သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦး၊ ပြည်တွင်းဌာနခွဲတာဝန်ခံ ဦးမျိုးဝင်းနိူင် (ဦးစီးအရာရှိ)သည် (၅-၅-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၌  ကရင်ပြည်နယ် ဆန်စက်လုပ်ငန်းရှင်များအသင်းဥက္ကဋ္ဌ ဦးအောင်ဇော်ထက်နှင့်တွေ့ဆုံ၍ ဆန်ဖြန့်ဖြူးရောင်းချနိုင်ရေး အခြေအနေများကို ဆွေးနွေးခဲ့ကြကြောင်း သိရပါသည်။

       ထိုသို့ဆွေးနွေးရာတွင် ကရင်ပြည်နယ်ဆန်ကုန်သည်များနှင့် ဆန်စက်လုပ်ငန်းရှင်များအသင်း အသင်းအနေဖြင့် စားသုံးသူရေးရာဦးစီးဌာနနှင့်ပေါင်းစပ်၍ ကရင်းပြည်နယ်အတွင်း ဆန်များဖြန့် ဖြူးရောင်းချနေမှုအခြေအနေများ၊ ဒေသတွင်းဆန်ဖူလုံပိုလျှံစေရေးနှင့် ပြည်ပသို့တင်ပို့နိုင်ရေး အတွက် အသင်းနှင့်ဌာနတို့ပေါင်းစပ်၍ ဆောင်ရွက်နေမှုအခြေအနေကိုလည်းကောင်း၊ အသင်းအဖွဲ့ များခိုင်မာအားကောင်းလာစေရေးနှင့် အသင်းဖွဲ့စည်းမျဉ်းရေးဆွဲဆောင်ရွက်နေမှုအခြေအနေ ကိုလည်းကောင်း၊ ကရင်ပြည်နယ်ဒေသထွက် ဆန်/စပါးများကို အနီးအနားရှိဒေသများက သိုလှောင် ရန်ရည်ရွယ်၍ အဓိကလာရောက်ဝယ်ယူကြသောကြောင့် ဈေးကွက်အတွင်း ပစ္စည်းပြတ်လပ်သည့် အထိဖြစ်နေကြောင်းနှင့် ယင်းတို့ကို့ဖြေရှင်းနိုင်ရေးနည်းလမ်းများကို ဆွေး‌နွေးခဲ့ကြောင်းသိရပါသည်။

      ကရင်ပြည်နယ်အတွင်း ဆန်ဖူလုံပိုလျှံစေရေး၊ ဆန်/စပါးနှင့်ဆန်စက်ကဏ္ဍဖွံ့ဖြိုးတိုးတက်စေရေး အတွက် ကရင်ပြည်နယ်ဆန်ကုန်သည်များနှင့် ဆန်စက်လုပ်ငန်းရှင်များအသင်းကို (  ၁-၆-၂၀၂၃  ) ရက်နေ့တွင် အသင်းဖွဲ့ဦးရေ(၂၇)ဦးတို့ဖြင့် ဖွဲ့စည်းဆောင်ရွက်မည်ဖြစ်ပြီး ကရင်ပြည်နယ်ဒေသထွက် စပါးများကို အနီးအနားရှိဒေသများက သိုလှောင်ရန်ရည်ရွယ်၍ အဓိကလာရောက် ဝယ်ယူကြသောကြောင့် ဈေးကွက်အတွင်းပစ္စည်းပြတ်လပ်သည်အထိဖြစ်နေကြောင်း ဆန်ကုန်သည်များနှင့်ဆန်စက်လုပ်ငန်းရှင်များအသင်းအနေဖြင့် နိုင်ငံတော်ကသတ်မှတ်ထားသည် ဈေးနှုန်းနှင့် လက်ရှိမြင့်တက်နေသောဈေးနှုန်း/ဈေးကွက်အခြေအနေ၊ ပြည်ပတို့တင်ပို့မှုအခြေအနေနှင့် လမ်းခရီးအခြေအနေများကိုဆွေးနွေးခဲ့ကြောင်း သိရှိရပါသည်။

DOCA(ကရင်)

          ၂၀၂၃ ခုနှစ်၊ မေလ ၈ ရက်နေ့ နံနက်(၁၀:၀၀) နာရီအချိန်တွင် ရှမ်းပြည်နယ်(တောင်ပိုင်း) စားသုံးသူရေးရာဦးစီးဌာန၊ တောင်ကြီးခရိုင်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ရွှေညောင်မြို့ပေါ်ရှိ စက်သုံးဆီအရောင်းဆိုင်များနှင့် တောင်နီကျေးရွာရှိ သီးနှံမျိုးစေ့၊ စိုက်ပျိုးရေး သုံးပစ္စည်းနှင့် ဓာတ်မြေဩဇာဆိုင်များသို့  စက်သုံးဆီရောင်းချမှုအခြေအနေ၊ စက်သုံးဆီအချိန် အတွယ်မှန်ကန်မှု ရှိ/ မရှိ၊ စက်သုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ က အချိန်နှင့်တစ်ပြေးညီ ထုတ်ပြန်လျက်ရှိသော သတ်မှတ်ရည်ညွှန်းဈေးနှုန်းဖြင့် ရောင်းချခြင်း ရှိ/ မရှိနှင့် သီးနှံမျိုးစေ့၊ စိုက်ပျိုးရေးသုံးပစ္စည်းနှင့် ဓာတ်မြေဩဇာကို မြန်မာဘာသာဖြင့် ကုန်အညွှန်းအမှတ်အသား ပြည့်စုံမှန်ကန်မှု ရှိ/ မရှိတို့ကို   ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီက (၈.၅.၂၀၂၃) ရက်နေ့အတွက် သတ်မှတ်ရည်ညွှန်းဈေးနှုန်းဖြစ်သည့် (92-1965, 95-2055, HSD-1920, PD-2000) ကျပ်ဖြင့် ရောင်းချလျက်ရှိကြောင်းနှင့် စက်သုံးဆီများရောင်းချရာတွင် အချိန် အတွယ်မှန်ကန်မှု ရှိ/ မရှိ စစ်ဆေးရာတွင် မှန်ကန်ကြောင်း စစ်ဆေးတွေ့ရှိပါသည်။ ထိုနေ့တွင် တောင်နီကျေးရွာဒေသ၌ သီးနှံမျိုးစေ့၊ စိုက်ပျိုးရေးသုံးပစ္စည်းနှင့် ဓာတ်မြေဩဇာဆိုင်များကို ကွင်းဆင်းစစ်ဆေးရာတွင် မြန်မာဘာသာဖြင့် ရေးသားဖော်ပြခြင်းမရှိသော သီးနှံမျိုးစေ့၊ စိုက်ပျိုးရေးသုံးပစ္စည်းနှင့် ဓာတ်မြေဩဇာများကို ရောင်းချခြင်းမရှိကြောင်းနှင့် မြန်မာဘာသာဖြင့် ဖော်ပြထားသည့် သီးနှံမျိုးစေ့၊ စိုက်ပျိုးရေးသုံးပစ္စည်းနှင့် ဓာတ်မြေဩဇာများကိုသာ ရောင်းချကြောင်း စစ်ဆေးတွေ့ရှိ ရပါသည်။

          ဆက်လက်၍ စစ်ဆေးရေးမှူးနှင့်တာဝန်ရှိသူများသည် မြန်မာဘာသာဖြင့် ဖော်ပြထားခြင်းမရှိသောသီးနှံမျိုးစေ့၊ စိုက်ပျိုးရေးသုံးပစ္စည်းနှင့် ဓာတ်မြေဩဇာများကို ဈေးကွက်အတွင်း ရောင်းချခြင်းမပြုရန်ဖြစ်ကြောင်းနှင့် စားသုံးသူကာကွယ်ရေးဥပဒေ အခန်း(၁၈) ပါအရ ကုန်အညွှန်းအမှတ်အသားနှင့် ပတ်သက်၍ စီးပွားရေး လုပ်ငန်းရှင်များ လိုက်နာဆောင်ရွက်ရန်ဖြစ်ကြောင်းနှင့် ရောင်းချမှုစစ်ဆေးတွေ့ရှိပါက စားသုံးသူကာကွယ်ရေး ဥပဒေအရ အရေးယူဆောင်ရွက်နိုင်ကြောင်း ဆိုင်ရှင်အား အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ရှမ်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဗန်းမော်ခရိုင် ဦးစီးမှူး ဦးအောင်ကျော်ဦးသည် (၈.၅.၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဗန်းမော်ခရိုင် ဦးစီးမှူးရုံး၌ ဗန်းမော်မြို့တွင်းရှိ သောက်ရေသန့် ဖြန့်ဖြူးရောင်းချလျက်ရှိသော စီးပွားရေးလုပ်ငန်းရှင်(၇)ဦးနှင့် တွေ့ဆုံဆွေးနွေးခဲ့ပါသည်။

  ထိုသို့ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက စားသုံးသူရေးရာဦးစီးဌာန၏ သမိုင်းအကျဉ်း၊ ရည်မှန်းချက်၊ မျှော်မှန်းချက်နှင့် စီးပွားရေးလုပ်ငန်းရှင်၏ အဓိပ္ပာယ်ဖွင့်ဆိုချက်(၂၀၁၉) စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ မဖြစ်မနေလိုက်နာရမည့် တာဝန် (၁၁) ချက်ကို အကျယ်တစ်ဝင့်ရှင်းလင်းဆွေးနွေးပြောကြားပြီး၊ စားသုံးသူကာကွယ်ရေးဥပဒေ ပုဒ်မ ၄၁ အရ စီးပွားရေးလုပ်ငန်းရှင်သည် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည် အမျိုးအစားအလိုက် စီးပွားရေးလုပ်ငန်းရှင်များလိုက်နာဆောင်ရွက်ရမည့် အချက် (၈) ချက် ဖော်ပြပါ ရှိကြောင်း ၊ ပုဒ်မ ၄၃ အရ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်၊ ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ မဖြစ်မနေဖော်ပြပေးရမည်ဖြစ်ကြောင်း ရှင်းလင်းဆွေးနွေးခဲ့ပါသည်။

DOCA(ကချင်)

    မြန်မာ့သဘာဝရော်ဘာ အရည်အသွေး စမ်းသပ်စစ်ဆေးရေးဓာတ်ခွဲခန်း လုပ်ငန်းများ စီမံခန့်ခွဲမှုလုပ်ငန်းကြီးကြပ်ရေးကော်မတီ၏ ၂၀၂၂-၂၀၂၃ ဘဏ္ဍာရေးနှစ်အတွင်း ဆောင်ရွက်ခဲ့သည့် လုပ်ငန်းဆောင်ရွက်မှု အခြေအနေများနှင့် ရှေ့ဆက်ဆောင်ရွက်မည့် လုပ်ငန်းစဉ်များနှင့်စပ်လျဥ်း၍ ဆွေးနွေးမည့် လုပ်ငန်းညှိနှိုင်းအစည်းအဝေးကို ၉-၅-၂၀၂၃ ရက်နေ့၊ နေ့လယ် (၂:၀၀) နာရီတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူ‌ရေးရာဦးစီးဌာန၊ ရုံးအမှတ် (၅၂) အစည်းအဝေးခန်းမ၌ ကျင်းပပြုလုပ်ခဲ့ပါသည်။

     အဆိုပါ အစည်းအဝေးသို့ မြန်မာ့သဘာဝရော်ဘာ အရည်အသွေး စမ်းသပ်စစ်ဆေးရေး ဓာတ်ခွဲခန်း လုပ်ငန်းများ စီမံခန့်ခွဲမှုလုပ်ငန်းကြီးကြပ်ရေးကော်မတီဥက္ကဋ္ဌ၊ စားသုံးသူရေးရာဦးစီးဌာနမှ ညွှန်ကြားရေးမှူးချုပ်၊ ဒုတိယဥက္ကဋ္ဌများဖြစ်သည့် မြန်မာကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ်နှင့် မြန်မာနိုင်ငံရော်ဘာစိုက်ပျိုးထုတ်လုပ်သူများအသင်းမှ ဥက္ကဋ္ဌ၊  အဖွဲ့ဝင်များဖြစ်သည့် ကုန်သွယ်ရေးဦးစီးဌာန၊ စားသုံးသူရေးရာဦးစီးဌာန မြန်မာကုန်သွယ်မှုမြှင့်တင်ရေး အဖွဲ့၊ မြန်မာနိုင်ငံရော်ဘာ စိုက်ပျိုးထုတ်လုပ်သူများအသင်း၊ တနင်္သာရီတိုင်းနှင့် ပဲခူးတိုင်းရော်ဘာစိုက်ပျိုးထုတ်လုပ်သူများအသင်းတို့မှ တာဝန်ရှိသူများ တက်ရောက်ခဲ့ကြပါသည်။

    အစည်းအဝေးတွင် မြန်မာ့သဘာဝရော်ဘာ အရည်အသွေးစမ်းသပ်စစ်ဆေးရေး ဓာတ်ခွဲခန်းလုပ်ငန်းများ စီမံခန့်ခွဲမှုလုပ်ငန်းကြီးကြပ်ရေးကော်မတီ၏ ၂၀၂၂-၂၀၂၃ ဘဏ္ဍာရေးနှစ်အတွင်း ဆောင်ရွက်ခဲ့သည့်လုပ်ငန်းဆောင်ရွက်မှု အခြေအနေများနှင့် ရှေ့ဆက်လက်ဆောင်ရွက်မည့် လုပ်ငန်းစဉ်များနှင့်စပ်လျဥ်း၍ ဆွေးနွေးခဲ့ကြကြောင်း သတင်းရရှိပါသည်။

DOCA(ITQM)

    ဧရာဝတီတိုင်းဒေသကြီး၊ ဘိုကလေးမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့်  ဝန်ထမ်းတို့သည် ဧပြီလ(၂၇)ရက်နေ့၊ နံနက်(၀၉:၀၀)နာရီအချိန်တွင် မစိမ်းကျေးရွာရှိ ဒေါ်စန္ဒာနေအိမ် စာကျက်ဝိုင်းတွင် စာသင်ကြားနေသော ကျောင်းသား/ကျောင်းသူ(၇)ဦးတို့အား စားသုံးသူကာကွယ်ရေး အသိပညာပေးဆောင်ရွက်ခဲ့ပါသည်။

      အဆိုပါဟောပြောပွဲတွင် စားသုံးရန်မသင့်သော အစားအစာများအကြောင်း၊ ဘေးအန္တရာယ်ရှိသော ဓာတုဆိုးဆေးများအကြောင်း၊ အခန်း(၁၈)၊ပုဒ်မ(၄၁)(၄၃)တို့တွင်ဖော်ပြထားသောကုန်အညွှန်းအမှတ်အသား ဖော်ပြချက်များအကြောင်း၊ မြန်မာဘာသာဖြင့် ရေးသားဖော်ပြထားခြင်းအကြောင်း  ဈေးကွက်တွင်လည်း ကုန်စည်များကို ရွေးချယ်ဝယ်ယူစားသုံးသင့်ကြောင်း၊ ကျန်းမာရေးနှင့် ညီညွှတ်သော အစားအသောက်များကိုသာ စားသုံးသင့်ကြောင်း ကျန်းမာမှ နိုင်ငံသားကောင်း ရတနာများဖြစ်မည်အကြောင်း အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)