သတင်းနှင့် လှုပ်ရှားမှုများ

      မကွေးတိုင်းဒေသကြီး၊ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံး CICC ခန်းမ၌ (၁၁-၅- ၂၀၂၃) ရက်နေ့၊ နံနက်(၁၀:၀၀) နာရီအချိန်မှ နေ့လယ် (၁၂:၀၀) နာရီအချိန်ထိ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Thursday Talk (၅/၂၀၂၃) ပထမပိုင်း အသိပညာပေးဟောပြောဆွေးနွေးပွဲပြုလုပ်ခဲ့ရာ ဝန်ထမ်း (၁၈)ဦးတက်ရောက်ခဲ့ပါသည်။

       အဆိုပါ Thursday Talk အသိပညာပေးဆွေးနွေးပွဲတွင် စားသုံးသူရေးရာဦးစီးဌာန၊ ပခုက္ကူခရိုင် ဦးစီးမှူး ဦးဝေဠုအောင်က အဖွင့်အမှာစကားပြောကြားခဲ့ပြီး ဒု-ဦးစီးမှူး ဒေါ်မြင့်မြင့်သန်းက  စားသုံးသူကာကွယ်ရေးဥပဒေ ၂၀၁၉၊ အခန်း(၁၆)၊ ပုဒ်မ(၃၀ မှ ၃၄ )ထိ ဦးစီးဌာနမှ ဘေးအန္တရာယ်ရှိသောကုန်စည်ကို ဈေးကွက်အတွင်းမှ ပြန်လည်သိမ်းဆည်းစေခြင်း သို့မဟုတ် ရောင်းချဖြန့်ဖြူးခြင်းကို တားမြစ်ခြင်း၊ ဘေးအန္တရာယ်ရှိသောဝန်ဆောင်မှုကို တားမြစ်ခြင်းနှင့်စပ်လျဉ်း၍ ဆောင်ရွက်ပုံအဆင့်ဆင့်၊ ကော်မရှင်၊ ကော်မတီ၊ လုပ်ငန်းကော်မတီများဖွဲ့စည်းခြင်း၊ လုပ်ပိုင်ခွင့်နှင့် လုပ်ငန်းတာဝန်များ၊ အခန်း(၁၇)၊ ပုဒ်မ(၃၅ မှ ၄၀)ထိ ကုန်စည် သို့မဟုတ် ဝန်ဆောင်မှုအပေါ် တာဝန်ရှိမှု၊ စားသုံးသူက ကုန်စည် သို့မဟုတ် ဝန်ဆောင်မှုကိုအသုံးပြုခြင်းကြောင့် နစ်နာဆုံးရှုံးမှုများဖြစ်ပေါ်လာပါက ထုတ်လုပ်ရောင်းချဖြန့်ဖြူးသည့် စီးပွားရေးလုပ်ငန်းရှင်များတွင်သာ တာဝန်ရှိကြောင်းသိရှိနိုင်ပါရန် ရှင်းလင်းဆွေးနွေးခြင်း၊ စီးပွားရေးလုပ်ငန်းရှင်က စားသုံးသူများအတွက် ကုန်စည် သို့မဟုတ် ဝန်ဆောင်မှုကို အသုံးပြုနိုင်သည့်ကာလ သို့မဟုတ် အာမခံချက်ပေးထားသည့်ကာလသက်တမ်းအတွင်း စားသုံးသူက တောင်းဆိုနိုင်သည့်အခွင့်အရေးနှင့် တောင်းဆိုနိုင်ခွင့်တို့ကို ကျယ်ကျယ်ပြန့်ပြန့်ရှင်းလင်းဆွေးနွေးခဲ့ပါသည်။

      ဆက်လက်၍ ဌာနခွဲစာရေး ဒေါ်ဝါဝါကြည်က ဆွေးနွေးရာတွင် စားသုံးသူကာကွယ်ရေးဥပဒေ၂၀၁၉၊ အခန်း(၁၈ နှင့် ၁၉)ပါ စီးပွားရေးလုပ်ငန်းရှင်များသည် ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့်ကုန်အညွှန်းအမှတ်အသားများအား ရှင်းလင်းခြင်းနှင့် စားသုံးသူနစ်နာဆုံးရှုံးမှုကြောင့် သက်ဆိုင်ရာဦးစီးမှူးရုံးသို့တိုင်ကြားလာပါက သက်ဆိုင်ရာဦးစီးမှူးရုံး၏တိုင်ကြားခြင်းနှင့်စပ်လျဉ်း၍ စိစစ်ညှိနှိုင်းဖြေရှင်းဆောင်ရွက်မှုအဆင့်ဆင့်တို့အား  ရှင်းလင်းဆွေးနွေးခဲ့ပါသည်။

DOCA(မကွေး)

   မကွေးတိုင်းဒေသကြီး၊ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးမှ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Thursday Talk (၅/၂၀၂၃) အား (၁၁-၅-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ပခုက္ကူခရိုင်ဦးစီးမှူးရုံး၊ CICC ခန်းမ၌ တိုင်းဒေသကြီးဦးစီးမှူး၏လမ်းညွှန်မှုဖြင့် ပထမပိုင်း၊ ဒုတိယပိုင်းဟူ၍ နှစ်ပိုင်းခွဲကာ ကျင်းပပြုလုပ်ဆောင်ရွက်ခဲ့ပါသည်။ ထိုသို့ပြုလုပ်ဆောင်ရွက်ခြင်းသည် ဝန်ထမ်းများအား ဝန်ထမ်းစွမ်းဆောင်ရည်မြင့်မားပြီး လုပ်ငန်းဆောင်ရွက်ချက်များကို အောင်မြင်စွာလုပ်ကိုင်ဆောင်ရွက်တတ်စေရန်ရည်ရွယ်၍ ပြုလုပ်ဆောင်ရွက်ခြင်းဖြစ်ပြီး ဒုတိယပိုင်းအနေဖြင့် ဦးစီးမှူး ဒေါ်စန်းမြင့်ရီနှင့် ဒု-ဦးစီးမှူး ဒေါ်ပပရွှေတို့က ရှင်းလင်းဆွေးနွေးခဲ့ပါသည်။

     ဦးစီးမှူး ဒေါ်စန်းမြင့်ရီက စားသုံးသူကာကွယ်ရေးဥပဒေ ၂၀၁၉ ပါ အခန်း(၂၀/၂၁/၂၂)တို့အား ဆွေးနွေးရာ အခန်း(၂၀)တွင် စီးပွားရေးလုပ်ငန်းရှင်များလိုက်နာရမည့်တာဝန်များနှင့် စားသုံးသူများအား တောင်းဆိုနိုင်သောအခွင့်အရေးများပေးအပ်ရန် ပျက်ကွက်ကြောင်းတွေ့ရှိလျှင် စီမံခန့်ခွဲမှုနည်းလမ်းအရ ချမှတ်နိုင်သည့်အမိန့်တစ်ရပ်ဖြစ်စေ၊ တစ်ရပ်ထက်ပို၍ဖြစ်စေ ချမှတ်နိုင်ကြောင်းကို ပုဒ်မ (၅၂ မှ ၅၄)ထိ အသေးစိတ်ရှင်းလင်းဆွေးနွေးခဲ့ပါသည်။ အခန်း (၂၁) အယူခံဝင်ခြင်းနှင့် အခန်း (၂၂) တွင် စားသုံးသူကာကွယ်ရေးဆိုင်ရာအသင်းအဖွဲ့များနှင့် ဆောင်ရွက်မည့်အချက်များအား အသေးစိတ်ရှင်းလင်း‌ဆွေးနွေးခဲ့ပါသည်။

    ဆက်လက်၍ ဒု-ဦးစီးမှူး ဒေါ်ပပရွှေက နိုင်ငံ့ဝန်ထမ်းတက္ကသိုလ်(အထက်မြန်မာပြည်) အရာထမ်းငယ်အခြေခံသင်တန်းအမှတ်စဉ်(၉၀)၌ တက်ရောက်ခဲ့သည့်သင်ခန်းစာများနှင့် အတွေ့အကြုံများအား ရှင်းလင်းဆွေးနွေးရာ Distance Learning System (အဝေးသင်ကာလ) Online စနစ်ဖြစ်သော Zoom ဖြင့် တက်ရောက်ရခြင်းနှင့် In–House နိုင်ငံဝန်ထမ်းတက္ကသိုလ်(အထက်မြန်မာပြည်) ဇီးပင်ကြီးသို့ မြေပြင်သင်ကြားမှု တက်ရောက်ရကြောင်း၊ ဘာသာရပ်များမှာ ICT (သတင်းအချက်အလက်နှင့်နည်းပညာ)၊ English(အင်္ဂလိပ်စာ)၊ (Management) စီမံခန့်ခွဲမှုပညာ၊   Department of Economic (စီးပွားရေးပညာ)၊ (Political Science) နိုင်ငံရေးသိပ္ပံပညာ၊ Social Science (လူမှုရေးသိပ္ပံပညာ)၊ Law(ဥပဒေပညာ)၊ ကာကွယ်ရေးပညာဘာသာရပ်များဖြစ်ကြောင်း၊ ၎င်းဘာသာရပ်များမှ ဆက်ဆံရေးပညာဘာသာရပ်အနေဖြင့် လုပ်ငန်းခွင်တွင် ပေါင်းသင်းဆက်ဆံရေးကောင်းမွန်စေရန်ပြုပြင်ရမည့်အချက်များ၊ နှစ်သက်လိုလားဖွယ်အင်္ဂါရပ်များ၊ ကိုယ်ရည်ကိုယ်သွေးကောင်းမွန်တိုးတက်စေရန် လက်တွေ့ကျင့်သုံးရမည့်နည်းလမ်းများနှင့်  မြေပြင်တွင် လက်တွေ့စစ်ရေးပြလေ့ကျင့်ခဲ့ရသည့်အတွေ့အကြုံများအား အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

   ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ စက်မှုဇုန်အတွင်းရှိ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ ပြဋ္ဌာန်းချက်များအား လေးစားလိုက်နာ၍ မိမိတို့ ထုတ်ကုန်များ၏ ကုန်အညွှန်းအမှတ်အသားများပြည့်စုံမှန်ကန်မှုရှိစေရေး၊ ပြည်မြို့၊ စက်မှုဇုန်အတွင်းမှ ထုတ်ကုန်များအား မြန်မာ့ကုန်သွယ်မှုမြှင့်တင်ရေးအဖွဲ့၏ Website တွင် ကြော်ငြာများထည့်သွင်း၍ ဈေးကွက်ပိုမိုရရှိစေနိုင်ရေး ရည်ရွယ်၍ စားသုံးသူရေးရာဦးစီးဌာန၊ ပြည်ခရိုင်ဦးစီးမှူး နှင့်  ဝန်ထမ်းများသည် (၉.၅.၂၀၂၃)ရက်နေ့၊ နံနက် (၁၀:၀၀)နာရီ အချိန်တွင် ပြည်မြို့၊ နဝဒေးစက်မှုဇုန် ရှင်းလင်းဆောင်ခန်းမ၌ စက်မှုဇုန်အတွင်းရှိ စီးပွားရေးလုပ်ငန်းရှင်များအား အသိပညာပေး ဟောပြောဆွေးနွေးခြင်းဆောင်ရွက်ခဲ့ကြပါသည်။

   အဆိုပါ အသိပညာပေး ဆွေးနွေးဟောပြောပွဲသို့ စက်မှုဇုန်အတွင်းမှ လုပ်ငန်းရှင်(၂၈)ဦး တက်ရောက်ခဲ့ပြီး စားသုံးသူရေးရာဦးစီးဌာန၊ ပြည်ခရိုင်ဦးစီးမှူးမှ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားရေးသားဖေါ်ပြခြင်းဆိုင်ရာကိစ္စရပ်များ၊ ထုတ်ကုန်များအား ဈေးကွက်ပိုမိုရရှိနိုင်စေရေးအတွက် မြန်မာကုန်သွယ်မှုမြှင့်တင်ရေးအဖွဲ့၏ Website တွင် မိမိထုတ်ကုန်များအား ကြော်ငြာထည့်သွင်းနိုင်ခြင်းဆိုင်ရာ အကြောင်းအရာများနှင့် မူပိုင်ခွင့်ဦးစီးဌာန၏ ကုန်အမှတ်တံဆိပ် မူပိုင်ခွင့်ဆိုင်ရာကိစ္စရပ်များအား အကျယ်တဝင့်ရှင်းလင်းဆွေးနွေးခြင်း ဆောင်ရွက်ခဲ့ပြီး တက်ရောက် လာသော စီးပွားရေးလုပ်ငန်းရှင်များမှလည်း စိတ်ပါဝင်စားစွာဖြင့် သိရှိလိုသည်များအား မေးမြန်းခြင်းနှင့် ပြည်ခရိုင်ဦးစီးမှူးမှ ပြန်လည်ရှင်းလင်းဆွေးနွေးခြင်း ဆောင်ရွက်ခဲ့ကြောင်း သတင်းရရှိပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်း ပြည်တွင်း/ပြည်ပမှ ထုတ်လုပ်လာသော ကုန်စည်နှင့်ဝန်ဆောင်မှုများအား စားသုံးသူပြည်သူများ ဘေးအန္တရာယ်ကင်းရှင်းစွာ အသုံးပြုနိုင် ရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူရေးရာဦးစီးဌာန၊ ပြည်ခရိုင်ဦးစီးမှူး၏ လမ်းညွှန်မှုအရ ပြည်မြို့နယ်တာဝန်ခံသည် (၁၀.၅.၂၀၂၃) ရက်နေ့ နံနက် (၁၀:၀၀)အချိန်တွင် ပြည်မြို့ရွာဘဲရပ်ကွက်၊ စက်မှုဇုံ(၂) နယ်မြေ၊ မောင်ပေါက်ကျိုင်းလမ်းရှိ ဆန်စက်လုပ်ငန်းရှင် ဦးခင်ကြိုင်၏ စည်ဖြိုးဆန်စက်သို့သွားရောက်၍ လုပ်ငန်းရှင်နှင့် တွေ့ဆုံပြီး စားသုံးသူကာကွယ်ရေး ဥပဒေ ၂၀၁၉ပါ စီးပွားရေးလုပ်ငန်းရှင်၏တာဝန်များ၊ ကုန်စည်နှင့်ဝန်ဆောင်မှုအပေါ် အာမခံချက်ပေးခြင်း၊ တားမြစ်ချက်များ၊ ပြစ်မှုပြစ်ဒဏ်များနှင့် စပ်လျဉ်း၍ ရှင်းလင်းဆွေးနွေးခြင်းနှင့် ကုန်စည် အရည်အသွေး၊ အလေးချိန်၊ အချိန်အတွယ်နှင့် ဈေးနှုန်းဈေးကွက်မှန်ကန်မှုရှိစေရေး ကွင်းဆင်းဆောင်ရွက်ခဲ့ပါကြောင်း သိရပါသည်။

DOCA(ပဲခူး)

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည် (၁၂-၅-၂၀၂၃)ရက်နေ့၊  နံနက် (၁၀:၀၀) နာရီအချိန်တွင် ပခုက္ကူမြို့နယ်၊ ကျွန်းညိုကြီးကျေးရွာ၊ ရွာဦးဘုန်းကြီးကျောင်းတွင်  မိဘပြည်သူ (၄၂) ဦးအား စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ခဲ့ပါသည်။

      ဒု-ခရိုင်ဦးစီးမှူး ဦးဇော်ထွန်းဦးက ဆွေးနွေးရာ ဌာန၏သမိုင်းကြောင်းနှင့် လုပ်ငန်းဆောင်ရွက်ချက်များ၊ ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များ  စားသုံးသူကာကွယ်ရေးဥပဒေ ၂၀၁၉ပါ အကြောင်းအရာများ၊ စားသုံးသူများအနေဖြင့် ကုန်စည်များဝယ်ယူသုံးစွဲရာတွင် စားသုံးသူကာကွယ်ရေးဥပဒေ ၂၀၁၉၊အခန်း(၁၈)ပါ ကုန်အညွှန်းအမှတ်အသားဖော်ပြချက်အကြောင်းများအား အသေးစိတ်ရှင်းလင်းဆွေးနွေးပြီးနောက် စားသုံးသူများအနေဖြင့် ကုန်စည်နှင့်ဝန်ဆောင်မှုများအားဝယ်ယူသုံးစွဲရာတွင် မှန်ကန်စွာရွေးချယ်တတ်ခြင်းဖြင့် လုံခြုံစိတ်ချရမှုရှိပြီး ဘေးအန္တရာယ်ကင်းရှင်းမည်ဖြစ်ကြောင်း၊ ထုတ်ကုန်လုံခြုံစိတ်ချရမှုရှိသောကုန်စည်များအား အသိတရားနှင့် သတိထား၍ ဝယ်ယူသုံးစွဲစေလိုကြောင်း၊ တချို့ကုန်စည်များတွင် ထုပ်ပိုးမှုသာလှပပြီး စားသုံးရန်မသင့်သောအစားအစာများကို သတိလက်လွတ်ဝယ်ယူသုံးစွဲမှုမပြုစေရန်ဖြစ်ကြောင်းနှင့် သေချာစွာစိစစ်ရွေးချယ်ပြီးမှသာ သုံးစွဲစေလိုကြောင်း၊ စားသုံးသူပြည်သူများအတွက် ကုန်စည်(သို့မဟုတ်)ဝန်ဆောင်မှုနှင့်စပ်လျဉ်း၍ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချမှုရှိစေရေးတို့ကို ဆောင်ရွက်နေရုံသာမက စားသုံးသူနစ်နာဆုံးရှုံးမှုများအတွက် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) ဖွင့်လှစ်ထားရှိပါကြောင်း အသေးစိတ်ရှင်းလင်းဆွေးနွေးခဲ့ပါသည်။     

   စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးက ဆွေးနွေးရာ ဦးစီးဌာန၏ဆောင်ပုဒ်ဖြစ်သော စားသုံးသူအခွင့်အရေးဦးစားပေးရန်မှာ အလွန်အရေးကြီးသောကြောင့် ယခုကဲ့သို့ လာရောက်အသိပညာပေးရခြင်းဖြစ်ကြောင်း၊ ကုန်စည်နှင့်ဝန်ဆောင်မှုများကို ရယူသုံးစွဲရာတွင် စိတ်ကျေနပ်မှုရရှိရန်လိုအပ်ကြောင်း၊ အသုံးပြုရာတွင်လည်း ဘေးအန္တရာယ်ကင်းရှင်းစေရန်အတွက် ကုန်အညွှန်းအမှတ်အသားဖော်ပြချက်ပါ(၈)ချက်အား သတိပြုဝယ်ယူစေလိုကြောင်း၊ ကုသခြင်းထက် ကာကွယ်ခြင်းက ပို၍ကောင်းမွန်သောကြောင့် ဌာနမှဝန်ထမ်းများကလည်း လုပ်ငန်းရှင်များဆီသို့ သွားရောက်အသိပညာပေးလျက်ရှိကြောင်းနှင့် စစ်ဆေးရေးအရာရှိများကလည်း ဈေးကွက်စောင့်ကြည့်စစ်ဆေးပေးလျက်ရှိကြောင်း၊ သတင်းအချက်အလက်များပြည့်စုံမှန်ကန်စွာသိရှိခွင့်နှင့် ပြေစာအထောက်အထားများလည်း ရယူထားစေလိုကြောင်း၊ စိတ်ကြိုက်ရွေးချယ်ခွင့်နှင့် နစ်နာမှုများရှိပါက မှန်ကန်သောအထောက်အထားများနှင့်အတူ ဌာနသို့ လာရောက်တိုင်ကြားခွင့်ရှိပြီး ကုစားခွင့်ရရှိစေလိုကြောင်း၊ "အသိတစ်လုံး အမြတ်ဆုံး" ဖြစ်၍ ယခုသိရှိ ပြီးသောအကြောင်းအရာများအား လိုက်နာစေလိုကြောင်း၊ သို့မှသာ အနာဂတ်တွင် ကောင်းမွန်သာယာသောဘဝဖြင့် နေထိုင်နိုင်မည်ဖြစ်ကြောင်း၊ စားသုံးသူ၏တာဝန်များလည်းရှိ၍ တိကျစွာလိုက်နာရန်လိုအပ်ကြောင်း ကျယ်ကျယ်ပြန့်ပြန့်ဆွေးနွေးခဲ့ပါသည်။

      သတင်းအချက်အလက်/နည်းပညာဌာနခွဲတာဝန်ခံ ဒေါ်မြင့်မြင့်သန်းက ဆွေးနွေးရာတွင် စားသုံးသူထိခိုက်နစ်နာမှုနှင့်စပ်လျဉ်း၍ တိုင်ကြားမှုနှင့် ကုစားပေးခဲ့မှုများအကြောင်း၊ တိုင်ကြားနိုင်သည့်နေရာများနှင့် နည်းလမ်းများအကြောင်း၊ စားသုံးသူရေးရာကိစ္စရပ်များကို စုံစမ်းမေးမြန်းရန်အတွက် Consumer Call Center (၁၅၃၅) အား ဖွင့်လှစ်ထားရှိမှုအကြောင်းနှင့် တားမြစ်ချက်များ၊ ပြစ်မှုနှင့် ပြစ်ဒဏ်များအကြောင်းကိုလည်း အကျယ်တဝင့်ဆွေးနွေးခဲ့ပြီး လက်ကမ်းစာစောင်များဖြန့်ဝေခဲ့ပါသည်။

DOCA(မကွေး)