သတင်းနှင့် လှုပ်ရှားမှုများ

          ၂၀.၃.၂၀၂၅ ရက်နေ့တွင် မွန်ပြည်နယ်၊‌ စားသုံးသူရေးရာဦးစီးဌာန၊ သထုံခရိုင်၊ ဘီးလင်းမြို့နယ်တာဝန်ခံ ဒေါ်ဇင်ဖြူဝင်းသည် ဘီးလင်းမြို့၊ ကန်သာယာရပ်ကွက်အတွင်းရှိ မုန့်မျိုးစုံရောင်းချနေသည့် စတိုးဆိုင်များရှိ ရောင်းချနေသော ယိုမျိုးစုံတို့အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ရောင်းချနေသော ယိုမျိုးစုံတို့တွင် ကုန်အညွှန်းအမှတ်အသားပြည့်စုံစွာ ဖော်ပြထားသည်ကိုတွေ့ရှိရပြီး ထိုယိုမျိုးစုံတို့သည် သက်ဆိုင်ရာဌာနများ၏ ထောက်ခံချက်အပြည့်အစုံပါရှိ၍ ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထားသောကြောင့် စားသုံးသူများမှ ယုံကြည်စိတ်ချစွာ ဝယ်ယူကြကြောင်း၊ ကုန်အညွှန်းအမှတ်အသားများကိုလည်း အပြည့်အဝတာဝန်ယူသော လုပ်ငန်းများဖြစ်သဖြင့် ရောင်းဝယ်ဖောက်ကားရသည်များမှာ အဆင်ပြေကြောင်း ဆိုင်ရှင်များ၏ ပြောကြားချက်အရ သိရှိရပါသည်။

DOCA(မွန်)

စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ သတင်းအချက်အလက်နည်း ပညာ နှင့်အရည်အသွေးစီမံခန်ခွဲမှုတာဝန်ခံ  ဒေါ်အေးငြိမ်းစံ(ဦးစီးအရာရှိ)နှင့် ဝန်ထမ်းများသည် မန္တလေး ဆီစက်လုပ်ငန်းရှင်များအသင်းနှင့်ပူးပေါင်း၍ ၁၁.၃.၂၀၂၅ ရက်နေ့၊နေ့လည်(၁:၀၀)နာရီ တွင် မန္တလေးမြို့၊အောင်မြေသာစံမြို့နယ်အတွင်းရှိ ဆီစက်လုပ်ငန်းများသို့ ကွင်းဆင်း စစ်ဆေးခြင်း ဆောင်ရွက်ခဲ့ပါသည်။ထိုသို့ကွင်းဆင်းစစ်ဆေးရာတွင် ဆီစက်လုပ်ငန်းရှင်များ နှင့်တွေ့ဆုံ၍ ဆီကြိတ်ခွဲထုတ်လုပ်နေမှုများအား ကြည့်ရှုစစ်ဆေးခြင်း ဆီတစ်ရက်ကြိတ်ခွဲ ထုတ်လုပ်မှုနှင့် ဆီထွက်ရှိမှုအခြေအနေ၊ ကုန်ကြမ်းရရှိမှုအခြေအနေနှင့် ဈေးနှုန်းဈေးကွက်၊ ထွက်ရှိလာသော ကုန်ချောဆီများအား ပြန်လည်ဖြန့်ဖြူးရောင်းချမှုအခြေအနေများအား မေးမြန်းခဲ့ပြီး စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ သတ်မှတ်ဖော်ပြပါ ရှိရမည့်အချက်များနှင့် စီးပွားရေးလုပ်ငန်းရှင်များ လိုက်နာရမည့်တာဝန်များကို ရှင်းလင်းဆွေးနွေး ခဲ့ကြောင်း သတင်း ရရှိပါသည်။

DOCA(မန္တလေး)

        မန္တလေးတိုင်းဒေသကြီး၊မဟာအောင်မြေခရိုင်အတွင်းရှိ ချမ်းအေးသာစံမြို့နယ်၊မဟာအောင် မြေမြို့နယ်၊ချမ်းမြသာစည်မြို့နယ်နှင့်ပြည်ကြီးတံခွန်မြို့နယ်တို့ရှိ ဆင်းကတ်ရောင်းချသည့်အရောင်း ဆိုင်များသို့  မဟာအောင်မြေခရိုင်တရားမဝင်ဆင်းကတ်ရောင်းချမှုများစစ်ဆေးရေးအဖွဲ့ဖြင့်   ၂၀၂၅ ခုနှစ် မတ်လ ၁၈ ရက်နေ့မှ ၂၁ ရက်နေ့အထိ ကွင်းဆင်းစစ်ဆေးခဲ့ပါသည်။

            မဟာအောင်မြေခရိုင်အတွင်းရှိ ဆင်းကတ်ရောင်းချသည့်အရောင်းဆိုင်များတွင်  ဆင်းကတ် များမှတ်ပုံတင်ခြင်းဆိုင်ရာ ညွှန်ကြားချက်များနှင့်အညီ ဆောင်ရွက်ပြီးမှသာ ဆင်းကတ်များရောင်းချ ရန်နှင့်ကြိုတင်မှတ်ပုံတင်ထားသည့်ဆင်းကတ်များအား ရောင်းချမှုမရှိစေရေးတို့အတွက် အထွေထွေ အုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စားသုံးသူရေးရာဦးစီးဌာန၊ မန္တလေးမြို့တော်စည်ပင်သာ ယာရေးကော်မတီနှင့်ဆက်သွယ်ရေးညွှန်ကြားမှုဦးစီးဌာနတို့ ပူးပေါင်းပါဝင်သည့်အဖွဲ့ဖြင့် ကွင်းဆင်း စစ်ဆေးခြင်းလုပ်ငန်းများဆောင်ရွက်ခဲ့ကြောင်း သိရပါသည်။

DOCA(မန္တလေး)

အသိပညာဗဟုသုတများ၊ အတွေ့အကြုံများ၊ လုပ်ငန်းသဘောတရားများကို တစ်ဦးနှင့်တစ်ဦး ပေါင်းစပ်ဖလှယ်ဖြန့်ဝေခြင်းဖြင့် လုပ်ငန်းခွင်များတွင် အထောက်အကူရရှိစေရေး၊ စွမ်းဆောင်ရည် များတိုးတက်ကောင်းမွန်လာစေရေး၊ အသိပညာဗဟုသုတများ ရရှိစေရေးတို့အတွက် ရည်ရွယ်ကာ အသိပညာပေး Thursday Talk ဟောပြောဆွေးနွေးပွဲအား ၂၀၂၅ ခုနှစ်၊ မတ်လ(၂၀)ရက်နေ့၊ နံနက် ၁၀:၃၀ နာရီအချိန်တွင် စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံး၌ ကျင်းပပြုလုပ်ခဲ့သည်။

          အဆိုပါဟောပြောဆွေးနွေးပွဲတွင် စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးရှိ ဦးဝင်းထွန်းဦး (ဦးစီးမှူး)က Public Speaking အကြောင်းသိကောင်းစရာများခေါင်းစဉ်ဖြင့်  အသိ ပညာပေး ဟောပြောဆွေးနွေးခဲ့ပါသည်။ ဟောပြောဆွေးနွေးမှု၌ မိမိတို့ဌာနရှိ ဝန်ထမ်းများအနေဖြင့် အများပြည်သူသို့ အသိပညာပေးဟောပြောဆွေးနွေးမှုများအား စဉ်ဆက်မပြတ်ဆောင်ရွက်နေရ သည့်အတွက် မိမိပြောဆိုဆွေးနွေးမည့်အကြောင်းအရာများအား ကျွမ်းကျင်ပိုင်နိုင်ဖို့လိုအပ်ပါ ကြောင်း၊ ဟောပြောခြင်း၏အခြေခံဖွဲ့စည်းမှု၊ ဟောပြောပုံဟောပြောနည်းများ၊ ဟောပြောဆွေးနွေး ရာတွင် ရှောင်ကျဉ်ရမည့်အပြောအဆိုအသုံးအနှုန်းများ၊ ကိုယ်ဟန်အမူအရာများ၊ သတိလက်လွတ် ပြုလုပ်တတ်သည့်အမှားများ၊ အသုံးများသည့် Persentation အမျိုးအစားများအား ရှင်းလင်းဟော ပြောဆွေးနွေးခဲ့ပါကြောင်းနှင့် အဆိုပါ Thursday Talk ဟောပြောဆွေးနွေးပွဲသို့ Online ဖြင့် မန္တလေးတိုင်းဒေသကြီးဦးစီးမှူးရုံးမှဝန်ထမ်းများ၊ ကျောက်ဆည်ခရိုင်နှင့်မိတ္ထီလာခရိုင်မှ ဝန်ထမ်းများ လည်း တက်ရောက်ခဲ့ကြောင်း သိရသည်။

DOCA(မန္တလေး)

မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ခရိုင်အစား အသောက်နှင့်ဆေးဝါးကွပ်ကဲရေးဦးစီးဌာန(FDA)၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြန်မာ နိုင်ငံရဲတပ်ဖွဲ့တို့ပူးပေါင်း၍ မြို့ပေါ်ရှိဆေးဆိုင်များသို့ ဈေးကွက်စောင့်ကြည့်စစ်ဆေးခြင်းကို မတ်လ (၁၉)ရက်နေ့၊ နံနက်(၀၉:၀၀)နာရီတွင် ကွင်းဆင်းစစ်ဆေးကြကြောင်းသိရသည်။

          အဆိုပါဈေးကွက်စောင့်ကြည့်စစ်ဆေးရေးအဖွဲ့သည် ကျောက်ပန်းတောင်းမြို့ပေါ်ရှိ ဆေးနှင့် ဆေးပစ္စည်းအရောင်းဆိုင်များသို့ မြေပြင်ကွင်းဆင်း၍ စံမညီဆေးဝါးများ၊ မြန်မာနိုင်ငံဆေးဝါး ထောက်ခံချက်အမှတ်မပါရှိသောဆေးဝါးများ၊ သက်တမ်းလွန်ဆေးဝါးများ ရောင်းချမှုမရှိစေရေး၊ ဆေးဝါးများအားသတ်မှတ်ချက်များ၊ ညွှန်ကြားချက်များနှင့်အညီ ထားသိုသိမ်းဆည်းမှုမှန်ကန် စေရေး၊ ဆရာဝန်ညွှန်ကြားချက်မလိုသောဆေးဝါးများအား သက်ဆိုင်ရာဌာနများ၏ သတ်မှတ်ချက်၊ ဥပဒေ၊ အမိန့်၊ ညွှန်ကြားချက်များနှင့်အညီ ရောင်းချမှုရှိစေရေး၊ အခန်းအပူချိန်တိုင်းကိရိယာများ ထားရှိစေရေး၊ ရောင်းချလျက်ရှိသောဆေးဝါးများနှင့်စပ်လျဉ်းပြီး အာမခံချက်၊ သတ်မှတ်ချက်များနှင့် ပတ်သက်၍ ပြည့်စုံမှန်ကန်သောသတင်းအချက်အလက်များကို အချိန်နှင့်တပြေးညီထုတ်ပြန်စေရေး၊ ဆေးဝါးများကို ခွဲခြမ်းထုတ်ပိုးရောင်းချမည့်ဆိုပါက သက်ဆိုင်ရာဌာနများ၏ သတ်မှတ်လမ်းညွှန် ချက်များနှင့်အညီ ထုတ်ပိုးရောင်းချမှုရှိစေရေး စသည်တို့ကိုစစ်ဆေးခဲ့ကြပြီး စားသုံးသူကာကွယ် ရေးဥပဒေပါ အခန်း(၁၈)ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင် များက ကုန်စည်၏တံဆိပ်အမှတ်အသား၊ အမျိုးအမည်၊ အရွယ်အစား၊ အရေအတွက်၊ အသား တင်ပမာဏ၊ သုံးစွဲပုံနည်းလမ်း၊ ဘေးထွက်ဆိုးကျိုး၊ ထားသိုသိမ်းဆည်းမှုအညွှန်း၊ ကြိုတင်သတိ ပေးချက်တို့ကို မြန်မာဘာသာဖြင့်တွဲဖက်ဖော်ပြရမည်ဖြစ်သလို ထုတ်လုပ်သည့်ရက်စွဲနှင့်သက်တမ်း ကုန်ဆုံးသည့်ရက်စွဲ၊ ကုန်ကြမ်းပစ္စည်းအမျိုးအမည်နှင့်ပါဝင်မှုနှုန်း၊ အချိုးအစား၊ ထုတ်လုပ်မှုအမှတ် စဉ်နှင့်သက်ဆိုင်ရာဌာနများမှ ဖော်ပြရန်သတ်မှတ်ထားသောအချက်များ ထည့်သွင်းဖော်ပြရမည် ဖြစ်သလို ဖြန့်ဖြူးရောင်းချသူများသည်လည်း အဆိုပါသတ်မှတ်ချက်များနှင့်ကိုက်ညီသော ဆေးဝါး များ၊ ဖြည့်စွက်စာများကိုသာ ဆက်လက်ရောင်းချရမည်ဖြစ်ပါကြောင်း၊ သက်တမ်းလွန်ဆေးဝါးများ ကိုလည်း စနစ်တကျစွန့်ပစ်ရန်လိုအပ်ပါကြောင်း၊ သက်ဆိုင်ရာဌာနများ၏ ဥပဒေ၊ အမိန့်၊ ညွှန်ကြား ချက်များနှင့်အညီ လိုက်နာဖြန့်ဖြူးရောင်းချကြရန် အသိပညာပေးဆွေးနွေးခဲ့ကြပြီး နံနက် (၁၁:၀၀) နာရီတွင် ကွင်းဆင်းစစ်ဆေးမှုပြီးစီးကြောင်းသိရသည်။

DOCA(မန္တလေး)