သတင်းနှင့် လှုပ်ရှားမှုများ

     ၂၀၂၅ ခုနှစ်၊ သြဂုတ် ၂၆ ရက်နေ့၊နေ့လယ် (၁၃း၃၀)နာရီ အချိန်တွင် စားသုံးသူရေးရာဦးစီးဌာန၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ထားဝယ်ခရိုင်ဆန်စက်လုပ်ငန်းရှင်များ အသင်း ဥက္ကဋ္ဌနှင့် တွေ့ဆုံဆွေးနွေးခဲ့ပါသည်။

   တွေ့ဆုံဆွေးနွေးရာတွင် ဆန်စက်လုပ်ငန်းရှင်များအသင်းဥက္ကဋ္ဌမှ ဒေသတွင်းအမျိုးအစားညံ့ ငစိန်ဆန်များအား တိရစ္ဆာန်အစာအဖြစ် အခြားဒေသသို့ တင်ပို့နိုင်ရေးကိစ္စ၊ ဆန်စက်များလည်ပတ်ရာတွင် လိုအပ်သော စက်သုံးဆီများရရှိ‌ရေးကိစ္စရပ်များအား လာရောက်ဆွေးနွေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

     ၂၀၂၅ ခုနှစ်၊ သြဂုတ်လ ၂၆ ရက်နေ့၊ (၁၀း၀၀) နာရီအချိန်တွင် စားသုံးသူရေးရာဦးစီးဌာနမှ အတွင်းရေးမှူးအဖြစ်ပါဝင်သော ထားဝယ်မြို့နယ် တရားမဝင်ဆင်းကတ်ရောင်းချမှုစစ်ဆေးရေးအဖွဲ့သည် စျေးကွက်အတွင်းရောင်းချလျက်ရှိသော ဆင်းကတ်များအား သက်ဆိုင်ရာဌာနမှ ထုတ်ပြန်ထားသော ညွှန်ကြားချက်၊ လုပ်ထုံးလုပ်နည်းများနှင့်အညီ ဆင်းကတ်များကို စနစ်တကျ မှတ်ပုံတင် ရောင်းချနိုင်ရန်နှင့် တရားမဝင်ဆင်းကတ်ရောင်းချမှုများကို တားဆီးကာကွယ်နိုင်ရန်အတွက်  ထား ဝယ်မြို့ပေါ်ရှိ ဖုန်းဆိုင်များသို့ သွားရောက်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

         သြဂုတ်လ(၂၅)ရက်နေ့တွင် စားသုံးသူ‌ရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံး၌ ကျောက်ဆည်ခရိုင်အတွင်းရှိ စားအုန်းဆီရည်ညွှန်းစျေးဖြင့်ရောင်းချသည့် လက်လီ၊လက်ကားဆီဆိုင် လုပ်ငန်းရှင်များနှင့်တွေ့ဆုံခဲ့ပါသည်၊ ဆွေးနွေးပွဲ၌ ကျောက်ဆည်ခရိုင်ဦးစီးမှူးက ပြောကြားရာတွင် စားအုန်းဆီ လက်လီ/လက်ကား အရောင်းဆိုင်များအနေဖြင့် မကြာမီအချိန်အတွင်း မန္တလေးတိုင်းဒေသကြီးအတွင်း စားသုံးဆီဖြန့်ဖြူးမှုကြီးကြပ်သည့်စနစ်(Edible Oil System)အား အကောင်အထည် ဖော်ဆောင်ရွက်မည်ဖြစ်ကြောင်း၊ ထိုသို့ပြုလုပ်ရာတွင် လုပ်ငန်းရှင်များ၏ မှတ်ပုံတင်မူရင်း ယူဆောင်လာရန်(ရှေ့/နောက်) / မှတ်ပုံတင်မူရင်းမသဲကွဲပါက ယာဉ်မောင်းလိုင်စင်ပူးတွဲယူဆောင်လာရန် (သို့မဟုတ်) Smart Card ပါ ပူးတွဲယူလာရန်၊ လူကိုယ်တိုင် Selfie ဓါတ်ပုံ၊ လိုင်စင်ရှိပါက သက်တမ်းရှိ ဆိုင်လိုင်စင်၊ လိုင်စင်မရှိသူများ ဌာနတွင် လိုင်စင်မရှိသူများ ဖြည့်သွင်းရမည့် ဖောင်ပုံစံထုတ်ယူရန်၊ ဆိုင်ဓါတ်ပုံ (ဖုန်းအတွင်းရိုက်၍ ယူဆောင်လာရန်) နှင့် ဌာနသို့ စာရင်းပေးသွင်းထားသော ဆင်းကတ်နှင့်စနစ် ထည့်သွင်းမည့်ဖုန်း တပါတည်းယူဆောင်လာရန်နှင့် နိုင်ငံတော်မှ သတ်မှတ်ပေးသည့် ရည်ညွှန်းစျေးဖြင့်ရောင်းချသည့် ဆီဆိုင်များအနေဖြင့် ခွဲတမ်းရရှိသော စားအုန်းဆီများကို ရည်ညွှန်းစျေး၊ သယ်ယူပို့ဆောင်ခကုန်ကျစရိတ်များ ပေါင်းပြီး ၂ ရာခိုင်နှုန်းအထက် ပိုပြီးရောင်းချခြင်းမရှိရန်လိုအပ်ကြောင်း၊ ထိုသို့ရောင်းချရာတွင် ဆီအရည်အသွေး၊ အလေးချိန်ပြည့်ဝအောင်ရောင်းချရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

       မြိတ်ခရိုင်ဆီအရောင်းကိုယ်စားလှယ်သည် မြိတ်ခရိုင်အတွက်လိုအပ်သော ဆီများကို ရန်ကုန်မြို့ဆီကုမ္ပဏီများမှ ခွဲတမ်းဖြင့်ဝယ်ယူလျက်ရှိပြီး (၂၂.၈.၂၀၂၅)ရက်နေ့တွင်  Global Good Pure Group ကုမ္ပဏီမှ ဝယ်ယူ၍ မော်တော်ယာဉ်အမှတ် 6D-4521 ဖြင့် စားအုန်းဆီ ပေပါ (၇၂) နှင့် Myanmar Oil Alliance ကုမ္ပဏီမှ ဝယ်ယူ၍ မော်တော်ယာဉ်အမှတ် (6L-9618) ဖြင့် စားအုန်းဆီ ပေပါ (၆၆)တို့သည် ၂၀၂၅ခုနှစ်၊ သြဂုတ်လ(၂၆)ရက်နေ့တွင် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

    ထိုသို့ရောက်ရှိလာသောစားအုန်းဆီများကို ဆီအရောင်းကိုယ်စားလှယ်မှ ၂ ရာခိုင်နှုန်း အမြတ်ဖြင့် လက်လီအရောင်းဆိုင်များသို့ ဖြန့်ခွဲရောင်းချပေးမည်ဖြစ်ပြီး ၎င်းတို့မှတစ်ဆင့် ပြည်သူများသို့ ပြန်လည်ရောင်းချမည်ဖြစ်ကြောင်း သိရှိရပါသည်။

DOCA(တနင်္သာရီ)

      ၂၀၂၅ ခုနှစ်၊ သြဂုတ် လ ၂၄ ရက်နေ့၊ နေ့လယ် ၁၃:၀၀ နာရီအချိန်တွင် စားသုံးသူရေးရာ ဦးစီးဌာန၊ ညွှန်ကြားရေးမှူးချုပ်ဦးဆောင်၍ ကျင်းပပြုလုပ်သော စားသုံးဆီဖြန့်ဖြူးခြင်း၊ ကြီးကြပ် ဆောင်ရွက်ခြင်းဆိုင်ရာလုပ်ငန်းညှိနှိုင်းအစည်းအဝေးအား တနင်္သာရီတိုင်းဒေသကြီးဦးစီးမှူးနှင့် တိုင်း ဒေသကြီးစားသုံးဆီဖြန့်ဖြူးမှုကြီးကြပ်‌ရေးအဖွဲ့မှ တာဝန်ရှိသူများက Virtual စနစ်ဖြင့် တက်ရောက်ခဲ့ပါသည်။

          အစည်းအဝေးတွင် စားသုံးသူ‌ရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားခြင်း၊ မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှ ဆွေးနွေးခြင်း၊  တက်ရောက်လာ ကြသူများမှ အထွေထွေဆွေးနွေးခြင်းများဆောင်ရွက်ခဲ့ကြပြီး ညွှန်ကြားရေးမှူးချုပ်မှ နိဂုံးချုပ် အမှာစကားပြောကြားခဲ့ကြောင်း သိရှိရပါသည်။

DOCA(တနင်္သာရီ)