သတင်းနှင့် လှုပ်ရှားမှုများ

    မွန်ပြည်နယ်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံသည် ၁၉.၈.၂၀၂၄ ရက်နေ့တွင် ပေါင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ကဒါရပ်ကွက် အ.ထ.က (မင်းတန်း) ကျောင်း၌ စားသုံးသူကာကွယ်ရေးအသိပညာပေး ဟောပြောပွဲကျင်းပကြောင်း သိရပါသည်။

    အဆိုပါ ဟောပြောပွဲတွင် ကျောင်းအုပ်ဆရာမကြီး ဒေါ်ဥမ္မာက အဖွင့်အမှာစကား ပြောကြားပြီး စားသုံးသူရေးရာဦးစီးဌာနမှ  ပေါင်မြို့နယ်တာဝန်ခံ ဦးအောင်မျိုးဦးက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဆိုင်ရာများ၊ စားသုံးသူများ နစ်နာဆုံးရှုံးမှုဖြစ်လာလျှင် တိုင်ကြားနိုင်သည့်နေရာ၊ စားသုံးသူရေးရာဦးစီးဌာန၏ DOCA Myanmar Application အား playstore တွင် download ရယူ၍ ၎င်း Application မှတစ်ဆင့်လည်းတိုင်ကြားနိုင်ကြောင်း၊ Hotline Number (1535) ကိုလည်း တိုင်ကြားနိုင်ကြောင်း၊ www.doca.gov.mm တွင်လည်း ဝင်ရောက်တိုင်ကြားနိုင်ကြောင်း ဟောပြောဆွေးနွေးခဲ့ပါသည်။

      အဆိုပါဟောပြောဆွေးနွေးပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း (၆၇) ဦး တက်ရောက်ခဲ့ပြီး ကျောင်းအုပ်ဆရာမကြီးထံသို့ လက်ကမ်းစာစောင်များပေးအပ်ခဲ့ကြောင်း သိရှိရပါသည်။

DOCA(မွန်)

      မွန်ပြည်နယ်၊ ကျိုက်ထိုမြို့နယ်တွင် ကျောင်းကျန်းမာရေးနှင့်ပတ်သက်၍ အသိပညာပေး လုပ်ငန်းဆောင်ရွက်နိုင်ရန် မြို့နယ်ကျန်းမာရေးဦးစီးဌာနနှင့် ပညာရေးဌာနတို့ ပူးပေါင်း၍ ၁၈.၈.၂၀၂၄ ရက်နေ့က ကျန်းမာရေးဦးစီးဌာနအစည်းအဝေးခန်းမ၌ကျင်းပပြုလုပ်သည့် အစည်းအဝေးအား စားသုံးသူရေးရာဦးစီးဌာန၊ ကျိုက်ထိုမြို့နယ်တာဝန်ခံမှ ပူးပေါင်းဆောင်ရွက်ခဲ့သည်။

    ဦးစွာ မြို့နယ်ကျန်းမာရေးဦးစီးဌာနမှူး ဒေါက်တာခွန်မောင်အိုးက ပညာရေးဦးစီးဌာန လက်အောက်ရှိ ကျောင်းကျန်းမာရေးသွားရောက်စစ်ဆေးရာတွင် ကျောင်းသား၊ ကျောင်းသူများ အာဟာရချို့တဲ့မှုကြောင့် ကိုယ်ခန္ဓာချို့တဲ့ခြင်း၊ မျက်စိအားနည်းပါးခြင်း၊ သွားကျန်းမာရေး ဆိုင်ရာပျက်စီးခြင်း၊ လည်ပင်းအကျိတ်ရောင်ခြင်း အစရှိသည့် လက္ခဏာများတွေ့ရှိရ၍ လိုအပ်သလိုကုသမှုများကို ဆောင်ရွက်ပေးလျက်ရှိကြောင်း ယင်းသို့စစ်‌ဆေးကုသပေးမှုကို ပညာသင်နှစ်ကုန်ဆုံးချိန်ထိ ဆောင်ရွက်ပေးသွားမည်ဖြစ်ကြောင်း ပြောကြားခဲ့သည်။

     ယင်းနောက် ကျန်းမာရေးမှူးအဆင့်(၁) ဦးထွန်းညီညီက ကျောင်းသား၊ ကျောင်းသူများ ကျန်းမာရေးအသိပညာရရှိစေရန် ကျန်းမာရေးအသိပညာပေးပြိုင်ပွဲပြုလုပ်မည့်အကြောင်းကို ရှင်းလင်းပြောကြားခဲ့သည်။ ဆက်လက်၍ စားသုံးသူ​ရေးရာဦးစီးဌာန ကျိုက်ထိုမြို့နယ်တာဝန်ခံ ဦးဇော်ဦးမှ စားသုံးသူကာကွယ်​ရေးဆိုင်ရာ အသိပညာပေးဟောပြောခြင်းနှင့် ကျောင်းမုန့် ဈေးတန်းစစ်ဆေးခြင်း ပူးပေါင်းဆောင်ရွက်သွားမည်ဖြစ်ကြောင်း ဆွေးနွေးခဲ့ပြီး​တက်ရောက်လာသည့် ကျောင်းအုပ်ဆရာ၊ ဆရာမကြီးများက ပြိုင်ပွဲများပြုလုပ်ကျင်းပသွားမည့် အစီအစဉ်များကို အသီးသီးတင်ပြဆွေးနွေးခဲ့ကြသည်။

    အဆိုပါပြိုင်ပွဲများမှာ မူလတန်းအဆင့် နှစ်သက်ရာပုံ(၂)ပုံနှင့် ကျန်းမာရေးပညာပေးခြင်းအတွက် ရေးဆွဲထားသောပန်းချီပုံများကို ဆေးရောင်စုံခြယ်သခြင်း၊ အလယ်တန်းအဆင့် ဘဝအတွက်တာသိမှတ်စရာကျန်းမာရေး အသိပညာပေးမေးခွန်းများဖြေဆိုခြင်း၊ အထက်တန်းအဆင့် အားကစားနှင့် ကျန်းမာရေး၊ ကျန်းမာရေးနဲ့ညီညွတ်ဖို့ ဂိမ်းကစားတာကိုလျော့ကြစို့ အစရှိသည့် မေးခွန်းများကိုဖြေဆိုကျင်းပသွားမည်ဖြစ်ပြီး ထူးချွန်ဆုရရှိသူများကို ဩဂုတ်လ နောက်ဆုံးပတ်၌ ဆုများချီးမြှင့်ပေးသွားမည်ဖြစ်ကြောင်း သိရသည်။

DOCA(မွန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၁၅.၈.၂၀၂၄)နေ့၊ နေ့လယ်(၁၃:၀၀)နာရီအချိန်တွင် အင်းစိန်ခရိုင်၊ အင်းစိန်မြို့နယ်ရှိ အမှတ်(၂)အခြေခံပညာအထက်တန်းကျောင်း၌ ကျောင်းသား/ကျောင်းသူများနှင့် ဆရာ/ဆရာမများအား စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ပါသည်။

     ထိုသို့ အသိပညာပေးဟောပြောရာတွင် ဒေါ်ခိုင်ရွှေ၊ ဒုကြီးကြပ်ရေးမှူးက စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ (၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူအခွင့်အရေးနှင့်တာဝန်များ၊ ကုန်အညွှန်း အမှတ်အသားဖော်ပြခြင်းများအကြောင်း၊ စားသုံးသူတို့အနေဖြင့်  ကုန်ပစ္စည်းများ ဝယ်ယူသုံးစွဲရာတွင် ကုန်အညွှန်းအမှတ်အသားများပြည့်စုံခြင်းရှိ/မရှိအား အဓိကဖတ်ရှု့ရမည် ဖြစ်ကြောင်း၊ စားသုံးသူတို့အနေဖြင့် ကုန်စည်(သို့မဟုတ်) ဝန်ဆောင်မှုများနှင့်စပ်လျဉ်း၍ နစ်နာဆုံးရှုံးမှုများရှိပါက တင်ပြပြောဆိုတိုင်ကြားနိုင်ခွင့်နှင့် ပြန်လည်ကုစားနိုင်ခွင့်များအကြောင်းကို အကျယ်တဝင့်ရှင်းလင်းဆွေးနွေးဟောပြောခဲ့ပါသည်။ ဟောပြောပွဲသို့ ကျောင်းသား/ကျောင်းသူ (၁၀၉) ဦး၊ ဆရာ/ဆရာမ (၁၀) ဦး၊ စုစုပေါင်း (၁၁၉) ဦး တက်ရောက်ခဲ့ပြီး ဟောပြောပွဲအပြီးတွင် ကျောင်းမုန့်ဈေးတန်းများရှိ ရောင်းချနေသော မုန့်များတွင် ကုန်အညွှန်းအမှတ်အသားပြည့်စုံခြင်းရှိ/မရှိ ကွင်းဆင်းစစ်ဆေးခဲ့ပြီး ကုန်အညွှန်းအမှတ်အသား ပြည့်စုံသော မုန့်များကိုသာ ရောင်းချပေးရန် မုန့်ရောင်းချသူများအား အသိပညာပေး ပြောကြားခဲ့ပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံနှင့် ဈေးစည်ပင်သာယာနှင့်ပူးပေါင်း၍ ၁၄.၈.၂၀၂၄ ရက်နေ့ (၁၀:၀၀)နာရီအချိန်တွင် မင်္ဂလာဒုံမြို့နယ်၊ မင်္ဂလာဒုံဈေးသို့ ရောနှောဆီအပါအဝင် စားသုံးဆီအမျိုးမျိုးတို့အား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

   ထိုသို့ဆောင်ရွက်ခဲ့ရာတွင် မင်္ဂလာဒုံမြို့နယ်၊ မင်္ဂလာဒုံဈေးရှိ ကုန်စုံဆိုင်များတွင် ရောင်းချနေသော စားသုံးဆီအမျိုးမျိုးဖြစ်သော Meizan, Lotus, Sunar, Goody, အမေထွား, ရန်ကုန်,ဒီဒီနှင့် ရာသက်ပန်ဆီများတွင် ကုန်အညွှန်းအမှတ်အသားတွင် ဖော်ပြရမည့်အချက်များ ပြည့်စုံစွာပါရှိပြီး ပိဿာ၊ ကျပ်သားများကိုလည်း မြန်မာလိုဖော်ပြထားသည်ကို တွေ့ရှိရပါသည်။ ဟင်းသီးဟင်းရွက်ဆီများကို ရောနှောဆီအဖြစ် ရောစပ်ရာတွင်လည်း အမိန့်ကြော်ငြာစာအမှတ် (၂/၂၀၂၄)ကို လိုက်နာဆောင်ရွက်ထားသော ရောနှောဆီများကိုသာ ဝယ်ယူရောင်းချရန်နှင့် အမှတ်တံဆိပ်မပြည့်စုံသော စားသုံးဆီအမျိုးမျိုးကိုလည်း ဈေးကွက်အတွင်း မရောင်းချရန် အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ တိုက်ကြီးမြို့နယ်ခွဲတာဝန်ခံနှင့် ဈေးစည်ပင်သာယာနှင့်ပူးပေါင်း၍ ၁၃.၈.၂၀၂၄ ရက်နေ့ ၊နံနက် (၁၀:၀၀)နာရီအချိန်တွင် တိုက်ကြီးခရိုင်၊ တိုက်ကြီးမြို့နယ်၊ မြို့မဈေးအတွင်းရှိ ကုန်စုံဆိုင်များတွင် ရောင်းချနေသော စားသုံးဆီများအား ကုန်အညွှန်းအမှတ်အသားနှင့်ပတ်သက်၍ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

   ထိုသို့ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ရာတွင် စားသုံးဆီအရောင်းဆိုင်များအား ကုန်အညွှန်းအမှတ်အသား ပြည့်စုံသော စားသောက်ကုန်များကိုသာ ဖြန့်ဖြူးရောင်းချရန် စားသုံးသူကာကွယ်ရေးဥပဒေအခန်း(၁၈)ပါ “ကုန်အညွှန်းအမှတ်အသား ဖော်ပြခြင်း”နှင့် ပတ်သက်၍ ပုဒ်မ (၄၃)အရ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍တွဲလျက်ဖြစ်စေ ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူရောင်းချရန်နှင့် စီးပွားရေးလုပ်ငန်းရှင်၏ တာဝန်များကို သိရှိလိုက်နာ ဆောင်ရွက်စေရန် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။

DOCA(ရန်ကုန်)