သတင်းနှင့် လှုပ်ရှားမှုများ

သန်လျင်မြို့နယ်၊ ဖေဖော်ရီလ (၁၈) ရက်

          ရန်ကုန်တိုင်းဒေသကြီး၊ တောင်ပိုင်းခရိုင် သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်း မြို့နယ်များနှင့်အခြားတိုင်းဒေသကြီးပြည်နယ် များရှိ ကိုယ်စားလှယ်များသို့ စားအုန်းဆီနေ့စဉ် ထုတ်ပေးလျှက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ အပတ်စဉ် ထုတ်ပြန် ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည် ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက် မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး ဈေးနှုန်း အဆမတန် မြှင့်တင်ရောင်းချခြင်းများ မပြုလုပ်စေရေးတို့အတွက်လည်း ဝန်ထမ်းများမှ ကွင်းဆင်းကြပ်မတ်ဆောင်ရွက်လျှက်ရှိကြောင်းနှင့် (၁၀.၂.၂၀၂၅)ရက်နေ့မှ (၁၅.၂.၂၀၂၅) ရက်နေ့ အထိ ဆီကုမ္ပဏီ(၂၂)ခုနှင့် စားအုန်းဆီတန်ချိန် (၅၁၂၆.၆၅၂)တန်ကို ထုတ်ပေးခဲ့ကြောင်း သိရှိရပါသည်။

DOCA(ရန်ကုန်)

၁၈.၂.၂၀၂၅ ရက်နေ့ နံနက် (၁၁:၀၀)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဝန်ထမ်းများသည် အင်းစိန်မြို့နယ်ရှိ အမှတ်(၁၃)၊ ၁-ခ(၃၉၉-က)၊ အောက်မင်္ဂလာဒုံလမ်း မကြီး၊ City Mart (ဖော့ကန်)ရှိ ဆန်အရောင်းကောင်တာတွင် သတ်မှတ်ရည်ညွှန်းဈေးနှုန်းများအတိုင်း ရောင်းချခြင်းရှိ/မရှိ ကွင်းဆင်းစစ်ဆေးဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးရာတွင် ရောင်းချနေသော ဆန်အမျိုးအစား၊ အမှတ်တံဆိပ်တို့၏ (Kg) ဈေးနှုန်းများကို မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ဈေးနှုန်းများအတိုင်း ရောင်းချနေကြောင်း စစ်ဆေးတွေ့ရှိရပြီး ဈေးကစားရန်အလို့ငှာ ဆန်များသိုလှောင်ထားခြင်းမပြုရန်၊ လိုက်နာမှုမရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း တာဝန်ခံအား အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

၁၈.၂.၂၀၂၅ ရက်နေ့ နံနက်(၁၀:၀၀)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဝန်ထမ်းများသည် ဈေးကွက်အတွင်းရောင်းချနေသော စားသုံးဆီအမျိုးမျိုးတို့တွင် ကုန်အညွှန်းအမှတ်အသားပြည့်စုံခြင်းရှိ/မရှိ ကွင်းဆင်းစစ်ဆေးခဲ့ပါသည်။

ထိုသို့ စစ်ဆေးရာတွင် အင်းစိန်မြို့နယ်ရှိ City Mart ဖော့ကန်တွင် စားသုံးဆီအမျိုးမျိုးဖြစ်သော Fortune (နေကြာဆီ)၊ ရွှေအုံ(မြေပဲဆီသန့်)၊ အမေထွား(မြေပဲဆီ)၊ ရွှေ(မြေပဲဆီ)၊ ရန်ကုန်ပဲဆီသန့်      (မြေပဲဆီ)၊ ဧရာဝတီ(မြေပဲဆီ)၊ ဇမ္ဗူအေး(ရာနှုန်းပြည့်မြေပဲဆီစစ်စစ်)၊ နှစ်သက်(မြေပဲဆီ)၊ ငွေသဇင် မင်း(ရာနှုန်းပြည့်မြေပဲဆီသန့်)၊ သူကြီးကတော်(သဘာဝမြေပဲဆီစစ်စစ်)တို့တွင် ကုန်အညွှန်းအမှတ် အသားဖော်ပြချက်များကို မြန်မာလိုဖော်ပြထားပြီး ကုန်အညွှန်းအမှတ်အသားပြည့်စုံစွာဖော်ပြထား ခြင်းမရှိသော ကုန်ပစ္စည်းများကို ရောင်းချကြောင်း စစ်ဆေးတွေ့ရှိရပါက စားသုံးသူကာကွယ်ရေး ဥပဒေအရ အရေးယူဆောင်ရွက်သွားမည်ဖြစ်ပါကြောင်းနှင့် စားသုံးသူကာကွယ်ရေးအခန်း(၁၀)ပါ ကုန်စည်နှင့်စပ်လျဉ်း၍ အာမခံချက်ပေးခြင်းကို အသေးစိတ်ရှင်းလင်းပြောကြားခဲ့ကြောင်း သိရှိရပါ သည်။

DOCA(ရန်ကုန်)

၁၇.၂.၂၀၂၅ ရက်နေ့ နေ့လည်(၁၂:၀၀)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄)ဦးတို့သည် အင်းစိန်မြို့နယ်ရှိ City Mart ဖော့ကန်သို့ ငရုတ်ဆီအမျိုးမျိုးနှင့်ပတ်သက်ပြီး ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

ထိုသို့ ဆောင်ရွက်ခဲ့ရာတွင် အရောင်းတာဝန်ခံမှပူးပေါင်းပါဝင်လျက် ငရုတ်ဆီအမျိုးမျိုးဖြစ် သော BRAVO (ခရမ်းချဉ်သီးဆော့စ်)၊ MAEJIN (ထိုင်းငရုပ်ဆီအချို/ပင်လယ်စာဆော့စ်)၊ Golden Mountain (ငရုပ်နှင့်ခရမ်းချဉ်သီးဆော့စ်)၊ Origano (ငရုပ်သီးအချိုဆော့စ်)၊ Golden Dragon (ကြက် သွန်ဖြူငရုပ်ဆီ)၊ Chito (ကြက်သွန်ဖြူငရုပ်ဆီ)နှင့် Pantai (ဆူကီဆော့စ်)တို့တွင် ကုန်အညွှန်းအမှတ် အသားတွင် ဖော်ပြရမည့်အချက်များပါဝင်ကြောင်း စစ်ဆေးတွေ့ရှိရပြီး မိမိတို့ဌာနမှလည်း ယခုကဲ့သို့ ကုန်အညွှန်းအမှတ်အသားပြည့်စုံစွာပါရှိသော ပစ္စည်းများကိုသာ ရောင်းချရန်နှင့် စီးပွားရေးလုပ်ငန်း ရှင် လိုက်နာရမည့်အချက်များအား လိုက်နာဆောင်ရွက်ခြင်း မရှိပါက အရေးယူဆောင်ရွက်သွားမည် ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

တိုက်ကြီးခရိုင်၊ တိုက်ကြီးမြို့နယ်အတွင်းရှိ စိုက်ပျိုးရေးသုံးဓါတ်မြေဩဇာအရောင်းဆိုင် များသို့ (၁၇.၂.၂၀၂၅)ရက်နေ့ နေ့လည်(၁၄:၀၀)အချိန်တွင် မြို့နယ်ယူရီးယား ဓါတ်မြေဩဇာ ဖြန့်ဖြူး ရောင်းချရေးကော်မတီအဖွဲ့နှင့် စားသုံးသူရေးရာဦးစီးဌာန၊ တိုက်ကြီးမြို့နယ်ခွဲ တာဝန်ခံ တို့က ဈေးကွက်စောင့်ကြည့်စစ်ဆေးခဲ့ပါသည်။

ထိုသို့ကွင်းဆင်းစစ်ဆေးရာ၌ စိုက်ပျိုးရေးသုံးပစ္စည်းဓါတ်မြေဩဇာရောင်းချသော ဆိုင် ပိုင်ရှင်များအား သက်ဆိုင်ရာဌာနကတားမြစ်ပိတ်ပင်ထားသော ဓါတ်မြေဩဇာများ ရောင်းချခြင်း မပြုရန်၊ တရားဝင် မှတ်ပုံတင်ထားသောဓါတ်မြေဩဇာများ တင်သွင်း ရောင်းချရန်၊ စိုက်ပျိုးသူ တောင်သူများ ဘေးကင်းလုံခြုံမှုရှိစေရန် သုံးစွဲပုံအညွှန်းကို မြန်မာစာဖြင့် တိတိကျကျ ဖော်ပြထားသော ဓါတ်မြေ ဩဇာများကိုသာရောင်းချကြရန်၊ စီးပွားရေးလုပ်ငန်းရှင်များအနေဖြင့် ကုန်စည်နှင့်သက်ဆိုင်သည့် ကုန်အညွှန်းအမှတ်အသားတွင် ဖော်ပြထားသည့် အချက်အလက် များနှင့် ကိုက်ညီမှုမရှိသော ကုန်စည်များကိုရောင်းချခြင်းနှင့်  ကုန်သွယ်ခြင်းမပြုကြရန် လိုအပ်ကြောင်း၊ သတ်မှတ်ချက်နှင့် မကိုက်ညီသော ဓါတ်မြေဩဇာများ ဈေးကွက်အတွင်း တွေ့ရှိ ပါက စိုက်ပျိုးရေးဦးစီးဌာန၏ ဥပဒေအရ သော်လည်းကောင်း စားသုံးသူကာကွယ်ရေး ဥပဒေ အရသော်လည်းကောင်း အရေးယူခံရနိုင်ကြောင်း အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)