သတင်းနှင့် လှုပ်ရှားမှုများ

      မြန်မာနိုင်ငံဆန်စပါးအသင်းချုပ် တိုင်းဒေသကြီးကော်မတီ(၅) ဖျာပုံမြို့နယ်ဆန်စက်လုပ်ငန်းရှင်အသင်း၊ဆန်စပါးကုန်သည်များအသင်းနှင့်မြို့နယ်ဆီလုပ်ငန်းရှင်များအသင်းတို့မှ ဆန်၊ ဆီ၊ ဆား၊ ကြက်ဉ နှင့် တပ်မတော်ထုတ်ကုန် ငါးသေတ္တာ၊ ပဲဘူး၊ ခေါက်ဆွဲခြောက်၊ မျှင်ငါးပိဘူး၊ ကော်ဖီထုပ်၊ လက်ဖက်ခြောက်ထုပ်များအား မြို့နယ်ဆန်စက်ပိုင်ရှင်များအသင်းရုံးတွင် စက်တင်ဘာလ(၄/၅)ရက် နေ့များတွင် ဖျာပုံမြို့နယ် အခြေခံပြည်သူများအား ဈေးနှုန်းသက်သာစွာဖြင့် ရောင်းချပေးလျက်ရှိ ကြောင်းသိရရသည်။

       အဆိုပါစားသောက်ကုန်များရောင်းချပေးရာသို့ ဖျာပုံခရိုင် စီမံအုပ်ချုပ်ရေးအဖွဲ့ ဥက္ကဌ ခရိုင် အုပ်ချုပ်ရေးမှူး ဦးတင်လင်း၊ ခရိုင်စီမံအုပ်ချုပ်ရေးအဖွဲ့၊အဖွဲ့ဝင် ဒုတိယဗိုလ်မှူးကြီး နိုင်လင်း၊ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့် မြို့နယ်တာဝန်ခံ၊ ခလရ(၉၈) နယ်မြေခံတပ်ရင်းမှ တာဝန်ရှိသူများလာရောက်ပြီး မြို့နယ်အတွင်းရှိ အခြေခံပြည်သူများအား သက်သာချောင်ချီရေး ဈေးနှုန်းဖြင့် အချွန်ဆန်တစ်ပြည်(၁၅၀၀)ကျပ်၊ စားအုန်းဆီတစ်ပိဿာ(၅၁၀၀)ကျပ်၊ ဆားတစ်ပိဿာ (၂၀၀)ကျပ်၊ ကြက်ဉတစ်လုံး(၁၀၀)ကျပ်နှင့် တပ်မတော်ထုတ်ကုန် စားသောက်ကုန်များကို ဈေးနှုန်း သက်သာစွာဖြင့် ရောင်းချပေးမှုအား တက်ရောက်အားပေးခဲ့ပြီး လိုအပ်သည့်စားသောက်ကုန်စည်များအား ထပ်မံဖြည့်ဆည်းပေးခဲ့ကြောင်းသတင်းရရှိပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြန်အောင်ခရိုင်၊  မြန်အောင်မြို့နယ်တာဝန်ခံသည် အမှတ်(၄)ရပ်ကွက်၊ ကျေးလက်ဦးစီး ဌာနရုံးဝန်းအတွင်း၌ (၉.၉.၂၀၂၂) ရက်နေ့ နေ့လယ် (၁၃:၀၀) နာရီအချိန်တွင် ကုန်မျိုးစုံဆိုင်လုပ်ငန်းရှင် (၅၀) ဦးအား စားသုံးသူကာကွယ်ရေး အသိပညာပေးဟော ပြောခြင်းကိုဆောင်ရွက်ခဲ့သည်။

   ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဦးမြင့်အောင်မှ စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ ဥပဒေတွင်ပါရှိသော အခန်း(၉)ပါ စားသုံးသူအခွင့်အရေးနှင့်တာဝန်များ၊ အခန်း(၁၀)ပါ စီးပွားရေး လုပ်ငန်းရှင်၏ တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်း အကြောင်း၊ ပြစ်မှုနှင့်ပြစ်ဒဏ်များအကြောင်းနှင့် စားသုံးသူသတင်းပြန်ကြားရေးနှင့်တိုင်ကြားမှုလက်ခံ ဆောင်ရွက်ရေး စင်တာ(Consumer Informatio and Complaint Center) CICC ဖွင့်လှစ်ထားရှိမှု အခြေအနေကို လည်ကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း စသည်တို့ကို အသိပညာပေးဟော ပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ စားသုံးသူကာကွယ်ရေး ဥပဒေစာ အုပ်နှင့် လက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

            မကွေးတိုင်းဒေသကြီး၊ စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်းနှင့် ဝန်ထမ်းများသည် ၂၀၂၂ခုနှစ်၊ စက်တင်ဘာလ(၉)ရက်နေ့ နံနက်(၀၉:၃၀)မှ (၁၁:၃၀)နာရီထိ မကွေးမြို့နယ်၊ သန်းတောကုန်းကျေးရွာရှိ အခြေခံပညာမူလတန်းကျောင်း၌ ကျောင်းသား/သူများ သိသင့်သည့် စားသုံးသူကာကွယ်ရေးဆိုင်ရာ သိကောင်းစရာများအား အသိပညာပေးဆွေးနွေးခဲ့ပါသည်။

ရှေးဦးစွာ မကွေးခရိုင် ဒု-ခရိုင်ဦးစီးမှူး ဦးမျိုးဝင်း(မကွေးမြို့နယ်တာဝန်ခံ) က စားသုံးသူ‌ရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူများ ရရှိနိုင်မည့် အခွင့်အရေး(၈)ချက်၊ လိုက်နာရမည့် တာဝန် (၄)ချက်၊ စားသုံးသူကာကွယ်ရေးဥပဒေ ၂၀၁၉ အခန်း(၁၈)ပါ ကုန်အညွှန်းအမှတ်အသားများတွင် ပြည့်စုံစွာ ပါဝင်ရမည့် အချက်များ၊ စားသုံးသူနစ်နာဆုံးရှုံးမှုများအတွက် တိုင်ကြားနိုင်သူများ တိုင်ကြားပုံ နည်းလမ်းနှင့် Internet နှင့် Mobile Application တွင် ဝင်ရောက်တိုင်ကြားပုံ၊ Consumer Call No. 1535 သို့ ခေါ်ယူတိုင်ကြားနိုင်မှုများအား အသေးစိတ်ရှင်းလင်းဆွေးနွေးခဲ့ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေပါသည်။

            အသိပညာပေးဆွေးနွေးပွဲသို့ ကျောင်းအုပ်ဆရာမကြီးနှင့် ဆရာ/ ဆရာမ (၅)ဦး ကျောင်းသား/သူ (၁၂၂)ဦး စုစုပေါင်း (၁၂၇)ဦး တက်ရောက်ခဲ့ကြောင်း သိရှိရပါသည်။

DOCA(မကွေး)

      ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ မြန်အောင်ခရိုင်၊ ကြံခင်းမြို့ နယ်တာဝန်ခံသည်(၉.၉.၂၀၂၂)ရက်နေ့ နံနက် (၀၉:၃၀) အချိန်တွင် အားကစားနှင့် ကာယပညာဦးစီးဌာန၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတို့ပူးပေါင်း၍ အမှတ်(၁)ရပ်ကွက်ရှိ အ-ထ-က ဘက်ရဲကျောင်းတွင် ကျောင်းသား၊ ကျောင်းသူများနှင့် ဆရာ၊ ဆရာမ (၆၅၀)ဦးအား စားသုံးသူကာကွယ်ရေး အသိပညာပေးဟောပြော ဆောင်ရွက်ခဲ့ပါသည်။

      ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဦးမြင့်အောင်မှ စားသုံးသူကာကွယ် ရေး ဥပဒေကို ၂၀၁၉ခုနှစ် မတ်လ(၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူကာကွယ်ရေးဥပဒေ အခန်း(၉)ပါ စားသုံးသူအခွင့်အရေးနှင့်တာဝန်များအကြောင်း၊ အခန်း(၁၃) ပါ ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း များအကြောင်း၊ အခန်း(၁၈)ပါကုန်အညွှန်းအမှတ် အသားဖော်ပြခြင်းအကြောင်းစသည်တို့ကို အသိပညာပေးဟောပြောခဲ့ပြီး စားသုံးသူကာကွယ်ရေး ဥပဒေ စာအုပ်နှင့် လက်ကမ်းစာစောင်များ ပေးဝေခဲ့ကြ ကြောင်းသိရှိရပါ သည်။

DOCA(ဧရာဝတီ)

      မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးဇော်ထွန်းဦးနှင့် ဝန်ထမ်းများအဖွဲ့သည် စားသုံးသူ အခွင့်အရေးနှင့်စားသုံးသူအကျိုးစီးပွားကို ကာကွယ်ရန်အတွက် ရည်ရွယ်၍ စက်တင်ဘာလ(၆)ရက်၊ နံနက် (၉:၀၀)နာရီအချိန်တွင် ပခုက္ကူမြို့၊ အမှတ်(၁၄)အခြေခံပညာအလယ်တန်းကျောင်း(တွဲဘက်) ဆုံကုန်းတွင် စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ရာ ဆရာ/ဆရာမ (၁၁)ဦး၊ ကျောင်းသား/သူ(၇၂) ဦး၊ စုစုပေါင်း(၈၃)ဦး တက်ရောက်ခဲ့ပါသည်။

    အဆိုပါအသိပညာပေးဟောပြောပွဲတွင် ကျောင်းအုပ်ဆရာမကြီးက ကြိုဆိုနှုတ်ခွန်းဆက် စကားပြောကြားခဲ့ပြီး ဒု-ခရိုင်ဦးစီးမှူးမှ အဖွင့်အမှာစကားပြောကြားရာတွင် ဌာန၏သမိုင်းကြောင်း နှင့် လုပ်ငန်းဆောင်ရွက်ချက်များ၊ ဌာန၏ မျှော်မှန်းချက်၊ ရည်မှန်းချက်များနှင့် ဟောပြောပွဲ ကျင်းပ ပြုလုပ်ခြင်း၏ ရည်ရွယ်ချက်မှာ စားသုံးသူများအနေဖြင့် စားသုံးသူအခွင့်အရေးများကို သိရှိ နားလည်ပြီး နစ်နာဆုံးရှုံးမှုများ ဖြစ်ပေါ်လာပါက တိုင်ကြားဆောင်ရွက်နိုင်ကြောင်း၊ ကုန်စည်များ ဝယ်ယူသုံးစွဲရာတွင်လည်း လုံခြုံစိတ်ချရမှုရှိစေရေးအတွက် ကုန်အညွှန်းအမှတ်အသား ဖော်ပြချက် များမှာလည်း အရေးပါကြောင်း Power point ဖြင့် ရှင်းလင်းဆွေးနွေးခဲ့ပါသည်။

     ဒု-ဦးစီးမှူး ဒေါ်နွယ်နွယ်အေးက စားသုံးသူများတွင် အခွင့်အရေးနှင့် လိုက်နာရမည့် တာဝန်များ အကြောင်းမှ စားသုံးသူ၏အခွင့်အရေးများသိရှိရန်လိုအပ်ကြောင်း၊ အခွင့်အရေးများ သိရှိပြီး ရယူနိုင်မှသာလျှင် ဘေးအန္တရာယ်ကင်းရှင်းစွာ သုံးစွဲခွင့်နစ်နာမှုများအတွက် တိုင်ကြားနိုင်ခွင့် ၊ ပြန်လည်ကုစား နိုင်ခွင့်များရှိပြီး နောင်အနာဂတ်မှာ ပတ်ဝန်းကျင်ကောင်းတွင် နေထိုင်နိုင်မည် ဖြစ်ကြောင်း၊ လိုက်နာရ မည့်တာဝန်(၄)ချက်ကိုလည်း အကျယ်တဝင့်ရှင်းလင်းဆွေးနွေးခဲ့ပါသည်။

    ဒု-ဦးစီးမှူး ဦးဇော်မင်းဦးက စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ကုန်အညွှန်းအမှတ်အသားနှင့်စပ်လျဉ်းသည့် အကြောင်းအရာများအား စားသုံးသူများအတွက် ကုန်စည် များ ဝယ်ယူသုံးစွဲရာတွင် သတိပြုရမည့်ကုန်အမှတ်တံဆိပ်၊ ကုန်ပစ္စည်းအမျိုးအမည်၊ အရေ အတွက် အသားတင်ပမာဏ၊ ထားသိုသိမ်းဆည်းပုံအညွှန်း၊ သုံးစွဲသည့်နည်းလမ်းများ၊ ထုတ်လုပ်သည့် ရက်စွဲ၊ သက်တမ်းကုန်ဆုံးသည့်ရက်စွဲ၊ တင်သွင်းသူ၏အမည်နှင့်လိပ်စာ၊ ထုတ်လုပ်သည့်လုပ်ငန်း အမည်နှင့်လိပ်စာ၊ ထုတ်လုပ်သည့်နေရာ၊ ပြည်ပမှ ကုန်စည်များ တင်သွင်းပြီး ပြန်လည်ထုတ်ပိုးသည့် နေရာ၊ ပါဝင်သောကုန်ကြမ်းပစ္စည်းအမျိုးအမည်၊ ပမာဏ၊ ပါဝင်မှုအချိုးအစား၊ ကျန်းမာရေးဆိုင်ရာ ဘေးထွက်ဆိုးကျိုး(သို့) ဓာတ်မတည့်ကြောင်းဖော်ပြချက်၊ ကြိုတင်သတိပေးချက်၊ သက်ဆိုင်ရာ အစိုးရဌာနများက ဖော်ပြရန်သတ်မှတ်ထားသော အချက်အလက်များအား ရှင်းလင်းဆွေးနွေးခြင်း၊ ကုန်အညွှန်းအမှတ်အသားအချက်များပြည့်စုံမှသာ ထုတ်ကုန်လုံခြုံစိတ်ချရမှုရှိသည့် ကုန်ပစ္စည်းများဖြစ်ကြောင်း အသေးစိတ်ရှင်းလင်းဆွေးနွေး ခဲ့ပါသည်။

     ဆက်လက်၍ ဦးစီးမှူးဦးဇော်ထွန်းဦးက ဆွေးနွေးရာတွင် စားသုံးသူများအား အခွင့်အရေးများ သိရှိပြီး နစ်နာဆုံးရှုံးမှုများရှိလျှင် တိုင်ကြားနိုင်ကြောင်း၊ စားသုံးသူနစ်နာမှုများအား စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC) ဖွင့်လှစ်ထားပြီး တိုင်ကြား နိုင်ကြောင်း၊ ကုစားပေးခြင်းများ၊ တိုင်ကြားနိုင်သူများနှင့် တိုင်ကြားနိုင်သည့်နည်းလမ်းများမှာ   DOCA Myanmar မိုဘိုင်း Application Facebook စာမျက်နှာနှင့် Consumer Call Center ဖွင့်လှစ် ထားပြီး (1535)မှ တစ်ဆင့်တိုင်ကြားနိုင်သည့်အခြေအနေများအား အကျယ်အဝင့် ဆွေးနွေးခဲ့ ပါသည်။

    အဆိုပါ ဆွေးနွေးဟောပြောပွဲတွင် ကျောင်းသား/သူများအား ဌာန၏သမိုင်းကြောင်း၊ စားသုံးသူများရရှိမည့်အခွင့်အရေး၊ ကုန်အညွှန်းအမှတ်အသားနှင့် ပတ်သက်သည့် အကြောင်းအရာများ၊ နစ်နာမှုများအတွက် တိုင်ကြားနိုင်သည့် ဥပဒေအကြောင်းအရာများအား အသေးစိတ်ရှင်းလင်းဆွေးနွေးခဲ့ပြီးတက်ရောက်သည့်သူများက  ပြန်လည် မေးမြန်းခြင်းများ ၊အပြန်အလှန်ဆွေးနွေးခြင်းများပြုလုပ်ခဲ့ပြီးနောက်တက်ရောက်လာကြသူများအား စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)