သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ညောင်တုန်းမြို့နယ် တာဝန်ခံရုံးအနေဖြင့် ဒေသတွင်းရောင်းချနေသော စက်သုံးဆီများ အလေးချိန်ပြည့်ဝမှု ရှိစေရေးနှင့် သတ်မှတ်စက်သုံးဆီအလိုက် စံနှုန်းကိုက်ညီမှု ရှိစေရန် စက်သုံးဆီရောနှောမှု မရှိစေရေးကို စစ်ဆေးခြင်း၊ သတ်မှတ်ရည်ညွှန်းဈေးဖြင့် ရောင်းချမှု ရှိမရှိကို စစ်ဆေးခြင်းကို မိတ်ဖက်ဌာနများနှင့် ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ၆-၅-၂၀၂၅ ရက်နေ့ နံနက် (၀၉:၃၀) နာရီအချိန်က ကွင်းဆင်း ဆောင်ရွက်လျက်ရှိပါသည်။

     ကွင်းဆင်းစစ်ဆေးရာတွင် မြို့နယ်တာဝန်ခံရုံးမှ ဒေါ်ချိုမီဇင် ဒု-ဦးစီးမှူးနှင့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် အရံမီးသတ်တပ်ဖွဲ့၊ မြန်မာနိုင်ငံရဲတပ်ဖွဲ့၊ စည်ပင်သာယာရေးအဖွဲ့ တို့ပါဝင်စစ်ဆေးခဲ့ကြပြီး ညောင်တုန်မြို့နယ် ရန်ကုန် -ပုသိမ် ကားလမ်းဘေးတွင် ဖွင့်လှစ်ရောင်းချနေသော Ok၊ MAX၊ အောင်ထက်လင်း၊  ATM ၊ UTT၊ တော်ဝင်သူ၊ ရွှေတံတား၊ ပေါက်ပေါက်ပွင့်၊ ကျော်စံ စသော စက်သုံဆီအရောင်းဆိုင် (၉)ဆိုင်အား စစ်ဆေးခဲ့ရာ မြို့အတွင်း ဖွင့်လှစ်ရောင်းချလျက်ရှိသော စက်သုံးဆီအရောင်းဆိုင်များအားသွားရောက်ပြီး လုပ်ငန်းရှင်များနှင့်တွေ့ဆုံကာ ဒေသခံပြည်သူများ စက်သုံးဆီအဆင်ပြေစွာဝယ်ယူနိုင်ရေးအတွက် စက်သုံးဆီပြတ်လပ်မှုမရှိစေရေးနှင့် ပုံမှန်ဖွင့် လှစ်ရောင်းချနိုင်ရေး ကြိုးပမ်းဆောင်ရွက်ရန်၊ စက်သုံးဆီများ သတ်မှတ်ဈေးနှုန်း ထက်မြှင့်တင် ရောင်းချခြင်းမပြုရန်၊ မီးဘေးလုံခြုံရေးအထူးသတိပြုလိုက်နာဆောင်ရွက်သွားကြရန်တို့ကို ဆွေးနွေးပြောကြားခဲ့သည်။

    ထို့နောက် တာဝန်ရှိသူများက စက်သုံးဆီအရောင်းဆိုင်များအလိုက် စက်သုံးဆီပြတ်လပ်မှု မဖြစ်ပေါ်စေရေး၊ ဆီသိုလှောင်ထားရှိမှုအခြေအနေ၊ မီးဘေးလုံခြုံစိတ်ချရမှု ရှိ/မရှိ၊ မီဘေးကြိုတင်ကာကွယ်ရေးပစ္စည်များ စနစ်တကျစီစဉ်ဆောင်ရွက်ထားမှု ရှိ/မရှိတို့အား လိုက်လံကြည့်ရှုစစ်ဆေးပြီး ဒေသခံပြည်သူများ စက်သုံးဆီအဆင်ပြေစွာ ဝယ်ယူသုံးစွဲနိုင်စေရန်အတွက် စက်သုံးဆီအရောင်းဆိုင်များ ပုံမှန်အတိုင်း ဖွင့်လှစ်ရောင်းချနိုင်ရေး အလေးထားဆောင်ရွက်သွားရန်တို့ကို လုပ်ငန်းရှင်များအား ဆွေးနွေးမှာကြားခဲ့သည်။ မြို့အတွင်းရှိ စက်သုံးဆီအရောင်းဆိုင်များက ဒေသခံပြည်သူများ စက်သုံးဆီအဆင်ပြေစွာဝယ်ယူနိုင်ရေး ပုံမှန်ဖွင့်လှစ်ရောင်းချပေးလျက်ရှိကြောင်း သိရသည်။

DOCA(ဧရာဝတီ)

    ဧရာဝတီတိုင်းဒေသကြီး မအူပင်ခရိုင် ဓနုဖြူမြို့ပေါ်ရှိ စက်သုံးဆီများရောင်းချနေသော ဆီဆိုင်(၇)ဆိုင်အား  ၅-၄-၂၀၂၅ ရက်နေ့ နံနက် ၁၀ နာရီက ဓနုဖြူမြို့နယ် သက်ဆိုင်ရာတာဝန်ရှိသူများက ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

   ထို့သို့ စစ်ဆေးရာတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ် ရဲတပ်ဖွဲ့၊ မြို့နယ်မီးသတ်ဦးစီးဌာန၊ မြို့နယ်စားသုံးသူရေးရာဦးစီးဌာန၊  သက်ဆိုင်ရာတာဝန်ရှိသူများက ဓနုဖြူမြို့ မြို့ပြင်တွင်ရောင်းချနေသာ ရှိ စက်သုံးဆီဆိုင်များတို့တွင် စက်သုံးဆီရောင်းဝယ်မှုနှင့် ပတ်သတ်၍ မေးမြန်းခြင်း၊ စက်သုံးဆီ အရည်အသွေးပြည့်မီမှုရှိ မရှိ စစ်ဆေးခြင်း၊ စက်သုံးဆီရောင်းချရာတွင် အချိန်တွယ်ပြည့်မပြည့် စစ်ဆေးခြင်း၊ ဆီနမူနာများ ရယူစစ်ဆေးပြီး မှတ်တမ်းဓာတ်ပုံရိုက်ခြင်း၊ မီးသတ်ဆေးဘူး ထားရှိမှုရှိ မရှိ၊ စက်သုံးဆီများအား ရောင်းဝယ်ရာတွင် စနစ်တကျ ဆီသိုလှောင်ကန်ထားမှုရှိ မရှိတို့ကို စစ်ဆေးခဲ့ပြီး မီးဘေးလုံခြုံရေးအတွက် အထူးဂရုပြုဆောင်ရွက်ရန် မှာကြားခဲ့ကြောင်း သိရသည်။

DOCA(ဧရာဝတီ)

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။ ပြည်တွင်းလိုအပ်ချက်ကို ဖြည့်ဆည်းပေးနိုင်ရေး စားအုန်းဆီကို ပြည်ပမှ ဝယ်ယူတင်သွင်းရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည် ၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင် ရွက်လျက်ရှိသည်။

    ပြည်ပမှစားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့် ဈေးနှုန်း ဖြစ်ပေါ်မှုများအရ ၂၀၂၅ ခုနှစ်၊မေလ ၁၂ ရက်နေ့မှ  ၁၈ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ကျပ် ၆,၆၂၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီကအသိပေးထုတ်ပြန်ကြေညာထားကြောင်းသိရှိရပါ​သည်။

    ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

    စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင်ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။    စားအုန်းဆီ အဓိကထုတ်လုပ်တင်ပို့သည့် အင်ဒိုနီးရှားနှင့် မလေးရှားနိုင်ငံတို့မှ မြန်မာ နိုင်ငံသို့ CIF စနစ်အရ တင်သွင်းနေသည့် စားအုန်းဆီ တစ်တန်ဈေးနှုန်းမှာ ၂၀၂၅ ခုနှစ်၊ ဇန်နဝါရီလမှဆက်တိုက်ကျဆင်းလာခဲ့ရာ ပြည်တွင်းတစ်ပိဿာလက်ကားရည်ညွှန်းဈေးနှုန်းမှာ လည်း အဆိုပါ ၄ လတာကာလအတွင်း ၆၆၀ကျပ် ကျဆင်းလာကြောင်း သိရှိရပါသည်။

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူ ကာကွယ်ပေးရေးဥပဒေအရ ကုန်စည်(သို့)ဝန်ဆောင်မှုလုပ်ငန်းများနှင့်စပ်လျဉ်း၍ စားသုံးသူနစ်နာ ဆုံးရှုံးမှုများအပေါ် တိုင်ကြားလာ၍သော်လည်းကောင်း၊စားသုံးသူများဘေးအန္တရာယ်ရှိသည်ဟု ထင်မြင် ယူဆရသောကုန်စည်(သို့)ဝန်ဆောင်မှုနှင့် စပ်လျဉ်း၍သော်လည်းကောင်း  စုံစမ်းစစ်ဆေးမှုများ ပြုလုပ် ၍ စားသုံးသူကာကွယ်ရေးဥပဒေနှင့်အညီ ဖြေရှင်းဆောင်ရွက်ပေးလျှက်ရှိပါသည်။

          စားသုံးသူရေးရာဦးစီးဌာန၊ စစ်ဆေးရေးအရာရှိ ဦးဆောင်သောဈေးကွက်စောင့်ကြည့် စစ်ဆေးရေး အဖွဲ့သည် အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်ပြည်သူ့ကျန်းမာရေး၊ မြို့နယ်စည်ပင် သာယာရေးအဖွဲ့နှင့် မြန်မာနိုင်ငံရဲတပ်ဖွဲ့တို့ပူးပေါင်း၍ ၂၀၂၅ ခုနှစ် ဧပြီလ (၂၈)ရက်နေ့ ၊ နံနက် (၁၀း၀၀) အချိန်တွင် မိတ္ထီလာမြို့နယ်ရှိ ဆေးဆိုင်မျာအား ဈေးကွက် စောင့်ကြည့်စစ်ဆေးခဲ့ပါသည်။

          အဆိုပါ ဆေးဆိုင်များအား စစ်ဆေးရာတွင် ဆေးဝါးထားသိုမှု၊ ဖြန့်ဖြူးရောင်းချစနစ်များ၊ စံမညီဆေးဝါးများ၊ သက်တမ်းကုန်ဆေးဝါးများ၊ စပ်ဆေးများရောင်းချခြင်းရှိ/မရှိနှင့် သတ်မှတ်ချက်များ ကိုက်ညီမှုရှိ/မရှိ အခြေနေများအား စစ်ဆေးခဲ့ကြောင်း သတင်းရရှိပါသည်။ DOCA (မန္တလေး)

          စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်၊ ခရိုင်ဦးစီးမှူး၏ လမ်းညွှန်မှုဖြင့် မိတ္ထီလာမြို့နယ်တာဝန်ခံနှင့် ဝန်ထမ်းများသည် (၃၀-၄-၂၀၂၅) ရက်နေ့၊ နံနက် (၁၀း၀၀) နာရီ အချိန်တွင် တောမကျေးရွာ၊ ကားလမ်းဘေးရှိ သီရိမုန့်တီလုပ်ငန်းရှင်နှင့်တွေ့ဆုံ ဆွေးနွေးခဲ့ပါသည်။

          ထိုသို့ဆွေးနွေးရာတွင် ကုန်ကြမ်းအဖြစ် ဆန်ကြမ်း (ငစိန်) ဆန်၊ ပေါ်ဆန်း (ဆန်အလတ်) တို့ကို အသုံးပြုရကြောင်း သိရှိရပြီး၊ ဆန်းကြမ်းတစ်အိတ်လျှင် (၅၅၀၀၀) ကျပ်၊ ပေါ်ဆန်း (ဆလပ်)တစ်အိတ် လျှင် (၆၀၀၀၀) ကျပ်ဖြင့် ဝယ်ယူရပါသည်။ မုန့်တီဖက်ပြုလုပ်ရာတွင် ဆန်ကိုရေစိမ်၍ တခါစိမ်လျှင် သုံးအိတ်၊ သုံးရက်ကြာစိမ်ထားပြီး ကြိတ်ရ၍ ရရှိလာသည်များကို နှစ်ရက်ခန့်ထပ်ထားပြီးမှ စက်ထဲ ထည့်ပြီးရိုက်၍ ပြန်လည်ပြုတ်ရကြောင်း၊ ပြုတ်ပြီးလျှင် စက်ပြန်ရိုက်၍ အနှစ်ရလျှင် ရေနွေးထဲကိုလက် ဖြင့် ညှစ်ထည်၍ ပြန်ဆယ်ပြီးလျှင် ရေအေးထဲထည့်ကာ မုန့်တီရရှိပါကြောင်း သိရှိရ၍ ဆန် သုံးအိတ်ကြိတ်လျှင် အချိန် (၁၅၀) မှ (၂၀၀) ထိ ထွက်ရှိပြီး မုန့်ဖက် တစ်ပိဿာလျှင် (၂၇၀၀) ကျပ်၊ တစ်လတွင် လေးကြိမ်စိမ်ရ၍ ရေသန့် (၃)ဘူးမှ (၁၀)ဘူးထိ အသုံးပြုရပြီး မိတ္ထီလာမြို့နယ်အတွင်းသာ ရောင်းချ သော မိသားစုတစ်နိုင်တစ်ပိုင် လုပ်ငန်းဖြစ်ကြောင်းသိရှိရပါသည်။

          မြန်မာလူမျိုးများအနေနှင့် နေ့စဉ်နံနက်၊ အဆာပြေစာအဖြစ် မုန့်တီ၊ မုန့်ဟင်းခါးတို့ကို နှစ်ခြိုက်စွာ စားသုံးလေ့ရှိရာ မုန့်ဖက်ပြုလုပ်သောလုပ်ငန်းများအနက် မိတ္ထီလာမြို့နယ်ရှိ သီရိမုန့်ဖက်မှာလည်း အရောင်းသွက်သောလုပ်ငန်းဖြစ်ကြောင်းသိရသည်။

          လူတိုင်းနေ့စဉ်နှစ်ခြိုက်စွာ စားသုံးသောအစားအစာဖြစ်၍ စားသုံးသူရေးရာဦးစီးဌာနအနေနှင့် ဘေးအန္တရာယ်ကင်းသော၊ လုံခြုံစိတ်ချရသော အစားအစာအဖြစ် စျေးကွက်တွင်ရေရှည် ရပ်တည်နိုင်ရန် ပညာပေးဆွေးနွေးခဲ့ပါသည်။

DOCA(မန္တလေး)