သတင်းနှင့် လှုပ်ရှားမှုများ

(၃.၇.၂၀၂၄)နေ့ နေ့လယ် (၁၄:၀၀)နာရီ အချိန်တွင် စားသုံးသူရေးရာဦးစီးဌာန ညောင်တုန်းမြို့နယ်ဦးစီးမှူးရုံးမှ တာဝန်ရှိ သူများသည် မြို့နယ်စည်ပင်သာယာ ရေးအဖွဲ့အစည်း အဝေးခန်းမတွင် မိတ်ဖက်ဌာနမှ တာဝန်ရှိသူများနှင့်အတူ ရပ်ကွက်နေပြည်သူ (၂၅)ဦးအား စီးပွားရေးလုပ်ငန်းရှင် လိုက်နာရမည့်တာဝန်များနှင့် စားသုံးသူအခွင့်အရေး ယှဉ်တွဲ၍ အသိပညာပေး ဟောပြော ဆွေးနွေးပွဲကို မြို့နယ်ဦးစီးမှူးရုံးတွင် ကျင်းပပြုလုပ်ခဲ့ပါသည်။ အဆိုပါဟောပြောမှုတွင် ညောင်တုန်းမြို့နယ်ဦးစီးမှူးဦးအောင်လွင် (ဦးစီးအရာရှိ)က ဟောပြော ဆွေးနွေးရာ စားသုံးသူ ရေးရာ ဦးစီးဌာန၏ လုပ်ငန်းဆောင်ရွက်ချက်များအကြောင်း၊ စားသုံးသူနှင့် စီးပွားရေးလုပ်ငန်းရှင် အကြား စားသုံးသူ ကာကွယ်ရေး ဥပဒေရေးဆွဲပြဌာန်း၍ စားသုံးသူအခွင့် အရေးနှင့်အကျိုးစီးပွား ကိုအပြည့်အဝ ကာကွယ်ထားသော ကော်မရှင် ကော်မတီအဆင့်ဆင့်တို့မှသတ်မှတ်ဆောင်ရွက်ပေးသည့် မျှတမှုရှိသော လုပ်ငန်းစဉ်တစ်ခုဖြစ်ကြောင်းကိုလည်းကောင်း၊ စားသုံးသူနှင့် လုပ်ငန်းရှင်များအကြား စားသုံးသူအခွင့် အရေးထိခိုက်နစ်နာပါက တိုင်ကြားလို့ရသည့် နည်းလ်း ၇မျိးအကြောင်းကိုအကျယ်တဝင့်ရှင်းလင်းပြီး အလွယ်ကူဆုံးတိုင်ကြားလို့ရသော ဖုန်းဖြင့် ဆက်သွယ်တိုင်ကြားနိုင်သည်ံ Consumer Call Center 1535 ကိုလည်း ဆက်သွယ်မေး မြန်းတိုင်ကြားလို့ရကြောင်းကို လက်တွေ့သရုပ်ပြ ခေါ်ဆိုခြင်းဖြင့် အသိပညာပေး ဆောင်ရွက်ခဲ့ကြောင်း သိရပါသည်။ DOCA(ဧရာဝတီ)

ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်၌ ဇူလိုင်လ ၁ ရက်နေ့ နံနက် ၈ နာရီက ခရိုင်စီမံအုပ်ချုပ်ရေးအဖွဲ့ဥက္ကဋ္ဌ နှင့်အဖွဲ့သည် ဓနုဖြူမြို့နယ်၊ အုန်းပင်ကွင်းကျေးရွာအတွင်း မိုး စပါးစိုက်ပျိုးနေမှုများကို ကွင်းဆင်းကြည့်ရှုခဲ့ကြသည်။ ယင်းသို့ ကွင်းဆင်းကြည့်ရှုရာ၌ အုန်းပင်ကွင်းကျေးရွာမှ တောင်သူ ဦးမင်းသူ၏ စိုက်ပျိုးမြေ ၁ ဧကတွင် ရေဆင်းစပါးမျိုးသစ်ကို လက်စိုက်နည်းဖြင့် စမ်းသပ်စိုက်ပျိုးနေမှုကို ကြည့်ရှုအားပေးခဲ့ကြောင်း သိရသည်။ အဆိုပါ စပါးမျိုးသည် ဒေသတွင်း၌ မျိုးသစ်ဖြစ်ပြီး ရက် ၁၁၀ ၊ ၁၁၅ ရက် သက်တမ်းမျိုးဖြစ်ကာ၊ အထွက်ကောင်းစပါးမျိုးဖြစ်ကြောင်း မြို့နယ်စိုက်ပျိုးရေးဦးစီးဌာနမှ သိရသည်။ မိုးစပါးစိုက်ပျိုးမှု မှာ လက်စိုက်စပါး၊ ပျိုးကျဲစပါး၊ Drum Seeder ဖြင့် အစေ့ချစိုက်ပျိုးခြင်း၊ ကောက်စိုက်စက်ဖြင့် စိုက်ပျိုးခြင်းများဖြင့် ပန်းတိုင်အထွက်နှုန်းရရှိအောင် မိုးစပါးစိုက်ပျိုးနေမှု များကို လှည့်လည်ကြည့်ရှုကြပြီး ထွန်ယက်စိုက်ပျိုးနေကြသော တောင်သူများနှင့် တွေ့ဆုံအားပေးစကား ပြောကြားခဲ့ကြောင်း သိရသည်။ DOCA(ဧရာဝတီ)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူများအသုံးပြုလျက်ရှိသည့် ကုန်စည်နှင့် ဝန်ဆောင်မှုများ ဘေးအန္တ ရာယ်ကင်းရှင်းစေရန် ရည်ရွယ်၍ ဈေးကွက်စောင့်ကြည့်စစ်ဆေးခြင်းလုပ်ငန်းများကို လစဉ်ဆောင် ရွက်လျက်ရှိကြောင်း သိရသည်။ ၂၀၂၅ ခုနှစ် ဇွန်လအတွင်း စားသုံးသူရေးရာဦးစီးဌာနမှဦးဆောင်ကာ မိတ်ဖက်ဌာန များနှင့်ပူးပေါင်း၍ ပြည်ပမှတင်သွင်းသော ကုန်စည်များကိုသာမက ပြည်တွင်း၌ထုတ်လုပ်သောကုန် စည်များနှင့်စပ်လျဉ်း၍ ဈေးကွက်မရောက်မီ သို့မဟုတ် ဈေးကွက်ရောက်ပြီး ကုန်စည်များ၏ဘေး အန္တရာယ်ရှိ/မရှိစစ်ဆေးခြင်းနှင့် ကုန်အညွှန်းအမှတ်အသားဖော်ပြရမည့်အချက်များ ပါဝင်မှုရှိ/မရှိ စစ်ဆေးခြင်းကို ကန့်ဘလူမြို့နယ်အနေဖြင့် ကန့်ဘလူမြို့၊ မြို့မဈေးရှိ ကုန်စုံဆိုင်များနှင့် ကန့်ဘလူမြို့၊ အမှတ်(၃)ရပ်ကွက်ရှိ သောက်ရေသန့်စက်ရုံအားလည်းကောင်း ဈေးကွက်စောင့် ကြည့်စစ်ဆေးခြင်းစသည်ဖြင့် စုစုပေါင်းဈေးကွက်စောင့်ကြည့်စစ်ဆေးခြင်း(၂)ကြိမ်၊ ကျွန်းလှမြို့ နယ်အနေဖြင့်ကျွန်းလှမြို့၊ သစ်ရာမြိုင်ရပ်ကွက်ရှိ ကုန်စုံဆိုင်များအားလည်းကောင်း ဈေးကွက်စောင့် ကြည့်စစ်ဆေးခြင်း(၁)ကြိမ်၊ ကန့်ဘလူမြို့၊ အမှတ်(၅)ရပ်ကွက်ရှိ စက်သုံးဆီအရောင်းဆိုင်အား အထူးဈေးကွက်စောင့်ကြည့်စစ်ဆေးခြင်း (၁)ကြိမ်နှင့် ကျွန်းလှမြို့ ၊ သစ်ရာမြိုင်ရပ်ကွက်ရှိ စက်သုံး ဆီဆိုင်အား အထူးဈေးကွက်စောင့်ကြည့်စစ်ဆေးခြင်း (၁)ကြိမ်ဆောင်ရွက်နိုင်ခဲ့ကြောင်း၊ စီးပွားရေး လုပ်ငန်းရှင်များအနေဖြင့် မြန်မာဘာသာဖြင့် ကုန်အညွှန်းအမှတ်အသားများကို ပြည့်စုံစွာဖော်ပြ ထားသည့် ကုန်စည်များကိုသာ ဖြန့်ဖြူးရောင်းချရန်၊ သက်ဆိုင်ရာဌာနများမှ စားသုံးရန်မသင့် ထုတ်ပြန်ထားသည့်ကုန်စည်များကို ရောင်းချခြင်းမပြုရန် အသိပညာပေးပြောကြားခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါလက်ကမ်းစာစောင်များ ဖြန့်ဝေပေးခဲ့ကြောင်းသိရသည်။ DOCA(စစ်ကိုင်း)

စားသုံးသူရေးရာဦးစီးဌာန၊ ဧရာဝတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် တာဝန်ခံ သည် မိတ်ဖက်ဌာနများ ပူးပေါင်း၍ ကျောင်းဖွင့်ရာသီတွင် ကျောင်းနေအရွယ် ကျောင်းသား၊ ကျောင်းသူများ စားသုံးသူအခွင့်အရေး ဗဟုသုတကြွယ်စေပြီး တောင်းဆိုတက်ရှိစေရန်နှင့် ဘေးအန္တရာယ်ကင်းသော ကုန်စည်နှင့် အစားအသောက်များ ရွေးချယ်ဝယ်ယူစားသောက်နိုင်ရေး အတွက် (၃.၇.၂၀၂၄)ရက်နေ့၊ နံနက် (၁၀:၃၀)အချိန်တွင် အသိပညာပေးဟောပြောခဲ့ပါသည်။ ဟောပြောပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၊ အားကစားနှင့် ကာယပညာ ဦးစီးဌာန၊ စားသုံးသူရေးရာဦးစီးဌာနတို့ ပူးပေါင်းကာ ညောင်တုန်းမြို့ရှိ အ.ထ.က(၁)အခြေခံပညာ အထက် တန်းကျောင်းတွင် ကျောင်းသူ၊ ကျောင်းသား(၁၅၀)ဦး၊ ဆရာ၊ ဆရာမ(၆)ဦးတို့အား စာဖတ်ခြင်း ၏ အကျိုးကျေးဇူးများ၊ မူးယစ်ဆေးအန္တရာယ်ဆိုးကျိုးအကြောင်း၊ စားသုံးသူရေး ရာဦးစီးဌာန မြို့နယ်ဦးစီးမှူး ဦးအောင်လွင်(ဦးစီးအရာရှိ)က စားသုံးသူ ကာကွယ်ရေး ဥပဒေပြဌာန်းချက် များနှင့်အညီ ဆောင်ရွက်သော ဌာနတစ်ခုဖြစ်ကြောင်း၊ လူ့အခွင့်အရေး ကာကွယ်မြင့်တင်ဖို့ လုပ်ဆောင်ခြင်း၊ စီးပွားရေး လုပ်ငန်းရှင်နှင့် စားသုံးသူအကြား စားသုံးသူနစ်နာမှုကို ကာကွယ်ပေးခြင်း၊ စားသုံးသူ အခွင့်အရေး အခြေခံ ၈ချက်ကို သိရှိနားလည်ထားကြရန်၊ သတ်မှတ် ထားသော ဥပဒေနည်း ဥပဒေ များဖြင့် ဆောင်ရွက်ခြင်း လုပ်ငန်းဖြစ် ကြောင်းကို အကျယ်တဝင့် ရှင်းလင်းခြင်း၊ စားသုံးသူ အခွင့်အရေး နစ်နာဆုံးရှုံးမှုအပေါ် တိုင်ကြားနိုင်သော ဌာနဖြစ်သည့် စားသုံးသူ ရေးဦးစီးဌာနတွင် တိုင်ကြားမှုများကို လက်ခံဖြေရှင်းဆောင်ရွက်ပေးသည့် လုပ်ငန်းစဉ်များ အကြောင်း ကို အသေးစိတ်ရှင်းလင်းပြီး တိုင်ကြားလိုရသော နည်းလမ်းများဖြစ်သည့် www.doca.gov.mncomplant တွင် တိုင်ကြားနိုင်ခြင်း။ DOCA Myanmar Mobile Applaction ဖြင့် တိုင်ကြား နိုင်ခြင်း၊ သက်ဆိုင်ရာမြို့နယ်၊ ခရိုင်/တိုင်း/ပြည်တယ်များတွင် ဖွင့်လှစ်ထားသော CICCများသို့ လူကိုယ် တိုင်သော် လည်းကောင်း၊ စာဖြင့်ဖြစ်စေ၊ ဖုန်းဖြင့်ဖြစ်စေ တိုင်ကြားနိုင်ခြင်း။ စားသုံးသူ ကာကွယ်ရေး အသင်းအဖွဲ့များမှတဆင့် တိုင်ကြားနိုင်ခြင်း၊ DOCA and CICC FaceBook Page Messanger မှတဆင့် တိုင်ကြားနိုင်ခြင်း၊ consumerwebsitedoca@gmail.com, ciccnpt@gmail.com မှတဆင့် တိုင်ကြားနိုင်ခြင်း တို့ကို ရှင်းလင်းပြီး Consumer Call Center 1535 ကိုလည်း ဆက်သွယ်မေး မြန်းတိုင် ကြားလို့ရကြောင်းကို ရှင်းလင်းပြီး ကျောင်းသား ကျောင်းသူများက သိရှိလိုသည်များကို မေး မြန်းကြ၍ ပြန်လည်ဖြေကြား ရှင်းလင်းခဲ့ ကြောင်းသတင်း ရရှိပါသည်။ DOCA(ဧရာဝတီ)

စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၁.၇.၂၀၂၅)ရက်နေ့ ၊နေ့လယ် (၁၃:၀၀)နာရီအချိန်တွင် လေးမျက်နှာမြို့၊ ခမောက်စုကျေးရွာရှိ လယ်ယာနှင့် ပီလောပီနံ စိုက်ပျိုးထုတ် လုပ်သူ လုပ်ငန်းရှင်(၅)ဦးအား အသိပညာပေးဟောပြောခြင်းကို ဆောင်ရွက်ခဲ့ပါသည်။ အဆိုပါ‌ဟောပြောပွဲတွင် မြို့နယ်တာဝန်ခံ ဦးအောင်သန်းဌေးက လယ်ယာထွက်သီးနှံများနှင့် ဒေသထွက်ကုန် ပီလောပီနံ စိုက်ပျိုးမှုနှင့် ပါတ်သတ်၍ ဈေးနှုန်းဈေးကွက်၊ ဝယ်လိုအား၊ ရောင်းလိုအား အခြေအနေများဆွေးနွေးခဲ့ပြီး၊ စားသုံးသူကာကွယ်ရေးဆိုင်ရာလုပ်ငန်းများနှင့်ပါတ်သတ်၍ စားသုံးသူ ကာကွယ်ရေးဥပဒေစတင်ဖြစ်ပေါ်လာပုံ၊ စားသုံးသူများ၊ စီးပွားရေးလုပ်ငန်းရှင်များ၏ ရရှိနိုင်သောအခွင့် အရေးများကို အကျယ်တဝင့် ရှင်းလင်းပြောကြားခဲ့ပါသည်။ ဆက်လက်၍ အစားအသောက်များနှင့် လူသုံးကုန်ပစ္စည်းများတွင် ကုန်အညွှန်းအမှတ်အသားဖော်ပြထားခြင်းမရှိပါက သတိထား၍ ဝယ်ယူသုံးစွဲ သင့်ကြောင်း၊ ကုန်အညွှန်းအမှတ်အသား ပြည့်စုံစွာရိုက်နှိပ်ဖော်ပြထားသော ပစ္စည်းများကိုသာရွေး ချယ် ဝယ်ယူသုံးစွဲသင့်ကြောင်း၊ထို့နောက် စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန် များအကြောင်း စားသုံးသူ နစ်နာဆုံးရှုံးမှုများဖြစ်ပေါ်လာပါကတိုင်ကြားနိုင်ကြောင်းကိုလည်းကောင်း၊ စားသုံးသူသတင်း ပြန် ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေကိုလည်းကောင်း၊ Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း အသေးစိတ်ရှင်း လင်းဆွေးနွေးခဲ့ကြောင်း သိရှိရပါသည်။ DOCA( ဧရာဝတီ)