သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် (၅.၅.၂၀၂၃) ရက်နေ့၊ (၁၀:၀၀) နာရီအချိန်တွင် မအူပင်မြို့ တာပါတ် အနောက်ကျေးရွာ၊ ဘုန်းတော်ကြီးကျောင်းရှိ ပြည်သူ (၈၁) ဦးအား ဌာနဆိုင်ရာများနှင့်အတူ ပြည်သူအသိပညာပေး ကွင်းဆင်း၍ ဟောပြောခဲ့ကြပါသည်။

   အဆိုပါ အသိပညာပေးဟောပြောပွဲတွင် စားသုံးသူရေးရာဦးစီးဌာနမှ စားသုံးသူကာကွယ်ရေးဥပဒေ (၂၀၁၉) ပါအခန်း(၁၈) ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များ ပြည့်စုံစွာပါရှိစေရေးအကြောင်းနှင့် စားသုံးသူကာကွယ်ရေးလုပ်ငန်းအကြောင်း၊ စားသုံးသူ၏အဓိပ္ပာယ်နှင့် စားသုံးသူအခွင့်အရေး ဦးစားပေးသိရှိဖို့နှင့် အခွင့်အရေးကို သိရှိပါကလည်း တာဝန်များကို လိုက်နာရမည့် အကြောင်းအရင်းများ၊ စားသုံးသူကာကွယ်ရေးဥပဒေ အခန်း(၁၁၊ ၁၂၊ ၁၃၊ ၁၄) ပါ ကုန်စည်နှင့်စပ်လျဉ်း၍ အာမခံချက်ပေးခြင်းနှင့်ပတ်သက်သည့် အချက်အလက်များ၊ ကုန်စည်နှင့်စပ်လျဉ်း၍ အာမခံပေးမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ ဝန်ဆောင်မှုနှင့်စပ်လျဉ်း၍ အာမခံချက်ပေး ခြင်းနှင့် ပတ်သက်သည့် အချက်အလက်များ၊ ဝန်ဆောင်မှုနှင့် စပ်လျဉ်း၍ အာမခံပေးမှုအပေါ် စားသုံးသူက တောင်းဆိုနိုင်သည့် အခွင့်အရေးများအကြောင်းကို ရှင်းလင်းဆွေးနွေးဟောပြောခဲ့ကြကြောင်း တာပါတ်အနောက်ကျေးရွာမှ ပြည်သူများကလည်း သိရှိလိုသည်များကို မေးမြန်းခဲ့သည်ကို အပြန်အလှန် ရှင်းလင်းဟောပြောခဲ့ကြကြောင်း သိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ စားသုံးသူကာကွယ်ရေး အသိပညာပေး Talk Showကို မေလ ၅ရက်နေ့ နံနက်(၁၀:၀၀)နာရီအချိန်တွင် လူထုအခြေ ပြုဗဟိုဌာန Communit Center ခန်းမ၌ စားသုံးသူအသိပညာပေး Talk Show ကျင်းပပြု လုပ်ခဲ့ကြပါ သည်။

       အဆိုပါဆွေးနွေးမှုးတွင် ပန်းတနော်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စားသုံးသူများ Online shopping မှ ပစ္စည်းများဝယ်ယူရာတွင် နစ်နာဆုံးရှုံးမှုများကို တိုင်ကြားနိုင်သည့် နည်းလမ်းများအကြောင်းသိရှိလိုပါ၍ ရှင်းလင်းဆွေးနွေးပေးပါရန် ပြောကြားခဲ့ပြီး၊ စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူး ဦးပိုးဖြူပိုင်မင်းက စားသုံးသူပြည်သူများ Online  မှ ပစ္စည်းများကို လိုအပ်ချက်အရဝယ်ယူကြရာတွင် Online မှ ကြော်ငြာရောင်းချထားသောပစ္စည်းများသည် အမှန်တကယ်လက်ဝယ်ရောက် ရှိလာသောအခါ အရည်အသွေးကွဲလွဲမှုရှိနေတာကို တွေ့ရှိရပြီး၊ ပစ္စည်းမှာ ယူလိုပါက Page Messanger ဖုန်းနံပတ်တို့မှ မှာယူပြီး စားသုံးသူထံငွေကြေးရယူပြီး ဆက်သွယ်၍မရသော အခက်အခဲများကြုံတွေ့နေရတာမျိုး ရင်ဆိုင်ကြုံတွေ့နေရကြောင်း၊ ကုန်ပစ္စည်းသတင်း အချက်အလက်များကို ချဲ့ကားဖော်ပြထားခြင်းမျိုးကိုလည်းတွေ့ရှိနေရကြောင်း၊ ကုန်စည်ကို သဘောတူညီထားတဲ့အချိန် အတွင်း အရောက်ပို့ဆောင်နိုင်ခြင်းမျိုး မရှိကြောင်းတွေ့ရှိရပါတယ်၊ စားသုံးသူပြည်သူများအနေဖြင့် နစ်နာဆုံးရှုံမှုနှင့်ပတ်သက်၍ တိုင်ကြားနိုင်သည့် နည်းလမ်းများရှိပါသောကြောင့် စားသုံးသူရေးရာဦးစီးဌာနကို တိုင်ကြား နိုင်ကြောင်း၊  စားသုံးသူ အခွင့်အရေးကို ကိုယ်တိုင်ရယူတက်စေရန်နှင့် စားသုံးသူအခွင့်အရေး နစ်နာဆုံးရှုံးမှုရှိလာရင် တိုင်ကြားနိုင်ကြောင်း၊ တိုင်ကြားခြင်းနှင့်ပတ်သက်၍ အလွယ်တကူတိုင်ကြားနိုင်ရန် (CICC) ဖွင့်လှစ်ထား ကြောင်း၊ DOCA Myanmar Mobile Applicationဖြင့်လည်းကောင်း၊ စားသုံးသူစစ်တမ်း ကောက်ယူမှုအရ ဖုန်းဖြင့် ဆက်သွယ်တိုင်ကြားမှုနည်းလမ်း လိုအပ်သူများကြောင့် Consumer Call Center 1535 သို့လည်းကောင်း နစ်နာသူကိုယ်တိုင်(သို့မဟုတ်) မိသားစုဝင် အစိုရဌာနအဖွဲ့အစည်းများ၊ စားသုံးသူကာကွယ်ရေးဆိုင်ရာ အသင်းအဖွဲ့များမှ တဆင့် တိုင်ကြားနိုင်ကြောင်းကို ပြောကြားခဲ့ပြီး၊ စားသုံးသူ အခွင့်အရေးနှင့် စားသုံးသူကာကွယ်ရေးလုပ်ငန်းစဉ်များအကြောင်းကို သိရှိလေ့လာလိုပါက www.doca.gov.mm.com website တွင်လှုပ်ရှားမှုများကို ဝင်ရောက်လေ့လာနိုင်ပါကြောင်း၊ “စားသုံးသူ‌ရေးရာ” FacebookPage တွင်လည်းဝင်ရောက် လေ့လာနိုင်ကြောင်းကို ဆွေနွေးခဲ့ကြောင်း သတင်းရရှိပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးဦးဆောင်၍ ဒု-ခရိုင်ဦးစီမှူးနှင့် ဝန်ထမ်း(၃)ဦး၊ မြို့နယ်အထွေထွေအုပ်ချုပ်ရေးဦးစီးဌာနနှင့်မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့် ပူးပေါင်း၍ ၅.၅.၂၀၂၃ ရက်နေ့ နံနက်(၁၀း၃၀)အချိန်တွင် စစ်ကိုင်းမြို့ပေါ်ရှိ “ကောင်းစံ”စတိုး၊ “ဆန်းသစ်ဝေ”စတိုး၊ “banner” Mini Mart ဆိုင် (၃)ဆိုင်သို့ ကွင်းဆင်း၍ တရားမဝင်တင်သွင်းလာသော ကုန်စည်များရောင်းချနေခြင်း ရှိ/မရှိ ကွင်းဆင်းစစ်ဆေးခဲ့ပါသည်။

         စစ်ဆေးခဲ့သောဆိုင်ပိုင်ရှင်များအား တရားမဝင်တင်သွင်းလာသော ကုန်စည်များကို ဝယ်ယူရောင်းချခြင်းမပြုရန်၊ စားသုံးသူကာကွယ်ရေးဥပ‌ဒေအခန်း(၁၈) ပုဒ်မ၄၁၊ ပုဒ်မခွဲ (ခ) နှင့် (ဆ) အရ မြန်မာဘာသာဖြင့်ဖြစ်စေ၊ မြန်မာနှင့် အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ကုန်အညွှန်းအမှတ်အသားဖော်ပြပါရှိသည့် ကုန်စည်များကိုသာ ရွေးချယ်ဝယ်ယူရောင်းချရန် ခရိုင် ဦးစီးမှူးက အသိပညာပေးဆွေးနွေးခဲ့ပါသည်။

DOCA( စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်အနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှု ရှိစေရေးတို့အတွက် ထုတ်ကုန်များ ထုတ်လုပ်သည့် လုပ်ငန်းရှင်များနှင့် စက်ရုံးအတွင်းရှိ အလုပ်သမားများအား (၄.၅.၂၀၂၃)ရက်နေ့၊ နံနက် (၁၀:၃၀)နာရီ အချိန်တွင်  ကျွန်းလှမြို့ပေါ်ရှိ ”MO “သောက်ရေသန့်စက်ရုံသို့ စားသုံးသူရေးရာဦးစီးဌာန၊ ကျွန်လှမြို့နယ်တာဝန်ခံ (အကြီးတန်းစာရေး) ဒေါ်ဝေဝေအောင်သည် လုပ်ငန်းရှင်နှင့် စက်ရုံရှိ အလုပ်သမားများအား တွေ့ဆုံ၍ စားသုံးသူအကာအကွယ်ရေး အသိပညာ ပေးဟောပြောပွဲ ကျင်းပခဲ့ပါသည်။

          အဆိုပါ “MO” သောက်ရေသန့် လုပ်ငန်းရှင်အား စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ အဓိပ္ပါယ်ဖွင့်ဆိုချက်များ၊ စီးပွားရေးလုပ်ငန်းရှင်၏တာဝန်များနှင့် လိုက်နာရမည့်အချက်များကို အသိပညာပေးဆွေးနွေးကာ ဥပဒေ အခန်း(၁၈)ပါ ကုန်အညွှန်းအမှတ်အသား ဖေါ်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာ ထည့်သွင်းဖော်ပြ၍  ထုတ်လုပ်ဖြန့်ဖြူးသည့် ကုန်ပစ္စည်းများကိုသာ ရောင်းချရန် ၊ ကုန်စည် ထုတ်လုပ်သည့် စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားနှင့် ပတ်သက်၍ ဌာန၏ အတည်ပြု ချက် ရယူနိုင်ရေးဆောင်ရွက်ကြရန် နှင့်  အလုပ်သမားများအား စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ် ဖွင့်ဆိုချက် စားသုံးသူအခွင့်အရေး(၈)ချက် ၊ စားသုံးသူများ လိုက်နာဆောင်ရွက်ရမည့် အချက်များ နှင့် စားသုံးသူနစ်နာဆုံးရှုံးမှုရှိလျင် တိုင်ကြားနိုင်ပါကြောင်း ၊ တိုင်ကြားနိုင်သည့် နေရာများဖြစ်သည့် Facebook Page၊ DOCA Myanmar Page တွင်လည်းကောင်း ၊ မိမိတို့ဌာနခရိုင်ဦးစီးမှူးရုံး စားသုံးသူ သတင်းပြန်ကြားရေးနှင့် စားသုံးသူ တိုင်ကြားမှုလက်ခံဆောင်ရွက်ရေးစင်တာ(CICC) တွင်လည်းကောင်း ၊ မိမိတို့ဌာန Website  ဖြစ်တဲ့ www.doca.gov.mm တွင်လည်းကောင်း ၊ MPT ; mytel ;  Telenor ;  Oredoo  ; SIM Card User များအားလုံး Call Center (1535) တို့တွင်လည်းကောင်း တိုင်ကြားနိုင်ပါကြောင်း နှင့် သိလိုသည်များကို စုံစမ်းမေးမြန်းနိုင်သည့် အကြောင်းများကို စက်ရုံပိုင်ရှင်နှင့် စက်ရုံအလုပ်သမား (၈)ဦးတို့အား အကျယ်တဝင့် ရှင်းလင်းပြောကြားခဲ့ပြီး လက်ကမ်းစာစောင်များအား ဖြန့်ဝေပေးခဲ့ကြောင်း သတင်းရရှိခဲ့ပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် စားသုံးသူပြည်သူများအတွက် အန္တရာယ်ရှိကုန်စည်များ၊ စားသုံး/သုံစွဲရန်မသင့်လျော်သောကုန်စည်များ၊  စားသုံးသူကာကွယ်ရေးဥပဒေနှင့်အညီ ကုန်အညွှန်းအမှတ်အသားဖော်ပြထားခြင်းမရှိသော ကုန်စည်များ ဈေးကွက်အတွင်းရောင်းချခြင်းမရှိစေရေးနှင့်  ထုတ်ကုန်များလုံခြုံစိတ်ချရမှုရှိစေရေးအတွက် ဈေးကွက် စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိရာ (၄.၅.၂၀၂၃)ရက်နေ့၊ နေ့လယ် (၁၃:၀၀)နာရီအချိန်တွင် ရွှေဘိုမြို့၊ အမှတ်(၁၀)ရပ်ကွက်၊ သရက်ခြံရပ်ရှိ ကုန်မျိုးစုံနှင့်စတိုးဆိုင်(၁)ဆိုင်အား ဒု-ခရိုင်ဦးစီးမှူးမှ ဦးဆောင်၍ ရွှေဘိုမြို့နယ်တာဝန်ခံ၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေး ဌာနခွဲတာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် စားသုံးသူရေးရာဌာနခွဲတာဝန်ခံတို့က တရားမဝင်တင်သွင်းလာသည့် ကုန်စည်များ ရောင်းချခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

  အဆိုပါကုန်မျိုးစုံရောင်းဝယ်ရေးဆိုင်တွင် ရောင်းချသည့် ကုန်မျိုးစုံများအား ကုန်အညွှန်းအမှတ်အသားများ ပြည့်စုံစွာဖော်ပြထားခြင်းရှိ/မရှိ၊  သက်တမ်းလွန်သည့်ကုန်စည်များ ရောင်းချမှုရှိ/မရှိ စားသုံးရန်/သုံးစွဲရန်မသင့်သော ကုန်စည်များရောင်းချခြင်းရှိ/မရှိနှင့် တရားမဝင်တင်သွင်းလာသည့် ကုန်စည်များ ရောင်းချခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပြီး ရောင်းချသည့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ ကုန်အညွန်းအမှတ်အသားဖော်ပြခြင်း တွင်ပါဝင်ရမည့်အချက်များ၊ ကုန်အညွှန်းအမှတ်အသားနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများကို အသိပညာပေးဆွေးနွေးပါသည်။ ဆက်လက်၍  စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါအချက်များနှင့် မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ ကုန်အညွှန်းအမှတ်အသားများပြည့်စုံစွာဖော်ပြ၍ ဌာန၏အတည်ပြုချက် ရယူနိုင်ရေးဆောင်ရွက်ကြရန် ၊ တရားမဝင်တင်သွင်းသောကုန်စည်များ ရောင်းချခြင်းမပြုရန်၊ တရားမဝင် တင်သွင်းသောကုန်စည်များ ဈေးကွက်အတွင်းရောင်းချခြင်းဖြင့် နိုင်ငံတော်မှရသင့်ရထိုက်သော အခွန်ဘဏ္ဍာငွေဆုံးရှုံးမှုဖြစ်စေရုံသာမက အဆိုပါကုန်စည်များသည် အရည်အသွေးအာမခံချက်မရှိနိုင်ခြင်း၊ ကုန်စည်အတုများဖြစ်နေနိုင်ခြင်းနှင့် စားသုံးသူပြည်သူများအတွက် ဘေးကင်းလုံခြုံမှုမရှိနိုင်ခြင်းတို့ ဖြစ်စေနိုင်သဖြင့် ရောင်းချခြင်းမပြုကြရန် အသိပညာပေးဆွေးနွေးခဲ့ပြီးနောက် စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနက ဆောင်ရွက်နေသောလုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center (1535)သို့ ဆက်သွယ်မေးမြန်းနိုင်သည့်အကြောင်းများ အသိပညာပေးဆွေးနွေးခဲ့ပြီး စားသုံးသူကာကွယ်ရေး အသိပညာပေးလက်ကမ်းစာစောင်များ ဖြန့်ဝေခဲ့ကြကြောင်း သတင်းရရှိပါသည်။

DOCA(စစ်ကိုင်း)