သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မှော်ဘီမြို့နယ်ခွဲတာဝန်ခံ ဦးဇော်မျိုးထွန်းနှင့် ဝန်ထမ်းများ သည် မှော်ဘီမြို့မဈေးစည်ပင်သာယာရေးကော်မတီရုံးမှ ဈေးတာဝန်ခံနှင့်ပူးပေါင်း၍ ၂.၄.၂၀၂၅ ရက်နေ့ နံနက်(၁၁:၀၀)နာရီအချိန်တွင် မှော်ဘီမြို့မဈေးအတွင်းရှိ အခြေခံစားကုန်များ၏ ဈေးကွက်ဆိုင်ရာ အခြေအနေနှင့်ဈေးနှုန်းအခြေအနေများကို ကွင်းဆင်းစုံစမ်းစစ်ဆေးခဲ့ပါသည်။

   စာရင်းကောက်ယူစုံစမ်းစစ်ဆေးခဲ့သည့် အခြေခံစားကုန်များဖြစ်သည့် ဆန်၊ ဆီ၊ ကြက်သွန်၊ ကုလားပဲ၊ အာလူး၊ ငရုတ်(ရှည်/ပု)တို့တွင် ဈေးကွက်အတွင်း ဈေးနှုန်းအဆမတန် ကြီးမြင့်မှုမရှိဘဲ ဈေးနှုန်းသင့်တင့်မျှတစွာ ဝယ်ယူစားသုံးနိုင်သည်ကို စိစစ်တွေ့ရှိရပြီး ကြက်ဥ မှာလည်း မြို့နယ်စည်ပင်သာယာရေးကော်မတီမှ ရောင်းချပေးနေခြင်းကြောင့် စားသုံးသူပြည်သူများအနေဖြင့် ဈေးနှုန်း ချိုသာစွာဝယ်ယူစားသုံးနိုင်ကြောင်း၊ ဈေးကွက်အတွင်း ကုန်ပစ္စည်းပုံမှန်ဝင်ရောက်လျက်ရှိနေခြင်း ကြောင့် ပြတ်တောက်မှုမရှိဘဲ အဆင်ပြေလျက် ရှိကြောင်း ပွင့်လင်းရာသီဖြစ်၍ အခြေခံစားကုန်နှင့် ဟင်းသီးဟင်းရွက်များဈေးနှုန်း တည်ငြိမ်လျက်ရှိကြောင်း ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

    ပို့ကုန်ရငွေစိစစ်ကြပ်မတ်ရေးလုပ်ငန်းကော်မတီ၏ (၂/၂၀၂၅)အစည်းအဝေးဆုံးဖြတ်ချက်အရ ၂၀၂၄ ခုနှစ်၊ မတ်လမှ ဒီဇင်ဘာလအတွင်း ပို့ကုန်တင်ပို့ခဲ့ပြီး ပို့ကုန်ရငွေ ပြန်လည် ဝင်ရောက်ရန်ကျန်ရှိသည့်ကုမ္ပဏီအား ၂.၄.၂၀၂၅ ရက်နေ့ နေ့လယ် (၁၄:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေး ပါ(၃)ဦး ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ထိုသို့ဆောင်ရွက်ခဲ့ရာတွင် အမှတ်(၁၀၈)၊ မက္ခရာမင်းသားကြီးလမ်း၊ ဇုန်(၃)၊ လှိုင်သာယာ မြို့နယ်ရှိ U Myat Tun Family Co.,Ltd သို့ သွားရောက်စစ်ဆေးခဲ့ရာ မန်နေဂျာ၊ ဦးမင်းထွန်းဦးအား မေးမြန်းရာ၌ မိမိတို့ကုမ္ပဏီသည် ပဲ Export လုပ်ငန်း လုပ်ကိုင်နေပြီး ပဲ Export ရပ်နားချိန်၌ သိုလှောင်ရုံငှားရမ်းခြင်း လုပ်ကိုင်နေကြောင်း ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

    ၃.၄.၂၀၂၅ ရက်နေ့ နံနက်(၉:၃၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဦးသန်းထိုက်စိုး၊ အငယ်တန်းစာရေးသည် အမှတ်(၆)အခြေခံပညာ အထက်တန်းကျောင်း အင်းစိန်မြို့နယ်၊ ရွာမရပ်ကွက်တွင် ကျောင်းကျန်းမာရေးနှင့်ပတ်သက်၍ အသိပညာပေးဆွေးနွေးပွဲ သို့ တက်ရောက်ခဲ့ပါသည်။

    အဆိုပါ ဆွေးနွေးပွဲသို့ မြို့နယ်ပညာရေးမှူး ဒေါ်ဝင်းဝင်းနွယ်၊၊ မြို့နယ်ပြည်သူ့ ကျန်းမာရေးဦးစီးဌာနမှ မြို့နယ်ကျန်းမာရေးမှူး ဒေါက်တာနွေးအိလှိုင်၊ မိခင်နှင့်ကလေး စောင့်ရှောက်ရေးအသင်း အဖွဲ့ဝင် ဒေါ်ထက်ထက်လှိုင်၊ အင်းစိန်မြို့နယ်ကြက်ခြေနီအသင်းမှ ဦးအောင်နီဝင်း တို့ပါဝင်ဆွေးနွေး ပွဲသို့ တက်ရောက်ခဲ့ပြီး ဒေါက်တာနွေးအိလှိုင်မှ ဆွေးနွေး ပြောကြားရာ၌ ကျောင်းနေအရွယ်ကလေးမှ စ၍ ကျောင်းတွင်း ကျန်းမာရေးအသိရှိစေရန်နှင့် ကျောင်းမုန့်ဈေးတန်းအတွင်းမှ ကျန်းမာရေးနှင့် ညီညွတ်သော အစားအသောက်များသာ ရောင်းချပေးရန် အသိပညာပေးဆွေးနွေးခဲ့ပြီး ဆွေးနွေးပွဲသို့ နေ့လည် (၁၁:၀၀)နာရီအချိန်တွင် ရုပ်သိမ်းခဲ့ပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ ဒုခရိုင်ဦးစီးမှူး ဦးမျိုးအေး ပါ(၄)ဦး အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူး ဦးအောင်စိုးမိုး၊ ဆီကုန်သည်များ အသင်းမှ(၂)ဦးတို့ ပူးပေါင်းပါဝင်လျက် (၁.၄.၂၀၂၅)ရက်နေ့ နေ့လယ် (၁၂:၂၀)အချိန်တွင် ထိန်နှစ်ပင်ကျေးရွာရှိ စားအုန်းဆီလက်လီရောင်းချနေသော ဦးနိုင်လွင်၏ဆိုင်သို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက် ခဲ့ပါသည်။

    ထိုသို့ ဆောင်ရွက်ခဲ့ရာတွင် လက်လီကိုယ်စားလှယ် ဦးနိုင်လွင်မှ မိမိသည် GD Good Golden ကုမ္ပဏီမှ ကိုယ်စားလှယ် ဦးဇေအမည်ဖြင့် ခွဲတမ်းရရှိပါကြောင်း၊ ထိန်နှစ်ပင်ရွာ အပါအဝင် ရွာကြီး(၇) ရွာသို့ နေ့စဉ် နံနက်(၉:၀၀)နာရီမှ ညနေ (၆:၀၀)နာရီထိ ခွဲဝေ ပေးပါကြောင်း၊ ဈေးနှုန်းမှာလည်း သတ်မှတ်ထားသောဈေးနှုန်းထက် ပိုမိုမြှင့်တင်ရောင်းချခြင်း မရှိပါကြောင်း၊ အိမ်ထောင်စုအများစုမှာလည်း အဆင်ပြေစွာဝယ်ယူလျက်ရှိပါကြောင်း၊ ဌာနဆိုင်ရာအသီးသီးမှ သတ်မှတ်ထားသော စည်းကမ်းများအတိုင်း လိုက်နာဆောင်ရွက် ထားပါကြောင်း စာအုပ်စနစ်ဖြင့် အိမ်ထောင်စုတစ်စုလျှင် (၅၀)ကျပ်သားနှုန်းပေးပါကြောင်း ကွင်းဆင်းစစ်ဆေးချက်အရ သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံး၊ ဒုခရိုင်ဦးစီးမှူး ဦးမျိုးအေး ပါ(၄)ဦး အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူး ဦးအောင်စိုးမိုးတို့နှင့်အတူ (၁.၄.၂၀၂၅) ရက်နေ့ နံနက်(၁၀:၃၀)အချိန်တွင် ထန်းတပင်မြို့နယ်၊ အစုကြီးကျေးရွာရှိ မခိုင်ကြီး ကုန်စုံဆိုင်တွင် စားအုန်းဆီလက်လီရောင်းချနေခြင်းအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

     ထိုသို့ဆောင်ရွက်ခဲ့ရာတွင် ဆိုင်ရှင် မခိုင်ခိုင်ဝင်းမှ မိမိရရှိသောခွဲတမ်းအား အိမ်ထောင်စု အလိုက်စာအုပ်စနစ်ဖြင့် ပေးပါကြောင်း၊ နေ့စဉ်ရပ်ကွက်အပိုင်လိုက်ခွဲထားပါကြောင်း၊ ပုံမှန်အားဖြင့် နေ့စဉ် နံနက်(၉)နာရီမှ နေ့လယ်(၃)နာရီထိ ရောင်းချပေးပါကြောင်း၊ ထုတ်ရန် ကျန်သော စာအုပ်များကိုလည်း နောက်တစ်နေ့တွင် ပြန်လည်ထုတ်ပေးပါကြောင်း၊ ရောင်းချရာတွင်လည်း လက်ခံလယ်ဂျာများကို စနစ်တကျရေးသွင်းထားပါကြောင်း စစ်ဆေးတွေ့ရှိရပြီး မိမိတို့ဌာနမှလည်း ဈေးကစားရန် ရည်ရွယ်ချက်ဖြင့် သိုလှောင်ထားခြင်းများရှိပါက အရေးယူဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA(ရန်ကုန်)