သတင်းနှင့် လှုပ်ရှားမှုများ

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံ ဒေါ်ဇင်မာသန်းနှင့်ဝန်ထမ်းများသည် (၃-၁၀-၂၀၂၄)ရက်နေ့၊ နေ့လယ်(၁၆:၃၀)နာရီအချိန်တွင် အိမ်မဲမြို့၊ ရွှေဘုံသာလမ်း အထက်ပိုင်းရပ်ကွက်၌ Online Sale ရောင်းချနေသော ဆိုင်ပိုင်ရှင် စိုင်းစိုင်းအား Online ရောင်းချနေမှုနှင့်ပတ်သက်၍ ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် အိမ်မဲမြို့နယ်တာဝန်ခံက ရွှေဘုံသာလမ်း အထက်ပိုင်းရပ်ကွက် စိုင်းစိုင်းဆိုင်တွင် Online Registration မှတ်ပုံတင်ထားသည့်လုပ်ငန်းများသည် မြေပြင်တွင် အမှန်တကယ်ရောင်းချခြင်းရှိ/မရှိကို စစ်ဆေးခဲ့ပြီး ရောင်းချနေသောပစ္စည်းများမှာ အလှကုန်ပစ္စည်းများ၊ လူသုံးကုန်ပစ္စည်းများ၊ ဖက်ရှင်အသုံးအဆောင်၊ အီလက်ထရောနစ်ပစ္စည်းများ၊ အိမ်သုံးပစ္စည်းများ၊ ဖန်စီပစ္စည်းများရောင်းချနေမှုအပေါ် Q/R ကုတ်လိုင်စင်ရှိ/မရှိ စစ်ဆေးပြီး Online Sale ရောင်းချမှုနှင့်ပတ်သက်သည့် အကြောင်းအရာများကိုဆွေးနွေးခဲ့ပြီး လိုအပ်သည်များကိုလည်း အကြံပြုဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊မြောင်းမြရိုင် မြောင်းမြမြို့နယ်တာဝန်ခံဦးလှထွဋ်ဦးသည် (၂.၁၀.၂၀၂၄)ရက်နေ့ ၊နေ့လယ် (၁၅:၀၀)နာရီတွင် မြောင်မြမြို့ အထက(၁) ပညာရတနာခန်းမတွင်ပြုလုပ်သော စဉ်ဆက် ပညာရေးလုပ်ငန်း မြို့နယ်အဆင့် နည်းပြသင်တန်းတွင် တက်ရောက်နေသော ဆရာ/ဆရာမများအား အွန်လိုင်းစနစ်ဖြင့် ရောင်းချခြင်း လုပ်ငန်းမှတ်ပုံတင်ခြင်းဆိုင်ရာ အသိပညာပေးဟောပြောပွဲပြလုပ် ဆောင်ရွက်ခဲ့ပါသည်၊

    ထိုသို့ ဟောပြောဆွေးနွေးတွင် မြို့နယ်တာဝန်ခံမှ တက်ရောက်လာသော သင်တန်းသား ဆရာ/ဆရာမများအား မိတ်ဆက်စကားပြောကြားပြီး၊ ဌာန၏လုပ်ငန်းတာဝန်များ၊ ရှေ့ဆက်ဆောင်ရွက်ရမည့် လုပ်ငန်းတာဝန်များအား ရှင်းလင်းပြောကြားခဲ့ပါသည်။ ထို့နောက် Online   Shopping   မှတ်ပုံတင်လျှောက်ထားရန်အတွက် ကုမ္ပဏီဖြစ်ပါက ကုမ္ပဏီမှတ်ပုံတင်လက်မှတ် SMEs မှတ်ပုံတင်လက်မှတ်များတင်ပြရန် လိုအပ်ပြီး တစ်ဦးချင်းဖြစ်ပါက တင်ပြရန် မလိုအပ်ပါကြောင်း ရောင်းချမည့်ဆိုင်လိပ်စာမှန်ကန်ကြောင်း ရပ်ကွက်ထောက်ခံစာနှင့် ရဲစခန်းထောက်ခံစာ၊ လိုင်စင်ဓါတ်ပုံ၊ Online   Sale  Owner ၏မှတ်ပုံတင်၊ နေထိုင်ကြောင်းလိပ်စာ မှန်ကန်ကြောင်း၊ ရပ်ကွက်ထောက်ခံစာ၊ ရဲစခန်းထောက်ခံစာ၊ Online   Sale  Logo များပြင်ဆင်ထားရန်လိုအပ်ကြောင်း Online   Sale  လျှောက်ထားရာတွင် email သို့မဟုတ် Mobile Phone  Number ဖြင့် Sign Up (Register) ပြုလုပ်၍ ဆောင်ရွက်ရမည်ဖြစ်ကြောင်း အွန်လိုင်း စနစ်ဖြင့် မှတ်ပုံတင်နိုင်ကြောင်းနှင့်   www. eComreg.gov.mm မှတဆင့် မှတ်ပုံတင်လျှောက်ထားနိုင်ကြောင်း Online   Shopping   မှတ်ပုံတင်လျှောက်ထားခြင်းမရှိပဲ Online   မှ ရောင်းဝယ်မှုများပြုလုပ်ခြင်းများတွေ့ရှိပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူခံရမည် ဖြစ်ကြောင်း အသိပညာပေးဟောပြောဆောင်ရွက်ခဲ့ပါသည်။ အဆိုပါ ဟောပြောပွဲသို့ သင်တန်းသား ဆရာ/ဆရာမများအား (၂၀၂)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ လပွတ္တာမြို့နယ်တာဝန်ခံ ဦးမြင့်ဌေးနှင့်ဝန်ထမ်းများသည် (၃-၁၀-၂၀၂၄)ရက်နေ့၊ နေ့လယ်(၁၅:၀၀)နာရီအချိန်တွင် လပွတ္တာမြို့၊ (၁၈)မိုင် (၄)ဖာလုံနှင့် ဩဘာလမ်းတို့တွင် Online Sale ရောင်းချနေသော ဆိုင်ပိုင်ရှင်များအား Online ရောင်းချနေမှုနှင့်ပတ်သက်၍ ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာ၌ လပွတ္တာမြို့နယ်တာဝန်ခံက Online Registration မှတ်ပုံတင်ထားသည့်လုပ်ငန်းများသည် မြေပြင်တွင် အမှန်တကယ်ရောင်းချခြင်းရှိ/မရှိကိုစစ်ဆေးခဲ့ပြီး လပွတ္တာမြို့၊ (၁၈)မိုင် (၄)ဖာလုံရှိ ဒေါ်ဇင်မွန်သန့်ဆိုင်ရှိ အထည်အလိပ်၊ အဝတ်အထည်နှင့် ဆက်စပ်ပစ္စည်းများ၊ အလှကုန်ပစ္စည်းများ၊ ဩဘာလမ်း ဒေါ်အိမွန်ဆိုင်ရှိ အလှကုန်ပစ္စည်းများ၊ လူသုံးကုန်ပစ္စည်းများ၊ ရောင်းချနေမှုအပေါ် Q/R ကုတ်လိုင်စင်ရှိ/မရှိကိုစစ်ဆေးခဲ့ပြီး Online Sale ရောင်းချမှုနှင့်ပတ်သက်သည့် အကြောင်းအရာများကိုဆွေးနွေးခဲ့ပြီး လိုအပ်သည်များကိုလည်း အကြံပြုဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးဦးထွေးသိမ်းနှင့် မြို့နယ်တာဝန်ခံ ဦးမင်းဇော်တို့သည် ဖျာပုံမြို့နယ် အောက်ကွင်းကျေးရွာရှိ “ရွှေကောင်းစံ” ဆီစက်သို့ MSMEs နှင့် ထုတ်ကုန်လုံခြုံစိတ်ချရမှုရှိစေရေးတို့အတွက် ၂၀၂၄ ခုနှစ်၊ အောက်တိုဘာလ(၂) ရက်နေ့ ၊ နံနက်(၁၁:၀၀) နာရီအချိန်တွင်  ကွင်းဆင်းစစ်ဆေးခဲ့ကြပါသည်။

    ခရိုင်ဦးစီးမှူး ဦးထွေးသိမ်းမှ ရွှေကောင်းစံ ဆီစက်ပိုင်ရှင် ဦးမျိုးမင်းထွဋ်အား ဆီထုတ်လုပ်ရာ တွင် ကုန်ကြမ်းဝယ်ယူရရှိရာဒေသ၊  ဆီစက်၏ ကြိတ်ခွဲထုတ်လုပ်မှုနှင့် ထွက်ရှိမှုပိဿာနှုန်း၊ လုပ်သားအင်အားနှုန်းနှင့် ဈေးနှုန်းဈေးကွက်အနေဖြင့် မည်သည့်အရပ်ဒေသတို့ကို ဖြန့်ဖြူးရောင်းချကြောင်း မေးမြန်းခဲ့ရာ ၊ ဦးမျိုးမင်းထွဋ်မှ ဆီထုတ်လုပ်ရာတွင် ကုန်ကြမ်းဖြစ်သော မြေပဲကို ရန်ကုန်ဘုရင့်နောင် ပွဲရုံမှ လိုသလောက် ဝယ်ယူရရှိကြောင်း၊ စက်ကြိတ်စွမ်းအား‌ အနေဖြင့် (၀.၁၆၃) တန်ရှိပြီး ၊ တစ်လကြိတ်ခွဲထုတ်လုပ်မှုပျမ်းမျှ ပိဿာအနေဖြင့် (၂၅၀၀) ခန့် ထွက်ရှိကြောင်း၊ လုပ်သားအင်အား (၅) ဦးခန့် ဖြင့်လည်ပတ်လျက်ရှိကြောင်း၊ ဈေးနှုန်းဈေးကွက်အနေဖြင့် ဖျာပုံမြို့တွင်းနှင့် ဘိုကလေး၊ ကျိုက်လတ်၊ ဒေးဒရဲမြို့များသို့ ဖြန့်ဖြူးရောင်းချလျက်ရှိကြောင်း ကွင်းဆင်းစစ်ဆေးမှုအရ  သတင်းရရှိပါသည်။

DOCA(ဧရာဝတီ)

   ဖျာပုံခရိုင် ၊ ဒေးဒရဲမြို့နယ် ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် ၂၀၂၄ ခုနှစ်၊ အောက်တိုဘာလ (၂) ရက်နေ့၊ နံနက်(၁၁:၀၀) နာရီ အချိန်တွင် ဘုရားကလေးကွင်းကျေးရွာ၊ “တိုးတက်လင်း” ဆန်စက်သို့ MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်းတွေ့ဆုံ ဆွေးနွေးခဲ့ပါသည်။

     ယင်းသို့ တွေ့ဆုံဆွေးနွေးရာတွင် ဆန်စက်အတွင်း ခေတ်မီစက်ယူနစ်များ တပ်ဆင်အသုံးပြုမှုအခြေအနေ၊ လက်ရှိ ဖြစ်ပေါ်နေသော ဆန်စပါးဈေးနှုန်းဈေးကွက် အခြေအနေနှင့် ဆန်စပါးသိုလှောင် ထားရှိမှုအခြေအနေတို့ကို တွေ့ဆုံဆွေးနွေးခဲ့ပါကြောင်း၊ ထို့အပြင်မြို့နယ်တာဝန်ခံမှ MSMEs လုပ်ငန်းနှင့် ပတ်သက်၍ အရည်အသွေးပြည့်ဝကောင်းမွန်သော ထုတ်ကုန်များ ထုတ်လုပ်နိုင်ခြင်းရှိ/မရှိ အခြေအနေ၊ ပုဂ္ဂလိကကဏ္ဍနှင့် ကုန်သွယ်မှုဖွံ့ဖြိုးတိုးတက်ရေး၊ ဆန်စပါး အရည်အသွေးထုတ်လုပ်မှုပြည့်မီစေရေး၊ ထုတ်ကုန်လုံခြုံစိတ်ချရမှုရှိစေရေးနှင့် ပတ်သက်၍ထုတ်ကုန်များ ပိုမိုထုတ်လုပ်နိုင်မှသာ ပြည်တွင်းစားနပ်ရိက္ခာဖူလုံခြင်းနှင့် ပြည်ပဈေးကွက်သို့လည်း ထုတ်ကုန်များတင်ပို့နိုင်မည်ဖြစ်ကြောင်း၊ ကုန်ထုတ်လုပ်မှုရှိမှသာ တိုင်းပြည်၏စီးပွားရေးဖွံ့ဖြိုးတိုးတက်လာမည်ဖြစ်ကြောင်း ကွင်းဆင်းတွေ့ဆုံ ဆွေးနွေးခဲ့မှုအပေါ် သတင်းရရှိပါသည်။

DOCA(ဧရာဝတီ)