သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၊ မြို့နယ် တာဝန်ခံ ဒေါ်ဌေးဌေးသည် (၁၉.၆.၂၀၂၄)ရက်နေ့၊ နံနက်(၀၉:၃၀)မှ(၁၁:၀၀)နာရီအထိ တောင်တွင်း ကြီးမြို့မဈေး၌ အခြေခံစားကုန်ရောင်းချနေသော ကုန်စုံဆိုင်များတွင် အစားအသောက်နှင့် ဆေးဝါး ကွပ်ကဲရေးဦးစီးဌာန၊ မြို့နယ်စည်သာယာရေးအဖွဲ့၊ မြို့နယ်အထွေထွေအုပ်ချုပ်ရေး‌ဦးစီးဌာန၊ မြို့နယ် ကျန်းမာရေးဦးစီးဌာနတို့နှင့်ပူးပေါင်းပြီး ဈေးကွက်အတွင်းရှိ အခြေခံစားကုန်များအား နမူနာဝယ်ယူ၍ Mobile  Lab  ဖြင့် စစ်ဆေးခဲ့ပါသည်။ 

          မုန့်ဟင်းခါးဖက်၊ ခေါက်ဆွဲခြောက်၊ ငရုတ်သီးမှုန့် ၊ ချင်းပေါက်၊ အရောင်တင်မှုန့်  ၊ နနွင်းမှုန့်၊ ပဲပြား၊ ပိတ်ဆွယ်၊ ပေါက်ပေါက်ဆုပ်၊ နို့မလှိုင်လုံး၊ ဘိတ်ငါးပိ၊ ပုဇွန်ခြောက်၊ မုန့်ဖတ်ခြောက် ကုန်စည် နမူနာ(၁၁)မျိုးဝယ်ယူခဲ့ပြီး မြို့မဈေး၌ Mobile Labဖြင့် ချက်ခြင်းစစ်ဆေးခဲ့ရာ မုန့်ဟင်းခါးဖက်၊ ပေါက်ပေါက်ဆုပ်၊ နို့မလိုင်လုံး ၊ ပိတ်စွယ်တို့၌ အစားအသောက်များတွင် သုံးစွဲရန် ခွင့်မပြုသော Surfiting Agent ချွတ်ဆေးများသုံးစွဲထားကြောင်း စစ်ဆေးတွေ့ရှိရသဖြင့် ရောင်းချသူများအား စီမံခန့်ခွဲ ရေးနည်းလမ်းအရ ၎င်း ကုန်စည်များအား ဆက်လက်ရောင်းချခြင်းမပြုရန် အဖွဲ့စုံ၏ ဆုံးဖြတ်ချက်ဖြင့် ဈေးတာဝန်ခံရုံးခန်းတွင် ဝန်ခံကတိပြုလက်မှတ်ရေးထိုးစေခြင်း၊ သက်ဆိုင်ရာမြို့မဈေးရှိ ‌စျေးခေါင်းရုံး ရှေ့အမှိုက်ပုံးထဲတွင် ခွင့်မပြုချွတ်ဆေးသုံးစွဲထားသော မုန့်ဟင်းခါး၊ ပေါက်ပေါက်ဆုပ်၊ နို့မလိုင်လုံး၊ ပိတ်စွယ်တို့အား စွန့်ပစ်ခြင်းဆောင်ရွက်ခဲ့ပြီးနောက် ဈေးကွက်အတွင်းရှိ အခြားကုန်စည်များအား ကုန်အညွှန်းအမှတ်အသားသတ်မှတ်ချက်နှင့်အညီ ပြည့်စုံမှန်ကန်စွာ ပါဝင်မှုရှိ/မရှိဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(မကွေး)

               ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ဆည်ကြီးကုန်းအုပ်စု၊ ဖိုးခေါင်ကျေးရွာရှိ အခြေခံပညာမူလတန်းကျောင်းသို့သွားရောက်၍စားသုံးသူအသိပညာပေးဟောပြောပွဲဆောင်ရွက်ခဲ့ပါသည်။

           စားသုံးသူရေးရာဦးစီးဌာ၊ ရွှေတောင်မြို့နယ်တာဝန်ခံရုံးမှ မြို့နယ်တာဝန်ခံနှင့် ဝန်ထမ်းများ သည် (၁၇.၆.၂၀၂၄)ရက်နေ့ နေ့လယ် (၂:၀၀) အချိန်တွင် အခြား မိတ်ဖတ်ဌာနဆိုင်ရာများဖြစ်သော ပြန်ကြားရေးနှင့် ပြည်သူ့ဆက်ဆံရေး ဦးစီးဌာနမှ ဝန်ထမ်းများ ၊ တိုင်းရင်းဆေးပညာဦးစီးဌာနမှ ဝန်ထမ်းများနှင့် ပူးပေါင်း၍ စားသုံးသူအသိပညာပေး ဟောပြောပွဲကျင်းပပြုလုပ်ခဲ့ပါသည်။ အဆိုပါ အသိပညာပေးဆွေးနွေးဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဒေါ်ယဉ်ယဉ်ဆင့် (ဒု- ဦးစီးမှူး)က ဆရာ/ဆရာမ နှင့် ကျောင်းသား/ကျောင်းသူ စုစုပေါင်း(၁၃၄)ဦး တို့အား စားသုံးသူကာကွယ်ရေးဥပဒေပါ အခန်း(၁၈) ပုဒ်မ(၄၁)ပါ ကုန်အညွှန်းအမှတ်အသားများ အကြောင်းတွင် ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှု၊ အညွှန်း၊ သုံးစွဲပုံနည်းလမ်းများအကြောင်းကိုဟောပြောခဲ့သလို ကျန်းမာရေး ဆိုင်ရာဘေးထွက်ဆိုးကျိုး (သို့မဟုတ်) ဓါတ်မတည့်ကြောင်းဖော်ပြချက်နှင့် ကြိုတင်အသိပေးချက် အကြောင်းကို  ဟောပြောခဲ့သလို စားသုံးသူအခွင့်အရေးနှင့် တာဝန်များအကြောင်း အကျယ်တဝံ့ ပြောကြားပြီး စားသုံးသူများနစ်နာဆုံးရှုံးမှုများဖြစ်ပေါ်လာပါက သက်ဆိုင်ရာ CICC များသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေတိုင်ကြားနိုင်ကြောင်း ဆွေးနွေးဟောပြောခဲ့ပါသည်။

DOCA(ပဲခူး)

           ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် ရပ်ကွက်/ ကျေးရွာနေ စားသုံးသူပြည်သူများနှင့် တိုင်းပြည်၏ အနာဂတ်မျိုးဆက်သစ်များဖြစ်သော ကျောင်းသား/ ကျောင်းသူများအား စားသုံးသူကာကွယ်ရေးဆိုင်ရာ အသိပညာများ ကျယ်ကျယ် ပြန့်ပြန့်သိရှိနိုင်စေရေး ရည်ရွယ်၍ ခရိုင်အတွင်း မြို့နယ်များရှိ ရပ်ကွက်/ ကျေးရွာများနှင့် အခြေခံ ပညာကျောင်းများတွင် အသိပညာပေးဟောပြောဆွေးနွေးခြင်းများကို အင်တိုက်အားတိုက် လုပ်ဆောင်လျက်ရှိရာ ပြည်ခရိုင်အတွင်း ၂၀၂၄ ခုနှစ်၊ ဇွန်လ (၁)ရက်မှ (၁၅)ရက်အတွင်း ပြည်မြို့ တွင် မြို့နယ်တာဝန်ခံများနှင့် ဝန်ထမ်းများသည် မြို့နယ်ပြန်ဆက်ရုံးနှင့်ပူးပေါင်း၍ စားသုံးသူအသိ ပညာပေး (Talk Show) ပွဲပြုလုပ်ခြင်း၊ ရွှေ‌တောင်မြို့တွင် အ.မ.က(ကူကြီး)နှင့် အ.မ.က (ဖိုးခေါင်) ကျောင်းများသို့လည်းကောင်း၊ ပန်းတောင်းမြို့တွင် မူလွန်(တောင်ဘွေ)၊ မူလွန်(ငါးမျက်နှာ)၊ မူလွန် (မကျီးထုံး) ကျောင်းများသို့လည်းကောင်း မြို့နယ်တာဝန်ခံများနှင့်ဝန်ထမ်းများသည်  မြို့နယ် ပြန်ဆက်ရုံးနှင့်ပူးပေါင်း၍ စားသုံးသူကာကွယ်ရေးဆိုင်ရာအသိပညာပေး ဟောပြောခြင်းများ ဆောင်ရွက်ခဲ့ပါသည်။

           အဆိုပါ အသိပညာပေးဟောပြောခြင်းများ ဆောင်ရွက်ရာတွင် သက်ဆိုင်ရာမြို့နယ် တာဝန်ခံများမှ စားသုံးသူအခွင့်အရေးများနေ့ဖြစ်ပေါ်လာပုံ၊ စားသုံးသူအခွင့်အရေးနှင့်တာဝန်များ၊ ကုန် အညွှန်းအမှတ်အသားဖေါ်ပြခြင်းဆိုင်ရာ အချက်များ၊ နစ်နာဆုံးရှုံးမှုရှိပါက တိုင်ကြားနိုင်သည့် ပုဂ္ဂိုလ်များနှင့် နည်းလမ်းများ၊ တိုင်ကြားနိုင်မည့် ဖုန်းနံပါတ်နှင့်လိပ်စာ၊ စားသုံးသူကာကွယ်ရေး ဥပဒေပါ ပြစ်မှုပြစ်ဒါဏ်များအကြောင်း၊ သက်ဆိုင်ရာဌာနများက စားသုံးရန်မသင့်ဟု တားမြစ် ထုတ်ပြန်ထားသော ကုန်စည်များအား ရွေးချယ်ဝယ်ယူခြင်းမပြုရန်၊ ကုန်အညွှန်းအမှတ်အသား ပြည့်စုံစွာပါဝင်သော ကုန်စည်များကိုသာ ရွေးချယ်ဝယ်ယူကြရန် အသိပညာပေးဟောပြောခြင်းများ ဆောင်ရွက်ခဲ့ကြောင်းသိရပါသည်။

DOCA(ပဲခူး)

       စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံရုံးမှ မြို့နယ်တာဝန်ခံနှင့် ဝန်ထမ်းများ သည် ရွှေတောင်မြို့နယ်ရှိ မြို့မစည်ပင်သာယာဈေးသို့ (၁၆.၆.၂၀၂၄)ရက်နေ့ နံနက် (၉:၀၀) အချိန်တွင် အခြား မိတ်ဖက်ဌာနဆိုင်ရာများဖြစ်သော မြို့နယ်စည်ပင်သာယာရေးဦးစီးဌာန၊ မြို့နယ် ပြည်သူ့ကျန်းမာရေးအဖွဲ့တို့နှင့်ပူးပေါင်း၍ စားသုံးဆီများအားကွင်းဆင်းစစ်ဆေးခဲ့ပါသည်။ ဈေးများ တွင် ကုန်အမှတ်တံဆိပ်အမျိုးမျိုးဖြင့်ရောင်းချနေသော စားသုံးဆီဘူးအမျိုးမျိုးအား ကုန်အညွှန်း အမှတ်အသားပြည်စုံမှန်ကန်မှုရှိ/မရှိ တို့ကိုစစ်ဆေးခြင်း၊ မြန်မာဘာသာဖြင့် ဖော်ပြထားမှသာ ရောင်းချရန်၊ စားသုံးသူအခွင့်အရေးနှင့်လိုက်နာရမည့်တာဝန်များ၊ စီးပွားရေးလုပ်ငန်းရှင်များ၏ တာဝန်များအား ရှင်းလင်းဆွေးနွေးပြောကြားခဲ့ကြောင်း သိရပါသည်။

DOCA(ပဲခူး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေဿကြီးဦးစီးမှူး၏လမ်းညွှန်မှုဖြင့် သရက်ခရိုင်ရုံးမှ ဦးကျော်ရွှေ၊ ဒုတိယကြီးကြပ် ရေးမှူးနှင့် ကံမမြို့နယ်တာဝန်ခံ ဒုတိယဦးစီးမှူး ဒေါ်နွဲ့ယဉ်ဝင်းသည်(၁၉.၆.၂၀၂၄)ရက်နေ့ နံနက် (၀၉:၃၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်ပြည်သူကျန်းမာရေးဦးစီးဌာနတို့နှင့်ပူးပေါင်း၍ မြို့မစည်ပင်ဈေးနှင့် မြို့ပေါ်ရပ်ကွက်များရှိကုန်စုံဆိုင်များတွင် ရောနှောဆီအပါအဝင် စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်းသိရှိရပါသည်။

 ထိုသို့ စစ်ဆေးဆောင်ရွက်ရာတွင် စားသုံးသူများဘေးကင်းလုံခြုံစိတ်ချမှုရှိစေရေးအတွက် ရောနှောဆီအပါအဝင် စားသုံးဆီအမျိုးမျိုးရောင်းချသော ဈေးဆိုင်ပိုင်ရှင်များအား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ် (၁/၂၀၂၁)အားလည်းကောင်း၊ မြန်မာနိုင်ငံအစားအသောက်နှင့်ဆေးဝါးအာဏာပိုင်အဖွဲ့၏ အမိန့်အမှတ်(၂/၂၀၂၄) ညွှန်ကြားချက်အားလည်းကောင်း၊ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)အားလည်းကောင်း အသေးစိတ်ရှင်းလင်းပြောကြားခဲ့ပြီး ရောနှောဆီအပါအဝင်စားသုံးဆီဘူး အမျိုးမျိုးတွင်ပါဝင်ရမည့် ကုန်အညွှန်းအမှတ်အသားများအား မြန်မာဘာသာဖြင့် ပြည့်စုံစွာဖော်ပြထားသော စားသုံးဆီများကိုသာရောင်းချစေရေး အသိပညာပေးဆွေးနွေးပြောကြားခဲ့ကြောင်း သိရှိရပါသည်။

DOCA(မကွေး)