သတင်းနှင့် လှုပ်ရှားမှုများ

  (၂၃.၉.၂၀၂၅)ရက်နေ့ ၊နံနက်(၁၁:၃၀)အချိန်တွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်လဲ့လဲ့ဌေး(ဒုဦးစီးမှူး) နှင့်ဝန်ထမ်းများ၊ အထွေထွေအုပ်ချုပ်ရေးဦးစီးဌာန၊ ဈေးစည်ပင်သာယာရေးကော်မတီတို့နှင့်အတူ မြောက်ဥက္ကလာပမြို့နယ်အတွင်းရှိ စားအုန်းဆီ လက်လီအရောင်းဆိုင်များ အမှတ်(၁၅/၁၆)၊  (ဌ)ရပ်ကွက်၊ (ဌ)ဈေးအား ဝင်ရောက်စစ်ဆေးခဲ့ရာ မိမိရရှိ သောခွဲတမ်းများကိုရပ်ကွက်နေ စားသုံးသူပြည်သူများလက်ဝယ်သို့ အမှန်တကယ်ရောက် ရှိစားသုံးနိုင်ရန် ရောင်းချပေးပါကြောင်း၊  သတ်မှတ်ဈေးနှုန်းရေးဆွဲထားသည့် လက်လီ/လက် ကားဈေးနှုန်းများရေးသားထားသည့် Board / ဗီနိုင်းများအား နေ့စဉ်ချိတ်ဆွဲရောင်းချခြင်း ရှိ/ မရှိ၊ စျေးနှုန်းမှန်ကန်မှု ရှိ/ မရှိ၊ အရေအတွက်မှန်ကန်မှု ရှိ/မရှိ၊ အလေးချိန်လည်းမှန်ကန်စွာချိန်တွယ် ပေးပါကြောင်း လက်ကျန်များမထားရှိကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)

  ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်၊ ကုက္ကိုတန်းပိုင် ပျော်ဘွယ်ကြီးစံပြ ကျေးရွာတွင် ဒလမြို့နယ်တာဝန်ခံ ဦးသန်းနိုင်နှင့်ဝန်ထမ်းများသည် စက်တင်ဘာလ(၂၃)ရက်နေ့၊ နေ့လည်(၁၁:၃၀)နာရီအချိန်တွင် အွန်လိုင်းစနစ်ဖြင့် ရောင်းချသည့်  လုပ်ငန်းရှင်များနှင့်တွေ့ဆုံ၍ အသိပညာပေး ဆွေးနွေးခဲ့ကြောင်း သိရသည်။

   အဆိုပါ အသိပညာပေး ဆွေးနွေးပွဲတွင် ဒလမြို့နယ်အတွင်း အွန်လိုင်းစနစ်ဖြင့် ရောင်းချ နေသော လုပ်ငန်းရှင်တို့အား မြေပြင်စစ်ဆေးအတည်ပြုပြီး မှတ်ပုံတင်ရရှိထားသည့် လုပ်ငန်းရှင် များဖြစ်၍ အွန်လိုင်းစနစ်ဖြင့် ရောင်းချသည့် လုပ်ငန်းဆိုင်ရာ အမိန့်ကြော်ငြာစာအမှတ် (၅၁/၂၀၂၃)နှင့်စပ်လျဉ်း၍ အသိပညာပေးရှင်းလင်းခြင်း၊ စားသုံးသူရေးကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသားဖော်ပြချက်များနှင့် စပ်လျဉ်း၍ ကုန်စည်များတွင် ကုန်အညွှန်းအမှတ်အသားများအား မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရ မည်ဖြစ်ကြောင်းနှင့် ကုန်အညွှန်းအမှတ်အသားပြည့်စုံမှုမရှိသည့် ကုန်စည်များအား ရောင်းချခြင်း မပြုလုပ်ကြရန်၊ ထိုသို့ပြုလုပ်ပါက စားသုံးသူကာကွယ်ရေးဥပဒေနှင့်အညီ အရေးယူဆောင်ရွက် သွားမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်ရှိ  အွန်လိုင်းစနစ်ဖြင့် ရောင်းချခြင်း  (Online Sale) လုပ်ငန်းဆောင်ရွက်ရန်အတွက် မှတ်ပုံတင်လက်မှတ် လျှောက်ထားလာ သည့် ရွှေထိုင်းအမည်ဖြင့် စားသောက်ကုန်ပစ္စည်းများ ရောင်းချလျှက်ရှိသော ဓမ္မာရုံလမ်း၊ ဗိုလ်ချုပ်ရပ်ကွက်၊ သန်လျင်မြို့သို့ စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးဦးသိန်းမောင်နှင့် ဝန်ထမ်းများသည် ၂၀၂၅ခုနှစ်၊ စက်တင်ဘာလ(၂၃)ရက်နေ့၊ နံနက် (၁၀:၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

  မြေပြင်ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာန၊ တောင်ပိုင်းခရိုင် ဦးစီးမှူးရုံးမှ ဒုခရိုင်မှူး ဦးဦးသိန်းမောင်က အွန်လိုင်းစနစ်ဖြင့်ရောင်းချခြင်း (Online Sale) လုပ်ငန်းဆောင်ရွက်နေသည့် ပိုင်ရှင်အား ၎င်းအနေဖြင့် မှတ်ပုံတင်လက်မှတ်လျှောက်ထားစဉ်က တင်ပြထားသည့်အတိုင်း အချက်အလက်များမှာ မြေပြင်ရှိ အချက်အလက်များနှင့် မှန်ကန်မှု ရှိ/မရှိ မြေပြင်ကွင်းဆင်းခြင်းဖြစ်ကြောင်း၊ စားသုံးသူရေးရာဦးစီးဌာနမှ မြေပြင်စစ်ဆေး ဆောင်ရွက်ပြီးမှသာ အသိပြုလက်မှတ်ထုတ်ပေးမည်ဖြစ်ကြောင်းနှင့် မှတ်ပုံတင်လက်မှတ်ရယူ ခြင်းမရှိဘဲ လုပ်ငန်းဆောင်ရွက်နေကြောင်း စစ်ဆေးတွေ့ရှိပါကလည်း လုပ်ငန်းတာဝန်များ အလိုက် တရားစွဲဆို အရေးယူဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ပါသည်။ ဆက်လက်၍ ဒေါ်ငြိမ်းငြိမ်းဝင်း ဦးစီးမှူးကလည်း အွန်လိုင်းစနစ်ဖြင့်ရောင်းချခြင်း (Online Sale) လုပ်ငန်းမှာ စားသောက်ကုန်လုပ်ငန်းဖြစ်သည့်အတွက် စားသုံးသူကာကွယ်ရေးဥပဒေ ပုဒ်မ(၄၃) အရ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည် များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ဖော်ပြထားသည့် ကုန်စည်များကိုသာ ရောင်းချရန်နှင့် အမိန့်ကြော်ငြာစာအမှတ် (၅၁/၂၀၂၃)အရ မှတ်ပုံတင်လက်မှတ် ရရှိသူ၏တာဝန်များနှင့်အခွင့်အရေးများအား ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ စက်တင်ဘာလ(၂၃)ရက်နေ့၊ နံနက်(၀၉:၁၅)နာရီအချိန်တွင် ပူးပေါင်းအဖွဲ့ဖြင့် ကွမ်းခြံကုန်း မြို့မဈေးအတွင်း ကွင်းဆင်းဆောင်ရွက်ခဲ့ကြောင်း သိရှိရပါသည်။

   ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံ ကျန်းမာရေးမှူး-၃ ဦးထွန်းထွန်း၊ မြို့နယ်စားသုံးသူရေးရာဦးစီးဌာနမှ မြို့နယ် တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ပါဝင်သော ပူးပေါင်းအဖွဲ့သည် ကွမ်းခြံကုန်းမြို့မဈေးအတွင်း ရောင်းချသော ဒေါ်အေးကြိုင် (ဆန်နှင့်ဆန်ထွက်ပစ္စည်းရောင်းဝယ် ရေး)၊ ဦးမျိုးထွန်း (ဆန်နှင့်ဆန်ထွက်ပစ္စည်းရောင်းဝယ်ရေး)၊ ဦးသန်းအေး+ဒေါ်အေးလှိုင် (ဆန်နှင့် ဆန်ထွက်ပစ္စည်းရောင်းဝယ်ရေး)၊ ကိုနိုင်ထွန်း+မရီမြင့် (ဆန်ရောင်းဝယ်ရေး)ဆိုင်များတွင် ရောင်း ချသော ငစိန်(ထွန်းပု)ဆန်၊ ဧည့်မထ (ရက်၉၀)၊ မင်းဧရာ၊ မီးဒုံ(ခွန်နီ) ဆန်၊ ငကျွဲ (တောင်ပျံ)၊ ပုသိမ်ညွှန့်(ကြားပျံ)ဆန် ဈေးနှုန်းများအား ကွင်းဆင်းစိစစ်ခဲ့ကြောင်း သိရှိရပါသည်။

  ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူရေး ရာဌာန အနေဖြင့် ဆန်အမျိုးအစားအလိုက် ရောင်းချရမည့် သင့်တင့်မျှတသော ဆန်ဈေးနှုန်း ရည် ညွှန်းဈေးများကို လစဉ်ထုတ်ပြန်လျှက်ရှိရာ ရောင်းချသူ လုပ်ငန်းရှင်များမှလည်း သတ်မှတ်ထား သော ဈေးနှုန်းဖြင့်သာ ရောင်းချကြရန်၊ ဈေးနှုန်းမြှင့်တင်ရောင်းချခြင်းများ မပြုလုပ်ကြရန်၊ ဈေးကစားရန်ရည်ရွယ်၍ သိုလှောင်ထားခြင်းများ မပြုလုပ်ကြရန် လုပ်ငန်းရှင်များနှင့် တွေ့ဆုံ ဆွေးနွေး ကွင်းဆင်းစိစစ်ခဲ့ကြကြောင်း သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ ‌ကျောက်ပန်းတောင်းမြို့နယ်တာဝန်ခံ ဒေါ်မြသန္တာထွန်း ဦး ဆောင်၍  ကျောက်ပန်းတောင်းမြို့နယ် မြို့မဈေးအတွင်းရှိ ဆန်လက်လီလက်ကားရောင်းချသော ‌ဒေါ်ခင်ခင်သီ ဆန်ဆိုင်သို့ ၁၂-၉-၂၀၂၅ ရက်နေ့ နံနက်(၀၉:၀၀)နာရီတွင် မြို့နယ်အထွေထွေအုပ်ချုပ်‌ရေး ဦးစီးဌာနနှင့် မြို့နယ်စည်ပင်သာယာရေး ပူးပေါင်းအဖွဲ့များဖြင့် ကွင်းဆင်းစစ်ဆေး ခဲ့ကြောင်း သိရှိရသည်။ 

      ထိုသို့ကွင်းဆင်းဆောင်ရွက်ရာ၌ ဒေါ်ခင်ခင်သီဆန်လက်လီလက်ကား အရောင်းဆိုင်တွင် ရောင်းချနေသော ဆန်အမျိုးအစားများမှာ ရွှေဘိုပေါ်ဆန်း (၂၄)ပြည်တစ်အိတ်လျှင် (၁၅၀၀၀၀) ကျပ်၊ ဧရာပဒေသာ(၂၄)ပြည်တစ်အိတ်လျှင် (၁၂၅၀၀၀) ကျပ်၊ဖန်သီးသုခဆန် (၂၄)ပြည်တစ်အိတ် လျှင်(၇၀၀၀၀)ကျပ်၊ ဧည့်မထဆန်(၂၄)ပြည် တစ်အိတ်လျှင်(၆၅၀၀၀)ကျပ်ဖြင့် သင့်တင့်မျှတ သောဈေးနှုန်းများဖြင့် ရောင်းချလျက်ရှိကြောင်းစစ်ဆေးတွေ့ရှိရပြီး ဆန်ဆိုင်ပိုင်ရှင်အား ဈေးကွက် အတွင်းဆန်များ ပြတ်လပ်မှုမရှိစေရေး၊ ဈေးနှုန်းကြီးမြင့်မှုမရှိစေရေး၊ ဈေးနှုန်းများတည်ငြိမ်စေရေး၊ ဈေးနှုန်းမြှင့်တင်ရောင်းချခြင်း များမပြုလုပ်ရန်၊ ဈေးကစားရန်ရည်ရွယ်ချက်ဖြင့် သိုလှောင်းခြင်းများ မပြုလုပ်ရန်နှင့် ဆန်သိုလှောင်ရုံမှတ်ပုံတင်သက်တမ်းပြည့်ပါက MyRO တွင်ဆက်လက်မှတ်ပုံတင် သက်တမ်းတိုးလုပ်ငန်းများ ဆက်လက်ဆောင်ရွက်သွားရန် စသည်တို့ကိုဆွေးနွေး ပြောကြား ခဲ့ကြောင်းသိရှိရသည်။

DOCA(မန္တလေး)