောက်လုပ်ထားသောဆိုင်ခန်းများအား သတ်မှတ်ထားသည့် ညွှန်ကြားချက်များနှင့်အညီ ကုန်ပစ္စည်းများ ရောင်းချမှုရှိ/မရှိ ရှောင်တခင် စစ်ဆေးခြင်း ဆောင်ရွက်ခဲ့ပါသည်။

       ထိုသို့ စစ်ဆေးရာတွင်ဒုတိယပြည်နယ်ဦးစီးမှူးမှ ဆိုင်ခန်းပိုင်ရှင်များအား ပြဌာန်းထား သည့် ဥပဒေ၊ နည်းဥပဒေ၊ လုပ်ထုံးလုပ်နည်းများ၊ အမိန့်များ၊ ညွှန်ကြားချက်များကို သိရှိလိုက်နာရန်၊ မြေငှားရမ်းခြင်း အိတ်ဖွင့်တင်ဒါစည်းကမ်းသတ်မှတ်ချက်၊ အငှားချထားခြင်းခံရသူ၏ တာဝန်နှင့် လုပ်ပိုင်ခွင့်များကို သိရှိလိုက်နာရန်၊ အငှားချထားသည့်နေရာ၊ ပတ်ဝန်းကျင်တွင် သန့်ရှင်းသာယာလှပရေးဆောင်ရွက်ရန်၊ မိုးရာသီကာလရောက်လာပြီဖြစ်သည့်အတွက် ရေစီးရေလာကောင်းမွန်စေရေး ရေမြောင်းသန့်ရှင်းရေးများစနစ်တကျပြုလုပ်ရန်နှင့် အထွေထွေလုံခြုံရေးတို့ကို စနစ်တကျ ဆောင်ရွက်ရန် ပြောကြားခဲ့ပါသည်။

DOCA(ရှမ်း)

             ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်ဦးစီးမှူး၏ လမ်းညွှန်မှုဖြင့် ပြည်မြို့နယ်တာဝန်ခံ ဦးထွန်းနိုင်လင်းနှင့် ဝန်ထမ်းများသည် (၂၇.၄.၂၀၂၂) ရက်နေ့ ၊  နေ့လည် (၁၃:၀၀)နာရီအချိန်တွင် မိတ်ဖတ်ဌာနဆိုင်ရာများဖြစ်ကြသည့် မြို့နယ်အထွေထွေအုပ်ချုပ်ရေး ဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်မြေစာရင်းဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာန၊ မြို့နယ်ကျေးလက်ဖွံ့ဖြိုးရေးဦးစီးဌာန  ၊ ကုသရေးဦးစီးဌာန၊ မြို့နယ်ကျေးလက်လမ်း ဦးစီးဌာန၊ မြို့နယ်လူဝင်မှု့ကြီးကြပ်ရေးဦးစီးဌာနနှင့် မြို့နယ်စိုက်ပျိုးရေးဘဏ်တို့မှ တာဝန်ရှိသူများနှင့် ပူးပေါင်း၍  ပြည်မြို့၊ ကုန်သာလင်းကျေးရွာအုပ်စု၊ ကုန်သာလင်းကျေးရွာ ဘုန်းတော်ကြီးကျောင်း ဓမ္မာရုံ၌ ကျင်းပပြုလုပ်သော စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှု တိုးတက်မြင့်မားရေး ဆွေးနွေးပွဲသို့ တက်ရောက်လာသော တောင်သူ(၇၀)ဦးအား စားသုံးသူရေးရာဦးစီးဌာန အဓိက တာဝန်ယူ ဆောင်ရွက်လျှက်ရှိသည့် စားသုံးသူကာကွယ်ရေးဥပဒေ အခန်း(၉)ပါ စားသုံးသူ၏ အခွင့်အရေးနှင့် တာဝန်များကိုဆွေးနွေးဟောပြောပြီး ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် စားသုံးဆီဖူလှုံမှုရှိစေရေး မိုးနေကြာသီးသန့်/ သီးညှပ်စိုက်ပျိုးနိုင်ရေးအတွက် နေကြာအစုအဖွဲ့များ ဖွဲ့စည်းနိုင်ရေး ဆွေးနွေးဟောပြောခဲ့ပါသည်။

DOCA(ပဲခူး)

              စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးအနေဖြင့် အနာဂတ်တွင် ကောင်းမွန်သော လူနေမှုအဆင့်အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေရေး၊ စားသုံးသူနှင့် လုပ်ငန်းရှင်များအကြားညီညွတ်မျှတသည့် စားသုံးသူကာကွယ်ရေးလုပ်ငန်းစဉ်ကြီးကို ဖေါ်ဆောင်နိုင်ရေးအတွက် စားသုံးသူကာကွယ်ရေးဆိုင်ရာ အသိပညာဗဟုသုတများ ကျယ်ကျယ်ပြန့်ပြန့် သိရှိစေရန် ရည်ရွယ်၍ ပြည်ခရိုင်အတွင်း၌ ဧပြီ (၂၀)ရက်တွင် သဲကုန်းမြို့နယ်၊ ညောင်ဝင်းအုပ်စု၊ ဘုရားပြိုကျေးရွာတွင်လည်းကောင်း၊ ဧပြီ (၂၂)ရက်တွင် ပန်းတောင်းမြို့နယ်၊ သရက်လိန် အုပ်စု၊ ကရင်စု ကျေးရွာတွင်လည်းကောင်း၊ ဧပြီ (၂၅)ရက်တွင် ရွှေတောင်မြို့နယ်၊ ဆိတ်ကြီးအုပ်စု၊ ကညမ်းကျေးရွာတွင်လည်းကောင်း၊ ဧပြီ (  ၂၈ )ရက်တွင် ပေါင်းတည်မြို့နယ်၊ သဖန်းပင်ဆိပ်အုပ်စု၊ ကညွတ်ကွင်းကျေးရွာတွင်လည်းကောင်း၊ သက်ဆိုင်ရာမြို့နယ်တာဝန်ခံများမှ စားသုံးသူကာကွယ်ရေး အသိပညာပေး ဟောပြောဆွေးနွေးခြင်းများ ဆောင်ရွက်ခဲ့ကြပါသည်။

          အဆိုပါ ဟောပြောဆွေးနွေးပွဲများတွင် သက်ဆိုင်ရာ မြို့နယ်တာဝန်ခံများမှ စားသုံးသူကာကွယ်ရေး ဉပဒေပါ စားသုံးသူများ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ လိုက်နာရမည့် တာဝန်များ၊ တားမြစ်ချက်များ ပြစ်မှုပြစ်ဒဏ်များအကြောင်း စားသုံးသူများ ထိခိုက်နစ်နာမှုရှိပါက တိုင်ကြားနိုင်သည့် ပုဂ္ဂိုလ်များ၊ နည်းလမ်းများ၊ ဆက်သွယ်တိုင်ကြားနိုင်မည့် ဖုန်းနံပါတ်နှင့် လိပ်စာတို့အား အသိပညာပေးပြောကြားခဲ့ပြီး စားသုံးသူကာကွယ်ရေးအသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(ပဲခူး)

            ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူး ဦးအောင်ကျော်ဦးသည် ဗန်းမော်မြို့၊ ခရိုင်အသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သင်ကြားလျက်ရှိသော အခြေခံလူသုံးကုန် ထုတ်လုပ်မှုနည်းပညာ စာတွေ့လက်တွေ့သင်တန်းသား(၂၅)ဦးအား ၂၀၂၂ခုနှစ်၊ ဧပြီလ၂၉ရက် နေ့တွင် စားသုံးသူကာကွယ်ရေးဆိုင်ရာအသိပညာပေးဟောပြောပွဲ ကျင်းပပြုလုပ်ခဲ့ပါ သည်။

          အဆိုပါဟောပြောပွဲတွင် ခရိုင်ဦးစီးမှူး ဦးအောင်ကျော်ဦးက စားသုံးသူရေးရာဦးစီးဌာန ပေါ်ပေါက်လာပုံနှင့်ဆောင်ရွက်ချက်များ၊ စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ ၁၅ရက်နေ့တွင် ပြည်ထောင်စု လွှတ်တော် ဥပဒေအမှတ် ၉၊ ဖြင့် ပြဋ္ဌာန်းခဲ့ကြောင်း၊ ၂၀၂၂ခုနှစ်၊ ဇန်နဝါရီလ ၁၈ရက်နေ့တွင် စားသုံးသူကာကွယ်ရေးနည်းဥပဒေများ ပြဋ္ဌာန်းခဲ့ကြောင်း၊ စားသုံးသူ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်/ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူတောင်းဆိုနိုင်သည့်အခွင့်အရေးများ ၊ ကုန်အညွှန်း အမှတ်အသားဖော်ပြခြင်းနှင့်စပ်လျဉ်းသည့် ကုန်စည်အမျိုးအစားအလိုက်သတ်မှတ်ချက် နှင့်အညီ သိသာထင်ရှားစွာဖော်ပြရမည့်အချက်(၈)ချက်၊ စားသုံးသူနစ်နာဆုံးရှုံးမှုများရှိပါက စားသုံးသူ သတင်း ပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC)တွင် တိုင်ကြားနိုင်မှုများ၊ Digital ငွေကြေးဝန်ဆောင်မှုနှင့် စပ်လျဉ်းသည့်အချက်အလက်များကို အသိပညာပေးဟောပြောခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင် ဖြန့်ဝေခဲ့ပါသည်။

DOCA(ကချင်)

ကချင်ပြည်နယ်ပြောင်းလုပ်ငန်းအသင်းအား ပြန်လည်ဖွဲ့စည်းနိုင်ရန်အတွက် အကြိုညှိနှိုင်းအစည်းအဝေးကို၂၈.၄.၂၀၂၂ရက်နေ့နံနက် (၁၀:၀၀)နာရီတွင် စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး၌ ကျင်းပခဲ့ရာ ပြောင်းလုပ်ငန်းအသင်းသူ/သား(၂၇)ဦးတက်ရောက်ခဲ့ပါသည်။ အစည်းအဝေးတွင် စားသုံးသူရေးရာဦးစီးဌာနမှ ဒုတိယပြည်နယ်ဦးစီးမှူး ဦးစန်းလွင်ဉီးက အဖွင့်အမှာစကားပြောကြားရာတွင် ကချင်ပြည်နယ်အနေဖြင့် အသင်းအဖွဲ့ဖွဲ့စည်းပြီးသည့်အခါ အသက်ဝင်ရန်လိုကြောင်း၊ အသင်းဖွံ့ဖြိုးတိုးတက်အောင် ဆောင်ရွက်ရမည်ဖြစ်ကြောင်း၊ အသင်းအဖွဲ့အနေဖြင့် ပူးပေါင်းဆောင်ရွက်ပါက အကျိုးသက်ရောက်မှုပိုရှိကြောင်း၊ ဌာနအနေဖြင့်အများအကျိုးအတွက် ဆောင်ရွက်ရမှာဖြစ်လို့ နိုင်ငံတော်အတွက် အသင်းအဖွဲ့များဖွဲ့စည်းရာတွင် အကူအညီတောင်းပါက ဆောင်ရွက်ပေးလျက်ရှိပါကြောင်း၊ စီးပွားရေးလုပ်ငန်းရှင်များတိုးလာအောင် အသင်းအဖွဲ့ကကူညီပေးခြင်းဖြင့် အသင်းဝင်အသစ်များတိုးလာနိုင်ကြောင်း၊ ယခုပြောင်းလုပ်ငန်းအသင်း ပြန်လည်ဖွဲ့စည်းရာတွင်လည်း ထိထိရောက်ရောက်အကျိုးများရှိအောင် စားသုံးသူရေးရာဦးစီးဌာနမှ ကူညီရန်အသင့်ရှိပြီး လုပ်ငန်းရှင်များမှလည်း အကူအညီတောင်းပါက ကူညီဆောင်ရွက်ပေးရန်အသင့်ရှိကြောင်း ပြောကြားခဲ့ပါသည်။
ပြောင်းစိုက်ပျိုးထုတ်လုပ်သူအသင်းဥက္ကဋ္ဌ ဦးထွန်းမြင့်အောင်ကြည်ဦးမှ လုပ်ငန်းစဉ်များအား ချပြဆွေးနွေးရာတွင် ပြောင်းလုပ်ငန်းအသင်းသည် ပြောင်းစိုက်တောင်သူများကို အခြေပြုဖွဲ့စည်းထားသောအသင်းဖြစ်ပြီး ကချင်ပြည်နယ်ပြောင်းလုပ်ငန်းအသင်းအား ပြန်လည်ဖွဲ့စည်းရခြင်းမှာလည်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး၏ညွှန်ကြားချက်နှင့် မြန်မာနိုင်ငံ ပြောင်းလုပ်ငန်း ဥက္ကဋ္ဌ၏လမ်းညွှန်မှုအရ မြန်မာနိုင်ငံပြောင်းလုပ်ငန်းများ ဖွံ့ဖြိုးတိုးတက်စေရန် ရည်ရွယ်၍ အသင်းကိုပြန်လည်ဖွဲ့စည်းခဲ့ရခြင်းဖြစ်ကြောင်းနှင့် ပြောင်းစိုက်ပျိုးထုတ်လုပ် ရောင်းချ ရာတွင် အသင်းအဖွဲ့အနေဖြင့် ပူးပေါင်းဆောင်ရွက်မှသာလျှင် အခက်အခဲများကိုဖြေရှင်းအောင်မြင် နိုင်မည်ဖြစ်၍ ပြောင်းအသင်းကိုစနစ်တကျပြန်လည်ဖွဲ့စည်းရခြင်းဖြစ်ကြောင်းပြောကြား ခဲ့ပါသည်။
ထို့နောက် အစည်းအဝေးတက်ရောက်လာသူများမှ အလုပ်အမှုဆောင်များရွေးချယ်ခြင်း၊ အတည်ပြုခြင်း၊ အမှုဆောင်အမည်နှင့်လုပ်ငန်းတာဝန်များအား ကြေငြာခြင်းအစီအစဉ်များကို ဆောင်ရွက်ခဲ့ရာ အသင်းဖွဲ့စည်းပုံအရ အသင်း၏နယက(၃)ဦး၊ အလုပ်အမှုဆောင်(၁၀)ဦး၊ အမှုဆောင် (၁၇)ဦးဖြင့် ပြန်လည်ဖွဲ့စည်းခဲ့ပြီး အခမ်းအနားကို (၁၁:၃၅)နာရီတွင် အောင်မြင်စွာပြီးမြောက်ခဲ့ပါသည်။
DOCA(ကချင်)