ဟင်္သာတမြို့နယ် စားအုန်းဆီဝယ်ယူခွင့်စာအုပ်ဖြင့်ရောင်းချခြင်းနှင့်စပ်လျဉ်း၍ အသိပညာပေးခြင်း
စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည်(၂၅.၁၀.၂၀၂၅)ရက်နေ့ နေ့လည် (၁၃:၀၀)နာရီအချိန်တွင် ဟင်္သာတ မြို့နယ် အင်းဓဝယ်ကျေးရွာအုပ်စုနှင့်တောင်စုကျေးရွာရှိ ကျေးရွာ ဆီထုတ်ယူသည့်လက်လီကုန်မျိုးစုံဆိုင်များနှင့် ပြည်သူများအား ဆီဖြန့်ဖြူးရောင်းချသည့် စည်းကမ်း သတ်မှတ်ချက်များနှင့်ပါတ်သက်၍ ရှင်းလင်းဆွေးနွေးခြင်းကို ဆောင်ရွက်ခဲ့ပါသည်။
ထိုသို့ဆွေးနွေးရာတွင် မြို့နယ်တာဝန်ခံ ဦးမိုးကျော်က စားအုန်းဆီ ဖြန့်ဖြူးလျက်ရှိရာ စားသုံးသူ ပြည်သူများအား သတ်မှတ်ဈေးနှုန်းဖြင့် အဆင်ပြေချောမွေ့စွာ စားအုန်းဆီဝယ်ယူ ရရှိနိုင် ရေး၊ တရားမဝင်ရောင်းချမှုများ လျော့နည်းပပျောက်စေရေး ရည်ရွယ်၍ စားအုန်းဆီ ဖြန့်ဖြူးခြင်း လုပ်ငန်းများနှင့် ပတ်သတ်၍ ကျေးရွာ/ရပ်ကွက်အလိုက် ဝယ်ယူရမည့်လက်လီအရောင်းဆိုင်၊ အိမ် ထောင်စုများအတွက် စားအုန်းဆီဝယ်ယူခွင့် စာအုပ်များပြုလုပ်၍ ခွဲတမ်းအလိုက် ရောင်းချရန် လမ်းညွှန်ချက်များဖြင့် ဆောင်ရွက်လျက်ရှိကြောင်း အသိပညာပေးပြောကြားခဲ့ပြီး၊ ခရိုင်ဆီကုန်သည် နှင့် ဆီလုပ်ငန်းရှင်များအသင်း ဒု-ဥက္ကဌ ဦးမိုးအောင်က ရပ်ကွက်/ကျေးရွာနေ ပြည်သူများ လက်ဝယ် အရောက် ဆီစာအုပ်များ ဖြန့်ဖြူးနိုင်ရေး၊ အိမ်ထောင်စုအလိုက် ဆီဝယ်ယူခွင့် စာအုပ်ဖြင့် ရောင်းချ ခြင်းအား ရာနှုန်းပြည့် ဆောင်ရွက်ကြစေရေး ဆွေးနွေးခဲ့ကြကြောင်း သတင်းရရှိပါသည်။
DOCA (ဧရာဝတီ)
