သတင်းနှင့် လှုပ်ရှားမှုများ

      ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ်၌ စပါးစိုက်တောင်သူများ အထွက်တိုးစေရန်အတွက် မိုးစပါးရာသီမှစ၍ ကြဲခင်းစနစ်အစား Seeder စနစ်၊ ပျိုးထောင်စနစ်၊ တိုက်ရိုက်အစေ့ချစနစ် စိုက်ပျိုးသွားနိုင်ရေးအတွက် ဌာနဆိုင်ရာတာဝန်ရှိသူများအား အပိုင်းလိုက် နယ်မြေခွဲဝေ၍ ကြီးကြပ်ဆောင်ရွက်ရန် ဖွဲ့စည်းတာဝန်ပေးအပ်ထားသည့် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊ ငါးလုပ်ငန်းဦးစီးဌာန၊ စားသုံးသူရေးရာဦးစီးဌာန၊ စိုက်ပျိုးရေး ဦးစီးဌာန၊ လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနတို့မှ တာဝန်ရှိသူများသည် (၂၁.၄.၂၀၂၃) ရက်နေ့ကစတင်၍ သုံးခွကျေးရွာ၊ ပုကိုင်ကျေးရွာ၊ ပနွတ်ကျေးရွာ၊‌ နတ်ကင်းကျေးရွာ၊ ကလိကျေးရွာ၊ ဖအောင်းစုကျေးရွာနှင့် အိမ်ခြေလေးဆယ် ကျေးရွာများ၌ တောင်သူများနှင့်တွေ့ဆုံ၍ ဆွေးနွေး ခဲ့ကြသည်။

          အဆိုပါတွေ့ဆုံဆွေးနွေးပွဲတွင် စားသုံးသူရေးရာဦးစီးဌာန မြို့နယ်တာဝန်ခံ ဦးမျိုးမြင့်က စားသုံးသူကာကွယ်ရေး အသိပညာပေးဆောင်ရွက်ခဲ့ကြောင်း သိရှိရသည် ။

DOCA(ပဲခူး)

      စားသုံးသူရေးရာဦးစီးဌာန ၊ သာယာဝတီခရိုင် ၊ မိုးညိုမြို့၌ ခရိုင်ဦးစီးမှူး၏ လမ်းညွှန်မှုဖြင့် ၂၀.၄.၂၀၂၃ ရက်နေ့ ၊ နံနက် (၁၀:၀၀) နာရီအချိန်တွင် စည်ပင်သာယာမြို့မဈေးအတွင်းရှိ ကုန်စုံဆိုင်များတွင် ကုန်အညွှန်းအမှတ်အသား ပြည့်စုံစွာဖော်ပြခြင်း ရှိ/မရှိကို မိုးညိုမြို့နယ်တာဝန်ခံနှင့် ဝန်ထမ်းများက ဈေးကွက်စောင့်ကြည့်စစ်ဆေးခဲ့ပါသည်။

        စားသုံးသူများအား တိကျမှန်ကန်ရှင်းလင်းသော သတင်းအချက်အလက်များ သိရှိစေရေး ၊ စားသုံးသူများ ဘေးအန္တရာယ်ကင်းရှင်းစေရေး ၊ စိတ်ကျေနပ်မှုရှိစေရေးအတွက် အာမခံချက်ပေးနိုင်သည့် အရည်အသွေးမြင့်မားသော ကုန်စည် /ဝန်ဆောင်မှုများ ဖော်ဆောင်ဖြည့်ဆည်းပေးနိုင်စေရေးနှင့် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား  သိရှိလိုက်နာဆောင်ရွက်ရေး အသိပညာပေးကာ ကုန်စည်အမျိုးအစားအလိုက် သတ်မှတ်ချက်များနှင့်အညီ ပြည့်စုံစွာဖော်ပြခြင်း ရှိ/မရှိကို ဈေးကွက်စောင့်ကြည့် စစ်ဆေးပြီး လက်ကမ်းစာစောင်များ ဖြန့်ဝေခဲ့ပါကြောင်း သိရှိရသည် ။

DOCA(ပဲခူး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ် ရေးအသိပညာပေးဟောပြောပွဲများကို လစဉ် စီမံချက်များ ပြည့်မီအောင်ဆောင်ရွက်လျက်ရှိရာ (၂၆-၄-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် ရွှေဘိုခရိုင်စက်မှုကြီးကြပ်ရေးနှင့်စစ်ဆေးရေးဦးစီးဌာန၌ စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။

     အဆိုပါဟောပြောပွဲတွင် ရွှေဘိုခရိုင်၊ စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဒေါ်နှင်းနှင်းခိုင်က စားသုံးသူရေးရာဦးစီးဌာနပေါ်ပေါက်လာပုံ၊ စားသုံးသူရေးရာဦးစီးဌာန၏ဆောင်ပုဒ်၊  မျှော်မှန်းချက်၊ ရည်မှန်းချက်၊ စားသုံးသူကာကွယ်ရေးလုပ်ငန်းများကို ဥပဒေနှင့်အညီဆောင်ရွက်လျက်ရှိကြောင်း၊ စားသုံးသူကာကွယ်ရေးနှင့်ပတ်သက်သည့် အသိပညာဗဟုသုတများရရှိစေရန် ကျောင်း၊ ဈေး၊ ဌာနဆိုင်ရာ ရုံးများ၊  ရပ်ကွက်၊ ကျေးရွာများ၊  တက္ကသိုလ်/ကောလိပ်များ၊ တပ်ရင်းတပ်ဖွဲ့များကို စားသုံးသူကာကွယ်ပေးရေးအသိပညာပေးဟောပြောပွဲများဆောင်ရွက်ကြောင်း၊ စားသုံးသူများအနေဖြင့် ကုန်စည်နှင့်ဝန်ဆောင်မှုများကိုအသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များလုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးကုန်စည်များကို ဈေးကွက်စောင့်ကြည့်စစ်ဆေးများမှုများဆောင်ရွက်သည့်အပြင် စီးပွားရေးလုပ်ငန်းရှင်များအား ဥပဒေ ၂၀၁၉ပါ အချက်အလက်များကိုသိရှိနိုင်စေရန် အသိပညာပေးခြင်း၊  စားသုံးသူအခွင့်အရေးများကို အပြည့်အဝကာကွယ်နိုင်ရန်အတွက် စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ(၁၅)ရက်နေ့ တွင်ပြည်ထောင်စုလွှတ်တော်ဥပဒေအမှတ်။ ၉ ဖြင့် အတည်ပြုပြဋ္ဌာန်းခဲ့ပြီး အခန်းပေါင်း(၂၅)ခန်းနှင့် ပုဒ်မပေါင်း(၈၄)ခုပါဝင်ကြောင်း၊ ဥပဒေ ၂၀၁၉ပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏လိုက်နာရမည့်တာဝန်များကို သိရှိလိုက်နာရမည်ဖြစ်ကြောင်း၊ စားသုံးသူများသည် ကုန်စည်နှင့်ဝန်ဆောင်မှုများကိုသုံးစွဲရာတွင် နစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို Concumer Call Center (၁၅၃၅)သို့ဆက်သွယ်၍ မေးမြန်းစုံစမ်းနိုင်ပါကြောင်း၊ တိုင်ကြားစာများကို စိစစ်ညှိနှိုင်းဖြေရှင်းခဲ့ပါကြောင်းတို့ကိုရှင်းလင်းဆွေးနွေးခဲ့ရာ ဝန်ထမ်း(၁၄)ဦးတက်ရောက်ခဲ့ပြီး စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    ဖျာပုံခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးဦးထွေးသိမ်း ဦးဆောင်၍ ဘိုကလေး  မြို့နယ်တာဝန်ခံနှင့် ဝန်ထမ်းတို့သည် ၂၀၂၃ ခုနှစ်၊ (၂၁.၄.၂၀၂၃)ရက်နေ့၊ နေ့လယ်(၁၂:၀၀)နာရီအချိန်  တွင် ဘိုကလေးမြို့နယ်တာဝန်ခံရုံး၌ အုန်းသီးစိုက်ပျိုးသူတောင်သူ(၆)ဦးအား အုန်းစိုက်ပျိုးထုတ်လုပ်ခြင်းနှင့်စားသုံးသူကာကွယ်ရေး အသိပညာပေးခြင်းတို့ကို ဆောင်ရွက်ခဲ့ပါသည်။

      အဆိုပါဟောပြောပွဲတွင် ခရိုင်ဦးစီးမှူးနှင့်မြို့နယ်တာဝန်ခံတို့က တက်ရောက်လာသည့် အုန်းစိုက်ပျိုးသူများအား အုန်းအမျိုးအစားခွဲခြားခြင်း၊ ထုတ်လုပ်ခြင်း၊ အုန်းနှင့်သက်ဆိုင်သည့် ထုတ်ကုန်များ သင်တန်းပေးခြင်းတို့အပြင် ပြပွဲ၊ ပြိုင်ပွဲများပြုလုပ်ပေးမည်ဖြစ်ကြောင်း တန်ဖိုးမြင့်အုန်းသီးထုတ်ကုန်  ထုတ်လုပ်နိုင်ရေးအတွက် ပြုပြင်ထုတ်လုပ်ခြင်း ကုန်သွယ်မှုပြုနိုင်မှုများအကြောင်းဆွေးနွေးခြင်းနှင့် စားသုံးသူကာကွယ်ရေးဥပဒေအရလည်း လုပ်ငန်းရှင်၏ တာဝန်များအကြောင်း၊ အခန်း(၁၈)ပါ  ကုန်အညွှန်းအမှတ်အသားဖော်ပြချက်များအကြောင်း၊ ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများရှိလာပါက စားသုံးသူရေးရာဌာနတွင်  တိုင်ကြားနိုင်ကြောင်းနှင့် Call   Center  1535 မှတစ်ဆင့်လည်း ဆက်သွယ်တိုင်ကြားနိုင်ကြောင်း အသိပညာပေး ဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိရာ (၂၅-၄-၂၀၂၃) ရက်နေ့၊ (၁၃:၀၀) နာရီအချိန်တွင် ခရိုင်ဦးစီးမှူးသည် ရွှေဘိုမြို့၊ ပဂိုးကုန်းကျေးရွာရှိ စက်သုံးဆီရောင်းဝယ်ရေးနှင့် ဆန်စက်လုပ်ငန်းရှင်အား တွေ့ဆုံဆွေးနွေးခဲ့ပါသည်။

     ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးက စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်ရေးဖွံ့ဖြိုးမှုလုပ်ငန်းများကို ဆောင်ရွက်လျက်ရှိကြောင်း၊ စားသုံးသူကာကွယ်ရေးလုပ်ငန်းများကိုဆောင်ရွက်ရာတွင် စားသုံးသူကာကွယ်ရေးဥပဒေ ၂၀၁၉နှင့် နည်းဥပဒေ ၂၀၁၉ပါ ပြဋ္ဌာန်းချက်များနှင့်အညီ ဆောင်ရွက်လျက်ရှိကြောင်း၊ ကုန်စည်ကိုထုတ်လုပ်သည့် စီးပွားရေးလုပ်ငန်းရှင်များအနေဖြင့် မိမိထုတ်လုပ်သည့်ကုန်စည်ပေါ်တွင် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)တွင် ပြဌာန်းထားသည့်ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြ၍ ထုတ်လုပ်ရောင်းချရမည်ဖြစ်ကြောင်း၊ ကုန်အညွှန်းအမှတ်အသားများပြည့်စုံစွာဖော်ပြ၍ ဌာန၏အတည်ပြုချက်ရယူကြရန်လိုအပ်ကြောင်း၊  ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းအရာများ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များနှင့် စက်သုံးဆီရောင်းချရာ၌ (LED ဘုတ်)တွင် ကြေညာထားသည့်ဈေးနှုန်းနှင့်ရောင်းချသည့်ဈေးနှုန်းများ ကွာခြားမှုမရှိစေရေး အလေးထား၍ကြီးကြပ်ဆောင်ရွက်ရန်ဆွေးနွေးခဲ့ကြောင်း  သတင်းရရှိပါသည်။

DOCA(ရှမ်း)