သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဆန်ဈေးကွက်/ ဈေးနှုန်းအတိုင်း Super Market၊  Mini Mart များအပါအဝင် ဈေးကွက်အတွင်း သတ်မှတ်ရည်ညွှန်းဈေးနှုန်းများအတိုင်း ‌ရောင်းချခြင်းရှိ/မရှိကို ကွင်းဆင်းစိစစ်ကြပ်မတ်သွားရန်ညွှန်ကြားချက်အရ အရှေ့ပိုင်းခရိုင်ဦးစီးမှူူးရုံးမှ တာဝန်ကျဝန်ထမ်းများအား ၁-၈-၂၀၂၄ ရက်နေ့တွင် ကွင်းဆင်းကြပ်မတ်ဆောင်ရွက်လျက်ရှိကြောင်းသိရှိရပါသည်။

      ထိုသို့ကွင်းဆင်းဆောင်ရွက်ရာတွင် တာမွေမြို့နယ်ရှိ Super One  နှင့် သင်္ဃန်းကျွန်းမြို့နယ်ရှိ Junction (ဇဝန)  တို့ရှိ ဆန်ဈေးနှုန်း၊  1Kg  ဈေးနှုန်း၊  ဆန်လက်ကျန်၊ ဆန်အမျိုးအစားတို့ကို စိစစ်ကြပ်မတ်ခဲ့ခြင်းဖြစ်ကြောင်းသိရှိရပါသည်။  

DOCA(ရန်ကုန်)

     မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့နယ်အတွင်းရှိ ဆေးဆိုင်များတွင် မွန်ပြည်နယ်အစိုးရအဖွဲ့၏ ညွှန်ကြားချက်အရ ဈေးကွက်တွင် ဖြစ်ပေါ်နေသည့် ဆေးဝါးများ ဈေးနှုန်းအခြေအနေအား ၂၀.၈.၂၀၂၄ ရက်နေ့တွင် စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဒုတိယပြည်နယ်ဦးစီးမှူးနှင့် ဝန်ထမ်းများသည် အထူးစုံစမ်းစစ်ဆေးရေးဦးစီးဌာနနှင့် ပူးပေါင်း၍ မော်လမြိုင်မြို့ရှိ  ဦးဖေကြည်မိသားစုဆေးဆိုင်၊ ရွှေနိုင်ငံဆေးဆိုင်တို့အား ကွင်းဆင်း စစ်ဆေးခဲ့ကြောင်း သိရှိရသည်။

     ထိုသို့ ကွင်းဆင်းစစ်ဆေးရာတွင် မွန်ပြည်နယ်အတွင်း၌ ဆေးနှင့်ဆေးပစ္စည်းများကို ရန်ကုန်မြို့ရှိ ဆေးကုမ္ပဏီများမှမှာယူခြင်းဖြစ်ပြီး၊ ဆေးကုမ္ပဏီများမှမှာယူသည့်ပမာဏထက် ရာခိုင်နှုန်းအနည်းငယ်သာရရှိပါကြောင်း၊ ဆေးနှင့်ဆေးပစ္စည်းသိုလှောင်ထားသည့် သိုလှောင်ရုံများမရှိကြောင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်း မရှိကြောင်း၊ ဆေးဈေးနှုန်းအနေဖြင့် ယခင်အပတ်ထက် အနည်းငယ်မြင့်တက်လျက်ရှိကြောင်း သိရှိရသည်။

DOCA(မွန်)

    ၁၉.၈.၂၀၂၄ ရက်နေ့တွင် မော်လမြိုင်မြို့၊ မုပွန်ရပ်ကွက်၊ စစ်ကိုင်းဘုန်းကြီးကျောင်းရှေ့၊ သီရိမြိုင်ရပ်ကွက်၊ ဓမ္မာရုံ၊ ဇေယျာမြိုင်ရပ်ကွက်၊ ဇေယျာမြိုင်ရပ်၊ ကွင်းရပ်ရပ်ကွက်၊ ကွင်းရပ်၊ ပန်းဘဲတန်းရပ်ကွက်၊ ထားဝယ်စုရပ်၊ ထားဝယ်စုဈေး၊ ငန်းတေးရပ်ကွက်၊ ရွှေမြိုင်သီရိရပ်ကွက်၊ လမုတန်းဈေး၊ ဇေယျာသီရိရပ်ကွက်၊ ဇေယျာ (၁)ရပ်နှင့် ဇေယျာ (၂)ရပ်၊ လှိုင်ရပ်ကွက်၊ ဘဲကုန်းဈေး၊ ရွှေပြည်အေးဈေး၊ ရွှေပြည်စိုးဈေး၊ သာယာအေးရပ်၊ ရွှေတောင်ရပ်ကွက်၊ အ.ထ.က (၅)ရှေ့၊ စမ်းကြီးရပ်ကွက်၊ ဂွေးကုန်းရပ်ကွက်၊ မောင်ငံရပ်ကွက်၊ မောင်ငံဈေး၊ ကျောက်တန်း ရပ်ကွက်၊ ရိုးဂိုးကျေးရွာနှင့် ဖားအောက်ကျေးရွာတို့၌ မော်လမြိုင်မြို့နယ် စီမံအုပ်ချုပ်ရေး အဖွဲ့၏ ဦးဆောင်မှုဖြင့် မြန်မာနိုင်ငံဆီကုန်သည် နှင့် ဆီလုပ်ငန်းရှင်များ အသင်း၏ Zabu Kan Tun Trading Co.,Ltd ၊ Kaung Hlyan New Asia Co.,Ltd ၊ Global Good Pure Group Co.,Ltd နှင့် Lwin Maung Maung Co.,Ltd တို့မှ တင်သွင်းလာသော စားအုန်းဆီများအား လက်ကား/ လက်လီ ကိုယ်စားများမှတစ်ဆင့် သက်သာသော ရည်ညွှန်းစျေးနှုန်းဖြင့် ရောင်းချပေးခဲ့ကြောင်း၊ ထိုသို့ ရောင်းချရာတွင် စားအုန်းဆီ တစ်ပိဿာလျှင် ၆,၆၅၀ ကျပ်နှုန်းဖြင့် လူတစ်ဦးလျှင် ဆီ(၅၀)ကျပ်သားနှုန်း၊ စုစုပေါင်း စားအုန်းဆီ (၆၄၉၉)ပိဿာအား ပြည်သူများကို ရောင်းချပေးခဲ့ကြောင်း သိရှိရပါသည်။

    အဆိုပါရောင်းချရာနေရာများ၌ စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံမှ မိတ်ဖက်ဌာနများနှင့်ပူးပေါင်း၍ ကြီးကြပ်ဆောင်ရွက်ပေးခဲ့ကြောင်း သိရှိရပါသည်။

DOCA(မွန်)

   စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၁၅.၈.၂၀၂၄) ရက်နေ့၊ နံနက် (၀၉:၀၀) နာရီအချိန်တွင် မိတ်ဖက်ဌာနဆိုင်ရာများနှင့်ပူးပေါင်း၍ ဇလွန်မြို့နယ်၊ မြို့မဈေးနှင့် လမ်းမတော်(မ) ရပ်ကွက်အတွင်းရှိ စတိုးဆိုင်များတွင် ရောင်းချသော အသင့်သောက်အချိုရည်အမျိုးမျိုးအား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

     ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန် အတွက်ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/မရှိတို့ကိုစစ်ဆေးခဲ့ပြီး၊ မြန်မာနိုင်ငံစားသုံးသူ ကာကွယ်ရေးကော်မရှင်မှထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့်ပြည်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် သက်ဆိုင်ရာဌာနမှ ထုတ်ပြန်ထားသော သတ်မှတ်စံချိန်/စံညွှန်းများနှင့်ကိုက်ညီသော အချိုရည်များကိုသာရောင်းချရန်၊ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့်သတ်မှတ်အရည်အသွေး ပြည့်မီသောကုန်စည်များကိုသာ ရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးပြောကြားခဲ့ပြီး၊ စတိုးဆိုင်(၈)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၁၄.၈.၂၀၂၄) ရက်နေ့၊ နံနက် (၁၀:၀၀)နာရီအချိန်တွင်  အင်္ဂပူမြို့နယ်၊ မြို့မဈေးအတွင်းရှိ ကုန်စုံဆိုင်များအား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်း ရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကို စစ်ဆေးခဲ့ပြီး၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့်ပြည်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊ ကုန်စည် နှင့်စပ်လျဉ်း၍အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသောကုန်စည်များကိုသာ ရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များ၊ စားသုံးဆီရောင်းချသောလုပ်ငန်းရှင်များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်း ဈေးနှုန်းမြှင့်တင်ရောင်းချခြင်း များတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော  အရေးကြီးကုန်စည်နှင့် ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့်အကြောင်းစသည်တို့ကို အသိပညာပေးပြောကြားခဲ့ပြီး၊ ကုန်စုံဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်း များဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)