သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံး၊ ဓနုဖြူမြို့နယ်ဦးစီးမှူး ဦးဝင်းမင်းစိုးနှင့် ဝန်ထမ်းများသည်  မိတ်ဖက်အဖွဲ့အစည်းများဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့် ကာယပညာဦးစီးဌာန၊ တိုင်းရင်းဆေးဦးစီးဌာနတို့ ပူးပေါင်း၍ (၂၀.၉.၂၀၂၂)နေ့လယ် (၁၃:၀၀) နာရီမှ (၁၄:၃၀) နာရီတွင် ဓနုဖြူမြို့ ပြင်ကသာ အ.ထ.ကကျောင်းသို့သွားရောက်၍ သက်ဆိုင်ရာဌာနများ၏ နှင့်အတူ အသိပညာပေးဟောပြောပွဲကို ပူးပေါင်းဆောင်ရွက်ခဲ့ပါသည်။

    အဆိုပါ အခမ်းအနားတွင် ဓနုဖြူမြို့ ပြင်ကသာ အ.ထ.က ကျောင်းအုပ်ဆရာကြီးမှ အဖွင့်အမှာ စကားပြောကြားပြီး စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူး ဦးဝင်းမင်းစိုးက စားသုံးသူကာ ကွယ်ရေးဥပဒေပါ စားသုံးသူအခွင့်အရေးများ၊ လေးစားလိုက်နာရမည့် တာဝန်များ၊ စီးပွားရေး လုပ်ငန်း ရှင်၏တာဝန်များ၊ ကုန်စည်နှင့် စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးအကြောင်း၊ ဈေးကွက်အတွင်းရှိ ကုန်စည်နှင့်ဝန်ဆောင်မှုများကို ဘေးအန္တရာယ်ကင်း ရှင်းစွာရွေးချယ်ဝယ်ယူတက်စေရန်နှင့် ကုန်အညွှန်းအမှတ်အသား ဖော်ပြချက်အကြောင်း၊ စားသုံးသူများ အမှန်တကယ် နစ်နာဆုံးရှုံမှ ဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်းများ အကြောင်း၊ လုပ်ငန်းရှင်နှင့် စားသုံးသူအကြား စားသုံးသူနစ်နာဆုံးရှုံးမှု ဖြစ်ပွားခဲ့ဖူးသော အငြင်းပွားမှုကိစ္စရပ်များကို ဥပမာပေးရှင်းလင်းပြီး တိုင်းကြားခြင်းနှင့် စိစပ်ညှိနှိုင်းဖြေရှင်းဆောင် ရွက်ခြင်းအကြောင်း၊  ပြစ်မှု၊ ပြစ်ဒဏ်များအကြောင်းကိုရှင်းလင်းဟောပြောခဲ့ပါသည်။

    ဆက်လက်၍ ပြန်ကြားရေးနှင့် ပြည်သူ့ဆက်ဆံရေးဦးစီးဌာန က လူကုန်ကူးမှုတိုက်ဖျက်ရေး အသိပညာပေးခြင်းအကြောင်း နှင့် အားကစားနှင့်ကာယပညာဦးစီးဌာနက လူငယ်နှင့် အားကစား ဗဟုသုတအကြောင်း၊ တိုင်းရင်းဆေးဦးစီးဌာနမှ ကျန်းမာရေးသိကောင်းစရာများကို ဟောပြော ဆွေးနွေး၍ တက်ရောက်သူ ဆရာ/ဆရာမနှင့် ကျောင်းသား/ ကျောင်းသူ (၁၇၈) ဦးတို့သည် ကျန်းမာရေး လေ့ကျင့်ခန်းများ ပြုလုပ်ဆောင်ရွက်ခဲ့ကြပြီး ကျောင်းမုန့်ဈေးတန်းရှိ ရောင်းချနေသော မုန့်များအား ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရသော မုန့်များကုန်အညွှန်း အမှတ်အသားပြည့်စုံစွာ ပါဝင်မှု ရှိ/မရှိ စစ်ဆေးခဲ့ပြီး၊ မုန့်ဆိုင် (6)ဆိုင်တွင် ရောင်းချနေသောမုန့်များတွင် ဘေးအန္တရာယ်ရှိသော ဆိုးဆေးပါဝင်သော မုန့်များကိုမရောင်းချရန်၊ ကုန်အညွှန်းအမှတ်အသား မပါဝင်သော မုန့်များကို မရောင်းချရန်၊လက်လုပ်မုန့်များကို သန့်ရှင်းစွာ လက်အိတ်များဖြင့် ရောင်းချရန်၊ မြန်မာမုန့်များကို ခြင်၊ ယင် မနားအောင် ဇကာ၊ အုပ်ဆောင်းများဖြင့် ဖုံးအုပ်ထားပြီး ရောင်းချရန် မုန့်ရောင်းချသူများ တစ်ကိုယ်ရည်သန့်ရှင်းရေးကို အထူးဂရုပြုရန် စားသုံးသူ၊ လုပ်ငန်းရှင်၊ အစိုးရဌာနများ ပူးပေါင်းမှ ဘေးအန္တရာယ်ကင်းသော လူမှုပတ်ဝန်းကျင်တွင် အနာဂါတ်လူငယ်များ ကျန်းမာပျော်ရွှင်စွာနေ ထိုင်ကြရမည်ဖြစ်ကြောင်း အသိပညာပေးစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံး၊ ဓနုဖြူမြို့နယ်တာဝန်ခံသည် မိတ်ဖက်အဖွဲ့အစည်းများဖြစ်သော ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့် ကာယပညာဦးစီးဌာန၊ တိုင်းရင်းဆေးဦးစီးဌာနတို့ ပူးပေါင်း၍ (၂၀.၉.၂၀၂၂)နေ့လယ် (၁၁:၄၀) နာရီမှ (၁၂:၁၅) နာရီအထိ ဓနုဖြူမြို့နယ်ရှိ စာသင်ကျောင်းမုန့်ဈေးတန်းများအား ကွင်းဆင်းစစ်ဆေးခဲ့ကြပါသည်။

     ကျောင်းမုန့်ဈေးတန်းတွင် ကျောင်းချနေသော မုန့်များတွင် ကုန်အညွှန်းအမှတ်အသားပြည့်စုံစွာ ပါဝင်မှု ရှိမရှိ ဈေးကွက်စောင့်ကြည့်စစ်ဆေးခဲ့ကြပြီး၊ မုန့်ဈေးတန်းရှိ မုန့်ဆိုင်(၆)ဆိုင်မှ ရောင်းချသူများ အား မိမိတို့ရောင်းချနေသောမုန့်များတွင် ကုန်အညွှန်းအမှတ်အသားပြည့်စုံစွာပါဝင်သော မုန့်များ ထုတ်လုပ်ရက်စွဲ၊ ကုန်ဆုံးရက်စွဲပါဝင်စေရေး၊ စားသုံးရန်မသင့်သော ဆိုးဆေးပါဝင်သော မုန့်များကို ရောင်းချခြင်းမပြုရန်နှင့် မုန့်ရောင်းချသူများ ကျန်းမာရေးစစ်ဆေးမှုပြုလုပ်ရန်၊ တစ်ကိုယ်ရည် သန့်ရှင်းမှုရှိစေရေး အထူးဂရုပြရန်၊ လက်သုပ်မုန့်များကို လက်အိပ်စွပ်ရောင်းချရန်၊ ခြင်၊ ယင် မနားအောင် အုတ်ဆောင်း၊ ဇကာ၊ အဖုံးများဖြင့် စနစ်တကျရောင်းချရန် ၊ FDAဌာနမှ ထုတ်ပြန်ထားသော စားသုံးရန်မသင့်သည့် ကုန်စည်များကိုလည်း လေ့လာမှတ်သားပြီး ရောင်းချခွင့် မပြုကြရန် စားသုံးသူ၊ လုပ်ငန်းရှင်၊ အစိုးရဌာနများ ပူးပေါင်းမှ ဘေးအန္တရာယ်ကင်းသော လူမှုပတ်ဝန်းကျင်တွင် အနာဂတ် လူငယ်များကျန်းမာပျော်ရွှင်စွာ နေထိုင်ကြရမည်ဖြစ်ကြောင်းကို အသိပညာပေး စစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

      စီးပွားရေးနှင့် ကူးသန်းရောင်းဝယ်‌ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသ ကြီး၊ တိုင်းဒေသကြီးဦးစီးမှူးနှင့် မကွေးခရိုင်ခရိုင်ဦးစီးမှူး၏ လမ်းညွှန်ချက်ဖြင့် တောင်တွင်းကြီးမြို့နယ် ဦးစီးမှူး ဒေါ်ဌေးဌေးသည် စားသုံးသူများ ဘေးကင်းလုံခြုံစိတ်ချမှုရှိစေရေးအတွက် (၁၄.၉.၂၀၂၂)ရက်နေ့ နံနက် (၁၁း၃၀)နာရီအချိန်တွင် တောင်တွင်းကြီးမြို့နယ် ချောက်ကြားကျေးရွာ အခြေခံပညာ အထက်တန်းကျောင်းခွဲအတွင်းရှိ စျေးဆိုင်များသို့ သွားရောက်၍  ထုတ်ကုန်များ ဘေးကင်းလုံခြုံ စိတ်ချမှုဆိုင်ရာ (ကုန်အညွှန်းအမှတ်အသားဖော်ပြမှုတွင် မြန်မာဘာသာဖြင့် ပြည့်စုံစွာ ဖော်ပြထားမှု ရှိ/မရှိ ) စျေးကွက်စောင့်ကြည့်စစ်ဆေးခဲ့ပါသည်။

     ထုတ်လုပ်ဖြန့်ဖြူးရောင်းဝယ်ဖောက်ကားသူ စျေးဆိုင်ပိုင်ရှင်များကို စားသုံးသူကာကွယ်ရေး ဥပဒေတွင်ပါရှိသော စီးပွားရေလုပ်ငန်းရှင်၏ တာဝန်များနှင့် အခန်း(၁၈)ပါ ပုဒ်မ (၄၁) (၄၃) အရ ကုန်အညွှန်းအမှတ်အသားများဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြား ဘာသာတစ်ခု(သို့မဟုတ်)တစ်ခုထက်ပို၍ တွဲလျှက်ဖြစ်စေ ရေးသားဖော်ပြထားသော ကုန်ပစ္စည်း များကိုသာ စားသုံးသူများဘေးကင်းလုံခြုံစိတ်ချရမှုရှိစေရေးအတွက် ရောင်းချဖြန့်ဖြူးရမည် ဖြစ်ကြောင်း၊ ကုန်စည်ကြောင့်စားသုံးသူများအနေဖြင့် ထိခိုက်နစ်နာမှုရှိပါက တာဝန်ယူဖြေရှင်းပေးရမည် ဖြစ်ပြီး အာမခံမှုနှင့်အညီ ဆောင်ရွက်ပေးမှုမရှိပါက စားသုံးသူမှတိုင်ကြားနိုင်သည့် အခွင့်အရေးရှိပြီး တိုင်ကြားနိုင်သည့်နည်းလမ်းများ၊ ဌာနနှင့် စားသုံးသူကာကွယ်ရေးကော်မတီတို့၏ စီမံခန့်ခွဲရေး နည်းလမ်းအရ အရေးယူနိုင်သည့်အချက်အလက်များအား အသေးစိတ်ရှင်းလင်းဆွေးနွေးခဲ့ပါသည်။

DOCA(မကွေး)

     မကွေးတိုင်းဒေသကြီး စားသုံးသူရေးရာဦးစီးဌာန၊ မကွေးခရိုင်ဦးစီးမှူး၏ လမ်းညွှန်မှုဖြင့် မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်း (မကွေးမြို့နယ် တာဝန်ခံ)နှင့် ခရိုင်ရုံးမှ ဝန်ထမ်း(၃)ဦးတို့သည် (၁၄.၉.၂၀၂၂)ရက်နေ့ နံနက်(၁၀း၀၀)မှ (၁၁း၃၀)နာရီအချိန်ထိ မကွေးမြို့၊ ကန်သာစျေး၌  အစားအသောက် နှင့်ဆေးဝါး ကွပ်ကဲရေး ဦးစီးဌာန(FDA)မှ စျေးကွက်အတွင်း နမူနာကောက်ယူ၍ ဓါတ်ခွဲစမ်းသပ်ပြီး Sodium Cyclamate ၊ Benzoic Acid သတ်မှတ် ပမာဏထက်ကျော်လွန်နေသော ခွင့်မပြုဆိုးဆေး ပါဝင်နေသော စားသောက်ကုန်များအား စျေးကွက်အတွင်း ရောင်းချမှုရှိ/မရှိ ၊ စျေးကွက်လက်ကျန်မရှိစေရေး၊ စျေးကွက်အတွင်းရှိ ကုန်စည်များ၌ စားသုံးသူရေးရာဦးစီးဌာနမှ ပြဌာန်းထားသော စားသုံးသူ ကာကွယ်ရေး  ဥပဒေ -၂၀၁၉ အခန်း(၁၈)ပါ ကုန်အညွှန်းအမှတ်အသားများ ပြည့်စုံမှန်ကန်စွာ မပါဝင်သော ကုန်စည်များ ရောင်းချမှု ရှိ/မရှိ အား စစ်ဆေး ခဲ့ပါသည်။

  ထိုသို့ စျေးကွက်စောင့်ကြည့်စစ်ဆေးရာတွင် မိတ်ဖက်ဌာနများဖြစ်သော အထွေထွေအုပ်ချုပ် ရေးဦးစီးဌာန၊ စည်ပင်သာရေးအဖွဲ့တို့နှင့် ပူးပေါင်းဆောင်ရွက်ခဲ့ပြီး မြန်မာနိုင်ငံစားသုံးသူကာကွယ်ရေး ကော်မတီ ညွှန်ကြားချက် အမှတ် (၂/၂၀၁၉)ပါ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

    ဧရာဝတီတိုင်းဒေသကြီး ပုဂ္ဂလိကစက်မှုလုပ်ငန်းကြီးကြပ်ရေးအဖွဲ့မှ ကွင်းဆင်စစ်ဆေးပြီးသော လုပ်ငန်း(၃၂)ခုအား ပုဂ္ဂလိက စက်မှုမှတ်ပုံတင်ခွင့်ပြုရန် သက်ဆိုင်ရာ ဌာနဆိုင်ရာများ ပါဝင် သော လုပ်ငန်းညှိနှိုင်းအစည်းအဝေးကို ၁၆.၉.၂၀၂၂ ရက်နေ့ မွန်းလွဲ ၁၄:၀၀နာရီ စက်မှုကြီးကြပ်ရေးနှင့် စစ်ဆေးရေးဦးစီးဌာနတိုင်းဒေသကြီး ဦးစီးမှူးရုံး အစည်း အဝေးခန်းမတွင် ကျင်းပပြု လုပ် ခဲ့ပါသည်။

     ပုဂ္ဂလိကစက်မှုမှတ်ပုံတင်ခွင့်ပေးရန်အတွက် အစားအစာထုတ်လုပ်ခြင်း အကြီးစား လုပ်ငန်း (၁၀)ခု၊ အစားအစာထုတ်လုပ်ခြင်းအလတ်စားလုပ်ငန်း(၁၆)ခု၊ ရော်ဘာနှင့် ပလပ်စတစ် ပစ္စည်းထုတ် လုပ်မှုအကြီးစား(၁)ခု၊ ဓာတုဗေဒပစ္စည်းများနှင့် ဓါတုဗေဒထုတ်ကုန်များ ထုတ်လုပ်ခြင်းအကြီးစား (၁)ခု၊ အဖျော်ယကာများထုတ်လုပ်ခြင်းအကြီးစား(၁)ခု၊ အခြား ကုန်ပစ္စည်းများထုတ်လုပ်ခြင်း၊ အကြီးစား (၁)ခု၊ စက်နှင့်စက်ပစ္စည်းများထုတ်လုပ်မှု အငယ် စား(၂)ခု စုစုပေါင်းလုပ်ငန်း(၃၂)ခုအတွက် ပုဂ္ဂလိကစက်မှုလုပ်ငန်း ဥပဒေပုဒ်မ (၂)ပုဒ်မခွဲ(က)နှင့် ပုဒ်မ(၄)၊ပုဒ်မခွဲ(က)နှင့်အညီ စက်မှုလုပ်ငန်းမှတ်ပုံတင်ရန် လျှောက်ထားလာသော လုပ်ငန်းများ အား ပုဂ္ဂလိကစက်မှုလုပ်ငန်းကြီးကြပ်ရေးအဖွဲ့မှ ကွင်းဆင်းစစ်ဆေး ခဲ့ကြောင်းသိရသည်။

   တက်ရောက်လာသောအဖွဲ့ဝင်တိုင်းဒေသကြီးအဆင့်ဌာနဆိုင်ရာများဖြစ်သည့်တိုင်းဒေသကြီးစားသုံးသူရေးရာဦးစီးဌာန၊ သစ်တောဦးစီးဌာန၊ စီမံကိန်းရေးဆွဲရေးဦးစီးဌာန၊ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်တွင်းအခွန် များဦးစီးဌာန၊ မီးသတ်ဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနနှင့် တိုင်းဒေသကြီးစည်ပင်သာယာရေး အဖွဲ့ တို့မှလည်း ကွင်းဆင်းစစ်ဆေးပြီး၊ ပုဂ္ဂလိကစက်မှုမှတ်ပုံတင်ခွင့်ပြုရန် တင်ပြလာသော လုပ်ငန်း (၃၂)ခုအား သက်ဆိုင်ရာဌာနများ၏ ရုံးလုပ်ထုံးလုပ်နည်းများနှင့်အညီစီစစ်၍ မှတ်ပုံတင်ခွင့်ပြုရန် ထောက်ခံတင်ပြ ဆွေးနွေးခဲ့ ကြောင်းသိရသည်။

DOCA(ဧရာဝတီ)