သတင်းနှင့် လှုပ်ရှားမှုများ

   စားသုံးသူ‌ရေးရာဦးစီးဌာန ရန်ကုန်တိုင်းဒေသကြီး၊ အရှေ့ပိုင်းခရိုင်စီးမှူးရုံးမှ ဒေါ်လဲ့လဲ့ဌေး (ဒုဦးစီးမှူး) နှင့် ဝန်ထမ်းများသည် မြို့နယ်ဈေးစည်ပင်သာယာရေးအဖွဲ့မှ တာဝန်ရှိသူတို့နှင့်ပူးပေါင်းကာ (၃၁.၃.၂၀၂၅)ရက်နေ့၊ နံနက်(၁၀:၀၀)နာရီ အချိန်တွင်  ပုဇွန်တောင်မြို့နယ်၊ ပုဇွန် တောင်ဈေးအတွင်းရှိ စားသုံးဆီကိုယ်စားလှယ်များ ဖြစ်သော ဦးဉာဏ်ထွန်း၊ ဦးအောင်ကြည် ၊ ဦးအောင်မြတ်မိုး စသည့်အရောင်းဆိုင်များသို့ ဈေးကွက်စောင့်ကြည့်စစ်ဆေးခြင်းများ ပြုလုပ်ခဲ့ပါ သည်။

          အဆိုပါ တာဝန်ရှိသူများသည် ဈေးကွက်အတွင်း စားသုံးဆီရောင်းချသည့် ကိုယ်စားလှယ် များနှင့်တွေ့ဆုံပြီး သတ်မှတ်ဈေးနှုန်း ရေးဆွဲထားသည့် လက်လီ/လက်ကား ဈေးနှုန်းများ ရေးသား ထားသည့် Board / ဗီနိုင်း များအား နေ့စဉ်ချိတ်ဆွဲ ရောင်းချရန် ခွဲတမ်းရရှိသည့် ဆီပေပါများကို တဆင့်ပြန်လည်ခွဲဝေပေးမှုအခြေအနေ၊ ပြည်သူများထံအပြည့်အဝ ရောင်းချပေးရန်နှင့် ဈေးကစားရန်အလို့ငှာ စားဆီများသိုလှောင်ထားခြင်း ရှိ/မရှိတို့ကိုစစ်ဆေးခဲ့ပြီး လိုက်နာမှုမရှိပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်းနှင့် ဈေးကွက်အတွင်း ရောင်းချနေသော စားသုံးဆီအမျိုးမျိုး တို့တွင်လည်း စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြည့်စုံစွာပါဝင်မှု ရှိ/မရှိကို ကွင်းဆင်း စစ်ဆေး၍ အသိပညာပေး ခြင်းများ ဆောင်ရွက်ခဲ့ကြောင်း သိရပါသည်။

DOCA(ရန်ကုန်)

    စားသုံးသူ‌ရေးရာဦးစီးဌာန ရန်ကုန်တိုင်းဒေသကြီး၊ အရှေ့ပိုင်းခရိုင်စီးမှူးရုံးမှ ဒေါ်အေးအေးမော် (ဒုကြီးကြပ်ရေးမှူး) နှင့် ဝန်ထမ်းများသည် မြို့နယ်ဈေးစည်ပင်သာယာရေး အဖွဲ့မှ တာဝန်ရှိသူတို့ နှင့် ပူးပေါင်းကာ (၂.၄.၂၀၂၅ ) ရက်နေ့၊ (၁၁:၀၀)နာရီ အချိန်တွင်  ဗိုလ်တထောင်မြို့နယ်၊ ဘိုကလေးဈေးအတွင်းရှိ စားအုန်းဆီ ရောင်းချမှုပြုလုပ် နေသော ဆီကိုယ်စားလှယ်များနှင့်တွေ့ဆုံပြီး စားအုန်းဆီထုတ်ယူမှု/ ခွဲဝေဖြန့်ဖြူးပေးမှု အခြေအနေတို့ကို စစ်ဆးမေးမြန်းမှုများ ပြုလုပ်ခဲ့ကြောင်း သိရှိရပါသည်။

    ထိုသို့စစ်ဆေးရာတွင်  ယိုးဒယားငံပြာရည်အမျိုးမျိုး၊ ရေသန့်အမျိုးမျိုး၊ အချိုရည်အမျိုး မျိုး၊ အသင့်စားခေါက်ဆွဲခြောက်ထုတ်အမျိုးမျိုး၊ စားသုံးဆီအမှတ်တံဆိပ်မျိုးစုံ၊ မြေပဲဆီဘူး အမျိုးမျိုးတို့တွင် ကုန်အညွှန်းအမှတ်အသားဖော်ပြထားခြင်း ရှိ/မရှိ တို့ကို စစ်ဆေးရာ ကုန်အညွှန်းအမှတ်အသားများပါရှိသည်ကို  စိစစ်တွေ့ရှိခဲ့ပြီး ဆက်လက်၍ တာဝန်ရှိသူမျာက စားအုန်းဆီ‌နှင့်ပတ်သက်ပြီ ဈေးကစားရန်အလို့ငှာ စားဆီများသိုလှောင်ထားခြင်းရှိ / မရှိ တို့ကို စစ်ဆေးခြင်း၊ စည်းကမ်း လိုက်နာမှု မရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးခြင်းများဆောင်ရွက်ခဲ့ ပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ ဒဂုံမြို့သစ်ခရိုင်၊ တောင်ဒဂုံမြို့နယ်တာဝန်ခံနှင့် တာဝန်ရှိသူတို့ သည်  ၂၀၂၅ ခုနှစ်၊ ဧပြီလ ၂ ရက်နေ့၊ နေ့လယ်(၁၃:၀၀)နာရီအချိန်တွင် တောင်ဒဂုံမြို့အတွင်းရှိ စားအုန်းဆီ လက်လီ/လက်ကားရောင်းချနေသော ကုန်စုံဆိုင်များသို့  သွားရောက်ကွင်းဆင်း စစ်ဆေးခြင်းများ ပြုလုပ်ခဲ့ကြောင်း သိရှိ ရပါသည်။

    ထိုသို့ ကွင်းဆင်းဆောင်ရွက်ရာတွင် စားအုန်းဆီခွဲတမ်းများကို သတ်မှတ်စည်းမျဉ်း စည်းကမ်းများနှင့်အညီ စနစ်တကျဖြန့်ဖြူးရောင်းချရန်၊ ခွဲတမ်းရရှိသည့်ဆိုင်များအနေဖြင့် ဈေးနှုန်း ကို အများမြင်သာသောနေရာများတွင် ထင်ရှားသော စာလုံးအရွယ်အစား များဖြင့် Vinyl ချိတ်ဆွဲ ထားရှိရန်၊ စားအုန်းဆီလက်လီ/လက်ကား ရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများ၏ ထုတ်ပြန်ထားသည့် အမိန့်၊ ညွှန်ကြားချက်များနှင့်အညီ ရောင်းချဖြန့်ဖြူး ကြရန် တို့ကို ရှင်းလင်းပြောကြားခဲ့ကြောင်း သိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာန ၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်သိင်္ဂီဇံ (အကြီးတန်း စာရေး)    နှင့်  ဝန်ထမ်းများသည် သင်္ဃန်းကျွန်းခရိုင် ၊ တာမွေမြို့နယ် ၊ အထွေထွေ အုပ်ချုပ်ရေး ဦးစီးဌာနမှ တာဝန်ရှိသူများ ၊  မြို့နယ်စည်ပင်သာယာရေးကော်မတီမှ တာဝန်ရှိသူများ နှင့် ပူးပေါင်းပြီး ဆန်ရောင်းချမှုအခြေအနေများကို ကွင်းဆင်းအသိပညာ ပေးမှုများ နေ့စဉ် ဆောင်ရွက်လျှက်ရာ (၂.၄.၂၀၂၅) ရက်နေ့၊ နေ့လယ်ပိုင်းတွင် သင်္ဃန်းကျွန်းခရိုင်၊ တာမွေမြို့နယ် အတွင်းရှိ ဆန်လက်လီရောင်းချနေသော ကျောက်မြောင်းကြီးရပ်ကွက်၊ သီတာလမ်း၊ အမှတ်(၁၅)ရှိ ရွှေပေါ်ဆန်း ဆန်ရောင်းဝယ်ရေးအရောင်းဆိုင်သို့ သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါသည်။

        ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသောဆန်များသည်      ရက်(၉၀) ၊‌ပေါ်ဆန်းမွှေး (ဟောင်း) ၊ ဇီယာ ၊အညာသား(ရှယ်)၊ရွှေဘိုကျားပျံ ၊ ဆင်းသွယ် (ဟောင်း)၊ တောင်ပျံ စသည့်ဆန်များ ရောင်းချလျက်ရှိပြီး၊၎င်းဆန်ဈေးနှုန်းမှာ သတ်မှတ်ရည်ညွှန်းဈေးအတိုင်း ရောင်းချနေခြင်း ရှိ/မရှိ နှင့် ယခင်အပတ်ဈေးနှုန်းနှင့် ယခုအပတ်ဈေးနှုန်းများ ကွာခြားချက် ရှိ/မရှိ တို့ကိုစစ်ဆေးခဲ့ပြီး ဆန်များကို ဈေးနှုန်းအဆမတန်ရောင်းချမှုမရှိစေရေးနှင့် ရောင်းချခြင်းကို စိစစ်တွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမှာဖြစ်ကြောင်း အသိပညာ ပေးခဲ့ကြောင်း သတင်းရရှိပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်း ရပ်ကွက်များတွင် စားအုန်းဆီရောင်းချ လျက်ရှိသော ဈေးဆိုင်များတွင် စားသုံးပြည်သူများအား ဆီထုတ်စာအုပ်စနစ်ဖြင့် သတ်မှတ်ဈေးနှုန်းများ အတိုင်း ဆီရောင်းချမှုရှိ/မရှိအား  စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံနှင့်ဝန်ထမ်းများသည် ဧပြီလ(၁)ရက်နေ့၊ နေ့လယ် (၁၄:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာတွင် ခရမ်းမြို့နယ်အတွင်း နေ့စဉ် စားအုန်းဆီ လက်လီလက်ကား ဖြန့်ဖြူးရောင်းချလျက်ရှိသော ဆီထုတ်ကိုယ်စားလှယ် ဦးရဲဝင်းကျော် (ရွှေခြင်္သေ့) ကုန်မျိုးစုံဆိုင်နှင့် ဦးရဲထွန်း ကုန်မျိုးစုံအရောင်းဆိုင်များတွင် စားအုန်းဆီများရောင်းချရာ၌ စားသုံးသူပြည်သူများ သတ်မှတ်ဈေးနှုန်းများအတိုင်း ဈေးနှုန်းမှန်ကန်စွာဖြင့် ဝယ်ယူနိုင်စေရေး၊ ဆီဈေးနှုန်းတည်ငြိမ်စေရေး၊ ဈေးကစားရန် ရည်ရွယ်ချက်ဖြင့် ထုတ်ယူပြီးဆီများအား သိုလှောင်ထားရှိခြင်းမရှိစေရေး၊ ဆီချိန်တွယ်ရောင်းချရာတွင် လည်း အလေးချိန်မှန်ကန်စေရေးအတွက် စစ်ဆေးရခြင်းဖြစ်ပြီး သတ်မှတ်ရည်ညွှန်းဈေးဖြင့် ထုတ်ယူသော ဆီများအား မသမာသောနည်းလမ်းများဖြင့် ဈေးနှုန်းမြှင့်တင်ရောင်းချခြင်းများရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်မည်ဖြစ်ကြောင်း ဆီကိုယ်စားလှယ်များအား အသိပညာပေးခဲ့ကြောင်း သိရသည်။

DOCA(ရန်ကုန်)