သတင်းနှင့် လှုပ်ရှားမှုများ

     မုံရွာမြို့၊ စစ်ကိုင်းတိုင်းဒေသကြီးအစိုးရအဖွဲ့ DICA အစည်းအဝေးခန်းမ၌ (၇.၈၂၀၂၄) ရက်နေ့ ၊နေ့လယ် (၁၅:၀၀) နာရီအချိန်တွင် စားသုံးသူရေးရာကော်မတီ(၃/၂၀၂၄)ကြိမ်မြောက် အစည်းအဝေးကိုကျင်းပ ဆောင်ရွက်ခဲ့ရာ စားသုံးသူရေးရာကော်မတီ ဥက္ကဌ၊ ကော်မတီအဖွဲ့ဝင်များနှင့် စားသူရေးရာ ဦးစီးဌာန ဝန်ထမ်းများ စုစုပေါင်း(၁၄) ဦး တက်ရောက်ကြောင်း သတင်းရရှိပါသည်။

      အဆိုပါ အစည်းအဝေးတွင် စားသုံးသူရေးရာကော်မတီဥက္ကဌ၊ စီးပွားရေးရာဝန်ကြီး ဒေါ်ရီရီသန်းက အဖွင့်အမှာစကားပြောကြားရာတွင် ကော်မတီအစည်းအဝေးကို (၃)လတစ်ကြိမ် ကျင်းပပြုလုပ်၍ လုပ်ထုံးလုပ်နည်းများနှင့်အညီ စားသုံးသူကာကွယ်ရေးလုပ်ငန်းများအား ပူးပေါင်းဆောင်ရွက်အကြံပြုကြရမှာဖြစ်ကြောင်း၊ တက်ရောက်လာသော ကော်မတီ အဖွဲ့ဝင်များမှလည်း ကော်မတီအဖွဲ့၏ စားသုံးသူများထုတ်ကုန် လုံခြုံစိတ်ချရမှုရှိစေရေး ဆိုလာသုံးစွဲမှုစားသုံးသူ နစ်နာဆုံးရှုံးမှုကို ကာကွယ်ပေးနိုင်‌ရေး အလုပ်ရုံဆွေးနွေးပွဲတွင်လည်း တက်ရောက်လာသောဌာနဆိုင်ရာဝန်ထမ်းများ၊ စီးပွားရေးလုပ်ငန်းရှင်များ၊ ကော်မတီအဖွဲ့ဝင်များစိတ်ဝင်စားစွာ ပါဝင်ဆွေးနွေးဖော် ထုတ်အကြံပြုကြတာကို တွေ့ရ၍ ကျေးဇူးတင်ပါကြောင်း၊ ဝန်ကြီးချုပ်ထံသို့ တင်ပြပြီး ဖြစ်၍ ဆက်လက်ဆောင်ရွက်မှုများ အကောင်ထည်ဖော်ဆောင်ရွက်ကြရမည်ဖြစ်ကြောင်းနှင့် စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများကို ရုံးချုပ်မှညွှန်ကြားချက်နှင့်အညီ လျာထားချက်ပြည့်မီကျော်လွန်အောင် ဆောင်ရွက်ထားရှိမှုရှိကြောင်း၊ ရှေ့ဆက်လုပ်ငန်းဆောင်ရွက်မှုများကိုလည်းကျယ်ကျယ်ပြန့်ပြန့် ဆောင်ရွက်စေလိုကြောင်းများ ပြောကြားခဲ့ပါသည်။

    ဒု-တိုင်းဒေသကြီးဦးစီးမှူး ဒေါ်ရီလင်းထွဋ်က လစဥ်လုပ်ငန်းဆောင်ရွက်မှုများနှင့် တိုင်ကြားမှု ညှိနှိုင်းဖြေရှင်းခြင်းများ၊ ယခင် ပထမ(၃)လပတ် ကော်မတီအစည်းအဝေးချမှတ်ထားသော လုပ်ငန်းဆောင်ရွက်ပြီးစီးမှု အခြေအနေများအား ရှင်းလင်းဆွေးနွေးခြင်း၊ ‌ရှေ့ဆက်ဆောင်ရွက်မည့် လုပ်ငန်းများကို အမှာစာ(၄) စောင်ဖြင့် ရှင်းလင်းတင်ပြဆွေးနွေးခြင်း၊ ထုတ်လုံဌာနခွဲတာဝန်ခံ ဒေါ်အေးမြင့်ငြိမ်းက အွန်လိုင်းစနစ်ဖြင့် ရောင်းချခြင်း လုပ်ငန်းများမှတ်ပုံတင်လက်မှတ် လျှောက်ထားရန် တင်ပြဆွေးနွေးခြင်း၊ စားသုံးဌာနခွဲတာဝန်ခံ ဒေါ်ခိုင်မို့မို့က တိုင်ကြားမှု ညှိနှိုင်းဖြေရှင်းဆောင်ရွက်ခြင်းနှင့် စားသုံးသူကာကွယ်ရေးပညာပေး ဆောင်ရွက်မှုများ၊ လုပ်ငန်းရှင်တွေ့ဆုံပညာပေးဆောင်ရွက်မှုများအား တင်ပြရှင်းလင်းဆွေးနွေးခြင်း၊ ကော်မတီအဖွဲ့ဝင်များကလည်း ဖြည့်စွက်ဆွေးနွေးခဲ့ကြပြီး၊ စားသုံးသူရေးရာကော်မတီ ဥက္ကဌ ဒေါ်ရီရီသန်းက  အွန်လိုင်းကိစ္စသည် ကျယ်ပြန့်သည်ဖြစ်၍ သေချာစိစစ် ဆောင်ရွက်စေလိုကြောင်းနှင့် စားသုံးသူကာကွယ်ရေးလုပ်ငန်းများအား ကော်မတီအဖွဲ့ဝင်များ ပူးပေါင်းပါဝင်ကြရန်နှင့် ရှေ့ဆက်ဆောင်ရွက်မည့်လုပ်ငန်းအစီအမံများ ချမှတ်၍ အစည်းအဝေးကိုအောင်မြင်စွာ ကျင်းပဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

       ၁၂.၈.၂၀၂၄ ရက်နေ့ စားသုံးသူရေးရာဦးစီးဌာန၊ မော်လမြိုင်မြို့နယ် တာဝန်ခံနှင့် ဝန်ထမ်းများသည် မြို့နယ် အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မော်လမြိုင်မြို့၊ အမှတ်(၁)ဈေးအတွင်းရှိ မုန့်ဆိုင်ကြီးများတွင် ဦးစားပေးကုန်စည်ဖြစ်သော အသင့်စားမုန့်အမျိုးမျိုးအား ကုန်အညွှန်းအမှတ်အသားပြည့်စုံမှု ရှိ/မရှိ ဈေးကွက် စောင့်ကြည့်စစ်ဆေးခဲ့ကြောင်း သိရှိရသည်။

       ထိုသို့ ဈေးကွက်စောင့်ကြည့်စစ်ဆေးရာ ဈေးဆိုင်များတွင် ရောင်းချလျက်ရှိသော မုန့်အမျိုးမျိုးတွင် ကုန်အညွှန်းအမှတ်အသားဖော်ပြရာ၌ စားသုံးသူကာကွယ်ရေးဥပဒေ၊ အခန်း (၁၈) တွင် ပြဌာန်းထားသည့် ကုန်အညွှန်းအမှတ်အသားဖော်ပြခြင်းဆိုင်ရာအချက်များနှင့် ကိုက်ညီမှု ရှိ/မရှိကို ကွင်းဆင်းစစ်ဆေးခဲ့ကြောင်း သိရှိရသည်။ မြို့နယ်တာဝန်ခံက  ရောင်းချလျက်ရှိသောဆိုင်ရှင်များအား မိမိတို့ဆိုင်ပေါ်တွင် ကုန်အညွှန်းအမှတ် အသားပြည့်စုံခြင်းမရှိသော ကုန်စည်များကို ရောင်းချခြင်း မပြုရန် အသိပညာပေး ရှင်းလင်းဆွေးနွေးခဲ့ပြီး  စားသုံးသူကာကွယ်ရေးဆိုင်ရာ အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

    မွန်ပြည်နယ်၊ ကျိုက်မရောမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ၁၄.၈.၂၀၂၄ ရက်နေ့၊ နံနက်(၁၀:၀၀)အချိန်၌ ကျိုက်မရောမြို့နယ်၊ ရေတွင်းကုန်း‌ကျေးရွာရှိ အခြေခံပညာမူလတန်းကျောင်း(နောင်လုံကွင်း) ၌ ဆရာ၊ ဆရာမများနှင့် ကျောင်းသား၊ ကျောင်းသူများအား စားသုံးသူကာကွယ်ရေးဆိုင်ရာ အသိပညာပေး ဟောပြောပွဲဆောင်ရွက်ခဲ့သည်။

    အဆိုပါဟောပြောပွဲတွင် စားသုံးသူရေးရာဦးစီးဌာန၊ ကျိုက်မရောမြို့နယ်တာဝန်ခံက စားသုံးသူကာကွယ်ရေးဥပဒေပါ စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈)ချက်ဖြစ်သည့် စိတ်ကြိုက်ရွေးချယ်ခွင့်၊ ဘေးအန္တရာယ်ကင်းရှင်းစွာ သုံးစွဲခွင့်၊ မှန်ကန်သောသတင်းအချက်အလက်များရရှိခွင့်၊ အခြေခံလိုအပ်ချက်များကို စိတ်ကျေနပ်မှုရရှိခွင့်၊ နစ်နာဆုံးရှုံးမှုများကိုတိုင်ကြားခွင့်၊ နစ်နာဆုံးရှုံးမှုများနှင့်စပ်လျဉ်း၍ ပါဝင်ကြားနာခွင့်၊ အသိပညာဗဟုသုတများ၊ အခွင့်အရေးများနှင့် လိုအပ်သောအချက်အလက်များ သိရှိလေ့လာနိုင်ခွင့်၊ ကျန်းမာဝပြောသည့် ပတ်ဝန်းကျင်ကောင်းတွင် ရှင်သန်နိုင်ခွင့်တို့ကို ရှင်းလင်းဟောပြောခြင်း၊ ကျောင်းသား၊ ကျောင်းသူများအနေဖြင့် အသင့်စားအစားအစာများကို ဝယ်ယူစားသုံးရာတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြထားသည့် အစားအစာများကို ရွေးချယ်ဝယ်ယူအသုံးပြုရန် နမူနာပစ္စည်းများဖြင့် ရှင်းလင်းခြင်း၊ သက်တမ်းကုန်ဆုံးရက်စွဲများ သေချာသိရှိနားလည်စေရန် ပုံစံနမူနာပြသ၍ အပြန်အလှန် မေးမြန်းခြင်းတို့ကို အသိပညာ‌ပေးဟောပြောခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များနှင့် ထုတ်ကုန်လုံခြုံစိတ်ချရမှုရှိသော အသင့်စားမုန့်ထုတ်များကို ဖြန့်ဝေခဲ့ပါသည်။ အသိပညာပေးဟောပြောပွဲသို့ ဆရာ၊ ဆရာမ (၄)ဦး နှင့် ကျောင်းသား၊ ကျောင်းသူ (၆၀)ဦး  စုစုပေါင်း (၆၄)ဦး တက်ရောက်ခဲ့ကြောင်း သိရှိရပါသည်။

DOCA(မွန်)

    မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်တာဝန်ခံသည် (၁၅.၈.၂၀၂၄)ရက်နေ့၊ နံနက် (၀၉:၃၀)နာရီအချိန်တွင် မင်းဘူးမြို့၊ တပ်မြေ အခြေခံပညာအထက်တန်းကျောင်း(ခွဲ)၌  ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ မြို့နယ်အားကစားနှင့်ကာယပညာဦးစီးဌာနမှ ဝန်ထမ်းများနှင့်ပူးပေါင်း၍ အသိပညာပေးဟောပြောခဲ့ကြောင်း သိရပါသည်။

     မင်းဘူးမြို့နယ်တာဝန်ခံမှ ဆေးရွက်ကြီးအန္တရာယ်နှင့် ရောနှောဆီများ၊ မူပိုင်ခွင့်နှင့်မှတ်ပုံတင်ကိစ္စများအားလည်းကောင်း၊ ပြန်ကြားရေးနှင့်ပြည့်သူ့ဆက်ဆံရေးဦးစီးဌာဦးစီးမှူးမှ စာဖတ်ခြင်း၏ အကျိုးကျေးဇူးများနှင့် လူငယ်စကားဝိုင်းဆောင်ရွက်ရခြင်း အခြေအနေများအားလည်းကောင်း၊ မြို့နယ်အားကစားနှင့်ကာယပညာဦးစီးဌာန ဦးစီးမှူးမှ အားကစားသိပ္ပံအကြောင်းကိုလည်းကောင်း အသိပညာပေး ဟောပြောခဲ့ကြောင်း သိရပါသည်။

DOCA(မကွေး)

     မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံနှင့်ဝန်ထမ်းများသည် (၁၃.၈.၂၀၂၄)၊ နံနက်(၀၉း၃၀)အချိန်တွင် ပွင့်ဖြူမြို့နယ်အရှေ့ပိုင်းရပ်ကွက်အတွင်းရှိ အိမ်တွင်းမှု တစ်ပိုင်တစ်နိုင် လုပ်ငန်းဖြစ်သော “လာဒ်ပွင့်” ပေါင်မုန့်ဆီကြော်လုပ်ငန်း၏ လုပ်ငန်းဆောင်ရွက်မှု အခြေအနေများအား ကွင်းဆင်းလေ့လာခဲ့ကြောင်း သိရသည်။

      “လာဒ်ပွင့်”ပေါင်မုန့်ဆီကြော် လုပ်ငန်းကို လွန်ခဲ့သော (၁၀)နှစ်လောက်က စတင်လုပ်ကိုင် ခဲ့ပြီး တွင်ကျယ်မှုနည်းပါးခဲ့ကြောင်း၊ ယခုအခါမှာ စားသုံးသူရေးရာဦးစီးဌာန၏ အကူအညီဖြင့် ကုန်အမှတ်တံဆိပ်များပြည့်စုံပြီး၊ လိုအပ်သော လုပ်ငန်းလိုင်စင်များ၊ အသေးစားစက်မှုလက်မှုဖွံ့ဖြိုး တိုးတက်ရေးဌာန၏ မှတ်ပုံတင်များ ပြည့်စုံပြီးဖြစ်၍ (MSMEs) လုပ်ငန်းများမှ ချေးငွေများရရှိကာ လုပ်ငန်းများ ပိုမိုတွင်ကျယ်လာခဲ့ကြောင်း၊  ယခင်က ဝယ်ယူလိုသော်လည်း စားသုံးသူများအနေဖြင့် ပါဝင်ပစ္စည်းများကို တိကျစွာ မသိခြင်း၊ မိမိစားသုံးရန်သင့်မသင့်ကိုလည်း ချင့်ချိန်နိုင်မှုနည်းပါးခြင်း၊ ထားသိုမှုမမှန်ကန်၍ Date မကုန်ခင် ကုန်ပစ္စည်းပျက်စီးခြင်း၊ အသားတင်ပမာဏ မှန်ကန်မှုမရှိခြင်း၊ နေရပ်လိပ်စာ မပါရှိ၍ မည်သို့ဆက်သွယ်ဝယ်ယူရမည်ကို တိကျစွာမသိခြင်းတို့ကြောင့် ဈေးကွက်၌ တွင်ကျယ်စွာ ရောင်းချရမှုနည်းပါးခဲ့ပြီး ယခုအခါတွင် ကုန်အမှတ်တံဆိပ်များ ပြည့်စုံမှန်ကန်လာခြင်းကြောင့် ဝယ်လိုအားများလာခဲ့ပြီး လုပ်ငန်းများ ဖွံ့ဖြိုးတိုးတက်ခဲ့ပါကြောင်း၊ ဈေးကွက်အနေဖြင့် ရှောက်တော၊ စလင်း၊ လယ်ကိုင်း၊ ကျောင်းတော်ရာ၊ စကု၊ မင်းဘူးမြို့များ သာမက ရေနံချောင်းမြို့များအထိ တွင်ကျယ်စွာ ရောင်းချနိုင်ခဲ့ကြောင်း သိရှိရပါသည်။

DOCA(မကွေး)