သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း (ဦးစီးမှူး) ဦးဆောင်၍ ဝန်ထမ်း(၄)ဦးတို့သည် (၁၉-၂-၂၀၂၄) ရက်နေ့၊ နံနက်(၁၀:၃၀)နာရီအချိန်တွင် အမှတ်(၁၂၃)၊ ဘုရင့်နောင်လမ်း၊ ရွှေပြည်သာစက်မှုဇုန်(၄)၊ အင်းစိန်မြို့နယ်ရှိ လော်ပန်ဘီစကစ်နှင့် ကွတ်ကီးစက်ရုံသို့သွားရောက်ကာ စားသုံးသူကာကွယ်ရေးအသိပညာပေးဟောပြောဆွေးနွေးခဲ့ပါသည်။

     ထိုသို့ဟောပြောဆွေးနွေးရာတွင် မြောက်ပိုင်းခရိုင်ဦးစီးမှူးရုံးမှ ဒေါ်ခိုင်ရွှေ (ဒု-ကြီးကြပ်ရေးမှူး) က ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်တာဝန်များ၊ စားသုံးသူကာကွယ်ရေး ပေါ်ပေါက်လာပုံ၊ ဦးစီးဌာနအဆင့်ဆင့်ဖြစ်ပေါ်လာပုံ၊ ၂၀၁၉ စားသုံးသူကာကွယ်ရေးဥပဒေ၌ အခန်း(၂၅)ခန်း၊  ပုဒ်မ(၈၄)ခု၊ စားသုံးသူအခွင့်အရေးနှင့်တာဝန်များ၊ စားသုံးသူဘေးအန္တရာယ်ကင်းရှင်းစေရေးအတွက် အခန်း(၁၈)၊ ပုဒ်မ(၄၁)မှ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သိရှိလိုက်နာရမည့်အချက်များ၊ ထုတ်ကုန်လုံခြုံစိတ်ချရမှုရှိစေရေး၊ ထုတ်လုပ်သည့်စက်ရုံအတွင်း/အပြင်၊ ပတ်ဝန်းကျင်သန့်ရှင်းသာယာလှပစေရေး ကောင်းမွန်သောထုတ်လုပ်မှုစနစ်နှင့်အညီ ထုတ်လုပ်စေရေးအတွက် အသိပညာပေးဆွေးနွေးခဲ့ပြီး ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် နစ်နာဆုံးရှုံးမှုများနှင့်စပ်လျဉ်း၍ ကုစားခွင့်ရရှိခြင်းများအကြောင်း၊ တားမြစ်ချက်များအကြောင်း၊ ပြစ်မှုနှင့် ပြစ်ဒဏ်များအကြောင်း၊  စားသုံးသူများနစ်နာဆုံးရှုံးမှုများဖြစ်ပေါ်လာပါက လူကိုယ်တိုင်ဖြစ်စေ၊ စာဖြင့်ဖြစ်စေ၊ ဖုန်းဖြင့်ဖြစ်စေ၊ Facebook Page၊ Website နှင့် Call Center (1535) သို့လည်းဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပါသည်။

        အဆိုပါဟောပြောပွဲသို့ လော်ပန်ဘီစကစ်စက်ရုံရှိ စက်ရုံမန်နေဂျာနှင့်အတူ (၁၉)ဦးတက်ရောက်ခဲ့ကြောင်းသိရှိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှုးရုံးအနေဖြင့် ခရိုင်အတွင်း မြို့နယ်များရှိ စက်သုံးဆီအရောင်းဆိုင်များ၏ နေ့စဉ်ရောင်းချနေသော စက်သုံးဆီဈေးနှုန်း များသည် PPRD မှ ထုတ်ပြန်ထားသော ရည်ညွှန်းဈေးအတိုင်း ရောင်းချခြင်းရှိ / မရှိနှင့် စက်သုံးဆီပြတ်လပ်မှုရှိ / မရှိတို့၏ အခြေအနေများကို တိုင်းဒေသကြီးဦးစီးမှူးရုံးသို့ ပေးပို့ တင်ပြလျက်ရှိရာ  (၁၈.၂.၂၀၂၄) ရက်နေ့ နံနက် (၁၀:၃၀) အချိန်တွင် ဒဂုံမြို့သစ်ခရိုင် ၊အမှတ် -၁(၉၅၈/၅၉/၆၀) ငါးမာန်အောင်ဘုရားလမ်း၊ (၃၃) ရပ်ကွက်ရှိ Max Energy Co., Ltd မှ အသစ်ဖွင့်လှစ်ရောင်းချသည့် စက်သုံးဆီဆိုင်အမည် Max(မြောက်ဒဂုံ–2) စက်သုံးဆီအရောင်းဆိုင်သို့ ခရိုင်ဦးစီးမှူးဦးလှစိုးနှင့်ဝန်ထမ်းများမှ သွားရောက်စစ်ဆေးခဲ့ကြောင်း သိရှိရပါသည်။

    ဆိုင်တာဝန်ခံဦးဇော်နိုင် နှင့်တွေ့ဆုံရာ ယခင်က KZH စက်သုံးဆီအရောင်းဆိုင် အမည် ဖြင့် ရောင်းချခဲ့ပြီး ယခုမှ Max Energy Co., Ltd  PPRD မှ လွှဲယူလိုက်ခြင်းဖြစ်ကြောင်း၊ စက်သုံး ဆီလေးမျိုးရောင်းချကြောင်း၊ နံနက် ၆:၀၀ မှ ည ၂၁:၀၀ နာရီထိ ဆိုင်ဖွင့်ကြောင်း၊ PPRD မှ ထုတ်ပြန်ထားသည့် ရည်ညွှန်းဈေးအတိုင်း ရောင်းချခြင်းဖြစ်ကြောင်း ဆိုင်တာဝန်ခံမှ ပြောကြား ခဲ့ပြီး၊ ခရိုင်ဦးစီးမှူးဦးလှစိုးက ဆိုင်အတွင်း/အပြင်နှင့် ဆီကန်ဝင်ဆံ့မှုပမာဏတို့ကို စစ်ဆေးခြင်း၊ စက်သုံးဆီအရည်အသွေး၊ အလေးချိန်၊ အချိန်အတွယ်တို့ကို မှန်မှန်ကန်ကန်နှင့် အပြည့်အဝပေးစေခြင်း၊ စက်သုံးဆီများပြတ်လပ်မှုမရှိစေရေး၊ PPRD နှင့် သက်ဆိုင်ရာဌာနများ၏ စည်းမျဉ်းစည်းကမ်းများကိုလည်း လိုက်နာသလို စားသုံးသူရေးရာဦးစီးဌာနမှ ထုတ်ပြန်ထားသော  စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် အညီလုပ်ကိုင်ဆောင်ရွက်စေလိုကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ ဦးကျော်ခိုင်၊ ဦးစီးမှူး ခေါင်းဆောင်သော ဝန်ထမ်းများသည် ထုတ်ကုန်လုံခြုံ စိတ်ချရမှုရှိစေရန်အတွက် အလုံမြို့နယ် အလုံဈေးတွင် စားသုံးဆီအမျိုးမျိုးတို့တွင် ထည့်သွင်းဖော်ပြရမည့် ကုန်အညွှန်းအမှတ်အသားများပါဝင်မှု ရှိ/မရှိ သွားရောက်စစ်ဆေးခဲ့ရာ စားသုံဆီအမျိုးမျိုးတို့တွင် ပါဝင်ရမည့် ကုန်အညွှန်းအမှတ်အသားများ စုံလင်စွာပါရှိကြောင်း စစ်ဆေးတွေ့ရှိခဲ့ရပါသည်။ ၂၀၂၃-၂၀၂၄ ဘဏ္ဍာရေးနှစ်အတွင်း ဈေးကွက်စောင့်ကြည့် စစ်ဆေးရာတွင် ဦးစားပေးဆောင်ရွက်ရမည့် ကုန်စည်အမျိုးအစားများမှ ကလေးအဟာရဖြည့်စွက်စာ အမျိုးမျိုးတို့အား ကျောက်တံတားမြို့နယ် Ciy Care၊ ပန်းဘဲတန်းမြို့နယ် Medi Care၊ လသာမြို့နယ် ရွှေအိုးဆေးဆိုင်များတွင် ကုန်အညွှန်းအမှတ်အသားများပါဝင်မှု ရှိ/မရှိနှင့်  ဆေးနှင့်ဆေးပစ္စည်း ဆက်စပ် ပစ္စည်း ဈေးနှုန်းအခြေအနေများအား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံးလက်အောက်ရှိ ဒလမြို့နယ်အတွင်း စားသုံးသူများ စားအုန်းဆီအမျိုးမျိုးတို့ ဝယ်ယူစားသုံးရာတွင် ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရန် ရည်ရွယ်၍ ဖေဖော်ဝါရီလ (၁၆)ရက်နေ့၊ နေ့လယ်(၁၁:၀၀)နာရီအချိန်တွင် စည်ပင်သာယာ ကမာကဆစ်ဈေးအတွင်း/အပြင် ကုန်ခြောက်ဆိုင်များသို့ ဈေးကွက်ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ၊မြို့နယ်စည်ပင်သာယာဦးစီးဌာနှင့် ပူးပေါင်းအဖွဲ့သည် ဒလမြို့နယ် ကမာကဆစ် စည်ပင်သာယာဈေးအတွင်း/အပြင်ရှိ ကုန်ခြောက်ဆိုင်နှင့် ကုန်စုံဆိုင်များသို့ သွားရောက်ခဲ့ပြီး လုပ်ငန်းရှင်များနှင့်တွေ့ဆုံကာ မိမိတို့၏ဈေးဆိုင်များတွင် စားအုန်းဆီအမျိုးမျိုး၌ ကုန်အညွှန်းအမှတ်အသားဖော်ပြရာတွင် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းတို့အား မြန်မာဘာသာဖြင့်ဖြစ်စေ၊ မြန်မာ ဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ဖြစ်စေ ပြည့်စုံစွာဖော်ပြထားခြင်းမရှိသော စားအုန်းဆီအမျိုးမျိုးတို့အား ရောင်းချခြင်းမပြုလုပ်စေရေးနှင့် စံချိန်၊ စံညွှန်းနှင့်ကိုက်ညီသော ကုန်ပစ္စည်းများနှင့် ကုန်အညွှန်းအမှတ်အသားပြည့်စုံစွာဖော်ပြပါရှိသော ကုန်ပစ္စည်းများကိုသာ ဝယ်ယူဖြန့်ဖြူးရောင်းချပေးကြရန်နှင့် စားသုံးသူကာကွယ်ရေးဆိုင်ရာ သိကောင်းစရာများအား အကြံပြုဈေးကွက်စောင့်ကြည့် စစ်ဆေးခဲ့ကြောင်း သိရပါသည်။

DOCA(ရန်ကုန်)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ အနီးကပ်ကြီးကြပ်မှုဖြင့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ ပြဋ္ဌာန်းချက်များကိုလိုက်နာဆောင်ရွက်ခြင်းဖြင့် စားသုံးသူများဘေးအန္တရာယ်ကင်းရှင်းပြီး မိမိတို့လုပ်ငန်းများ၌ ထုတ်ကုန်လုံခြုံစိတ်ချရမှုရှိပြီး အကျိုးစီးပွားအောင်မြင်ဖြစ်ထွန်းစေရန်ရည်ရွယ်၍ (၁၆-၂-၂၀၂၄)ရက်နေ့၊ နံနက်(၀၉:၃၀)နာရီအချိန်တွင် ဒုတိယခရိုင်ဦးစီးမှူးနှင့်ဝန်ထမ်းများသည် ပခုက္ကူမြို့ပေါ်နှင့် လယ်ယာကျေးရွာများရှိ ဒေသတွင်းစားသောက်ကုန်များဖြစ်သော ကိတ်နှင့်မုန့်မျိုးစုံ၊ ကြက်ဥခေါက်မုန့်၊ ဂျိုးဖြူကြော်များထုတ်လုပ်ဖြန့်ဖြူးရောင်းချလျက်ရှိသော လုပ်ငန်းရှင် (၄)ဦးအား အသိပညာပေးဆွေးနွေးခဲ့ပါသည်။

     အဆိုပါအသိပညာပေးဆွေးနွေးပွဲတွင် ဒုတိယခရိုင်ဦးစီးမှူးက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ စီမံခန့်ခွဲရေးနည်းလမ်းအရ အရေးယူခြင်း၊ တားမြစ် ချက်များ၊ ပြစ်မှုနှင့်ပြစ်ဒဏ်များအကြောင်း၊ မြန်မာနိုင်ငံစားသုံးသူကာကွယ်ရေးကော်မရှင်ကထုတ်ပြန်ထားသော ညွှန်ကြားချက်ပါ ကုန်စည်အုပ်စုအလိုက် မြန်မာဘာသာဖြင့် ထည့်သွင်းဖော်ပြ ရမည့်အချက်အလက်များ၊ လုပ်ငန်းရှင်များကလည်း မိမိတို့ထုတ်လုပ်သော ကုန်စည်အမျိုးအစားအလိုက် စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)ပါ ကုန်အညွှန်းအမှတ်အသား ဖော်ပြချက်များနှင့်ကိုက်ညီသည့် ကုန်စည်များကို စားသုံးသူရေးရာဦးစီးဌာန၏ စိစစ်ခွင့်ပြုချက်ရရှိရန် လျှောက်ထားနိုင်ကြောင်း အသေးစိတ်ရှင်းလင်းဆွေးနွေးခဲ့ပါသည်။

    ဆက်လက်၍ စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးက စားသုံးသူများတွင် စားသုံးသူအခွင့်အရေးနှင့်တာဝန်များလည်းရှိကြောင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ အာမခံးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများလည်းရှိ၍ ရိုးရှင်းမှန်ကန်သည့် သတင်းအချက်အလက်များကိုသာပေးစေလိုကြောင်း၊ စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက်ခြင်းဖြင့် ဈေးကွက်များပိုမိုရရှိလာနိုင်ပြီး စားသုံးသူများကလည်း လုံခြုံစိတ်ချရသောကုန်စည်များကို ရွေးချယ်ဝယ်ယူသုံးစွဲလာနိုင်ကာ နှစ်ဦးနှစ်ဖက် အကျိုးကျေးဇူးများရရှိစေလိုကြောင်း၊ ၎င်းနောက် သိရှိလိုသည်များနှင့် အခက်အခဲများကိုလည်း ရင်းနှီးပွင့်လင်းစွာဆွေးနွေးစေလိုကြောင်း အသိပညာပေးခဲ့ပြီးနောက် စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။ 

DOCA(မကွေး)