သတင်းနှင့် လှုပ်ရှားမှုများ

        စားသုံးသူရေးရာဦးစီးဌာန ၊ စစ်ကိုင်းတိုင်းဒေသကြီး၊တမူးခရိုင်ဦးစီးမှူးရုံးမှတာဝန်ရှိသူများသည်   ( ၉.၂.၂၀၂၃ ) ရက်နေ့၊ နံနက် ( ၀၉:၀၀ ) နာရီအချိန်တွင် စစ်ကိုင်းတိုင်းဒေသကြီး၊ တမူးခရိုင်အတွင်းရှိ ဟုမ္မလင်းမြို့၊ ခိုပဲဝရပ်ကွက်အတွင်းရှိ ရောင်းချနေသည့် ကုန်မျိုးစုံဆိုင်သို့ သွားရောက်၍ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက် အမှတ် ( ၂/၂၀၁၉ ) တွင် ကုန်စည်အုပ်စု ( ၈ ) ခု တွင်ပါဝင်သည့် လူသုံးကုန်ပစ္စည်းများအနက် ဆပ်ပြာခဲ အမျိုးမျိုးကို ဈေးကွက်စောင့်ကြည့်စစ်ဆေးခဲ့ပါသည်။

          ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် ဟုမ္မလင်းမြို့၊ ခိုပဲဝရပ်ကွက် အတွင်းရောင်းချနေသည့် ကုန်မျိုးစုံများတွင် ရောင်းချနေသည့် ဆပ်ပြာခဲများတွင် ကုန်အညွှန်း အမှတ်အသားများ ပြည့်စုံစွာပါရှိကြောင်း သိရှိရပါသည်။

DOCA(စစ်ကိုင်း)

      စစ်ကိုင်းဒေသကြီး၊စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်ဖြင့် ဒု-တိုင်းဒေသကြီးဦးစီးမှူး ဦးဆောင်၍ ဝန်ထမ်းများသည် (၇.၂.၂၀၂၃) ရက်နေ့နံနက် (၁၀) နာရီမှ (၁၂)နာရီအထိ တိုင်းဒေသကြီး တိုင်းရင်းသားလူမျိုးများရေးရာဝန်ကြီးဌာနအောက်ရှိ၊ တိုင်ရင်းသား စာပေနှင့် ယဉ်ကျေးမှုဦးစီးဌာန၊ တိုင်ရင်းသားအခွင့်အရေးများ ကာကွယ် စောင့်ရှောက်ရေးဦးစီးဌာန၊ ညွှန်ကြား ရေးမှူးရုံး ဝန်ထမ်းများအားလည်းကောင်း၊ မွန်းလွဲ(၂)နာရီမှ(၄)နာရီထိ တိုင်းဒေသကြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ဝန်ထမ်းများအားလည်းကောင်း သွားရောက်၍ စားသုံးသူ အသိပညာပေး ဟောပြောပွဲများကို ဆောင်ရွက်ခဲ့ကြောင်း သတင်းရရှိပါသည်။

          ယင်းသို့ဆောင်ရွက်ရာတွင် စားသုံးသူရေးရာဦးစီးဌာန ဒုတိယတိုင်းဒေသကြီးဦးစီးမှူးက ဝန်ကြီးဌာန၏ ဖွဲ့စည်းတာဝန်ယူဆောင်ရွက်မှုများ၊ ဆောင်ပုဒ် “ဖွံ့ဖြိုးကုန်သွယ်နိုင်ငံကြွယ်” နှင့် မျှော်မှန်းချက်များအကြောင်း၊ စားသုံးသူကာကွယ်ရေးဉပဒေများအကြောင်း၊ စားသုံးသူရေးရာ ဦးစီးဌာန၏ လုပ်ငန်းတာဝန်များအကြောင်း အသေးစိတ်ရှင်းဆွေးနွေးဟောပြောခြင်း၊ စားသုံးသူရေးရာဌာနခွဲတာဝန်ခံ ဒေါ်ခိုင်မို့မို့က စားသူံးသူကာကွယ်ရေးဉပဒေပါ အခွင့်အရေး၊ တာဝန်၊ ကုန်အညွှန်အမှတ်အသားများအကြောင်း၊ Coffee Shop၊ Happy water ၏ ဆိုးကျိုး  နီကိုဒင်း၊ ကဖီးဓါတ်များပါဝင်၍  စိတ်ကိုတက်ကြွစေခြင်း၊ ခံနိုင်ရည်အားများ ကောင်းသည်ဟု ယူဆ၍Happy water တွင် မူယစ်ဆေးတစ်မျိုးမကပါဝင်ကြောင်းနှင့် အရောင်၊ အနံ့မရှိ အချိုရည်၊ ဖျော်ရည်များတွင် ရောနှောသောက်သုံးကြခြင်းများ ဖြစ်တတ်ကြ၍ စားသုံးသူများအနေဖြင့် ဝယ်ယူသုံးစွဲရာတွင် ကုန်အညွှန်းအမှတ်အသားများ သေချာကြည့်ဝယ်ယူသုံးစွဲသင့်ကြောင်း၊ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏(၁/၂၀၂၃)ကြိမ်မြောက်အစည်းအဝေး ဆုံဖြတ်ချက်အရ၊ စားသုံးသူများ၏ဘေးအန္တရာယ်များကာကွယ်နိုင်စေရန်အတွက် စားသုံးသူရှု့ဒေါင့်၊ ကျန်းမာရေးရှုဒေါင့်အရ အသိပညာပေးဟောပြောခြင်း၊ ဌာန၏ ပညာပေးလက်ကမ်းစာစောင်များ ဖြန့်ဝေးခြင်းများဆောင်ရွက်ခဲ့ကြောင်းသတင်းရရှိပါသည်။

DOCA(စစ်ကိုင်း)

    စားသုံးသူရေးရာဦးစီးဌာန ၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ဖေဖော်ဝါရီ ၇ ရက်နံနက် (၁၀:၀၀)နာရီက အခြေခံပညာအထက်တန်းကျောင်း(ခွဲ) ညောင်အိုင်ကျောင်း၌  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန တို့နှင့်ပူးပေါင်း၍ စားသုံးသူအသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။

   အဆိုပါဟောပြောပွဲတွင် ကျောင်းအုပ်ဆရာမကြီးက အဖွင့်အမှာစကားပြောကြားပြီး မိတ်ဖက်ဌာနများမှ မိမိတို့နှင့်သက်ဆိုင်သည့် အကြောင်းအရာများကို အသိပညာပေးဟောပြောခဲ့ပြီး စားသုံးသူရေးရာဦးစီးဌာနမှ ဦးမျိုးဝင်းသန်းက စားသုံးသူကာကွယ်ရေးဥပဒေပါ စားသုံးသူအခွင့် အရေးနှင့်တာဝန်များ၊ စားသုံးသူနစ်နာဆုံးရှုံးမှုရှိပါက တိုင်ကြားနိုင်သည့်နည်းလမ်းများ၊ ထုတ်ကုန်လုံခြုံစိတ်ချရမှုရှိသော ကုန်စည်များကို စနစ်တကျရွေးချယ်ဝယ်ယူ သုံးစွဲတတ်စေရန်အတွက် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဆွေးနွေးဟောပြောခဲ့ပါသည်။ ဟောပြောပွဲသို့ ကျောင်းအုပ်ဆရာမကြီး၊ ဆရာ/ဆရာမ (၁၂)ဦးနှင့် ကျောင်းသား ကျောင်းသူ (၅၅၀)ဦး ၊ စုစုပေါင်း (၅၆၂) ဦးတက်ရောက်ခဲ့ကြပြီး စားသုံးသူအသိပညာပေး လက်ကမ်းစာစောင်များဖြန့်ဝေခဲ့ကြောင်း သိရသည်။

DOCA(စစ်ကိုင်း)

     စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၁၃.၂.၂၀၂၃ ရက်နေ့ (၀၉:၀၀)နာရီအချိန်တွင် ဗန်းမော်မြို့နယ်အကောက်ခွန်ဦးစီးဌာနရုံးတွင် ဗန်းမော်မြို့ရှိ  ပို့ကုန်သွင်းကုန် စီးပွားရေးလုပ်ငန်းရှင်များအား တွေ့ဆုံဆွေးနွေးခဲ့ပါသည်။

    ထိုသို့ ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက စီးပွားရေးလုပ်ငန်းရှင်များသည် စားသုံးသူကာကွယ်ရေးဥပဒေပါ ကုန်စည် သို့မဟုတ် ဝန်ဆောင်မှု၏ အာမခံချက်သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စီးပွားရေးလုပ်ငန်းလုပ်ကိုင်ရာ တွင် စီးပွား‌ရေးကျင့်ဝတ်၊ စည်းကမ်းနှင့်အညီဖြောင့်မတ်မှန်ကန်စွာဆက်ဆံခြင်း၊ ကုန်သွယ်မှုပြုရန်နှင့် ထုတ်လုပ်မှုပြုရန်အလို့ငှာ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ သက်ဆိုင်ရာအစိုးရဌာန၊ အစိုးရအဖွဲ့အစည်းများက သတ်မှတ်ထာသည့် အရည်အသွေးစံ သတ်မှတ်ချက်များအပေါ်အခြေခံ၍ အာမခံချက်ပေးခြင်း၊  ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ ကတိပြုထားသော အာမခံချက် နှင့်ကိုက်ညီမှုမရှိပါက ကတိပြုထားသည့်အတိုင်း တာဝန်ယူဆောင်ရွက်ပေးခြင်းတို့သည် စီးပွားရေးလုပ်ငန်းရှင်များ၏ တာဝန်များဖြစ်ကြောင်း၊ ကုန်စည်နှင့်စပ်လျဉ်း၍ အာမခံချက်ပေးခြင်း၊ ကုန်စည် သို့မဟုတ် ဝန်ဆောင်မှုအပေါ် တာဝန်ရှိမှုတို့ကို ရှင်းလင်း‌ဆွေးနွေးခဲ့ပါသည်။

     အဆိုပါဆွေးနွေးပွဲသို့ ဗန်းမော်မြို့ရှိ ပို့ကုန်သွင်းကုန်စီးပွားရေးလုပ်ငန်းရှင်(၁၀)ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(ကချင်)

     စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဘားအံခရိုင်ဦးစီးမှူး ဦးမျိုးဝင်းနိုင်နှင့် ဝန်ထမ်းများသည် ၁၀-၂-၂၀၂၃ ရက်နေ့၊ နံနက် ၁၀:၀၀ နာရီအချိန်တွင် ကရင်ပြည်နယ်၊ ဘားအံမြို့ပေါ်ရှိ အ.ထ.က(၅) ကျောင်းသို့ သွားရောက်၍ စားသုံးသူကာကွယ်ရေးဆိုင်ရာကိစ္စရပ် များကို ဆရာ၊ ဆရာမ (၅) ဦး နှင့် ကျောင်းသား၊ ကျောင်းသူ (၂၀၀) ဦး၊ စုစုပေါင်း (၂၀၅) ဦးအား အသိပညာပေးဟောပြောပွဲ ကျင်းပခဲ့ကြောင်း သိရသည်။

    အဆိုပါဟောပြောပွဲတွင် ဘားအံခရိုင်ဦးစီးမှူး ဦးမျိုးဝင်းနိုင်က  စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်နှင့် စားသုံးသူကာကွယ်ရေးအကြောင်း  သိကောင်းစရာများ ရှင်းလင်းဆွေးနွေးခဲ့ပြီး အငယ်တန်းစာရေး ဒေါ်မိခင်သူဇာက ထုတ်ကုန်လုံခြုံစိတ်ချမှုရှိသော အစား အသောက်နှင့် ကုန်စည်များကို စနစ်တကျ ရွေးချယ်ဝယ်ယူ စားသောက်သုံးစွဲတတ်စေရန် ကုန်အညွှန်းအမှတ်အသားအကြောင်းကို ကျောင်းသား၊ ကျောင်းသူများကို လွယ်ကူစွာသိရှိနိုင်ရေးအတွက် နမူနာ မုန့်မျိုးစုံဖြင့် လက်တွေ့ ရှင်းလင်း ပြောကြားခဲ့သည်။ ထို့နောက် ခရိုင်ဦးစီးမှူးနှင့် ကျောင်းကျန်းမာရေးကော်မတီဆရာမများသည် ကျောင်းဝန်းအတွင်းရှိ ကျောင်းမုန့်ဈေးတန်းတွင် အစားအသောက်များ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးအတွက်   ကျောင်းမုန့်ဈေးတန်းအား စစ်ဆေးခြင်းများ ပြုလုပ်ဆောင်ရွက်ခဲ့ကြောင်း သတင်းရရှိပါသည်။

DOCA(ကရင်)