သတင်းနှင့် လှုပ်ရှားမှုများ

              စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးသည် ဇူလိုင်လ ၁၆ ရက် နံနက်ပိုင်းက မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ၊ တိုင်းရင်းဆေး ပညာ ဦးစီးဌာနတို့နှင့် ပူးပေါင်း၍ ဖြူးမြို့၊ အမှတ်(၂) အခြေခံပညာအထက်တန်းကျောင်းတွင် ကျောင်းသား ကျောင်းသူများ သိသင့်သိထိုက်သည့် အသိပညာဗဟုသုတများရရှိစေရေးအတွက် ပြုလုပ်သည့် အသိပညာပေးဟောပြောပွဲတွင် စားသုံးသူကာကွယ်ရေးဆိုင်ရာ အသိပညာပေး ဟောပြောခဲ့ပါသည်။

              ဟောပြောပွဲတွင် စားသုံးသူအခွင့်အရေးများ၊ စားသုံးသူနစ်နာဆုံးရှုံးမှုများ ဖြစ်ပေါ်ပါက စားသုံးသူ ရေးရာဦးစီးဌာနက ဖွင့်လှစ်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ CICC တွင် တိုင်ကြားနိုင်ခြင်းများ၊ ကုန်စည်ဝယ်ယူရာတွင် ကုန်အညွှန်း အမှတ် အသားများ ဦးစားပေးဖတ်ရှုသင့်သည့် အကြောင်းများကိုလည်းကောင်း၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်အိမာဟိန်းက အာဇာနည်နေ့ ဖြစ်ပေါ်လာပုံနှင့် အာဇာနည် ခေါင်းဆောင်ကြီးများ၏ အတ္ထုပတ္တိ များကိုလည်းကောင်း၊ တိုင်းရင်းဆေးပညာဦးစီးဌာန မြို့နယ် တိုင်းရင်းဆေးမှူး ဒေါ်ဝင်းဝင်းအေးက ကျောင်းသားကျောင်းသူ လူငယ်များ၏ တစ်ကိုယ်ရည် သန့်ရှင်းရေးနှင့်ပတ်သက်သည့် နေထိုင်စားသောက်ရမည့် အချက်များကို လည်းကောင်း ဆွေးနွေး ဟောပြောခဲ့ပါသည်။ ဟောပြောပွဲသို့ ကျောင်းသားကျောင်းသူ ၃၅၀ ဦးတက်ရောက်ကြောင်း သိရှိရပါသည်။

DOCA(ပဲခူး)

             စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်၊ ခရိုင်ဦးစီးမှူးရုံးမှ ခရိုင်ဦးစီးမှူး၏ကြီးကြပ်မှုဖြင့် (၂၂.၇.၂၀၂၂) ရက်နေ့ (၁၀:၀၀) အချိန်တွင် မိတ္ထီလာခရိုင်ဦးစီးမှူးရုံးမှ မြို့နယ်တာဝန်ခံနှင့်အဖွဲ့၊ ခရိုင်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ခရိုင်ရဲတပ်ဖွဲ့၊ မြို့နယ်စည်ပင်နှင့်ပူးပေါင်းအဖွဲ့တို့သည်  မိတ္ထီလာမြို့ပေါ်ရှိ ဆေးနှင့်ဆေးပစ္စည်းအရောင်းဆိုင်များသို့ စားသုံးသူပြည်သူများ ဘေးအန္တရာယ်ကင်းရှင်းစေ‌ရေးနှင့် ထုတ်ကုန်များလုံခြုံစိတ်ချရမှုရှိစေ‌‌ရေးအတွက် ရှောင်တခင်စစ်ဆေးခြင်းကို ရွက်ခဲ့ပါသည်။

          ဆေးဆိုင်များတွင် ဆေးဝါးလိုင်စင်များရှိ/မရှိနှင့် တရားမဝင်ဆေးဝါးများ၊ သက်တမ်းလွန်ဆေးဝါးများ ရောင်းချမှု ရှိ/မရှိ၊ ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ၊ Bell Plus ပလာစတာမှာ ထုတ်လုပ်သည့်နိုင်ငံ၊ ထုတ်လုပ်တင်သွင်းသည့် ကုမ္ပဏီ၊ ဆေးဝါးမှတ်ပုံတင်အမှတ်နှင့် Import Registeration No (IR) များ ဖော်ပြထားခြင်းမရှိပဲ စျေးကွက်အတွင်း ရောင်းချလျက်ရှိနေခြင်း၊ မြန်မာနိုင်ငံတွင် မှတ်ပုံထားခြင်းမရှိပဲ Online ပေါ်တွင် ရောင်းချနေသည့် ထိုင်းနိုင်ငံမှ သုံးစွဲရန်မသင်းထုတ်ပြန်ထားသော ရသေ့ဆေး (သို့) ထိုင်း တိုင်းရင်းဆေးသည် စားသုံးသူများသုံးစွဲမိပါက ဘေးအန္တရာယ်ဖြစ်စေနိုင်သည့်အတွက် ရောင်းချခြင်းမရှိစေရေး ယခုလို စစ်ဆေးရခြင်းဖြစ်ကြောင်း အသိပေးရှင်းလင်းပြောကြားခဲ့ပြီး ဆေးအရောင်းဆိုင်ပိုင်ရှင်များအနေဖြင့် Up Date ဖြစ်သောဆေးများ ၊ ကုန်အညွှန်းအမှတ်အသားနှင့်ပြည့်စုံသောကုန်ပစ္စည်းများနှင့် တရားဝင်မှတ်ပုံတင်ထားသော ဆေးဝါးများကိုသာ ဆိုင်တင်ရောင်းချရန် အသိပညာပေးခဲ့ပါသည်။

DOCA(မန္တလေး)

                ၂၀၂၂ခုနှစ်၊ ဇူလိုင်လ ၂၂ ရက်နေ့ (၁၀း၀၀) အချိန်တွင် စားသုံးသူရေးရာဦးစီးဌာန ၊ မိတ္ထီလာခရိုင်၊ ခရိုင်ဦးစီးမှူးရုံးခန်းတွင် ခရိုင်ဦးစီးမှူး ဦးဇော်မင်းမှ လုပ်ငန်းရှင်များအား စားသုံးသူကာကွယ်ရေးဥပဒေအကြောင်း အသိပညာပေး ဟောပြောဆွေးနွေးခဲ့ပါသည်။

       စားသုံးသူရေးရာဦးစီးဌာနသည် စားသုံးသူအခွင့်အရေးများကို သိရှိနားလည်စေရန် စားသုံးသူကာကွယ်ရေးအသိပညာပေးဟောပြောပွဲလုပ်ငန်းများဆောင်ရွက်ခြင်းနှင့် စားသုံးသူများဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းလုပ်ငန်းများ လုပ်ဆောင်လျက်ရှိပါသည်။ စားသုံးသူပြည်သူများ နေ့စဉ်ဝယ်ယူစားသုံးနေသောကုန်စည်များနှင့်ပတ်သက်သော သတင်းအချက်အလက်များကို စားသုံးသူပြည်သူများအား မှန်ကန်စွာသိရှိစေရေး၊ လုပ်ငန်းရှင်များအနေဖြင့် ကုန်အညွှန်းအမှတ်အသားများကို ဖော်ပြရာတွင် ၂၀၁၉ စားသုံးသူကာကွယ်ပေးရေး ဥပ‌‌ဒေပြဌာန်းချက်များကို လိုက်နာပြီးထုတ်ကုန်လုံခြုံစိတ်ချရမှုရှိသော ကုန်ပစ္စည်းများကို ထုတ်လုပ်အသုံးပြုနိုင်ရေးနှင့် စားသုံးသူအခွင့်အ‌ရေးများ နစ်နာဆုံးရှုံးမှုမရှိစေရေးအတွက် ရည်ရွယ်၍ ဟောပြောဆွေးနွေးခဲ့ပါသည်။

            ကုန်စည်များ ထုတ်လုပ်ရောင်းချရာ၌ ကုန်အညွှန်းအမှတ်အသား ပြည့်စုံစွာဖော်ပြရန် လုပ်ငန်းရှင်များအား ကုန်အညွှန်းအမှတ်အသားသည် ၂၀၂၀ ခုနှစ်၊ မတ်လ (၁၆) ရက်နေ့မှစ၍ စတင်အာဏာသက်ရောက်နေပြီဖြစ်ကြောင်းနှင့် ကုန်အညွှန်း အမှတ်အသားပြည့်စုံစွာမပါရှိပါက မည်သည့်စီးပွားရေးလုပ်ငန်းရှင်မဆို စားသုံးသူကာကွယ်ရေး ဥပဒေပုဒ်မ (၇၃) အရ (၂) နှစ်ထက်မပိုသောထောင်ဒဏ်ဖြစ်စေ၊ ကျပ်သိန်း (၂၀၀ )ထက် မပိုသောငွေဒဏ်ဖြစ်စေ ၊ ဒဏ် (၂) ရပ်လုံးဖြစ်စေ အရေးယူမှုများ ပြုလုပ်နိုင်ကြောင်း အသိပညာပေး ဆွေးနွေးပြောကြားခဲ့ပြီး  ကုန်အညွှန်းအမှတ်အသားတပ်ဆင်ရန် အခက်အခဲရှိပါက စားသုံးသူရေးရာဦးစီးဌာနသို့ လာရောက်တိုင်ပင်ဆွေးနွေးနိုင်ကြောင်း၊ လုပ်ငန်းရှင်များအနေဖြင့်လည်း မိမိတို့ကိုယ်တိုင် စာသုံးသူများဖြစ်သည့်အတွက် စာသုံးသူအခွင့်အရေးဆုံးရှုံးနစ်နာမှုများရှိခဲ့လျှင် DOCA Myanmar Application နှင့် စားသုံးသူရေးရာဦးစီးဌာန၏ Website www.doca.gov.mm တွင် ဝင်ရောက်လေ့လာတိုင်ကြားနိုင်သည်ကို ဆွေးနွေးပြောကြားခဲ့ပြီး လက်ကမ်းစာစောင်များလည်း ဖြန့်ဝေခဲ့ကြောင်း သိရသည်။ဟောပြောပွဲကို နံနက် (၁၁း၁၅) အချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(မန္တလေး)

          ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှ ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့ နယ်စည်ပင်သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့မှ ဝန်ထမ်းများနှင့် ပူးပေါင်း၍  ၂၀၂၂ခုနှစ်၊ ဇူလိုင်လ(၂၅)ရက်နေ့ နံနက်(၁၀:၀၀)အချိန်တွင် တာချီလိတ်ခရိုင်၊ ကျိုက်လပ်မြို့ပေါ်ရှိ ဆေးဝါးအရောင်းဆိုင်များနှင့် သောက်ရေသန့်လုပ်ငန်းများအား ကုန်အညွှန်းအမှတ်အသားများ ပြည့်စုံစွာဖော်ပြနိုင်ရေးနှင့် ထုတ်ကုန်များလုံခြုံစိတ်ချမှုရှိစေရေးအတွက် ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

        တာချီလိတ်မြို့နယ်တာဝန်ခံနှင့် ဌာနဆိုင်ရာဝန်ထမ်းများသည် ဆေးဝါးအရောင်းဆိုင်ရှင်များအား သက်တမ်းလွန်ဆေးပစ္စည်းများနှင့် သက်ဆိုင်ရာဌာနများမှ တားမြစ်ပိတ်ပင်ထားသော ဆေးပစ္စည်းများကိုရောင်းချခြင်း မပြုရန်၊ ထုတ်လုပ်သည့်နိုင်ငံ၊ ထုတ်လုပ်သည့်ကုမ္ပဏီ၊ တင်သွင်းသည့် ကုမ္ပဏီ၊ ဆေးဝါးမှတ်ပုံတင်အမှတ်၊ Import Resgistration No.(IR)များ ဖော်ပြထားသော ဆေးပစ္စည်းများကိုသာ ရောင်းချရန်၊ သောက်ရေသန့်လုပ်ငန်းရှင်များအား သက်ဆိုင်ရာလုပ်ငန်း လိုင်စင်များအား ပြုလုပ်/သက်တမ်းတိုးခြင်းများဆောင်ရွက်ရန်၊ လုပ်သားများ၏ တစ်ကိုယ်ရေသန့်ရှင်းရေးနှင့် သက်ဆိုင်ရာဌာနများ၏ လမ်းညွှန်ချက်များအား စနစ်တကျလိုက်နာဆောင်ရွက်ရန်နှင့် စားသုံးသူကာကွယ်ရေးဥပဒေ အခန်း(၁၈)ပါ “ကုန်အညွှန်းအမှတ်အသားဖော်ပြခြင်း”၊ အခန်း(၁၀)ပါ “စီးပွားရေး လုပ်ငန်းရှင်၏တာဝန်များ”အား သိရှိလိုက်နာဆောင်ရွက်နိုင်စေရန်အတွက် အသိပညာပေးဆွေးနွေး ခြင်းများ  ဆောင်ရွက်ခဲ့ပါသည်။

DOCA(ရှမ်း)

            မကွေးတိုင်းဒေသကြီး၊ တောင်တွင်းကြီးမြို့နယ် ၊ ကုန်စည်ဒိုင်၌  မြို့နယ်ပွဲစား စက်မှုလက်မှု လုပ်ငန်းရှင်များအသင်း ကုန်စည်ဒိုင်အလုပ်အမှုဆောင်အသစ် ပြန်လည်ရွေးချယ်ပွဲကို ဇူလိုင်လ(၂၀)ရက် နံနက်(၁၀:၀၀)နာရီ အချိန်တွင် ကျင်းပပြုလုပ်ခဲ့ပါသည်။

         ကုန်စည်ဒိုင် အလုပ်အမှုဆောင်အသစ်ရွေးချယ်ပွဲသို့ မြို့နယ်စီမံအုပ်ချုပ်ရေးအဖွဲ့ဝင် ဗိုလ်မှူး သက်နိုင်ထွန်း၊ အဖွဲ့ဝင်(၂) ဦးလှသောင်း၊ မြို့နယ်အထွေထွေအုပ်ချုပ်ရေးဦးစီးဌာနမှ ဒေါ်အိအိကြွယ်နှင့် ကုန်သည်/ပွဲစား/စက်ပိုင် (၃၀)ဦး တက်ရောက်ခဲ့ပြီး တက်ရောက်လာသော ပွဲစား၊ ကုန်သည် စက်မှုလက်မှုလုပ်ငန်းရှင်များမှ တစ်ဦးချင်းမိတ်ဆက်စကားများပြောကြားခဲ့ပါသည်။ ဆက်လက်၍ မြို့နယ်စားသုံးသူရေးရာဦးစီးဌာန၊ တောင်တွင်းကြီးမြို့နယ် တာဝန်ခံဒေါ်ဌေးဌေး(ဒု-ဦးစီးမှူး)က မကွေးတိုင်းဒေသကြီး၊ စီမံစီးပွားရေးရာဝန်ကြီးဦးအောင်ချိန်၏ လမ်းညွှန်ချက်နှင့်အညီ အလုပ်အမှုဆောင်(၂၅)ဦးဖြင့် ရွေးချယ်ဖွဲ့စည်းရမည်ဖြစ်သကဲ့သို့ အသင်းကျစ်လစ်ခိုင်မာတောင့်တင်းမှသာလျှင် ဒေသတွင်းရောင်းဝယ် ဖောက်ကားမှု၊ ဒေသတွင်းဖွံ့ဖြိုးမှုနှင့် ဒေသခံတောင်သူများ၏ လူမှုစီးပွားဘဝဘက်စုံဖွံ့ဖြိုးတိုးတက် လာမည်ဖြစ်ပါကြောင်း ရှင်းလင်းဆွေးနွေးပြောကြားခဲ့ပါသည်။

            ဆက်လက်၍ ဆီစက်၊ ဝါစက်၊ ဆန်စက်လုပ်ငန်းနှင့် ပွဲရုံ လုပ်ငန်းရှင်များမှ ကုန်စည်ဒိုင်ဥက္ကဌအဖြစ် ဦးမောင်ချို၊ အတွင်းရေးမှူးအဖြစ် ဦးစိုးမြင့်နိုင်တို့ပါဝင်သော အလုပ်အမှုဆောင်(၂၅)ဦးတို့ကို အများဆန္ဒနှင့်အညီ အသစ်ပြန်လည်ရွေးချယ်ဖွဲ့စည်းပေးခဲ့ကြောင်း သတင်းရရှိပါသည်။

DOCA(မကွေး)