သတင်းနှင့် လှုပ်ရှားမှုများ

ပခုက္ကူခရိုင်ဦးစီးမှူးရုံးမှ ၂၀၂၅ ခုနှစ်၊ ဇွန်လအတွင်း စားသုံးသူကာကွယ်ရေးအသိပညာပေးခြင်း ဆောင်ရွက်နိုင်မှုအခြေအနေ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေးနှင့် အခွင့် အရေးနှင့်တာဝန်များအားသိရှိပြီး ဘေးအန္တာရာယ်ကင်းရှင်းစေရန် ရည်ရွယ်၍ စဉ်ဆက်မပြတ် အသိ ပညာပေးဆောင်ရွက်လျက်ရှိပါသည်။ ပခုက္ကူခရိုင်အနေဖြင့် ၂၀၂၅ခုနှစ်၊ ဇွန်လအတွင်း ခရိုင်ဦးစီးမှူးမှဦးဆောင်၍ ပခုက္ကူ စားသုံး သူရေးရာဌာနခွဲတာဝန်ခံနှင့်ဝန်ထမ်းများသည် ပခုက္ကူခရိုင်ဦးစီးမှူးရုံး၌ မိဘပြည်သူများအား အသိ ပညာပေးခြင်း၊ မီးသတ်ဦးစီးဌာန၌ ခရိုင်/မြို့နယ်ဦးစီးမှူးနှင့်ဝန်ထမ်းများ၊ နယ်စပ်ဒေသတိုင်းရင်း သားလူငယ်များဖွံ့ဖြိုးရေးသင်တန်းကျောင်း၌ ကျောင်းအုပ်ဆရာကြီးနှင့် သင်တန်းသား၊ သင်တန်း သူများ၊ ပခုက္ကူပညာရေးဒီဂရီကောလိပ်၌ ကျောင်းအုပ်ဆရာမကြီးနှင့် သင်တန်းဆရာ၊ ဆရာမများ၊ ဆိပ်ဖြူမြို့နယ်တာဝန်ခံမှ ဆိပ်ဖြူမြို့၊ အခြေခံပညာအထက်တန်းကျောင်းနှင့် ရေလယ်ကျွန်း ကျေးရွာရှိ အခြေခံပညာမူလတန်းကျောင်း၌ ဆရာ၊ ဆရာမနှင့် ကျောင်းသား၊ ကျောင်းသူများအား စားသုံးသူကာကွယ်ရေး အသိပညာပေးခြင်း၊ စုစုပေါင်းအသိပညာပေး(၆)ကြိမ် ဆောင်ရွက်ခဲ့ကြောင်း သိရသည်။ ဂန့်ဂေါခရိုင်အနေဖြင့် ဂန့်ဂေါမြို့၊ အခြေခံပညာအထက်တန်းကျောင်း၌ ဆရာ၊ ဆရာမနှင့် ကျောင်းသား၊ ကျောင်းသူများအား အသိပညာပေးခြင်း(၁)ကြိမ်ဆောင်ရွက်ခဲ့ပြီး ပခုက္ကူခရိုင်မှ အသိ ပညာပေးခြင်း(၆)ကြိမ်နှင့် ဂန့်ဂေါခရိုင်မှ အသိပညာပေးခြင်း(၁)ကြိမ်၊ စုစုပေါင်း(၇)ကြိမ် ဟောပြော ဆွေးနွေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။ DOCA(မကွေး)

ပခုက္ကူခရိုင်ဦးစီးမှူးရုံးမှ ၂၀၂၅ခုနှစ်၊ ဇွန်လအတွင်း ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့်ကြည့်စစ်ဆေးခြင်း ဆောင်ရွက်နိုင်မှုအခြေအနေ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်မှုဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသား များ ပြည့်စုံစွာ ထည့်သွင်းဖော်ပြထားခြင်းရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှု ရှိ/မရှိဈေးကွက်စောင့်ကြည့် စစ်ဆေး ခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးရာတွင် မိတ်ဘက်ဌာနဆိုင်ရာ များနှင့် ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများကဦးဆောင်၍ သော်လည်းကောင်း ဆောင်ရွက်လျက်ရှိပါသည်။ ပခုက္ကူခရိုင်အနေဖြင့် ဇွန်လအတွင်းတွင် ခရိုင်ဦးစီးမှူးနှင့် ဦးစီးအရာရှိတို့မှဦးဆောင်၍ ပခုက္ကူမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် ဝန်ထမ်းများသည် သောက်ရေ သန့်အမျိုးမျိုးအား ဦးစားပေးကုန်စည်အဖြစ် ကုန်အညွှန်းအမှတ်အသားများ ပြည့်စုံစွာထည့်သွင်း ဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးရာတွင် ပခုက္ကူမြို့တွင် မြို့မဈေးနှင့် မြို့ပေါ် ရပ်ကွက်များရှိ ကုန်စုံဆိုင်၊ စတိုးဆိုင်များတွင် (၅)ကြိမ်၊ ဆိပ်ဖြူမြို့နယ်မှ အနောက်ပိုင်း ရပ်ကွက်ရှိ စတိုးဆိုင်တွင်(၁)ကြိမ်၊ ဂန့်ဂေါမြို့မဈေးရှိ ကုန်စုံဆိုင်များတွင် (၁)ကြိမ်၊ စုစုပေါင်းဈေးကွက် စောင့် ကြည့်စစ်ဆေးခြင်း(၇)ကြိမ်၊ ဈေးကွက်မရောက်မီ ဆုံဆီထုတ်လုပ်ဖြန့်ဖြူးရောင်းချသည့် လုပ်ငန်း ရှင်များထံသို့ ကွင်းဆင်းဆောင်ရွက်ခြင်းအား ပခုက္ကူမြို့မှ(၂)ကြိမ်၊ အစားအသောက်နှင့် ဆေးဝါး ကွပ်ကဲရေးဦးစီးဌာနမှ ထောက်ခံချက်မပါရှိသော Sprite အစိမ်းရောင်ပလတ်စတစ်ဘူး အချိုရည်များ ဈေးကွက်အတွင်းရောင်းချခြင်းရှိ/မရှိ ပခုက္ကူမှ (၂)ကြိမ်၊ ဆိပ်ဖြူမြို့နယ်မှ (၁)ကြိမ်၊ Signal သွားတိုက်ဆေးအတုများ ဈေးကွက်အတွင်း ရောင်းချခြင်း ရှိ/မရှိ ပခုက္ကူမှ(၁)ကြိမ်၊ ဆိပ်ဖြူမြို့နယ်မှ (၁)ကြိမ်၊ အထူးဈေးကွက်အနေဖြင့် စားသုံးဆီနှင့် စက်သုံးဆီအား သတ်မှတ် ရည်ညွှန်းဈေးများနှင့် အချဉ်အတွယ်မှန်ကန်မှုရှိစေရန် မိတ်ဖက်ဌာနများနှင့် ပူးပေါင်းဆောင်ရွက် ကွင်းဆင်းခဲ့ကြပြီး ဌာန ၏ဥပဒေ၊ အမိန့်နှင့်ညွှန်ကြားချက်ပါအကြောင်းအရာများကို အသိပညာပေးဆွေးနွေးခြင်းများ ဆောင် ရွက်ခဲ့ကြောင်း သိရသည်။ ထို့ပြင် အွန်လိုင်းမှတ်ပုံတင်ခြင်းဆိုင်ရာများနှင့်စပ်လျဉ်း၍ ပခုက္ကူမြို့ပေါ်ရှိ အွန်လိုင်းစနစ်ဖြင့် ရောင်းချသည့် လုပ်ငန်းရှင်ထံသို့ သွားရောက်၍ အွန်လိုင်းမှတ်ပုံတင်ခြင်းဆိုင်ရာ အကြောင်းအရာ များကို အသိပညာပေးခြင်း၊ မိမိတို့ ထုတ်လုပ်သည့် ကုန်စည်များတွင် ကုန်အညွှန်းအမှတ်အသားများ ပြည့်စုံစွာ ဖော်စေရန်တို့ကို အသိပညာပေးခြင်း၊ အစားအသောက်ရောင်းချသည့် ဝန်ဆောင်မှုကဏ္ဍ အနေဖြင့်လည်း ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့် ပူးပေါင်း၍ စားသောက် ဆိုင်များသို့ သွားရောက်၍ အစားအသောက်ရောင်းချသည့် ဝန်ဆောင်မှုကဏ္ဍအား အသိပညာပေး ဆွေးနွေးခြင်း ပြုလုပ်ဆောင်ရွက်ခဲ့ကြောင်း သိရှိရပါသည်။ DOCA(မကွေး)

ပခုက္ကူဈေးကွက်တွင် ကုလားပဲဈေးငြိမ်ပြီး အရောင်းအဝယ်ဖြစ်နေ

သတင်းနှင့် လှုပ်ရှားမှုများ

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် ပဲမျိုးစုံအရောင်းအဝယ်ဖြစ်လျက်ရှိရာ ၂၀၂၅ခုနှစ်၊ ဇူလိုင်လ(ပထမပတ်)အစောပိုင်းတွင် ပြည်တွင်းသုံးကုလားပဲဈေးငြိမ်၍ အရောင်းအဝယ် ဖြစ်လျက်ရှိပြီး ဈေးကွက်သို့ ကုလားပဲသီးနှံ စိုက်ပျိုးရာဒေသများဖြစ်သော ပခုက္ကူမြို့နယ်အတွင်းရှိ ကျေးရွာများ၊ မြစ်ခြေ၊ ကမ္မ၊ မြိုင်၊ ပေါက်၊ ရေစကြို မြို့နယ်တွင်းရှိ ကျေးရွာများအပြင် မန္တလေးတိုင်းဒေသကြီး၊ ညောင်ဦးမြို့နယ်အတွင်းရှိ ကျေးရွာများနှင့် စစ်ကိုင်းတိုင်းဒေသကြီး အတွင်းရှိကျေးရွာများမှ အများဆုံးဝင်ရောက် အရောင်းအဝယ်ဖြစ်ကြောင်း၊ ယခုအချိန်တွင် တောင်သူ များတွင် သီးနှံလက်ကျန်နည်းချိန်ရောက်ရှိပြီး ကုန်သည်ကြီးများမှ ဝယ်ယူသိုလှောင်ထားရှိသော ကုလားပဲများကို ရောင်းချဖြန့်ဖြူးလျက်ရှိကြောင်း သိရှိရသည်။ ၂၀၂၅ခုနှစ်၊ ဇူလိုင်လ(ပထမပတ်)တွင် ကုလားပဲမျိုးစုံ အရောင်းအဝယ်ဖြစ်လျက်ရှိရာ ဈေးနှုန်းအနေဖြင့် (V2)တစ်တင်းလျှင် ကျပ်(၈၉၀၀၀-၈၈၅၀၀)၊ ကုလားပဲ(V6) တစ်တင်းလျှင် ကျပ် (၉၀၀၀၀-၈၈၀၀၀)၊ ကုလားပဲ(HL) တစ်တင်းလျှင် ကျပ်(၈၇၀၀၀)၊ ကုလားပဲ(929) တစ်တင်းလျှင် ကျပ်(၈၈၀၀၀) အရောင်းအဝယ်ဖြစ်ခဲ့ပြီး ယခင်ဇွန်လ(စတုတ္ထပတ်)နှင့် ဈေးနှုန်းနှိုင်းယှဉ်ပါက ဈေးငြိမ်၍ အရောင်းအဝယ်ဖြစ်လျက်ရှိကြောင်း၊ ပွဲရုံဈေးကွက်တွင် နေ့စဉ် ပိဿာ(၂၀)ဝင်အိတ် (၁၅၀၀ မှ ၂၀၀၀)ခန့်ထိ အရောင်းအဝယ်ဖြစ်ကြောင်း၊ ပခုက္ကူပွဲရုံ ဈေးကွက်သို့ ဝင်ရောက်သည့် ကုလားပဲများကို တန်ဖိုးမြှင့်ထုတ်ကုန် အမျိုးမျိုး ထုတ်လုပ်လျက်ရှိသော မြို့ပေါ်ရှိ ပဲခွဲစက်လုပ်ငန်း ရှင်များ၊ ပဲကြော်/ပဲမုန့် (အစိမ်း/အကျက်)ထုတ်လုပ်သော လုပ်ငန်းရှင်များမှ ဝယ်ယူမှုများကြောင်း၊ ကုလားပဲဈေးမြင့်တက်၍ ကုလားပဲခြမ်းများလည်း တစ်ပြည်လျှင် ကျပ်(၈၀၀၀)ဈေးဖြင့် အရောင်း အဝယ်ဖြစ်ကြောင်း၊ ဒေသတွင်း ဝယ်ယူသုံးစွဲမှုအပြင် ရန်ကုန်၊ မန္တလေး ဈေးကွက်သို့ အများဆုံး တင်ပို့ကြောင်း၊ ကုလားပဲသီးနှံသည် ကျန်းမာရေးနှင့်ညီညွတ်ပြီး ပြည်တွင်းစားသုံးမှုများ၍ ယခု အချိန်တွင် ရောင်းလိုအားဝယ်လိုအားကောင်းပြီး အရောင်းအဝယ်သွက်လျက်ရှိကြောင်း မြို့ပေါ်ရှိ ပဲရောင်းဝယ်ရေး လုပ်ငန်းရှင်တစ်ဦးထံမှ သိရှိရပါသည်။ DOCA(မကွေး)

ဘိုကလေးမြို့ မူလွန်အောက်ပိုင်းကျောင်းရှိ ဆရာ/ဆရာမ ၊ ကျောင်းသား/သူများအား စားသုံးသူ ကာကွယ်ရေး အသိပညာပေးခြင်း

သတင်းနှင့် လှုပ်ရှားမှုများ

ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံဝန်ထမ်းတို့သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ ၂၀၂၅ ခုနှစ်၊ ဇူလိုင်လ(၄) ရက်နေ့၊ နံနက် (၁၀:၃၀) နာရီအချိန်တွင် မူလွန်အောက်ပိုင်းကျောင်းရှိ ဆရာ/ဆရာမ (၁၃) ဦး၊ ကျောင်းသား/ သူ(၁၂၀) ဦး၊ စုစုပေါင်း (၁၃၃) ဦးအား စားသုံးသူကာကွယ်ရေး အသိပညာပေး ဆောင်ရွက်ခဲ့ပါသည်။ အဆိုပါ အသိပညာပေးဟောပြောပွဲတွင် စားသုံးရန်မသင့်သော အစားအစာများအကြောင်း၊ ဘေးအန္တရာယ်ရှိသော ဓာတုဆိုးဆေးများအကြောင်း၊ စားသုံးသူကာကွယ်ရေး ဥပဒေပါ ကုန်အညွှန်းအမှတ်အသား ဖော်ပြချက်များအကြောင်း၊ စားသုံးသူများ ဝယ်ယူစားသုံးရာတွင် မြန်မာဘာသာ(သို့) အခြားဘာသာတစ်ခုထက်ပို၍ ဖော်ပြထားသော ကုန်စည်များကိုသာ ရွေးချယ်ဝယ်ယူ စားသုံးကြရန် နှင့် စားသုံးသူများ၏ အခွင့်အရေးများအကြောင်း အသိပညာပေး ဟောပြောခဲ့မှုအပေါ် သတင်းရရှိပါသည်။ DOCA(ဧရာဝတီ)

ဒေးဒရဲမြို့မဈေးအတွင်းရှိ မုန့်မျိုးစုံ အရောင်းဆိုင်များတွင် ရောင်းချနေသော မုန့်များအား ကုန်အညွှန်းအမှတ်အသား ပြည့်စုံမှုရှိ/မရှိ ကွင်းဆင်းစစ်ဆေး

သတင်းနှင့် လှုပ်ရှားမှုများ

ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ ၂၀၂၅ ခုနှစ်၊ ဇူလိုင်လ(၂) ရက်နေ့၊ နံနက် (၁၀:၀၀) နာရီအချိန်တွင် ဒေးဒရဲမြို့မဈေးအတွင်းရှိ မုန့်မျိုးစုံ အရောင်းဆိုင်များတွင် ရောင်းချနေသော မုန့်များအား ကုန်အညွှန်းအမှတ်အသား ပြည့်စုံမှုရှိ/မရှိ ကွင်းဆင်း စစ်ဆေးခဲ့ကြပါသည်။ အဆိုပါကွင်းဆင်းစစ်ဆေးရာတွင် မြို့မဈေးအတွင်း ရောင်းချနေသော အသင့်စားမုန့် အမျိုးမျိုး တွင် စားသုံးသူများ ဘေးအန္တရာယ်ကင်းရှင်းစေရေးအတွက် FDA ထောက်ခံချက်အမှတ်၊ ထုတ်လုပ်သည့် ရက်စွဲ၊ သက်တမ်း ကုန်ဆုံးသည့်ရက်စွဲ၊ ပါဝင်ပစ္စည်း ဖော်ပြထားရှိမှု၊ မြန်မာဘာသာ ဖြင့် ဖော်ပြထားရှိမှု အခြေအနေတို့အား စည်ပင်သာယာရေးအဖွဲ့နှင့် ပူးပေါင်း၍ ကုန်အညွှန်းအမှတ်အသား ပြည့်စုံမှုရှိ/ မရှိ ကွင်းဆင်းစစ်ဆေးခဲ့ကြောင်း သတင်းရရှိပါသည်။ DOCA(ဧရာဝတီ)

ကျိုက်လတ်မြို့နယ်တွင် စားအုန်းဆီအရောင်းဆိုင်များအား ဈေးကွက်စောင့်ကြည့်ကွင်း ဆင်းစိစစ်ခြင်း

သတင်းနှင့် လှုပ်ရှားမှုများ

ဖျာပုံခရိုင်၊ ကျိုက်လတ်မြို့နယ်စားသုံးသူရေးရာဦးစီးဌာနမှ ဒု-ကြီးကြပ်ရေးမှူး ဦးတင်စိန်နှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၂) ရက်နေ့၊ နံနက် (၁၁:၀၀) နာရီအချိန်တွင် ကျိုက်လတ် မြို့ပေါ်ရှိ စားအုန်းဆီ အရောင်းဆိုင် (၂) ဆိုင်တွင် ရောင်းချနေသော စားအုန်းဆီများကို သတ်မှတ်ထား သော ရည်ညွှန်းဈေးဖြင့် ရောင်းချခြင်းရှိ/မရှိ ဈေးကွက်စောင့်ကြည့်စိစစ်ခဲ့ကြ ပါသည်။ ထိုသို့ ကွင်းဆင်းစိစစ်ရာတွင် ကျိုက်လတ်မြို့ပေါ်ရှိ စားအုန်းဆီအရောင်းဆိုင်(၂) ဆိုင်တွင် ရောင်းချနေသော စားအုန်းဆီများကို သတ်မှတ်ထားသော ရည်ညွှန်းဈေးအတိုင်း ဆိုင်းဘုတ်တင် ရောင်းချနေသည်ကို စိစစ်တွေ့ရှိရသဖြင့် အရေးယူဆောင်ရွက်မှုမရှိပါကြောင်း ဈေးကွက်စောင့်ကြည့် ကွင်းဆင်းစိစစ်ခဲ့မှုအရ သတင်းရရှိပါသည်။ DOCA(ဧရာဝတီ)

ရေကြည်မြို့နယ်အတွင်းရှိ ဆေးနှင့် ဆေးပစ္စည်းဆိုင်များအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

ရေကြည်မြို့နယ်၊ ရေကြည်မြို့အတွင်းရှိ ဆေးနှင့်ဆေးပစ္စည်းအရောင်းဆိုင်များအား (၂.၇.၂၀၂၅) ရက်နေ့၊ နံနက် (၀၉း၃၀) နာရီအချိန်တွင် မြို့နယ်စည်ပင်သာယာရေးအတွင်းရှိ ရောင်းချလျက်ရှိသောဆေးနှင့် ဆေးပစ္စည်းအရောင်းဆိုင်များအား ပူးပေါင်းအဖွဲ့များနှင့် ပူးပေါင်း၍ ဆေးမျိုးစုံအရောင်းဆိုင်များတွင် ပြည်သူများအတွက်ရောင်းချပေးသော ဆေးနှင့် ဆေးပစ္စည်းများ၌ သက်တမ်းလွန်ဆေးဝါးများရှိ/ မရှိ၊ ဆေးဝါးမှတ်ပုံတင်ထားရှိသော ဆေးများရှိ/ မရှိ၊ စံမမှီဆေးဝါးများရောင်းချခြင်းရှိ/ မရှိ၊ ဒေသတွင်း ဖြစ်သင့်ဖြစ်ထိုက်သည့်ဈေးနှုန်းများဖြင့် ရောင်းချခြင်းရှိ/ မရှိကို ပူးပေါင်းအဖွဲ့များဖြင့် ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။ DOCA(ဧရာဝတီ)

ရေကြည်မြို့နယ်ရှိ၊ မုန့်ဟင်းခါးနှင့် ညှပ်ခေါက်ဆွဲဖိုလုပ်ငန်းသို့ ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

ရေကြည်မြို့နယ်၊ ရေကြည်မြို့ရှိ မုန့်ဟင်းခါး၊ ညှပ်ခေါက်ဆွဲမုန့်ဖိုများသို့ မြို့နယ်အစား အသောက်နှင့် ဆေးဝါးကွပ်ကဲရေးဦးစီးဌာနနှင့် ပူးပေါင်း၍ (၂.၇.၂၀၂၅) ရက်နေ့၊ နေ့လယ် (၁၆:၀၀) နာရီအချိန်တွင် ဗထူးရပ်ကွက်၊ အောင်ဆန်းလမ်းရှိ ဦးအောင်သန်း မုန့်ဟင်းခါးဖိုလုပ်ငန်းသို့ ဈေးကွက်စောင့်ကြည့်စစ်ဆေးခဲ့ပါသည်။ ထိုသို့ ဈေးကွက်စောင့်ကြည့်စစ်ဆေးရာတွင် မုန့်ဖိုများတွင် အသုံးပြုသော ပစ္စည်းများ သန့်ရှင်းခြင်းရှိ/ မရှိ၊ မုန့်ဖိုနှင့် ပတ်ဝန်းကျင်သန့်ရှင်းရေးဆောင်ရွက်ထားရှိမှုနှင့် မုန့်ဟင်းခါးနှင့် ညှပ်ခေါက်ဆွဲများကို Mobile Lap ဖြင့် စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။ DOCA(ဧရာဝတီ)

မုဒုံမြို့နယ်တွင် ဆန်စက်လုပ်ငန်းရှင်များအသင်း ရွေးကောက်တင်မြှောက်ဖွဲ့စည်းခြင်း အခမ်းအနား ကျင်းပပြုလုပ်

သတင်းနှင့် လှုပ်ရှားမှုများ

မွန်ပြည်နယ်၊ မော်လမြိုင်ခရိုင် မုဒုံမြို့နယ်ရှိ ဆန်စက်လုပ်ငန်းရှင်များ အသင်း၏ ရွေးကောက်တင်မြှောက်ဖွဲ့စည်းခြင်း အခမ်းအနားကို ၈.၇.၂၀၂၅ ရက်နေ့ နံနက်ပိုင်း (၁၀း၀၀) နာရီအချိန်တွင် မုဒုံမြို့၊ မြို့မ (၁) ရပ်ကွက်ရှိ စားသုံးသူရေးရာဦးစီးဌာန မြို့နယ်တာဝန်ခံရုံး၌ ကျင်းပပြုလုပ်ခဲ့ပါသည်။ ရှေးဦးစွာ အခမ်းအနားတွင် မုဒုံမြို့နယ်ဆန်စက်လုပ်ငန်းရှင်များအသင်း နာယကမှ အဖွင့်အမှာစကားပြောကြားခဲ့ပြီး မွန်ပြည်နယ် ဆန်စက်လုပ်ငန်းရှင်များအသင်း ဥက္ကဌမှ ဆန်စက်လုပ်ငန်းရှင်များအသင်း ရွေးကောက်တင်မြှောက်ရခြင်း၏ စည်းမျဥ်း စည်းကမ်းများ၊ တာဝန်များကိုရှင်းလင်းပြောကြားခဲ့ပြီး၊ မုဒုံမြို့နယ် ဒုတိယမြို့နယ်အုပ်ချုပ်ရေးမှူးမှ ဆန်စက် လုပ်ငန်းရှင်များအား လိုအပ်သည်များ မှာကြားခဲ့ပြီး တက်ရောက်လာသည့် နာယက၊မွန်ပြည်နယ် ဆန်စက်လုပ်ငန်းရှင်များအသင်း ဥက္ကဌနှင့် ဌာနဆိုင်ရာများမှ ဦးဆောင်၍ ၂၀၂၅ ခုနှစ်မှ ၂၀၂၈ခုနှစ်အထိ ဆက်လက်တာဝန်ယူဆောင်ရွက်ကြမည့် မြို့နယ်အမှုဆောင်အဖွဲ့အား စိစစ်ရွေးချယ်ပေးခဲ့ကြပြီး အသင်းသားအားလုံးတို့၏ အတည်ပြုချက်ရယူကာ ဖွဲ့စည်းပေးခဲ့ ကြသည်။ အဆိုပါ အသင်းအမှုဆောင်သစ် အဖွဲ့ကို မုဒုံမြို့နယ်ဆန်စက်လုပ်ငန်းရှင်များအနက်မှ ဥက္ကဌ၊ ဒုဥက္ကဌ ၁/၂ ၊ အတွင်းရေးမှူး၊ တွဲဖက်အတွင်းရေးမှူး ၁/၂ ၊ ဘဏ္ဍာရေးမှူး ၊ တွဲဖက် ဘဏ္ဍာရေးမှူး ၊ စာရင်းစစ် ၊တွဲဖက်စာရင်းစစ် (၁၀)ဦးနှင့် အဖွဲ့ဝင် (၃)ဦး စုစုပေါင်း (၁၃) ဦးတို့ဖြင့် ရွေးချယ်ဖွဲ့စည်းခဲ့ပါကြောင်း သိရှိရသည်။ DOCA (မွန်)

ချောင်းဆုံမြို့နယ် ဆန်စက်လုပ်ငန်းရှင်များအသင်း အမှုဆောင်သစ်ရွေးချယ်ပွဲပြုလုပ်

သတင်းနှင့် လှုပ်ရှားမှုများ

၇.၇.၂၀၂၅ ရက်နေ့ နံနက်ပိုင်းတွင် မွန်ပြည်နယ်၊ ချောင်းဆုံမြို့နယ်ဆန်စက် လုပ်ငန်းရှင်များ အသင်း၏ အမှုဆောင်သစ်ရွေးချယ်ပွဲ အခမ်းအနားကို ချောင်းဆုံမြို့နယ်ရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ ကျင်းပပြုလုပ်ခဲ့ကြောင်း သိရှိရသည်။ အခမ်းအနားတွင် အသင်းတာဝန်ရှိသူတို့က ၂၀၂၃-၂၀၂၅ ထိ ယခင်သက်တမ်းကာလ ဆောင်ရွက်ချက်များနှင့် ဆက်လက်ဆောင်ရွက်ရမည့် လုပ်ငန်းတို့ကို ကဏ္ဍအလိုက် ဆွေးနွေးကြသည်။ ယင်းနောက် မြို့နယ်ဆန်စက်လုပ်ငန်းရှင်များအသင်းအား ၂၀၂၅ ခုနှစ်မှ ၂၀၂၈ ခုနှစ်အထိ ဆက်လက်တာဝန်ယူဆောင်ရွက်ကြမည့် အမှုဆောင်အသစ်များကို တက်ရောက်လာသည့် အသင်းဝင်များမှ စိစစ်ရွေးချယ်ခဲ့ကြပြီး အသင်းသား အားလုံးတို့၏ အတည်ပြုချက်ရယူကာ ဖွဲ့စည်းခဲ့ကြပြီး အဆိုပါအသင်း အမှုဆောင်သစ်အဖွဲ့ကို ချောင်းဆုံမြို့နယ် ဆန်စက် လုပ်ငန်းရှင်များ အနက်မှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူး၊ တွဲဘက်အတွင်းရေးမှူး၊ ဘဏ္ဍာရေးမှူးနှင့် စာရင်းစစ်တစ်ဦးစီတို့နှင့် အဖွဲ့ဝင် (၁၁) ဦး စုစုပေါင်း (၁၇) ဦးတို့ဖြင့် ရွေးချယ်ဖွဲ့စည်းခဲ့ကြောင်း သိရှိရပါသည်။ DOCA (မွန်)

Languages

Main menu

သတင်းနှင့် လှုပ်ရှားမှုများ

ပခုက္ကူဈေးကွက်တွင် ကုလားပဲဈေးငြိမ်ပြီး အရောင်းအဝယ်ဖြစ်နေ

ကျိုက်လတ်မြို့နယ်တွင် စားအုန်းဆီအရောင်းဆိုင်များအား ဈေးကွက်စောင့်ကြည့်ကွင်း ဆင်းစိစစ်ခြင်း

ရေကြည်မြို့နယ်အတွင်းရှိ ဆေးနှင့် ဆေးပစ္စည်းဆိုင်များအား ဈေးကွက်စောင့်ကြည့်စစ်ဆေးခြင်း

ရေကြည်မြို့နယ်ရှိ၊ မုန့်ဟင်းခါးနှင့် ညှပ်ခေါက်ဆွဲဖိုလုပ်ငန်းသို့ ဈေးကွက်စောင့်ကြည့်စစ်ဆေးခြင်း

မုဒုံမြို့နယ်တွင် ဆန်စက်လုပ်ငန်းရှင်များအသင်း ရွေးကောက်တင်မြှောက်ဖွဲ့စည်းခြင်း အခမ်းအနား ကျင်းပပြုလုပ်

ချောင်းဆုံမြို့နယ် ဆန်စက်လုပ်ငန်းရှင်များအသင်း အမှုဆောင်သစ်ရွေးချယ်ပွဲပြုလုပ်

Pages

You are here

သတင်းနှင့် လှုပ်ရှားမှုများ

Pages