ရွှေတောင်မြို့နယ်နှင့် သဲကုန်းမြို့နယ်အတွင်း တရားမဝင် ထုတ်လုပ်ရောင်းချနေသော ခြင်ဆေးခွေများ ရောင်းချမှုမရှိစေရေး ကွင်းဆင်းစိစစ်
စားသုံးသူရေးရာဦးစီးဌာန၊ ပဲခူးတိုင်းဒေသကြီးအတွင်းရှိ ဈေးကွက်များတွင် သက်ဆိုင်ရာဌာန၏ တရားဝင်ထုတ်လုပ်ဖြန့်ဖြူးခွင့် မှတ်ပုံတင်ထားခြင်းမရှိသော ကျင်းဟုံ အမည်ခြင်ဆေးခွေနှင့် အခြားမှတ်ပုံတင်ထားခြင်းမရှိသော ခြင်ဆေးခွေများ ရောင်းချမှုမရှိစေရေး ကွင်းဆင်း၍ အသိပညာ ပေးခြင်း၊ သတိပေးခြင်းများဆောင်ရွက်ရာ ပြည်ခရိုင်၊ ရွှေတောင်မြို့နယ်နှင့် သဲကုန်းမြို့နယ်တို့တွင် ဧပြီလ (၁)ရက်နေ့၊ နံနက်ပိုင်း၌ မြို့နယ်တာဝန်ခံဦးဆောင်သော ဈေးကွက်စောင့်ကြည့်စစ်ဆေးရေး အဖွဲ့ဝင်များဖြင့် ရွှေတောင်မြို့မစည်ပင်သာယာဈေးနှင့် သဲကုန်းမြို့မစည်ပင်သာယာစျေးအတွင်းရှိ ကုန်မျိုးစုံဆိုင်များသို့ သွားရောက်၍ ကွင်းဆင်းစိစစ်ခြင်း ဆောင်ရွက်ခဲ့ပါသည်။
အဆိုပါ ကွင်းဆင်းစိစစ်ဆောင်ရွက်ရာတွင် စားသုံးသူပြည်သူများ၏ ကျန်းမာရေးအား ဆိုးရွားစွာထိခိုက်စေနိုင်သော တရားမဝင် ပိုးသတ်ဆေးများဖြင့် ထုတ်လုပ်ဖြန့်ဖြူးရောင်းချနေသည့် “ကျင်းဟုံ” အမှတ်တံဆိပ်ခြင်ဆေးခွေများရောင်းချမှု၊ သိုလှောင်မှုများမရှိစေရေး သက်ဆိုင်ရာဌာနများက ဖော်ပြရန် သတ်မှတ်ထားသော အချက်အလက်များပါရှိသော ခြင်ဆေးခွေများကိုသာ ထုတ်လုပ်ဖြန့်ဖြူးရောင်းချကြရန် အသိပညာပေးခြင်း၊ သတိပေးခြင်းများ ဆောင်ရွက်ခဲ့ပြီး လိုက်နာဆောင်ရွက်ခြင်းမရှိပါက စားသုံးသူကာကွယ်ရေးဉပဒေအရ အရေးယူဆောင်ရွက်သွားမည်ဖြစ်ကြောင်း အသိပေးပြောကြားခဲ့ပြီး စားသုံးသူအသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သတင်းရရှိပါသည်။
DOCA(ပဲခူး)
