သတင်းနှင့် လှုပ်ရှားမှုများ

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံ ဒေါ်ဇင်မာသန်းသည် ( ၂.၇.၂၀၂၅) ရက်နေ့၊နံနက်(၁၀:၀၀) မြို့နယ်စည်ပင်သာယာရေးအဖွဲ့၊ ကျန်းမားရေးနှင့် ကုသရေးဦးစီးဌာန တို့နှင့် ပူးပေါင်း၍ စားသောက်ဆိုင်များအား ကွင်ဆင်းစစ်ဆေးခဲ့ပါသည်။ ထိုသို့ကွင်းဆင်းဆောင်ရွက်ရာတွင် မြို့နယ်တာဝန်ခံမှဆိုင်ရှင်များနှင့်တွေ့ဆုံ၍ စားသောက်ဆိုင်များ သန့်ရှင်းကောင်းမွန်ရေး၊ ဝန်ဆောင်မှုကဏ္ဍများကို စားသုံးသူများအား ပွင့်လင်းမြင်သာစွာချပြပေးရန်၊ စားသောက်ဖွယ်ရာများ၏ အရွယ်အစားအလိုက်ဈေးနှုန်းများ သိသာထင်ရှားစွာဖော်ပြထားရှိရေး ကျန်းမာရေးအတွက်နှင့် ထိခိုက်နစ်နာမှု့ မရှိစေရေးတိုအား ကွင်းဆင်းစစ်ဆေးခဲ့ကြောင်း သိရှိရပါသည်။ DOCA(ဧရာဝတီ)

မအူပင်ခရိုင်အတွင်း မြို့နယ်များတွင် ကုမ္ပဏီများမှ စားအုန်းဆီခွဲတမ်း ရရှိမှုအပေါ် ဇွန်လအတွက် ဆီပေပါများကို မြို့နယ်များမှ သတ်မှတ်နေရာများတွင် စနစ်တကျထုတ်ယူပြီး စားသုံးသူပြည်သူများ လက်ဝယ်အရောက် ရောင်းချဖြန့်ဖြူးပေး လျက်ရှိပြီး သက်ဆိုင်ရာတာဝန်ရှိသူများမှလည်း ကြပ်မတ်စစ်ဆေးဆောင်ရွက်လျက်ရှိကြောင်း သိရသည်။ မအူပင်ခရိုင်အနေဖြင့် စားအုန်းဆီခွဲတမ်းများကို Central Myanmwr International Trading ကုမ္ပဏီ၊ Myanmar Top Notch ကုမ္ပဏီ၊ Resources Group Trading ကုမ်ပဏီ တို့မှ မြို့နယ်အလိုက် ဆီပေပါများ သတ်မှတ်ရက်အတွင်း ထုတ်ယူရန် သတ်မှတ်နေရာနှင့် အချိန်နှင့်တပြေးညီ ထုတ်ယူရရှိပြီ စားအုန်းဆီထုတ်ကိုယ်စားလှယ်များမှ ငွေပေးသွင်းပြီး ပြည်သူများ ထံ သက်ဆိုင်ရာများ၏ ကြီးကြပ်ဆောင်ရွက်မှုနှင့်အညီ ရောင်းချနေပြီး ဇွန်လအတွက် ရရှိခဲ့သော မအူပင်မြို့နယ်ရရှိ ပေပါ (၁၀၇၈)လုံး၊ ပန်းတနော်မြို့နယ်မှ (၇၆၅)ပေပါ၊ ညောင်တုန်းမြို့နယ်မှ ပေပါ (၇၇၃)၊ ဓနုဖြူမြို့နယ်မှ ပေပါ (၆၅၁)ရရှိကြောင်း စုစုပေါင်း (၃၂၆၇) ပေပါကိုရရှိပြီး မေလအတွက် ဆီပေပါလိုအပ်ချက် ၅ပေပါ ထပ်မံရရှိပြီး (၃၂၇၂)ပေပါ ဇွန်လ အတွက် ထုတ်ယူရရှိခဲ့သည်။ သတ်မှတ်ရက်အတွင်း ဆီကားများရောက်ရှိလာပြီး ဇူလိုင်လအတွက် ဆီထုတ်ယူ ရမည့် အစီအစဉ်များကိုလည်း အမှတ်တကယ် ထုတ်ယူရရှိရေးနှင့် ဆီကိုယ်စာလှယ်လက်ဝယ်အရောက် ရရှိစေရေး ဌာနမှ ကြပ်မတ် ဆောင်ရွက် လျက်ရှိကြောင်း သိရသည်။ DOCA(ဧရာဝတီ)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူး ရုံးမှ ဦးခိုင်လွမ်းမိုးအငယ်တန်းစာရေးသည် ဓနုဖြူမြို့ (၁၁)ရပ်ကွက် (၃)လမ်းရှိဇော်ပျံမရွေးမုန့်လုပ်ငန်းသို့ (၃.၇.၂၀၂၅)ရက်နေ့ (၁၀:၀၀)နာရီအချိန်က သွားရောက်၍ထုတ်ကုန်လုံခြုံစိတ်ချရမှုရှိစေရန်နှင့် ကုန်အညွှန်းအမှတ်အသား ပြည်စုံမှု ရှိစေရေး ကွင်းဆင်းစစ်ဆေးခဲ့ကြပါသည်။ အဆိုပါစစ်ဆေးမှုတွင် ဇော်ပျံမရွေးမုန့်လုပ်ငန်းရှင်နှင့် တွေ့ဆုံ၍ မရွေးလုပ်ငန်း ပြုလုပ်ပုံအဆင့်ဆင့်ကိုမေးမြန်းလေ့လာခဲ့ပြီး ကုန်ကြမ်းဝယ်ယူရရှိမှုအခြေအနေ၊ ထုတ်လုပ်သော မုန့်များကို ဈေးကွက်ဖြန်ချီနေမှု၊ထုတ်လုပ်သော မုန့်တွင် အမျိုးအစားအလိုက် ဈေးကွက်ဈေးနှုန်းအခြေအနေများကို မေးမြန်းဆောင်ရွက်ခဲ့ပြီး၊ ပါဝင်ပစ္စည်းများမှာ နန်းဝါ၊ သကြား၊ ထန်းညှပ်၊ ကပ်စေးနှဲ၊ နှမ်းတို့ပါဝင်ကြောင်း၊ ကုန်ကြမ်းများကို ရန်ကုန်မှ မှာယူကြောင်း၊ ပြုလုပ်ပုံမှာ နန်းဝါကို ဆီဖြင့်ကျော်ပြီးလျှင် ကပ်စေးနှဲ ထန်းညှပ်တို့ဖြင့် ယိုပြန်ထိုးရကြောင်း၊ ထိုးပြီးသောမုန့်များကို ဗန်းထဲတွင် ဒလိမ့်တုံးဖြင့် လှိုမ့်၍ လှီဖြတ်ကာ ပါကင်မုန့်ထုတ်ရကြောင်း လုပ်ငန်းရှင်မှ ရှင်းပြသည်။ လုပ်သားအင်အား ၁၅ဦးဖြင့် လုပ်ကိုင်လျက်ရှိကြောင်း၊ မုန့်လုပ်ငန်းကို ၁၉၉၀ခုနှစ်က စတင်လုပ်ကိုင်ခဲ့ကြောင်း သိရသည်။ မုန့်ထုတ်လုပ်မှု ၏ တစ်ကြိမ်ရင်းနှီးကုန်ကျစရိတ်မှာ ၆သိန်းခန့်ကုန်ကျကြောင်း၊ တစ်နေ့ထုတ်လုပ်မှု အနေဖြင့် ၁၀ထုတ်တွဲတစ်ထုတ် အထုတ် ၄၀၀ ထုတ်လုပ်နိုင်ပြီး တစ်လလျှင် အထုတ်ရေ ၁၂၅၀၀ထုတ် ထုတ်လုပ်နိုင်ကြောင်း သိရသည်။ ဈေးကွက်ဖြန့်ချီမှုအနေဖြင့် ဇော်ပျံမရွေး ဆယ်ခုပါ တစ်ထုတ်လျှင် ၂၅၀၀ကျပ်ဖြင့်ရောင်းချပြီး လက်ကားဈေးအနေဖြင့် ၂၀၀၀ကျပ်ဖြင့် ရောင်းချသည်။ တစ်နေ့အကျိုးအမြတ်အနေဖြင့် ၂၀၀၀၀ကျပ် ကျန်ရှိကြောင်း သိရသည်။ တင်ပို့ရောင်းချမှု အနေဖြင့် ဓနုဖြူ၊ဇလွန်၊ အဖျောက်၊ ဇကာကြီး၊ နှင့် ရန်ကုန်မြို့အထိ ရောင်းချဖြန့်ဖြူးကြောင်း သိရသည်။ စားသုံးသူရေးရာဦးစီးဌာနမှ ဈေးကွက်မရောက်မှီ ကုန်စည်များ ဘေးအန္တရာယ်ကင်းရှင်းရေး ကကုန်အညွှန်အမှတ်အသား ဖော်ပြပါဝင်မှုပြည်စုံမှုရှိ/မရှိကို ကြပ်မတ်စစ်ဆေးဆောင်ရွက်ခြင်းများ ထုတ်ကုန်လုံခြုံစိတ်ချရမှုရှိစေရေး တို့ကို ဒေသတွင်းတစ်ပိုင်တနိုင် ထုတ်လုပ်သော လုပ်ငန်းများအား ကွင်းဆင်းစစ်ဆေးလျက်ရှိကြောင်း သိရပါသည်။ DOCA(ဧရာဝတီ)

ပဲခူးတိုင်းဒေသကြီး သာယာဝတီခရိုင်လက်ပံတန်းမြို့အခြေခံပညာအထက်တန်းကျောင်း (အ.ထ.က-၁) ကျောင်းခန်းမတွင် ပြုလုပ်သော အသိပညာပေးဆွေးနွေးပွဲသို့ လက်ပံတန်းမြို့နယ် စားသုံးသူရေးရာ ဦးစီးဌာနမြို့နယ် တာဝန်ခံဦးချစ်ကိုကို၊ သာယာတတီခရိုင်သဘာဝ ပတ်ဝန်းကျင် ထိန်း သိမ်းရေးဦးစီးဌာန၏ အမှိုက်အမျိုးအစား (၄)မျိုးခွဲခြား စွန့်ပစ်နိုင်ရေးအသိ ပညာပေး သရုပ်ပြပွဲ (၄.၇.၂၀၂၅)ရက်နေ့ နံနက်(၁၀: ၀၀)နာရီအချိန်တွင်တက်ရောက် ခဲ့ပါသည်။ သရုပ်ပြပွဲသို့မြို့နယ်စည်ပင်သာယာရေးအဖွဲ့၊သစ်တောဦးစီးဌာန၊မြေယာနှင့်စီမံခန့်ခွဲရေးစာရင်းအင်းဌာန၊အထွေထွေ အုပ်ချုပ်ရေးဦးစီးဌာန၊ (အ.ထ.က-၁) ကျောင်းမှ ကျောင်းအုပ် ဆရာကြီးနှင့် ဆရာ/ဆရာမများ၊ ကျောင်းသား/ကျောင်းသူများနှင့် အတူ လူဦးရေပေါင်း (၁၅၀) ဦး ခန့်တက် ရောက်ခဲ့ပါကြောင်း သတင်းရရှိပါသည်။ DOCA(ပဲခူး)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ဇွန်လ (၇)ရက်နေ့၊ နံနက်(၁၀:၀၀) နာရီအချိန်တွင် မြို့နယ်စီမံခန့်ခွဲမှုအဖွဲ့လုပ် ငန်းညှိနှိုင်းအစည်းအဝေး ကျင်းပပြုလုပ်ခဲ့ကြောင်း သိရသည်။ အဆိုပါ လုပ်ငန်းညှိနှိုင်း အစည်းအဝေးတွင် မြို့နယ်စီမံအုပ်ချုပ်ရေး အဖွဲ့ဥက္ကဌ ဦးမျိုးမင်းက ကော့မှူးမြို့နယ် စီမံခန့်ခွဲရေး၊ လုံခြုံရေး၊ စီးပွားရေး၊ လူမှုရေးနှင့် ဒေသဖွံ့ဖြိုးတိုးတက်ရေး လုပ်ငန်းများအား ညှိနှိုင်းပေါင်းစပ် ဆောင်ရွက်နိုင်စေရန် ရည်ရွယ်ပါကြောင်း မြို့နယ်တွင် အခွန် နှုန်းတိုးမြှင့်ခြင်းမရှိဘဲ အခွန်ဧရိယာ ချဲ့ထွင်နိုင်ရေး၊ အခွန်တိမ်းရှောင်မှုများ မရှိစေရေး၊ ရသင့်ရ ထိုက်သည့် အခွန်အကောက်များ ရရှိစေရေးနှင့် တိုးတက်စေရေး ဆောင်ရွက်သွားရန် (၇/၂၀၂၅) ပြည်သူ့စစ်မှုထမ်း ဆင့်ခေါ်ရေးနှင့် ပတ်သတ်၍ သတ်မှတ်ပေးပို့ရမည့် အင်အားအတိုင်း ပြည့်မီ ရေးနှင့် ဥပဒေ၊ နည်းဥပဒေအတိုင်း တိကျစွာ ဆောင်ရွက်ရေး၊ မြို့နယ်မော်တော်ယာဉ်လိုင်း ကြီးကြပ်မှုကော်မတီအား ဥပဒေညွှန်ကြားချက်များနှင့်အညီ ဖွဲ့စည်းနိုင်ရေး စသည့်အကြောင်း အရင်းများအား အကျယ်တဝင့် ရှင်းလင်းဆွေးနွေး ပြောကြားခဲ့ကြောင်း လုပ်ငန်းညှိနှိုင်း အစည်းအဝေးသို့ မြို့နယ်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်း၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၁) ဗိုလ်မှူး ဇော်ဖြိုးမြင့်၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၂) ဦးမြင့်ဦး၊ မြို့နယ်စီမံ အုပ်ချုပ်ရေးအဖွဲ့ အဖွဲ့ဝင်(၃) ဦးလှမင်းဦး၊ မြို့နယ်စီမံအုပ်ချုပ်ရေးအဖွဲ့ အတွင်းရေးမှူး ရဲမှူး မောင်မောင်လွင်နှင့် မြို့နယ်အဆင့် ဌာနဆိုင်ရာတာဝန်ရှိသူများ တက်ရောက်ခဲ့ကြောင်း သိရှိရပါသည်။ DOCA(ရန်ကုန်)