သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင် သည် ဧပြီလ ၄ ရက်နေ့ နံနက်ပိုင်းက အုတ်တွင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၌ ဖွင့်လှစ်သည့် နွေရာသီကျောင်းပိတ်ရက်ကိုယ်ကာယကြံ့ခိုင်မှုအခြေခံ Fitness Dance သင်တန်းသို့ တက်ရောက်သည့် ကျောင်းသားကျောင်းသူများအား စားသုံးသူကာကွယ်ရေးဆိုင်ရာ များကို အသိပညာပေး ဟောပြောခဲ့ပါသည်။

     စားသုံးသူရေးရာဦးစီးဌာန မြို့နယ်တာဝန်ခံသည် ကုန်စည်နှင့်ဝန်ဆောင်မှုများကို ရယူ သုံးစွဲခြင်းကြောင့် စားသုံးသူများနစ်နာဆုံးရှုံးမှု ဖြစ်စေသည့်အကြောင်းရင်းများ၊ စားသုံးသူနစ်နာ ဆုံးရှုံးမှု မဖြစ်စေရန်အတွက် ဦးစီးဌာန၏ ဆောင်ရွက်ချက်များ၊ စားသုံးသူနစ်နာဆုံးရှုံးမှုများ ဖြစ်ပေါ်လာပါက အရေးဆိုတိုင်ကြားနိုင်ခြင်းများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့်အကြောင်းများနှင့် အွန်လိုင်းတွင်ဈေးဝယ်ယူရာတွင် သတိပြုရမည့် အချက်များကို အသိပညာပေးပြောကြားပါသည်။

     ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးဌာနမှူး ဒေါ်ခင်မူမူဝင်းနှင့် အားကစားနှင့်ကာယပညာဦးစီးဌာန၊ မြို့နယ်ဦးစီးဌာနမှူး ဒေါ်သပြေတို့ကလည်း သက်ဆိုင်ရာဌာနအလိုက် သင်တန်းသား၊ သင်တန်းသူများ သိသင့်သိထိုက်သည်များကို အသိပညာပေး ဟောပြောခဲ့ကြောင်းနှင့် ဟောပြောပွဲသို့ သင်တန်းသား၊ သင်တန်းသူ ၂၀ ဦး တက်ရောက်ကြောင်း သိရပါသည်။

DOCA(ပဲခူး)

    မကွေးတိုင်းဒေသကြီး၊ ချောက်ခရိုင်၊ ချောက်မြို့မစျေး၌ သဘာဝပတ်ဝန်းကျင်ထိန်းသိမ်းရေးနှင့် ပြည်သူများ ပလတ်စတစ်လျော့နည်းသုံးစွဲစေရန်ရည်ရွယ်၍ အပတ်စဉ် တနင်္လာနေ့တိုင်း ပလတ်စတစ်အိတ်၊ ကြွပ်ကြွပ်အိတ်များမသုံးစွဲရေးနေ့သတ်မှတ်ပြီး အကောင်အထည်ဖော် ဆောင်ရွက်လျက်ရှိရာ (၅.၅.၂၀၂၅)ရက်နေ့၊ နံနက်(၀၉:၀၀)အချိန်တွင် ပလတ်စတစ်အိတ်ဖြင့် ထုတ်ပိုးရောင်းချခြင်းမရှိစေရန် အတွက် စစ်ဆေးခြင်း၊ ပလတ်စတစ်အိတ်အစား အင်ဖက်၊ ငှက်ပျောဖက်၊ သတင်းစာစက္ကူတို့ဖြင့် အစားထိုးထုတ်ပိုးသုံးစွဲစေရေး အသိပညာပေးခြင်း၊ လက်ကမ်းစာစောင်များ ဖြန့်ဝေခြင်းနှင့်  ဆန်ဆိုင်များအား သတ်မှတ်ရည်ညွှန်းဈေးဖြင့် ရောင်းချခြင်း ရှိ/မရှိစစ်ဆေးခဲ့ရာ ဆန်ဆိုင်များတွင် သတ်မှတ် ရည်ညွှန်းဈေးအတိုင်း ရောင်းချမှုရှိကြောင်း စစ်ဆေး တွေ့ရှိရပါသည်။

    ထိုသို့စစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၏ ကြီးကြပ်မှုဖြင့် မြို့နယ် စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ မြို့နယ်ပတ်ဝန်းကျင်ထိန်းသိမ်းရေးဦးစီးဌာနတို့ပူးပေါင်း၍ မြို့မစျေးအတွင်း နှင့် အပြင်တွင် ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရပါသည်။

DOCA(မကွေး)

    မအူပင်ခရိုင်၊ မအူပင်မြို့နယ် မလတ်တိုကျေးရွာ၊ ခနောင်ကြီး ရွာမှ အွန်လိုင်းမှတ်ပုံတင် လျောက်ထားသူ Chit Hnin Wai (Tharto May May) အလှကုန်နှင့် အထည်အလိပ်၊ အဝတ်အထည် လုပ်ငန်းမှ  Ecomreg system တွင် မှတ်ပုံတင်လျှောက်ထားခဲ့ရာ ဦးစီးဌာနမှ လုပ်ငန်းစစ်ဆေးရန် ကျရောက်လာသဖြင့် Online လုပ်ငန်းသို့ မှတ်ပုံတင်လျှောက်ထားရာတွင် ဖော်ပြထားသော အချက်များနှင့် မြေပြင်အချက်အလက်များ ကိုက်ညီမှုရှိ/မရှိ ကို ၇-၅-၂၀၂၅ ရက်နေ့ နံနက် (၁၀:၃၀)အချိန်က မြေပြင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

    ကွင်းဆင်းစစ်ဆေးဆောင်ရွက်ရာတွင် မအူပင်ခရိုင်ဦးစီးမှူး စစ်ဆေးရေးအရာရှိမှ စစ်ဆေးခဲ့ပြီး အွန်လိုင်းမှတ်ပုံတင် လျောက်ထားသူ Chit Hnin Wai (Tharto May May) အလှကုန်နှင့် အထည်အလိပ်၊ အဝတ်အထည် လုပ်ငန်းမှ  မှတ်ပုံတင်ရာတွင် ထည့်သွင်းလျှောက်ထားလာသည့်အချက်များနှင့် မြေပြင်အချက်အလက်များ ကိုက်ညီမှုရှိ/မရှိ DOCA App ဖြင့် တိုက်ဆိုင်၍ ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ညောင်တုန်းမြို့နယ် တာဝန်ခံရုံးအနေဖြင့် ဒေသတွင်းရောင်းချနေသော စက်သုံးဆီများ အလေးချိန်ပြည့်ဝမှု ရှိစေရေးနှင့် သတ်မှတ်စက်သုံးဆီအလိုက် စံနှုန်းကိုက်ညီမှု ရှိစေရန် စက်သုံးဆီရောနှောမှု မရှိစေရေးကို စစ်ဆေးခြင်း၊ သတ်မှတ်ရည်ညွှန်းဈေးဖြင့် ရောင်းချမှု ရှိမရှိကို စစ်ဆေးခြင်းကို မိတ်ဖက်ဌာနများနှင့် ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ၆-၅-၂၀၂၅ ရက်နေ့ နံနက် (၀၉:၃၀) နာရီအချိန်က ကွင်းဆင်း ဆောင်ရွက်လျက်ရှိပါသည်။

     ကွင်းဆင်းစစ်ဆေးရာတွင် မြို့နယ်တာဝန်ခံရုံးမှ ဒေါ်ချိုမီဇင် ဒု-ဦးစီးမှူးနှင့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် အရံမီးသတ်တပ်ဖွဲ့၊ မြန်မာနိုင်ငံရဲတပ်ဖွဲ့၊ စည်ပင်သာယာရေးအဖွဲ့ တို့ပါဝင်စစ်ဆေးခဲ့ကြပြီး ညောင်တုန်မြို့နယ် ရန်ကုန် -ပုသိမ် ကားလမ်းဘေးတွင် ဖွင့်လှစ်ရောင်းချနေသော Ok၊ MAX၊ အောင်ထက်လင်း၊  ATM ၊ UTT၊ တော်ဝင်သူ၊ ရွှေတံတား၊ ပေါက်ပေါက်ပွင့်၊ ကျော်စံ စသော စက်သုံဆီအရောင်းဆိုင် (၉)ဆိုင်အား စစ်ဆေးခဲ့ရာ မြို့အတွင်း ဖွင့်လှစ်ရောင်းချလျက်ရှိသော စက်သုံးဆီအရောင်းဆိုင်များအားသွားရောက်ပြီး လုပ်ငန်းရှင်များနှင့်တွေ့ဆုံကာ ဒေသခံပြည်သူများ စက်သုံးဆီအဆင်ပြေစွာဝယ်ယူနိုင်ရေးအတွက် စက်သုံးဆီပြတ်လပ်မှုမရှိစေရေးနှင့် ပုံမှန်ဖွင့် လှစ်ရောင်းချနိုင်ရေး ကြိုးပမ်းဆောင်ရွက်ရန်၊ စက်သုံးဆီများ သတ်မှတ်ဈေးနှုန်း ထက်မြှင့်တင် ရောင်းချခြင်းမပြုရန်၊ မီးဘေးလုံခြုံရေးအထူးသတိပြုလိုက်နာဆောင်ရွက်သွားကြရန်တို့ကို ဆွေးနွေးပြောကြားခဲ့သည်။

    ထို့နောက် တာဝန်ရှိသူများက စက်သုံးဆီအရောင်းဆိုင်များအလိုက် စက်သုံးဆီပြတ်လပ်မှု မဖြစ်ပေါ်စေရေး၊ ဆီသိုလှောင်ထားရှိမှုအခြေအနေ၊ မီးဘေးလုံခြုံစိတ်ချရမှု ရှိ/မရှိ၊ မီဘေးကြိုတင်ကာကွယ်ရေးပစ္စည်များ စနစ်တကျစီစဉ်ဆောင်ရွက်ထားမှု ရှိ/မရှိတို့အား လိုက်လံကြည့်ရှုစစ်ဆေးပြီး ဒေသခံပြည်သူများ စက်သုံးဆီအဆင်ပြေစွာ ဝယ်ယူသုံးစွဲနိုင်စေရန်အတွက် စက်သုံးဆီအရောင်းဆိုင်များ ပုံမှန်အတိုင်း ဖွင့်လှစ်ရောင်းချနိုင်ရေး အလေးထားဆောင်ရွက်သွားရန်တို့ကို လုပ်ငန်းရှင်များအား ဆွေးနွေးမှာကြားခဲ့သည်။ မြို့အတွင်းရှိ စက်သုံးဆီအရောင်းဆိုင်များက ဒေသခံပြည်သူများ စက်သုံးဆီအဆင်ပြေစွာဝယ်ယူနိုင်ရေး ပုံမှန်ဖွင့်လှစ်ရောင်းချပေးလျက်ရှိကြောင်း သိရသည်။

DOCA(ဧရာဝတီ)

    ဧရာဝတီတိုင်းဒေသကြီး မအူပင်ခရိုင် ဓနုဖြူမြို့ပေါ်ရှိ စက်သုံးဆီများရောင်းချနေသော ဆီဆိုင်(၇)ဆိုင်အား  ၅-၄-၂၀၂၅ ရက်နေ့ နံနက် ၁၀ နာရီက ဓနုဖြူမြို့နယ် သက်ဆိုင်ရာတာဝန်ရှိသူများက ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

   ထို့သို့ စစ်ဆေးရာတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ် ရဲတပ်ဖွဲ့၊ မြို့နယ်မီးသတ်ဦးစီးဌာန၊ မြို့နယ်စားသုံးသူရေးရာဦးစီးဌာန၊  သက်ဆိုင်ရာတာဝန်ရှိသူများက ဓနုဖြူမြို့ မြို့ပြင်တွင်ရောင်းချနေသာ ရှိ စက်သုံးဆီဆိုင်များတို့တွင် စက်သုံးဆီရောင်းဝယ်မှုနှင့် ပတ်သတ်၍ မေးမြန်းခြင်း၊ စက်သုံးဆီ အရည်အသွေးပြည့်မီမှုရှိ မရှိ စစ်ဆေးခြင်း၊ စက်သုံးဆီရောင်းချရာတွင် အချိန်တွယ်ပြည့်မပြည့် စစ်ဆေးခြင်း၊ ဆီနမူနာများ ရယူစစ်ဆေးပြီး မှတ်တမ်းဓာတ်ပုံရိုက်ခြင်း၊ မီးသတ်ဆေးဘူး ထားရှိမှုရှိ မရှိ၊ စက်သုံးဆီများအား ရောင်းဝယ်ရာတွင် စနစ်တကျ ဆီသိုလှောင်ကန်ထားမှုရှိ မရှိတို့ကို စစ်ဆေးခဲ့ပြီး မီးဘေးလုံခြုံရေးအတွက် အထူးဂရုပြုဆောင်ရွက်ရန် မှာကြားခဲ့ကြောင်း သိရသည်။

DOCA(ဧရာဝတီ)