သတင်းနှင့် လှုပ်ရှားမှုများ

စားသုံးသူရေးရာဦးစီးဌာနသည်၊ စားသုံးသူကာကွယ်ရေးလုပ်ငန်းစဉ်များအပြငသ်၊ ပြည်တွင်း ကုန်သွယ်မှု ဖွံ့ဖြိုးတိုးတက်ရေး လုပ်ငန်းများကို ကျယ်ကျယ်ပြန့်ပြန့် ကွင်းဆင်းဆောင်ရွက်လျက်ရှိပြီး ဒေသတွင်း ထွက်ကုန်များမှ ပြည်ပတင်ပို့နိုင်ရေး လုပ်ငန်းများ၊ အရည်အသွေးမြှင့်တင်ပို့နိုင်ရေး၊ ထုတ်လုပ်ကုန်စည်များ ရှင်သန်နိုင်ရေး၊ ငွေကြေး၊ အရင်းအနှီး၊ ဈေးကွက်နည်းပညာ၊ လူသားအရင်းအမြစ်ဖွံ့ဖြိုးတိုးတက်ရန် အခြေခံကျသောအပိုင်းဖြစ်သဖြင့် အသင်းအဖွဲ့များ၊ ဆက်လက်ရှင်သန်ဖွံ့ဖြိုးအောင် ဖွဲ့စည်း ပြင်ဆင်ရေးအတွက် စီးပွားရေး လုပ်ငန်းရှင်များဖြင့် ညောင်တုန်းမြို့နယ်ဦးစီးမှူးရုံးတွင် ၇-၇-၂၀၂၅ ရက်နေန့ နေ့လယ်(၁၃:၀၀) နာရီက တွေ့ဆုံဆွေးနွေးခဲ့ကြောင်း သိရသည်။ တွေ့ဆုံဆွေးနွေးရာတွင် ဆန်စက်လုပ်ငန်းရှင်၊ ဆီလုပ်ငန်းရှင်၊ ပဲနှမ်းနှင့် အခြားသော အသင်းအဖွဲ့များနှင့် စားသုံးသူရေးရာဦးစီးဌာနမှ ညောင်တုန်းမြို့နယ်ဦးစီးမှူး ဦးအောင်လွင်နှင့်တွေ့ဆုံ၍ အသင်းအဖွဲ့များ ပြန်လည် ဖွဲ့စည်းရန် ဖွဲ့စည်းပုံပြင်ဆင်ရေးမှာ အားလုံး ပူးပေါင်းဆောင်ရွက်သင့်ကြောင်း၊ ညောင်တုန်းမြို့နယ်တွင် အသင်းအဖွဲ့ ၁၀ခုရှိပြီး ၉ခုမှာ ရှင်သန်နေပြီး ၁ခုမှ ရှင်သန်မှုမရှိကြောင်း၊ ရှင်သန်သောအဖွဲ့များ ပြန်လည် ပြင်ဆင်ဖွဲ့စည်း၍ လုပ်ငန်း များကို ဖွံ့ဖြိုးတိုးတက်အောင် ဆောင်ရွက်နိုင်ရန် အသင်းအဖွဲ့ တည်ထောင်ခြင်း၏ အဆင့် ၅ဆင့်တည်ဆောက်မှု ဖြင့် အားကောင်းအောင် ဆောင်ရွက်ရန်၊ အသင်းအဖွဲ့၊ အစုအဖွဲ့၏ အသက်မွေးဝမ်းကြောင်းလမ်းတစ်လျှောက်မှာ အဖွဲ့ကို အားကောင်းအောင်လုပ်ဆောင်ပါက ပိုမိုကောင်းမွန်တဲ့အဖွဲ့တစ်ဖွဲ့အောင် လုပ်ဆောင်သင့်ကြောင်း၊ သိုမှသာ ဒေသတွင် ဖွံ့ဖြိုးတိုးတက်ရေး လုပ်ငန်းများ လုပ်ဆောင်နိုင်မည်ဖြစ်ကြောင်း အသင်းအဖွဲ့ပြင်ဆင်နိုင်ရေးအတွက် ၂၀၂၅-၂၀၂၈ ကာလအတွက် ပြန်လည်ရွေးချယ်ဖွဲ့စည်းရာတွင် မြင်သာသော စည်ကမ်းချက်များနှင့်အညီ ဖွဲ့စည်းနိုင်ရန် ဖွဲစည်းပြီးလျင် အဆင့်ဆင်တင်ပြဆောင်ရွက်ပြီး စည်မျည်း စည်းကမ်းများနှင့်အညီ ဖွဲစည်းဆောင်ရွက်ရန်နှင့် ၁၃-၇-၂၀၂၅ ရက်နေ့တွင် ညောင်တုန်းမြို့နယ် ဆန်စက်အသင့်ရုံးတွင် ဆန်စက်လုပ်ငန်း၇ှင်များအသင့်ကို ဖွဲ့စည်း သွားမည်ဖြစ်ကြောင်းနှင့် ညောင်တုန်းမြို့နယ် အမှုဆောင်အဖွဲ့ ရွေးချယ်တင်မြှောက်ရေး လုပ်ငန်းကော်မတီကိုလည်း အဖွဲ့ဝင် ၅ဦးနှင့်အတူ ဖွဲ့စည်းပြီးစီးမှူးကို တင်ပြဆောင်ရွက်ပီဲးဖြစ်ကြောင်း တို့ကို ဆွေးနွေးခဲ့ကြောင်း သိရသည်။ DOCA(ဧရာဝတီ)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ်တာဝန်ခံ ဦးအောင်မိုး နှင့်ဝန်ထမ်းသည် (၇.၇.၂၀၂၅) ရက်နေ့ နံနက်(၁၁:၀၀)အချိန်တွင် ကျူံမငေးမြို့နယ် စည်ပင်သာယာရေး ရုံးခန်းတွင် ကုန်မျိုးစုံလုပ်ငန်းရှင် များအားခေါ်ယူ၍ စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ပါသည်။ ထိုသို့ဟောပြောဆောင်ရွက်ရာတွင် ဝါးခယ်မမြို့နယ် စားသုံးသူရေးရာဦးစီးဌာနတာဝန်ခံမှ ကျုံမငေးမြို့ စည်ပင်သာယာရေးရုံးခန်းတွင် ကုန်မျိုးစုံလုပ်ငန်းရှင်များအား ကုန်ပစ္စည်းများရောင်းချနေမှုအပေါ် သတ်မှတ်ရည်ညွှန်း ဈေးနှုန်းဖြင့်ရောင်းချရန်၊ ဈေးနှုန်းမြှင့်တင်ရောင်းချခြင်းမရှိစေရန်၊ စည်းမျဉ်းစည်းကမ်းများနှင့်အညီစနစ်တကျ ဖြန့်ဖြူး ရောင်းချကြရန် ရှင်းလင်း ပြောကြားခဲ့ပြီး မိမိတို့ဌာနအနေဖြင့် လက်ရှိဆောင်ရွက်လျက်ရှိသော လုပ်ငန်းတာဝန်များ၊ ရှေ့ဆက်လုပ်ဆောင်ရွက်ရမည့် လုပ်ငန်းတာဝန်များအား ဦးစွာရှင်းလင်းပြောကြားခဲပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသောစားသုံးသူကာကွယ်ရေးဥပဒေ (၂၀၁၉)ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားလုပ်ငန်း၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ ရေးသား ဖော်ပြရမည်ဖြစ်ကြောင်း ဟောပြော ဆွေးနွေးခဲ့ပါသည်။ ထို့ဟောပြောတွေ့ဆုံပွဲသို့ ကုန်မျိုးစုံ လုပ်ငန်းရှင် (၁၂) ဦး တက်ရောက်ခဲ့ကြောင်း သိရှိရပါသည်။ DOCA( ဧရာဝတီ)

ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ ကျေးရွာများတွင် မိုးစပါးများကို ပြည်တွင်းစားနပ်ရိက္ခာဖူလုံစေရေး၊ ပြည်ပဝင်ငွေရရှိစေရန် တောင်သူများ သီးနှံဝင်ငွေတိုးပွား စေရန် စက်ပိုင်၊ ကုန်သည်၊ ပွဲစားများအား အလုပ်အကိုင်ရရှိစေရန်တို့အတွက် နှစ်စဉ် တစ်မြို့နယ် လုံးတွင် လယ်ဧက (၁)သိန်းကျော်ခန့်အား တောင်သူများက ထွန်ယက်စိုက်ပျိုး ထုတ်လုပ်လျှက် ရှိရာ စိုက်ပျိုးဧကနှင့် အထွက်နှုန်းများ၏ မြေပြင်အခြေအနေများကို သိရှိရန်အတွက် စားသုံးသူ ရေးရာဦးစီးဌာန ခရမ်းမြို့နယ်တာဝန်ခံနှင့် ဝန်ထမ်းများသည် ကျေးရွာများသို့ ကွင်းဆင်း၍ စိုက်ပျိုးထုတ်လုပ်သူ တောင်သူများနှင့် တွေ့ဆုံပြီး လေ့လာခဲ့ကြောင်း သိရှိရပါသည်။ ထိုသို့ ကွင်းဆင်းလေ့လာခဲ့ရာတွင် ခရမ်းမြို့နယ်ရှိ ဖိုဂံတောင်ကျေးရွာ၊ လက်ပန်းတန်း ကျေးရွာ၊ စွယ်တော်ကွင်းကျေးရွာများရှိ တောင်သူများနှင့် တွေ့ဆုံလေ့လာခဲ့ရာတွင် ယခင်နှစ် (၂၀၂၄-၂၀၂၅) ခုနှစ် မိုးစပါးစိုက်ပျိုးထုတ်လုပ်မှုတွင် မိုးစပါးရိတ်သိမ်းချိန်တွင် မိုးရွာသွန်းမှုများ ရှိခြင်းကြောင့် စပါးပင်များလဲ၍ အထွက်နှုန်းများ လျော့ကျခြင်းများရှိခဲ့၍ တောင်သူအများစုမှာ စိုက်ပျိုးရိတ်သိမ်း အရင်းသာရခြင်း၊ အချို့တောင်သူများ အရှုံးပေါ်ခြင်းများ ရှိခဲ့ပါကြောင်း၊ ယခု နှစ် (၂၀၂၅-၂၀၂၆) ခုနှစ်မိုးစပါးများကိုလည်း မေလဆန်းမှစ၍ ထွက်ယက်ပြီး စပါးများ ကြဲပတ် စိုက်ပျိုးခဲ့ရာ စပါးပင်သက်တမ်း(၂)လခန့် ရှိပြီဖြစ်ပြီး ယခုအချိန်အထိ ရာသီဥတုမှာ မိုးရေချိန် ပြည့်မီစွာရွာသွန်းခြင်း၊ ပိုးမွှားကျရောက်မှု မရှိသေးခြင်းကြောင့် မိုးစပါးများ ဖြစ်ထွန်းလျက်ရှိနေ ပြီး စပါးအထွက်နှုန်းများ ကောင်းမွန်စေရေးအတွက် လိုအပ်သော ဓာတ်မြေဩဇာ၊ ပိုးသတ်ဆေးများ ဌာနအနေဖြင့် ပံ့ပိုးပေးမှုများရှိလျှင် ကောင်းမည်ဖြစ်ပြီး သီးနှံထွက်ရှိချိန်တွင်လည်း စပါးဈေးကောင်းများရရှိလျှင် တောင်သူများ အကျိုးအမြတ်ရရှိပြီး စိုက်ဘဏ်ချေးငွေများ အကြေပြန်လည် ပေးဆပ်နိုင်၍ တောင်သူများ၏ လူနေမှုဘဝများ မြင့်မားလာနိုင်မည်ဖြစ်ကြောင်း စပါးစိုက်တောင်သူများက ဖြေကြားခဲ့ကြောင်း သိရှိရပါသည်။ DOCA(ရန်ကုန်)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊လပွတ္တာမြို့နယ်တာဝန်ခံဦးမြင့်ဌေးနှင့် ဝန်ထမ်းများသည်(၇.၇.၂၀၂၅)ရက်နေ့၊ နံနက်(၈:၀၀)အချိန်တွင် အထွေထွေအုပ်ချုပ်ရေးဦးစီးဌာန၊ တိရစ္ဆာန် မွေးမြူရေးနှင့်ကူသရေးဦးစီးဌာနတို့နှင့် ပူးပေါင်း၍ အမှတ်(၆)ရပ်ကွက်၊ရွေးနဒီဈေးတွင် ဆန်၊ စားအုန်းဆီ၊ ကြက်ဥ၊ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။ ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၃၀)၊ ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၆၈၀၀) အစရှိသည့်သက်သာသော ဈေးနှုန်းများဖြင့် စားသုံးသူပြည်သူ များအား မည်သူမဆိုလွတ်လပ်စွာဝယ် ယူနိုင်ရန် ရောင်းချပေးခဲ့ကြောင်း သိရှိရပါသည်။ DOCA( ဧရာဝတီ)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ် တာဝန်ခံ ဦးအောင်မိုးနှင့် ဝန်ထမ်းများသည်(၇.၇.၂၀၂၅)ရက်နေ့၊ နံနက်(၇;၃၀)အချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် မြို့နယ်ဆန်စက်လုပ်ငန်းရှင်များ အသင်းရုံးရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။ ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊ ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀) အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူ များအား မည်သူမဆိုလွတ်လပ်စွာဝယ် ယူနိုင်ရန် ရောင်းချပေးခဲ့ကြောင်း သိရှိရပါသည်။ DOCA( ဧရာဝတီ)