သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဦးတင်ကိုနှင့်  ဝန်ထမ်း တို့သည် ၂၀၂၅ ခုနှစ်၊ နိုဝင်ဘာလ(၂၄) ရက်နေ့ ၊ နံနက် (၁၁:၃၀) နာရီအချိန်တွင် ကျောင်းကုန်းမြို့နယ် အမှတ်(၅)အတွင်းရှိ ရွှေပြည့်လျှံ နှမ်းကပ် ကွတ်ကီးရောင်းချသောဆိုင်များသို့ ကွင်းဆင်းစစ်ဆေး ခဲ့ကြပါသည်။

     ထိုသို့ ကွင်းဆင်းစစ်ဆေးရာတွင် ဈေးနှုန်းကြီးမြှင့်မှု မရှိစေရေးနှင့်ကုန်ဈေးနှုန်းများ တည်ငြိမ် စေရေးအတွက် ကြပ်မတ်ဆောင်ရွက်လျက်ရှိရာ ဈေးနှုန်းမြှင့်တင် ရောင်းချခြင်းများ ရှိ/မရှိ စစ်ဆေးခဲ့ပြီး အခန်း(၁၈)ပါကုန်ညွှန်းအမှတ်အသားများပြည့်စုံခြင်း ရှိ/မရှိ ကွင်းဆင်းစစ်ဆေးခဲ့ရာ ကုန်ညွှန်းအမှတ်အသားများ ပြည့်စုံခြင်းရှိသဖြင့် ကုန်ညွှန်းအမှတ်အသားများမပြည့်စုံသည့် ကုန်ပစ္စည်းများကို မရောင်းချ ရန် အသိပညာပေးကွင်းဆင်းခဲ့ကြောင်း သတင်းရရှိပါသည်။

(DOCA) ဧရာဝတီ

       ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဦးတင်ကိုနှင့်  ဝန်ထမ်း တို့သည် ၂၀၂၅ ခုနှစ်၊ နိုဝင်ဘာလ(၂၄) ရက်နေ့ ၊ နံနက် (၁၀:၃၀) နာရီအချိန်တွင် မြို့နယ်စည်ပင် သာယာရေးအဖွဲ့တို့နှင့် ပူးပေါင်း၍ မြို့ပေါ် ရပ်ကွက်နှင့် မြို့မဈေးကြီး အတွင်းရှိ အခြေခံစားသောက်ကုန်များအား ကွင်းဆင်းစစ်ဆေး ခဲ့ကြပါသည်။

          ထိုသို့  ကွင်းဆင်းစစ်ဆေးရာတွင် ဈေးနှုန်းကြီးမြှင့်မှု မရှိစေရေးနှင့် ကုန်ဈေးနှုန်းများ တည်ငြိမ်စေရေးအတွက် ကြပ်မတ်ဆောင်ရွက်လျက်ရှိရာ ဈေးနှုန်းမြှင့်တင် ရောင်းချခြင်း၊ သိုလှောင်ခြင်း၊ ဖြန့်ဖြူးရောင်းချမှုများ ရှိ/မရှိ စစ်ဆေးခဲ့ပြီး အသား၊ ငါး အမျိုးအစားအလိုက် ဈေးနှုန်းဈေးကွက် များကို စစ်ဆေးခဲ့ကြပါသည်။ ထို့အပြင် အခြေခံစားသောက်ကုန်များအား သတ်မှတ်ဈေးနှုန်း ဖြင့် ဆိုင်းဘုတ်တင်ရောင်းချခြင်း ရှိ/မရှိ တို့ကို စစ်ဆေးခဲ့ကြောင်း ကွင်းဆင်းစစ်ဆေးမှုအရ သတင်း ရရှိပါသည်။

(DOCA) ဧရာဝတီ

     ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် ၂၀၂၅-ခုနှစ်၊ နိုဝင်ဘာလ (၂၄)ရက်နေ့ နံနက် (10:30)အချိန်တွင် ကျောင်းကုန်းမြို့နယ်တာဝန်ခံရုံးတွင် တွေ့ဆုံဆွေးနွေးခဲ့ပါသည်။

    အဆိုပါဆွေးနွေးမှုတွင် ကျောင်းကုန်းမြို့နယ် ဆန်စက်လုပ်ငန်းရှင်များအနေဖြင့် စားသုံးသူ ပြည်သူများ သက်သာစေရေးအတွက် သက်သာသောဈေးနှုန်းများဖြင့် ရောင်းချပေးရန်၊ ဆန်စက် လုပ်ငန်းရှင်များအနေဖြင့် ဆန်ဈေးနှုန်းများကို မြှင့်တင်ရောင်းချခြင်းမပြုလုပ်ကြရန်နှင့် သတ်မှတ် ရည်ညွှန်းဈေးအတိုင်းရောင်းချပေးရန်၊ ဈေးနှုန်း မြှင့်တင်ရောင်းချခြင်းများမပြုလုပ်ကြရန်၊ Myro မှတ်ပုံတင်ရန်ကျန်ရှိသည့် ဆန်စက်များအား မှတ်ပုံတင်ရန်၊  Myro မှတ်ပုံတင်ရန် လိုအပ်ချက်များကို ပြောကြား ဆွေးနွေးခဲ့ကြောင်း သတင်းရရှိပါသည်။

       (DOCA) ဧရာဝတီ

    ညောင်တုန်းမြို့နယ်၊ ရန်ကုန်-ပုသိမ် ကားလမ်းဘေးရှိ  UAPPT ဆားမလောက် (စုပေါင်းလယ်ယာဆန်စက်) သိုလှောင်ထားသောဆန်/ ဆန်ကွဲ အခြေအနေများ၊ ပြည်ပတင်ပို့နိုင်မှု အခြေအနေများ မြေပြင်သိုလှောင်မှုအခြေအနေများကို စားသုံးသူရေးရာဦးစီးဌာနနှင့်အတူ အဖွဲ့စုံဖြင့် ၂၂-၁၁-၂၀၂၅  ရက်နေ့ နေ့လယ်  ၁၂နာရီအချိန် က ကွင်းဆင်းစစ်ဆေးခဲ့ကြသည်။

   ကွင်းဆင်းစစ်ဆေးရာတွင် ညောင်တုန်းမြို့နယ်ဦးစီးမှူးရုံးမှ ဒေါ်ုမီဇင် ဒု-ဦးစီးမှူး လိုက်ပါပူးပေါင်း စစ်ဆေးခဲ့ပြီး UAPPT ဆန်စက်တာရှိရှိသူနှင့်အတူ သိုလှောင်ရုံအခြေအနေများကို ကြည်ရှု စစ်ဆေးပြီး ဆန်/ ဆန်ကွဲသိုလှောင်ထား ရှိမှုမြေပြင်အမှန်တကယ်အခြေအနေများ၊ ပိုကုန်ဝင်ငွေဝင်ရောက်မှု MyRo မှတ်ပုံတင်ထားမှု ကိုက်ညီမှုရှိ/ မရှိ၊ သိုလှောင်ရုံ ရထုတ်ကျန်၊ ကုန်ကိုက်ညီမှု ရှိ/မရှိကို ကြည့်ရှုခြင်း၊ ပို့ကုန်နှစ်ဆ နိုဝင်ဘာလအထိ ပြည်ပပို့ကုန် ဆန်/ဆန်ကွဲ၊ လယ်ယာထွက်ကုန်နှင့် ရေထွက်ကုန် တင်ပို့မှုအခြေအနေများကို ကြည်ရှု စစ်ဆေးခြင်း ဆန်စပါးထွက်ရှိမှု၊ ကြိတ်ခွဲနိုင်မှုနှင့် ဆန်စပါးဈေးကွက်အခြေအနေများ၊ သိုလှောင်ရုံမှတ်ပုံတင် ဆောင်ရွက်ထားရှိမှု၊ ဆန်စက်မှကြိတ်ခွဲပြီး ဆန်များကို ပြည်တွင်းဈေးကွက်ရောင်းချခြင်းရှိပါက အွန်းလိုင်းရောင်းချမှုလုပ်ငန်းနှင့်ပတ်သက်၍ အွန်လိုင်းမှတ်ပုံတင်ဆောင်ရွက်မှု အခြေအနေများ၊ လစဉ် ရ၊ ထုတ်ကျန် စာရင်းများ MyRo တွင် ဖြည့်သွင်းဆောင်ရွက်ထားရှိမှု စာရင်းများကို ကြည်ရှုစစ်ဆေးခဲ့ပြီး ဌာန၏ လမ်းညွှန်ချက်၊ များကို မှာကြားဆွေးနွေးခဲ့ကြောင်း သိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည် ( ၂၁.၁၁.၂၀၂၅ )ရက်နေ့၊ နေ့လယ်  (၂)နာရီအချိန်တွင် ညောင်တုန်းမြို့   ပဲလုပ်ငန်းရှင်များအသင်း အဖွဲ့ဝင်များနှင့် တွေ့ဆုံ ၍  အသင်း၏လက်ရှိ ဆောင်ရွက်နေမှုများနှင့် ပဲစိုက်ပျိုးထွက်ရှိမှု ဈေးနှုန်းဈေးကွက် အခြေအနေများအာ အသင်းရုံးအဖွဲ့ဝင်များ ၉ရပ်ကွက် နေအိမ်တွင် ဆွေးနွေးခြင်းကို ဆောင်ရွက်ခဲ့ပါသည်။

    ထိုသို့ကွင်းဆင်းဆွေးနွေးရာ ညောင်တုန်းမြို့နယ်၊ စားသုံးသူရေးရာဦးစီးဌာန ဒေါ်ချိုမီဇင် ဒု-ဦးစီးမှူးက မြို့နယ် ဒေသတွင်း  ၂၀၂၅-၂၀၂၆ခုနှစ် ပဲစိုက်ပျိုးပြီးစီးမှု အခြေအနေနှင့် ထွက်ရှိလာသော ပဲများကို ရောင်းဝယ်နေမှုမှ  ရန်ကုန်တင်ပို့မှုအခြေအနေများ၊ ပဲပြည်ပတင်ပို့ရာတွင် အရည်အသွေးပြည့်မီသော ပဲမျိုးစုံ စိုက်ပျိုးထွက်ရှိနိုင်ရေးကို ဆွေးနွေးခြင်း၊ ပဲပေါ်ရာသီတွင် ပဲဈေးနှုန်း ခိုင်မာလာစေရေးတို့ကို ဆွေးနွေးခြင်း ပဲစိုက်ပျိုးထုတ်လုပ်မှု အခြေအနေများ ဧကကုန်ကျစရိတ်သက်သာရေး၊ ပဲအထွက်တိုးရေး၊ဈေးနှုန်းဈေးကွက် ကောင်းမွန်ရေး၊ တောင်သူများအကျိုးဖြစ်ထွန်းရေး၊ အသင်းအဖွဲ့များ ရှင်သန်လည်ပတ် ဆောင်ရွက်မှု အားအောင်မှု လုပ်ငန်းဖွဲ့ဖြိုးတိုးတက်စေရေးအကြောင်းများကို ဆွေးနွေးခဲ့ကြပြီး  သက်ဆိုင်ရာဌာနဆိုင်ရာများမှ စိုက်ပျိုးမှုနည်းပညာများကို လိုက်နာဆောင်ရွက်ပြီး မျိုးကောင်းမျိုး သန့်ရရှိရေး၊ အထွက်နှုန်းကောင်းစေရေး၊ ဈေးကွက်ဖော်ဆောင်ရေး လုပ်ငန်းများအား၊ ပဲများထွက်ရှိလာပါက စိုက်ပျိုးမှု ကုန်ကျစရိတ်နှင့် အထွက်နှုန်း အကျိုးအမြတ် အခြေအနေများကို ကွင်းဆင်း  ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ဧရာဝတီ)