သတင်းနှင့် လှုပ်ရှားမှုများ

   ၂၀၂၅ ခုနှစ်၊ သြဂုတ်လ ၁၈ ရက်နေ့၊ နံနက် ၁၀:၀၀ နာရီအချိန်တွင် ကော့သောင်မြို့၊ အေးရိပ်ငြိမ်းရပ်ကွက်တွင် သောက်ရေသန့်ထုတ်လုပ်နေသည့် လုပ်ငန်းအား သက်ဆိုင်ရဌာနများ နှင့်အတူ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          အဆိုပါ ကွင်းဆင်းစစ်ဆေးရာတွင် မိမိတို့ထုတ်လုပ်သော သောက်ရေသန့်လုပ်ငန်းများ၌ စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ အချက်အလက်များ ပြည့်စုံ စွာပါရှိခြင်း ရှိ/မရှိ စစ်ဆေးခဲ့ပြီး သက်ဆိုင်ရာဌာနများနှင့် လုပ်ထုံးလုပ်နည်းများကိုလည်း လိုက်နာ ဆောင်ရွက်ရမည်ဖြစ်ကြောင်း၊ ကိုက်ညီမှုမရှိပါက စားသုံးသူကာကွယ်ရေးဥပဒေအရ အရေးယူ ဆောင်ရွက်မည့်အကြောင်း ဆွေးနွေးပြောကြားခဲ့ပြီး သောက်ရေသန့်ထုတ်လုပ်နေသည့် လုပ်ငန်းဆောင်ရွက်နေမှုအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

    ၂၀၂၅ ခုနှစ်၊ သြဂုတ်လ ၁၈ ရက်နေ့ နံနက် ၉:၀၀ နာရီ အချိန်တွင်  ကော့သောင်းမြို့ တရားမဝင်ကုန်သွယ်မှုတိုက်ဖျက်ရေးအထူးအဖွဲ့ဝင်များဖြစ်သော မြို့နယ်စီမံအုပ်ချူပ်ရေးအဖွဲ့၊ ခရိုင်စားသုံးသူရေးရာဦးစီးဌာန၊ မြို့နယ်အကောက်ခွန်ဦးစီးဌာန၊ မြို့နယ်ရဲတပ်ဖွဲ့တို့ ပူးပေါင်း၍ ကော့သောင်းမြို့နယ်ရှိတရားမဝင်ကုန်ပစ္စည်းများဝင်ထွက်နေမှု ရှိ/မရှိ ရှောင်တခင်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

      အဆိုပါ မြို့နယ်တရားမဝင်ကုန်သွယ်မှုတိုက်ဖျက်ရေးအထူးအဖွဲ့ဝင်များသည် ကွင်း ဆင်း စစ်ဆေးရာတွင် ကော့သောင်းမြို့ အေးရိပ်ငြိမ်းရပ်ကွက်၊ ဦးအောင်ဇေယျ(၅)လမ်း၊ ကမ်းနားဆိပ်တွင်  ဦးစိုးအောင်(အဘဦးထွန်းထွန်း) မှတ်ပုံတင်အမှတ် (၆/ကသန(နိုင်) ၀၇၂၂၇၆)ပိုင် တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသော Motorc ycle Tube (2.50-17)(50U Pkg Brand:DEESTONE,C/O:Thailand-2500U ခန့်မှန်း တန်ဖိုးငွေကျပ် (၂၂,၅၀၀,၀၀၀/-)ခန့် ပစ္စည်းများအား တွေ့ရှိသဖြင့် အမှုတွဲအမှတ်၊၁၁-ကသ(တတန)/၂၀၂၅(၀၃၂)ဖြင့်အမှုဖွင့်လှစ်၍ ထိုပစ္စည်း တင်သွင်းလာခြင်းသည် ပင်လယ်ရေကြောင်း အကောက်ခွန်အက်ဥပဒေ၊ ကုန်လမ်းအကောက်ခွန်အက်ဥပဒေအရ အကောက်ခွန်လုပ်ထုံးလုပ်နည်းနှင့်အညီ အရေးယူဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

    ၂၀၂၅ခုနှစ် သြဂုတ်လ ၁၉ ရက်နေ့ နံနက် ၁၀:၀၀ အချိန်တွင် ကော့သောင်းမြို့နယ် ကုန်စျေးနှုန်း တည်ငြိမ်ရေးလုပ်ငန်းအဖွဲ့ဝင်များဖြစ်သည့် မြို့နယ်စီမံအုပ်ချူပ်ရေးအဖွဲ့၊ အထူးစုံ စမ်းစစ်‌ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့ဝင်များနှင့်အတူ ကော့သောင်းမြို့ပေါ် ရှိ သတ်မှတ်ရည်ညွှန်းစျေးနှုန်းဖြင့် လက်လီစားအုန်းဆီ အရောင်းဆိုင်များတွင် စားအုန်းဆီများအား သတ်မှတ်ထားသည့် စျေးနှုန်းထက်မြှင့်တင်ရောင်းချခြင်း ၊ စျေးကစားရန်ရည်ရွယ်ချက်ဖြင့် သိုလှောင်ခြင်း၊ အလေးချိန်တွယ်မှန်ကန်ခြင်း ရှိ/မရှိတို့အား ကွင်းဆင်းစစ်ဆေး ဆောင်ရွက်ခဲ့ပါ ကြောင်း သိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဝန်ထမ်း(၂)ဦးသည် ၂၀၂၅ ခုနှစ်၊ ဩဂုတ်လ (၂၀) ရက်နေ့ နံနက် (၁၀ : ၃၀ )အချိန်တွင် လွိုင်ကော်မြို့ပေါ်ရှိ ဆေးနှင့် ဆေးဝါးဆက်စပ်ပစ္စည်းအရောင်းဆိုင်များသို့ ဈေးနှုန်းမြှင့်တင်ရောင်းချခြင်း၊ ဆေးနှင့်ဆေးပစ္စည်းများပြတ်လပ်ခြင်း၊ စပ်ဆေးများနှင့် သက်တမ်းလွန်ဆေးဝါးများရောင်းချနေမှု ရှိ/မရှိ စစ်ဆေးခြင်းတို့ကို သက်ဆိုင်ရာမိတ်ဖက်ဌာနများနှင့်ပူးပေါင်း၍ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

      ထိုသို့ ဈေးကွက်စောင့်ကြည့်စစ်ဆေးခဲ့ရာတွင် ဆေးဆိုင်များ၌ အိမ်သုံးဆေးဝါးများ နှင့်ဆေးဝါးဆက်စပ်ပစ္စည်းများပြတ်လပ်မှုမရှိကြောင်း၊ သက်တမ်းလွန်ဆေးဝါးများရောင်းချ ခြင်းမရှိကြောင်း၊ ဆေးဝါးများဈေးနှုန်းမြှင့်တင်ရောင်းချခြင်းမရှိဘဲ ဈေးကစားခြင်းအလို့ငှာ သိုလှောင်ထားခြင်းလည်းမရှိကြောင်း၊  ဆေးများကို ရန်ကုန်မြို့၊ မန္တလေးမြို့၊ တောင်ကြီးမြို့၊ အောင်ပန်းမြို့တို့တွင် ဖြန့်ဖြူးရောင်းချနေသောကုမ္ပဏီများထံမှ မှာယူရောင်းချကြောင်း စစ်ဆေးတွေ့ရှိရပြီး ဆေးဆိုင်လုပ်ငန်းရှင်များအနေဖြင့် အစားအသောက်နှင့် ဆေးဝါးကွပ်ကဲရေး ဦးစီးဌာန၏ ဆေးဝါးမှတ်ပုံတင်ပါရှိသော ဆေးဝါးများသာဝယ်ယူရောင်းချကြရန် အသိပညာပေး ဈေးကွက်စောင့်ကြည့်စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

       စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာ နိုင်ငံဆန်စပါးအသင်းချုပ်တို့ ပူးပေါင်း၍ ပြည်တွင်း၌ ဆန်စပါးဖူလုံရေး၊ ပြည်ပသို့ စနစ်တကျ တင်ပို့ ရောင်းချနိုင်ရေး၊ ဆန်စပါးဈေးကွက်နှင့် ဈေးနှုန်းတည်ငြိမ်မှန်ကန်စေရေး၊ သမားရိုးကျရောင်း ဝယ်ခြင်းမဟုတ်သော ဈေးကစားလိုသည့် ရည်ရွယ်ချက်ဖြင့် သိုလှောင်ခြင်း၊ ဈေးနှုန်းမြှင့်တင် ရောင်းချခြင်းများ မဖြစ်ပေါ်စေရေးတို့အတွက် သင့်တင့်မျှတသော ဈေးကွက်ဈေးနှုန်း (Reasanable Matket Price)ကို လစဉ်ထုတ်ပြန်ပေးလျက်ရှိရာ ပဲခူးတိုင်းဒေသကြီး၊ ပြည်ခရိုင်အနေဖြင့် ၂၀၂၅ ခုနှစ်၊ ဩဂုတ်လအတွက် သတ်မှတ်ထုတ်ပြန်ထားစသည့် သင့်တင့်မျှတသော ဈေးကွက်ဈေးနှုန်း ဖြင့် ရောင်းချမှုရှိ/မရှိ (၁၈.၈.၂၀၂၅)ရက်နေ့တွင် ပြည်မြို့ပေါ်ရှိ လက်လီ၊ လက်ကားရောင်းချလျက် ရှိသော ဆန်ဆိုင်ကြီးများ၊ ခရိုင်အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေး အဖွဲ့ တို့ဖြင့် ပူးပေါင်း၍ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။ ကွင်းဆင်းစစ်ဆေးရာတွင် ဆန်ဈေးနှုန်းများအနေဖြင့် ၂၄ ပြည်တစ်အိတ်လျှင် ရွှေဘို ပေါ်ဆန်းမွှေး တစ်အိတ်လျှင် (၁၆၀၀၀၀)ကျပ်၊ ဖျာပုံပေါ်ဆန်းတစ်အိတ်လျှင် (၁၃၅၀၀၀)ကျပ်၊ ဧည့်မထဆန် (၅၉၀၀၀-၆၀၀၀၀)ကျပ်၊ ရိုးနီ (၉၀၀၀၀)ကျပ်နှင့် ပခမ်းမှာ (၇၀၀၀၀)ကျပ်ဈေးဖြင့် ရောင်းချလျက်ရှိကြောင်း ကွင်းဆင်းစစ်ဆေးတွေ့ရှိရပါသည်။

DOCA(ပဲခူး)