သတင်းနှင့် လှုပ်ရှားမှုများ

                  စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံး၊ ခရိုင်ဦးစီးမှူး နှင့်ဝန်ထမ်းများသည် ၂၀၂၂ ခုနှစ်၊ မတ်လအတွင်း မုံရွာမြို့ပေါ်ရှိ စားသုံးဆီအရောင်း ဆိုင်(၁၄)ဆိုင်များအား ဟင်းဆီဟင်းရွက်ဆီ (Vegetable Oil, Cooking Oil)နှင့်စပ်လျဉ်း၍ ညွှန်ကြားချက်များအား ကုန်အညွှန်းအမှတ်အသားဖော်ပြရာတွင် လိုက်နာဆောင်ရွက်မှုရှိစေရေး ကွင်းဆင်းစစ်ဆေးဆွေးနွေးခဲ့ပါသည်။

          ထို့သို့ ကွင်းဆင်းစစ်ဆေးဆွေးနွေးရာတွင် စားသုံးဆီအရောင်းဆိုင်လုပ်ငန်းရှင်များအား  ဟင်းဆီ ဟင်းရွက်ဆီ( Vegetable Oil, Cooking Oil)နှင့် စပ်လျဉ်း၍ ကုန်အညွှန်းအမှတ် အသားဖော်ပြရာတွင် “ပင်ရင်းပါဝင်ပစ္စည်းကို အခြေခံသောကုန်စည်၏ အမျိုးအစားကို တိကျစွာ မြန်မာဘာသာဖြင့် ဖော်ပြရန်(ဥပမာ- ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ(အဆင့်မြင့်စားအုန်းဆီ) နှင့်  ကုန်စည်၏ အသားတင်ပမာဏနှင့် အရွယ်အစားတို့အား မြန်မာ့အလေးချိန် ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့်ဖော်ရန် ၂၀၂၁ ခုနှစ်၊ ဒီဇင်ဘာလ ၂၀ ရက်နေ့တွင် ညွှန်ကြားချက်အားထုတ်ပြန်ခဲ့ကြောင်း၊ ညွှန်ကြားချက်သည် စတင်ထုတ်ပြန်ပြီး ၆ လပြည့် မြောက်ပြီးသည့် ၂၀၂၂ ခုနှစ်၊  ဇွန်လ၂၀ နေ့ရက်မှ စတင်အာဏာသက်ရောက်မည်ဖြစ်ကြောင်းနှင့်  စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များနှင့် စားသုံးသူကာကွယ်ရေး ဥပဒေ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည့်သည့်စီးပွားရေး လုပ်ငန်း ရှင်မဆို ပုဒ်မ၄၁။(ခ)နှင့်(ဆ)တို့တွင်ဖော်ပြထားသည့် ကုန်စည်၏ အမျိုးအမည်၊ အရွယ်အစား၊ အရေ အတွက်နှင့်အသားတင်ပမာဏ၊ ထားသိုသိမ်းဆည်းမှု အညွှန်း၊ သုံးစွဲပုံနည်းလမ်း၊ ကျန်းမာ‌ရေးဆိုင် ရာဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက် နှင့် ကြိုတင်သတိ ပေးချက်တို့ကို ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု သို့မဟုတ် တစ်ခုထက်ပို၍ ဖော်ပြရန်နှင့် ထုတ်လုပ်သည့် ကုန်စည်အမျိုးအစား အလိုက် သတ်မှတ်ချက်နှင့်အညီ ဖော်ပြနိုင်စေရန်အတွက်  မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)များနှင့် (၁/၂၀၂၁)များပါရှိသည့် လက်ကမ်းစာစောင်များဖြန့် ဝေခဲ့ပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ မကွေးမြို့နယ်ဦးစီးမှူး ဦးမျိုးဝင်း(စစ်ဆေးအရာရှိ) နှင့်မကွေးခရိုင်ရုံးမှ  ဝန်ထမ်းများသည် (၆.၄.၂၀၂၂)ရက်နေ့ နံနက်(၀၉:၀၀)နာရီမှ (၁၁:၀၀)နာရီထိ မကွေးမြို့ပေါ်ရှိ မော်တော်ဆိုင်ကယ်နှင့် စပ်ဆက်ပစ္စည်းအရောင်းဆိုင်များ၊ လက်လီ/လက်ကား ဖြန့်ဖြူးရောင်းချသော စက်ဆီ/ချောဆီ အရောင်းဆိုင်များသို့ အရည်အသွေးနိမ့် စက်ဆီ/ချောဆီများ ရောင်းချဖြန့်ဖြူးမှုမရှိစေရေး အသိပေးရှင်းလင်းဆွေးနွေးခြင်းများ ဆောင်ရွက်ခဲ့ပါသည်။

         ထိုသို့ဆောင်ရွက်ရာတွင် မော်တော်ဆိုင်ကယ်နှင့် စပ်ဆက်ပစ္စည်းအရောင်းဆိုင်များ၊ စက်ဆီ/ ချောဆီဖြန့်ဖြူးရောင်းချသော လုပ်ငန်းရှင်များအနေဖြင့် နာမည်ရှိ အမှတ်တံဆိပ်ဖြစ်သည့် (Falcon) အမှတ်တံဆိပ်၊ (Trane)အမှတ်တံဆိပ်၊ (Crocodile)အမှတ်တံဆိပ်များကို ဆင်တူယိုးမှား အတုအပ ပြုလုပ်၍ တရားမဝင် တင်သွင်းဖြန့်ဖြူးရောင်းချလျှက်ရှိရာ အရောင်းဆိုင်များအနေဖြင့် ကုန်ပစ္စည်း အတုအပများအား မှားယွင်းဝယ်ယူ ရောင်းချခြင်းမရှိစေရေး၊ ကုန်ပစ္စည်းအတုနှင့် အစစ်ခွဲခြား သိရှိနိုင်သည့် သတင်းအချက်အလက်များအား ဖြန့်ဝေအသိပေး ရှင်းလင်းခဲ့ပြီး တရားဝင်တင်သွင်း ခွင့် လိုင်စင်ရယူဆောင်ရွက်သည့် ကုမ္ပဏီများမှ တင်သွင်းထုတ်လုပ်သည့် ပစ္စည်းများကိုသာ မှာယူ ရောင်းချသွားရန်နှင့် တရားမဝင်လုပ်ငန်းလိုင်စင်မရှိဘဲ စျေးကွက်အတွင်း အရည်အသွေးနိမ့် စက်ဆီ/ ချောဆီများ ရောင်းချခြင်းဖြင့် နိုင်ငံတော်အတွက်  အခွန်အခများနစ်နာခြင်း၊ စားသုံးသူများ၏ စက်ပစ္စည်းများ အချိန်မတိုင်မီပျက်စီးမှု ဖြစ်ပေါ်စေခြင်း၊ ထို့ကြောင့်တရားမဝင် စက်ဆီ/ချောဆီများ ဆိုင်တင်ရောင်းချခြင်း မပြုလုပ်ကြရန် ဖြန့်ဖြူးရောင်းချခြင်းအား စစ်ဆေးတွေ့ရှိပါက ဥပဒေအရ အရေးယူဆောင်ရွက်ခံရမည်ဖြစ်ကြောင်း အသိပညာပေးဆွေးနွေးခဲ့ပါသည်။

DOCA(မကွေး)

          စားသုံးသူရေးရာဦးစီးဌာန၊ ရန်ကုန်အ‌ရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် ၁.၄.၂၀၂၂ ရက်နေ့ နံနက်(၁၀:၃၀) အချိန်တွင် ဒေါပုံမြို့နယ်အတွင်းရှိဆေးဆိုင်များသို့ သွားရောက်၍ ဈေးနှုန်းစုံး စမ်းကြပ်မတ်ဆောင်ရွက်ခြင်းနှင့် အသိပညာပေးခြင်းများ ဆောင်ရွက်ခဲ့ပါသည်။

          အဆိုပါဆေးဆိုင်များသည် ဆေးဝါးများကို ဗိုလ်ချုပ်ဈေးသစ်နှင့် ရွှေပြည့်စုံဈေးများမှ အများဆုံး ဝယ်ယူရောင်းချခြင်းဖြစ်သော်လည်း အချို့သော ဆေးဝါးများမှာ ဆေးကုမ္ပဏီများမှ တိုက်ရိုက်လာ ရောက်ပို့ဆောင်ခြင်းများရှိသောကြောင့် ဆေးဝါးဈေးနှုန်းများမှာ သင့်တင့်သောဈေးနှုန်းဖြင့်သာ  ရောင်းချလျက်ရှိကြောင်း သိရှိရပါသည်။

          ဆက်လက်၍ ဆေးဆိုင်များမှ တာဝန်ရှိသူများကို စားသုံးသူကာကွယ်ရေးဥပဒေတွင်ပါရှိသည့် ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်ချက်နှင့် ကိုက်ညီမှုရှိသည့် ဆေးနှင့် ဆေး ပစ္စည်းများသာ ရောင်းချရန်၊ ဆရာဝန်ညွှန်ကြားချက်မပါသော၊ သက်တမ်းလွန်သော၊ သက် ဆိုင်ရာဌာနများ၏ ထောက်ခံချက်မရရှိသော ဆေးဝါးများ၊ စပ်ဆေးများရောင်းချခြင်းမပြုရန်၊ Mask များ၊ အရက်ပြန်များ၊ Handgel များကို ဈေးနှုန်းမြှင့်တင်ရောင်းချခြင်း၊ ဈေးကစားရောင်းချခြင်းများ မပြုလုပ်ရန်နှင့် ယင်းကဲ့သို့ပစ္စည်းများအား စစ်ဆေးတွေ့ရှိရပါက အရေးကြီးကုန်စည်ဥပဒေအရ အ‌ရေးယူခံရမည်ဖြစ်ကြောင်း ပြောကြားခဲ့ပါသည်။

DOCA(ရန်ကုန်)

          စားသုံးသူရေးရာဦးစီးဌာန၊ မြောင်းမြမြို့နယ်တာဝန်ခံဦးလှထွဋ်ဦးသည် ၂၀၂၂ခုနှစ်၊ ဧပြီလ(၅)ရက်နေ့ နံနက်(၁၀:၀၀)နာရီအချိန်က မြောင်းမြမြို့နယ်တောင်ဒီးကျေးရွာအုပ်စု၊ ရွာသစ်ကျေးရွာဘုန်းကြီးကျောင်းတွင် ကျေးရွာအုပ်ချုပ်ရေးမှူးနှင့် ကျေးရွာနေပြည်သူများအား စားသုံးသူကာကွယ်ရေးအသိပညာပေး ဟောပြောဆွေးနွေးခဲ့ပါသည်။

          ထိုသို့ ဟောပြောဆွေးနွေးရာတွင် မြောင်းမြမြို့နယ် တာဝန်ခံက စားသုံးသူကာကွယ်ရေး ဥပဒေ(၂၀၁၉) ပြဌာန်းချက်ပါ စားသုံးသူ၏အခွင့်အရေးများနှင့် တာဝန်များ၊ စီးပွားရေးလုပ်ငန်းရှင်၏ အခွင့်အရေးနှင့်တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊စားသုံးသူ ကာကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြချက်များနှင့် ကိုက်ညီသောကုန်စည်များအား စိစစ်ရောင်းချရန်၊ ကုန်ပစ္စည်းများရောင်းချရာတွင် ကုန်အညွှန်းအမှတ်အသားများ ပြည့်စုံမှုရှိ/မရှိ စစ်ဆေးဝယ်ယူရောင်းချရန်၊ စီးပွားရေးလုပ်ငန်းရှင်များ လိုက်နာဆောင်ရွက်ရမည့် ညွှန်ကြားချက်များ၊ အရေးယူဆောင်ရွက်မှုများ၊ ပြစ်မှုပြစ်ဒဏ်များ ရှင်းလင်းဆွေးနွေး ဟောပြောခဲ့ပြီး တက်ရောက်လာသောကျေးရွာသားများမှ သိရှိလိုသည်များမေးမြန်းမှုအား ပြန်လည်ရှင်းလင်းဆွေးနွေးဟောပြောခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင် ဦးဆောင်၍  ဒု-ခရိုင်ဦးစီးမှူး ဒေါ်မွန်မွန်စိုးနှင့် ဝန်ထမ်းများအဖွဲ့သည် ဈေးကွက်အတွင်း အရည်အသွေးအာမခံချက်ရှိသည့် ကုန်ပစ္စည်းများ ထုတ်လုပ်ဖြန့်ဖြူးသုံးစွဲနိုင်ရန်၊ အတုအပကင်းစင်လျော့နည်းစေရန်နှင့် ဘေးအန္တရာယ်ကင်းရှင်းစွာ သုံးစွဲနိုင်စေရန်ရည်ရွယ်၍ ဧပြီလ(၄)ရက်နေ့၊ နေ့လယ်(၁:၃၀)အချိန်တွင် ပခုက္ကူမြို့ပေါ်ရှိ အင်ဂျင်ဝိုင်နှင့် စက်သုံးဆီအရောင်းဆိုင်များသို့ သွားရောက်၍ တရားမဝင်စက်ဆီ၊ ချောဆီများ ဈေးကွက်အတွင်း ရောင်းချမှုမရှိစေရေး  ကွင်းဆင်းအသိပညာပေး ဆောင်ရွက်ခဲ့ကြောင်းသိရှိရပါ သည်။

ခရိုင်ဦးစီးမှူးမှ စက်သုံးဆီအရောင်းဆိုင် ပိုင်ရှင်များအား စားသုံးသူကာကွယ်ရေးဥပဒေပါ အကြောင်းအရာများ၊စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ အင်ဂျင်ဝိုင်နှင့် စက်ဆီ၊ ချောဆီရောင်းချသူများအနေဖြင့် တရားဝင်လိုင်စင်ရယူဆောင်ရွက်ထားသည့်ကုမ္ပဏီများမှတင်သွင်း သည့် Product များကိုသာ တင်သွင်းရောင်းချသွားရန်၊ အတုအပပြုလုပ်ရောင်းချသည့် စက်ဆီ၊ ချောဆီများ ရောင်းချခြင်းမပြုရန်၊ အရည်အသွေးမမှန်သည့်စက်ဆီ၊ ချောဆီများကြောင့် ဝယ်ယူ သုံးစွဲသူများ၏ စက်ပစ္စည်းများ ပျက်ဆီးဆုံးရှုံးနစ်နာမှုများမရှိစေရန်၊ ရေသန့်ဗူးအလွတ်များနှင့် ရောင်းချနေသော စက်သုံးဆီများနှင့်စပ်လျဉ်း၍ ထုတ်လုပ်တင်သွင်းသည့် နိုင်ငံ၊ ပစ္စည်းအမျိုးအမည် စသည့် သတင်းအချက်အလက်များအား ဆိုင်တွင်ဗီနိုင်းဖြင့် ချိတ်ဆွဲဖော်ပြထားစေလိုကြောင်း အသေးစိတ်ရှင်းလင်းဆွေးနွေးခဲ့ပါသည်။

ဒု-ခရိုင်ဦးစီးမှူးမှ ဈေးကွက်အတွင်း နာမည်ရရှိပြီးဖြစ်သည့် ထုတ်ကုန်အား တုပ၍ ဆင်တူ ယိုးမှား ပြုလုပ်လာသည်ကို သိရှိရ၍ လုပ်ငန်းရှင်များအနေဖြင့် စိစစ်ဝယ်ယူရောင်းချစေလိုကြောင်း၊ လာရောက်ကမ်းလှမ်းပါကလည်း ဝယ်ယူရောင်းချမှုမပြုရန်၊ မိမိတို့ဆိုင်များတွင် တင်သွင်းရောင်းချ သည့် စက်သုံးဆီများအမျိုးအစားအလိုက် အရည်အသွေးကွာခြားမှုများကို စားသုံးသူများမှ ခွဲခြား သိရှိပြီး စိတ်ကြိုက်ရွေးချယ်ဝယ်ယူနိုင်စေရေး သတင်းအချက်အလက်များအား အသိပေးရှင်းလင်း ဆွေးနွေးပေးစေလိုကြောင်းပြောကြားခဲ့ပါသည်။

စားသုံးသူရေးရာဌာနခွဲတာဝန်ခံမှ ဆွေးနွေးရာတွင် စားသုံးသူအခွင့်အရေးများအကြောင်း၊ ကုန်စည်နှင့်ပတ်သက်၍ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက်ခြင်း၊ စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည်ကို တိုက်ရိုက်ရောင်းချခြင်း(သို့) သွယ်ဝိုက်ရောင်းချခြင်းမှရှောင်ကြဉ်ခြင်း စသည့်အချက်များမှာ  စီးပွားရေးလုပ်ငန်းရှင်၏တာဝန်များ ဖြစ်သောကြောင့် သိရှိလိုက်နာရန်လိုကြောင်း အသိပေးရှင်းလင်းဆွေးနွေးခဲ့ပါသည်။

ထိုကဲ့သို့ နာမည်ရှိအမှတ်တံဆိပ်များအား အတုအပများပြုလုပ်၍ ဈေးကွက်အတွင်း ရောင်းချနေမှုများကို သက်ဆိုင်ရာဌာနများမှ ကွင်းဆင်းစိစစ်ဖော်ထုတ်အရေးယူခြင်း၊ စားသုံးသူများ သိရှိနိုင်စေရန် အသိပေးရှင်းလင်းဆွေးနွေးခြင်းများကို ကျယ်ကျယ်ပြန့်ပြန့်ဆောင်ရွက်လာခြင်းဖြင့် စားသုံးသူများ စိတ်ချလုံခြုံသည့်ကုန်စည်များအား ရွေးချယ်ဝယ်ယူနိုင်သည့်အခွင့်အလမ်းများ ပိုမိုရရှိ လာစေမည်ဖြစ်ပါသည်။

DOCA(မကွေး)