သတင်းနှင့် လှုပ်ရှားမှုများ

     (၁၃.၈.၂၀၂၄)ရက်နေ့၊ နံနက်(၁၁:၀၀)နာရီအချိန်တွင်  မအူပင်မြို့နယ်မှ စားသောက်ဆိုင်လုပ်ငန်းရှင်၊ ဖုန်းအမျိုးမျိုးရောင်းချသူလုပ်ငန်းရှင်၊ မုန့်မျိုးစုံရောင်းချသူ စတိုးဆိုင်လုပ်ငန်းရှင် (၄)ဦးသည် စားသုံးသူ ရေးရာဦးစီးဌာ ခရိုင်ဦးစီးမှူးရုံးသို့လာရောက်၍ ခရိုင်ဦးစီးမှူးဦးဇော်မင်းနှင့်တွေ့ဆုံကာ အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ သိရှိလိုသည်များကို လာရောက်မေးမြန်း၍ ခရိုင်ဦးစီးမှူးမှ ရှင်းလင်း ဆွေးနွေးမှုပြုလုပ်ခဲ့သည်။

    ထိုသို့ ဆွေးနွေးရာတွင် ခရိုင်ဦးစီးမှူးဦးဇော်မင်းက စားသုံးသူ၏အဓိပ္ပါယ်၊ စီးပွားရေးလုပ်ငန်းရှင်၏ အဓိပ္ပါယ်ကိုရှင်းလင်းပြောကြားခဲ့ပြီး အမိန့်ကြော်ငြာစာအမှတ်(၅၁/၂၀၂၃)(၂၀၂၃ ခုနှစ်၊ ဇူလိုင်လ ၂၁ ရက်) အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်းဆိုင်ရာ အမိန့်ထုတ်ပြန်ထားကြောင်းကိုလည်းကောင်း၊ အွန်လိုင်းစနစ်ဖြင့် ရောင်းချသူများ မှတ်ပုံတင်လက်မှတ်လျှောက်ထားရမည့် e-Commerce Registration (Online) System နှင့်စပ်လျဉ်း၍ လည်းကောင်း၊ eComReg System (https://www.ecomreg.gov.mm)တွင် မှတ်ပုံတင်နိုင်ကြောင်းကို မှတ်ပုံတင်လက်မှတ်လျှောက်ထားရာတွင် လိုက်နာရမည့်ကိစ္စရပ်များကို လည်းကောင်း ရှင်းလင်းပြောကြားခဲ့ပါသည်။ 

     လုပ်ငန်းရှင်များက မိမိတို့ရောင်းချသော ကုန်စည်ကို အွန်လိုင်း စနစ်အသုံးပြုလာပြီး ရောင်းအားမြင့်တင်လာခြင်းကြောင့်   အွန်လိုင်းစနစ်ဖြင့် ရောင်းချခြင်းလုပ်ငန်းအဓိပ္ပါယ်၊ အွန်လိုင်းလုပ်ငန်းဖြင့် ရောင်းချလာသူများပြားလာပြီး  စားသုံးသူအပေါ် အခွင့်အရေးနစ်နာအောင် အချို့သော မသမာသူများက လိမ်လည်၍ရောင်းချခြင်းပြသနာများ ဖြစ်ပေါ်လာခြင်းကြောင့် စိစစ်သင့်သည့်အချက်များ၊ အွန်လိုင်းမှ မှာယူသုံးစွဲရာတွင် စိစစ်သင့်သည့်အချက်များ၊ အွန်လိုင်းစနစ်ဖြင့် ရောင်းချခြင်းလုပ်ငန်းနှင့် စပ်လျဉ်း၍ သက်ဆိုင်ရာ ဌာနများ၏ ဆောင်ရွက်မှုများ၊ မှတ်ပုံတင်ထားသည့် အွန်လိုင်းရောင်းချမှုလုပ်ငန်းများမှ ဈေးဝယ်ယူခြင်းဖြင့် ရရှိလာမည့် အကျိုးရလဒ်များကို ရှင်းလင်းခြင်း၊ လိမ်လည်မှုပုံစံ(၂)မျိုးဖြင့် လိမ်လည်နိုင်ကြောင်း၊ အွန်လိုင်းမှ ဝယ်ယူမှုများအတွက် နစ်နာဆုံးရှုံးမှုများရှိခဲ့လျှင်လည်း နည်းလမ်း (၅)မျိုးဖြင့် တိုင်ကြားနိုင်ပါကြောင်း၊ တိုင်ကြားရာတွင်လည်း မိမိတို့ဌာနမှ စေ့စပ်ညှိနှိုင်းဖြေရှင်းပေးခြင်း၊ စီမံခန့်ခွဲရေးနည်းလမ်းအရ အရေးယူခြင်းစသည့်နည်းလမ်း(၂)မျိုးဖြင့် ဖြေရှင်းပေးပါကြောင်း စိတ်ဝင်တစား လာရောက်မေးမြန်းသော လုပ်ငန်းရှင်များအား ခရိုင်ဦးစီးမှူးမှ အသေးစိတ်ရှင်းလင်း ပြောကြားခဲ့ကြောင်း သိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး ၊ မအူပင်ခရိုင် ၊ ဓနုဖြူမြို့နယ်စားသုံးသူရေးရာဦးစီးဌာန၊ မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မြို့နယ်မိခင်နှင့်ကလေးစောင့်ရှောက်ရေးအသင်းတို့ ပူးပေါင်း၍ အ.ထ.က(ခွဲ)အကျော်၊အခြေခံပညာအထက်တန်းကျောင်း၊ တက်ရောက်ကျောင်းသား/ကျောင်းသူ(၄၈၃)ဦး၊ဆရာ/ဆရာမ(၇)ဦးတို့အား​ ၁၂.၈.၂၀၂၄ ရက်နေ့၊ နံနက် (၁၀း၀၀) နာရီတွင် အသိပညာပေးဟောပြောပွဲ ကျင်းပပြုလုပ်ခဲ့သည်။

    အသိပညာပေး ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှတာဝန်ရှိသူက  ဟော​ပြောပွဲပြုလုပ်ရခြင်း၏  ရည်ရွယ်ချက်နှင့် လူငယ်နှင့်စာဖတ်ခြင်း အကျိုးကျေးဇူး ခေါင်းစဥ်ဖြင့်လည်းကောင်း၊ မြို့နယ်မိခင်နှင့်ကလေးစောင့်ရှောက်ရေးအသင်းက လူငယ်နှင့်အားကစား၊ ကျန်းမာရေး ခေါင်းစဥ်ဖြင့်လည်းကောင်း အသီးသီး ဟောပြောခဲ့ကြသည်။

      စားသုံးသူရေးရာဦးစီးဌာနက ဦးဝင်းမင်းစိုးမြို့နယ်ဦးစီးမှူးက အသိပညာပေးဟောပြောရာ ကျောင်းသူ၊ ကျောင်းသားလူငယ်များ စားသုံးသူကာကွယ်ရေးဥပဒေ ၂၀၁၉ အရ စားသုံးသူအခွင့်အရေးနှင့် တာဝန်များ အကြောင်းကို ရှင်းလင်းပြီး၊ စားသုံးသူကိုယ်တိုင်က လိုအပ်ချက်အရ ကုန်စည်တစ်ခုကို ဝယ်ယူအသုံးပြုရာတွင် အွန်လိုင်းမှ ဝယ်ယူလိုသော ကုန်စည်ရှိပါက အွန်လိုင်းစနစ်ဖြင့် ရောင်းချသူများ(Online Sales) မှတ်ပုံတင်ပြီးသော Pageများတွင်သာ ဝယ်ယူအသုံးပြုကြရန်၊ ယခုဟောပြောပွဲမှ ကျောင်းသား/ ကျောင်းသူများ မိသားစုဝင်များ အွန်လိုင်းစနစ်ဖြင့် ကုန်စည်များရောင်းချခြင်းမျိုးရှိပါက eComReg System (https://www.ecomreg.gov.mm)တွင် မှတ်ပုံတင်နိုင်ကြောင်းကို ကျောင်းအသိပညာဟောပြောပွဲတွင် လာရောက်ဟောပြောသော စားသုံးသူရေးရာဦးစီးဌာန အသိပညာပေးဟောပြောမှုအရ သိရှိရ၍ မိသားစုဝင် လုပ်ငန်းရှင်များကို ပြန်လည်မျှဝေရန် ကိုလည်းကောင်း၊ အွန်လိုင်းစနစ်ဖြင့်မှတ်ပုံတင်ရန်နည်းလမ်းများ၊ မှတ်ပုံတင်ရာတွင်ပူးတွဲ တင်ပြရမည့်အချက်များ၊ မှတ်ပုံတင်မည့်သူများ သိရှိလိုက်နာရမည့်စည်းကမ်းချက်များ၊ အွန်လိုင်းစနစ်ဖြင့် ရောင်းချခြင်း(Online Sales)၊ လုပ်ငန်းမှတ်ပုံတင်(အသစ်)လျှောက်ထားရမည့် လုပ်ငန်းစဉ်အဆင့်ဆင့်များ၊ မှတ်ပုံတင်လျှောက်ထားရာတွင် သိရှိရန်အချက်များစသည်တို့ကို ပြည့်ပြည့်စုံစုံအကျယ်တဝင့်လင်းရှင်း ဟောပြောခဲ့ပြီး အွန်လိုင်းရောင်းချသူများ လိုက်နာဆောင်ရွက်ခြင်းမရှိပါက အရေးကြီးကုန်စည် ဝန်ဆောင်မှုဥပဒေအရ အရေးယူဆောင်ရွက်ခံရနိုင်ကြောင်းကို ရှင်းလင်းဟောပြောခဲ့ပြီး တက်ရောက်လာသူ ဆရာ/ဆရာမနှင့် ကျောင်းသား၊ကျောင်းသူများကလည်း အွန်လိုင်းမှတ်ပုံတင်ဆောင်ရွက်ရသည့်အချက်များ သိရှိလိုသည်များမေးမြန်းခြင်းကို ပြန်လည်ဖြေကြား ရှင်းလင်းပေးခဲ့ကြောင်း သိရသည်။

DOCA(ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့ နယ်တွင်  ဆေးဝါးရောင်းချခွင့်လိုင်စင်ရ ဆေးဆိုင်များသို့ (၁၅.၈.၂၀၂၄)ရက်နေ့၊ နံနက်(၀၉:၀၀)နာရီအချိန်က မြို့နယ်ကျန်းမာရေးဦးစီးဌာန၊ မြို့နယ် တိုင်းဆေးပညာဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာနတို့ ပူးပေါင်း၍ ဆေးနှင့် ဆေးပစ္စည်းအမျိုးမျိုး အား ဈေးကွက်စောင့်ကြည့် စစ်ဆေးခဲ့ကြသည်။

       စစ်ဆေးရာတွင် စားသုံးသူရေးရာဦးစီးဌာန မြို့နယ်ဦးစီးမှူးရုံးမှ ဒေါ်ချိုမီဇင် ဒုဦးစီးမှူးက  ဈေးကွက်အတွင်း တရားမဝင်ရောင်းချနေမှုနှင့် စပ်လျဉ်း၍ ခွင့်ပြုချက်မရှိဘဲ လက်ဝယ်ထားခြင်း၊ သယ်ယူပို့ဆောင်ခြင်း၊ ဖြန့်ဖြူးရောင်းချခြင်းတို့ မပြုလုပ်ရန်၊ မြန်မာနိုင်ငံ ဆေးဝါးမှတ်ပုံတင် အမှတ်မပါ ရှိသော ဆေးဝါးများ၊ သက်တမ်းလွန်ဆေးဝါးများနှင့် တရားမဝင်ဆေးဝါးများ ရောင်းချခြင်း မပြုရန်၊ ဆေးဝါးများအား စနစ်တကျထားသိုရန်၊ ဈေးနှုန်းများမြှင့်တင်ရောင်းချခြင်းမပြုရန်နှင့် စားသုံးသူကာ ကွယ်ရေးဥပဒေ အခန်း(၁၈)ပါ “ကုန်အညွှန်းအမှတ်အသားဖော်ပြခြင်း”၊ အခန်း(၁၀)ပါ “စီးပွားရေး လုပ်ငန်း ရှင်၏ တာဝန်များ”ကို လိုက်နာဆောင်ရွက်ရန်ကို ဆွေးနွေးပြောကြားခဲ့သည်။

ယခုကဲသို့စစ်ဆးခြင်းများကို မြို့နယ်အတွင်းရှိ ဆေးဝါးအရောင်းဆိုင်များသို့ အခါအား‌လျော်စွာ စစ်ဆေး ဆောင်ရွက်သွားမည်ဖြစ်ပြီး စစ်ဆေးတွေ့ရှိပါက ထိရောက်စွာအရေးယူ ဆောင်ရွက်သွား မည်ဖြစ်ကြာင်း သိရသည်။

DOCA(ဧရာဝတီ)

     မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်တာဝန်ခံသည် (၁၇.၈.၂၀၂၄)ရက်နေ့၊ နံနက် (၀၉:၃၀)နာရီအချိန်တွင် မင်းဘူးမြို့၊ ကုန်းသာကျေးရွာ အခြေခံပညာအထက်တန်းကျောင်း(ခွဲ)နှင့် နေ့လယ် (၁၃:၀၀)နာရီအချိန်တွင် မင်းဘူးမြို့၊ ကန်ရေကျေးရွာ အခြေခံပညာအလယ်တန်းကျောင်း(ခွဲ)တို့၌  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်အားကစားနှင့်ကာယပညာဦးစီးဌာနမှ ဝန်ထမ်းများနှင့်ပူးပေါင်း၍ အသိပညာပေးဟောပြောခဲ့ကြောင်း သိရပါသည်။

     မင်းဘူးမြို့နယ်တာဝန်ခံမှ စားသုံးသူ၏ အခွင့်အရေးနှင့်တာဝန်များ၊ ကုန်အညွှန်းအမှတ်အသားအကြောင်းကိုလည်းကောင်း၊  ပြန်ကြားရေးနှင့်ပြည်သူ့ဆက်ဆံရေးဦးစီးဌာဦးစီးမှူးမှ စာဖတ်ခြင်း၏ အကျိုးကျေးဇူးများနှင့် လူငယ်စကားဝိုင်းဆောင်ရွက်ရခြင်း အခြေအနေများအားလည်းကောင်း၊ မြို့နယ် အားကစားနှင့်ကာယပညာဦးစီးဌာန ဦးစီးမှူးမှ အားကစားသိပ္ပံအကြောင်း ကိုလည်းကောင်း အသိပညာပေးဟောပြောခဲ့ကြောင်း သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊လေးမျက်နှာမြို့နယ်တာဝန်ခံသည်(၁၆.၈.၂၀၂၄)ရက်နေ့၊နံနက်(၀၉:၃၀) နာရီအချိန်တွင် လေးမျက်နှာမြို့၊ နင်းကြမ်းကျေးရွာအုပ်စုရှိ အခြေခံပညာအထက်တန်းကျောင်း၌ ကျောင်းသား/ကျောင်းသူများနှင့် ဆရာ/ဆရာမများအား စားသုံးသူကာကွယ်ရေးအသိပညာပေး ဟောပြောခြင်း ဆောင်ရွက်ခဲ့ပါသည်။

     ဟောပြောပွဲတွင် မြို့နယ်တာဝန်ခံ ဦးအောင်သန်းဌေးက စားသုံးသူကာကွယ်ရေး ဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူစကားရပ်၏ အဓိပ္ပာယ်ဖွင့်ဆိုချက်၊  စားသုံးသူအခွင့်အရေးနှင့် တာဝန်များအကြောင်း၊ ဝန်ဆောင်မှုနှင့် စပ်လျဉ်း၍ အာမခံချက် ပေးခြင်းများအကြောင်း၊ ကုန်အညွှန်းအမှတ်အသားဖော်ပြခြင်းများအကြောင်း၊ တားမြစ် ချက်များအကြောင်း၊ ပြစ်မှုပြစ်ဒဏ်များအကြောင်း၊ စားသုံးသူတို့အနေဖြင့် အသင့်စားမုန့်များ ဝယ်ယူစားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိကဖတ်ရှု့ရမည်ဖြစ်ကြောင်း၊ စားသုံးသူတို့အနေဖြင့် ကုန်စည်သို့မဟုတ်ဝန်ဆောင်မှုများနှင့် စပ်လျဉ်း၍ နစ်နာဆုံးရှုံးမှုများရှိပါက စားသုံးသူရေးရာဦးစီးဌာနသို့ တိုင်ကြားနိုင်မည်ဖြစ်ကြောင်း၊ စားသုံးသူရေးရာဦးစီးဌာန၏ လက်ရှိဆောင်ရွက်နေသည့် လုပ်ငန်းဆောင်ရွက်ချက်များအကြောင်းစသည့်တို့ကို အသိပညာပေးဟောပြောခဲ့ကြောင်း သိရှိရပါသည်။

DOCA(ဧရာဝတီ)