သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အင်းစိန်ဈေး၊ တိုက်ကြီးမြို့မဈေး၊ မှော်ဘီမြို့မဈေးနှင့် လှည်းကူးမြို့မဈေးများရှိ ကုန်မျိုးစုံဆိုင်များသို့ ၂၂-၁၀-၂၀၂၄ ရက်နေ့တွင် သွားရောက်၍ စားသုံးသူပြည်သူများဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စားသုံးဆီများတွင် ကုန်အညွှန်းအမှတ်အသားများပြည့်စုံစွာရှိ/ မရှိ ကွင်းဆင်းစစ်ဆေးခဲ့ကြောင်းသိရှိရပါသည်။

        ထိုသို့ကွင်းဆင်းစစ်ဆေးခဲ့ရာ၌ အဆိုပါဈေးများတွင် အမှတ်တံဆိပ်ပါ ရောင်းချနေသောစားသုံးဆီများတွင် ကုန်အညွှန်းအမှတ်အသားပြည့်စုံစွာဖော်ပြထားခြင်းရှိ/ မရှိ၊ သက်ဆိုင်ရာဌာနများ၏ ခွင့်ပြုချက်ထောက်ခံချက်ပါ/ မပါတို့ကိုစစ်ဆေးခဲ့ရာ ကုန်အညွှန်းအမှတ်အသားများကို ပြည့်စုံစွာဖော်ပြထားကြောင်း၊ ထောက်ခံချက်များပါဝင်ကြောင်းကို စစ်ဆေးတွေ့ရှိရပြီး ဆိုင်ရှင်များအား မည်သည့်ကုန်ပစ္စည်းမဆို စားသုံးသူများဘေးအန္တရာယ်ကင်းသော ကုန်စည်များကိုရောင်းချဖြန့်ဖြူးကြစေရန် အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးကွပ်ကဲမှုအောက်ရှိ မှော်ဘီမြို့နယ်ခွဲရုံးမှ ဝန်ထမ်များသည် ၂၁-၁၀-၂၀၂၄ ရက်နေ့၊ နံနက် (၁၀:၃၀)နာရီအချိန်တွင်  မှော်ဘီမြို့နယ်အတွင်းရှိ ပဲကြော်၊ နှစ်ပြန်ကြော်လုပ်ငန်းများသို့ လုပ်ငန်းသုံးစားအုန်းဆီများ အမှန်တကယ်သုံးစွဲခြင်းရှိ/မရှိမကို မြေပြင်ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

      ထိုသို့ ကွင်းဆင်းစစ်ဆေးရာ မှော်ဘီမြို့နယ်၊ အင်းလျက်ကျေးရွာ၊ သုခရပ်ကွက်၊ ရွှေမြယာကုန်းရှိ ဦးတင်အောင်ပဲကြော်နှင့် ဦးဝင်းမြင့်ပဲကြော်၊ နှစ်ပြန်ကြော်လုပ်ငန်းရှင်များအား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ ကုန်ကြမ်းပစ္စည်းများကို စနစ်တကျသိုလှောင်ရန်၊ သက်ဆိုင်ရာဌာနများ၏ လုပ်ငန်းလိုင်စင်၊ ထောက်ခံချက်များပြုလုပ်ရန်နှင့် စားသုံးသူကာကွယ်ရေးဥပဒေ အခန်း (၁၈) ပါ “ကုန်အညွှန်းအမှတ်အသားဖော်ပြခြင်း”နှင့်ပတ်သက်၍ အကြောင်းအရာများကိုလည်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

       အခြေခံစားသောက်ကုန်ဈေးနှုန်းများစာရင်းကောက်ယူရာတွင် သက်ဆိုင်ရာဌာနများနှင့်ပူးပေါင်းဆောင်ရွက်ရန် ကုန်စည်ဈေးနှုန်းအစည်းအဝေးဆုံးဖြတ်အရ ရန်ကုန်တိုင်းဒေသကြီး ဗဟိုစာရင်းအင်းအဖွဲ့မှ တိုင်းဦးစီးမှူးနှင့်တာဝန်ရှိဝန်ထမ်းများ၊ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူးနှင့် တာဝန်ရှိဝန်ထမ်းများ၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့်တာဝန်ရှိဝန်ထမ်းများ၊ ပုဇွန်တောင်ဈေးစည်ပင်သာယာရေးကော်မတီမှ ဈေးတာဝန်ခံနှင့်ဝန်ထမ်းများပူးပေါင်း၍ ၂၂-၁၀-၂၀၂၄ ရက်နေ့၊ နံနက် (၀၈း၂၀) နာရီအချိန်တွင် နေ့စဉ်ဖြစ်ပေါ်နေသည့် ကုန်ဈေးနှုန်းအခြေအနေများကို စာရင်းကောက်ယူခဲ့ကြောင်းသိရှိရပါသည်။

        ထိုသို့ ဈေးနှုန်းကောက်ယူရာတွင် ပုဇွန်တောင်ဈေးအတွင်းရှိ အသားငါး၊ ဆန်၊ ဆီနှင့် ငါးပိ/ ငါးခြောက် စသည့်ပစ္စည်းအမျိုးမျိူးကို ဈေးနှုန်းစာရင်းကောက်ယူခဲ့ပြီး စားနပ်ရိက္ခာဖူလုံစေရေး၊ ကုန်ဈေးနှုန်းကြီးမြင့်မှုမဖြစ်ပေါ်စေရေးတို့အတွက် တိုင်းဒေသကြီးတချို့မှထွက်ရှိသည့် စားသောက်ကုန်များ၊  ရန်ကုန်တိုင်း‌ဒေသကြီးအတွင်းမှထွက်ရှိသော  ကုန်စည်များနှင့် တိုင်းပြင်ပမှဝင်ရောက်နေသည့် ကုန်စည်များ၏ နေ့စဉ်ဖြစ်ပေါ်နေသည့် ကုန်စည်စီးဆင်းမှုအခြေအနေများကို မေးမြန်းခဲ့ခြင်းဖြစ်ကြောင်းသိရှိရပါသည်။

DOCA(ရန်ကုန်)

        စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှုးရုံးအနေဖြင့် ခရိုင်အတွင်းမြို့နယ်များရှိ စက်သုံးဆီအရောင်းဆိုင်များ၏ နေ့စဉ်ရောင်းချနေသော စက်သုံးဆီဈေးနှုန်း များသည် PPRD မှထုတ်ပြန်ထားသော ရည်ညွှန်းဈေးအတိုင်း ရောင်းချခြင်းရှိ/ မရှိ၊ စက်သုံးဆီပြတ်လပ်မှုရှိ/ မရှိတို့၏အခြေအနေများကို တိုင်းဒေသကြီးဦးစီးမှူးရုံးသို့ နေ့စဉ်ပေးပို့တင်ပြလျက်ရှိပါသည်။

        ထိုသို့တင်ပြမှုများကို ဆောင်ရွက်လျက်ရှိရာ (၂၂-၁၀-၂၀၂၄) ရက်နေ့၊ နံနက် (၁၁:၃၀) နာရီအချိန်တွင် သင်္ဃန်းကျွန်းခရိုင်အတွင်း တာဝန်ကျဝန်ထမ်းများက မြောက်ဥက္ကာပမြို့နယ်အ တွင်းရှိ YP(သုဓမ္မာ)၊ Denko(မြောက်ဥက္ကလာ)၊ Moonsun (မြောက်ဥက္ကလာ) စသည့် စက်သုံးဆီဆိုင်များသို့ သွားရောက်ကွင်းဆင်း၍ ဆိုင်တာဝန်ခံများနှင့်တွေ့ဆုံပြီး PPRD မှထုတ်ပြန်ထားသည့် ရည်ညွှန်းဈေးအတိုင်းရောင်းချခြင်းရှိ/ မရှိ စက်သုံးဆီပြတ်လပ်မှုရှိ/ မရှိ၊ စက်သုံးဆီပြတ်လပ်သည့်အချိန်၊ ဆီဈေးနှုန်းတင်ထားသည့် Ledboard များကိုပါစစ်ဆေးခဲ့ပြီး၊ တရားမ ဝင်စက်သုံးဆီများရောင်းချခြင်းမပြုရန်နှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းမပြုရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များနှင့်အညီ လုပ်ကိုင်ဆောင်ရွက်စေလိုကြောင်း အသိပညာပေးပြောကြားခဲ့ကြောင်းပါသည်။

DOCA(ရန်ကုန်)

      စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်မင်းသည် မိတ္ထီလာကုန်စည်ဒိုင်၌ ၂၀၂၄ ခုနှစ် ၊ အောက်တိုဘာလ ၁၅ ရက်နေ့တွင်နံနက် (၁၀:၃၀) ချိန်တွင် အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ စားသုံးသူပြည်သူများအား အသိပညာပေးဟောပြော ဆွေးနွေးခဲ့သည်။

   ထိုသို့ ဆွေးနွေးရာတွင် စားသုံးသူ၏အဓိပ္ပာယ်၊ အွန်လိုင်းစနစ်ဖြင့် ရောင်းချခြင်းလုပ်ငန်း အဓိပ္ပါယ်၊ စားသုံးသူ၏အခွင့်အရေးနှင့်တာဝန်များ၊ အွန်လိုင်းလုပ်ငန်းများအား စိစစ်သင့်သည့်အချက်များ ၊ အွန်လိုင်းမှ မှာယူသုံးစွဲရာတွင် စိစစ်သင့်သည့်အချက်များ၊ အွန်လိုင်းမှ ကုန်စည်ဝယ်ယူရာတွင် အားသာချက်၊ အားနည်းချက်များ၊ အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ သက်ဆိုင်ရာဌာနများ၏ ဆောင်ရွက်မှုများ၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ဈေးဝယ်ယူခြင်းဖြင့် ရရှိလာမည့် အကျိုးရလဒ်များ၊ လိမ်လည်မှုပုံစံ (၂) မျိုးဖြင့် လိမ်လည်နိုင်ကြောင်း၊ အွန်လိုင်းမှ ဝယ်ယူမှုများအတွက် နစ်နာဆုံးရှုံးမှုများရှိခဲ့လျှင်လည်း နည်းလမ်း(၅)မျိုးဖြင့် တိုင်ကြားနိုင်ပါကြောင်း၊ တိုင်ကြားရာတွင်လည်း မိမိတို့ဌာနမှ စေ့စပ်ညှိနှိုင်းဖြေရှင်းပေးခြင်း၊ စီမံခန့်ခွဲရေးနည်းလမ်းအရ အရေးယူခြင်းစသည့် နည်းလမ်း(၂)မျိုးဖြင့် ဖြေရှင်းပေးပါကြောင်း ပြောကြားခဲ့ရာ အသိပညာပေးပွဲသို့ စားသုံးသူ(၁၅) ဦး တက်ရောက်ပြီး နံနက်( ၁၁:၃၀ )အချိန်တွင် ရုပ်သိမ်းခဲ့ကြောင်း သိရှိရသည်။

DOCA(မန္တလေး)