သတင်းနှင့် လှုပ်ရှားမှုများ

    ပဲခူးတိုင်းဒေသကြီး အစိုးရအဖွဲ့ ၊ ဝန်ကြီးချုပ်၏ လမ်းညွှန်မှုဖြင့် စိုက်ပျိုး ၊ မွေးမြူရေးနှင့် ကုန်ထုတ်လုပ်မှုလုပ်ငန်းများ တိုးတက်ဖွံ့ဖြိုးရေးအတွက် ပဲခူးတိုင်းဒေသကြီးအတွင်း ကဏ္ဍအလိုက် ဌာနဆိုင်ရာများနှင့်ပူးပေါင်း၍ ပဲခူးတိုင်းဒေသကြီး ၊ စားသုံးသူရေးရာဦးစီးဌာနရှိ ဝန်ထမ်းများမှ ခရီုင် ၊ မြို့နယ်အလိုက် ကျေးရွာများသို့ ကွင်းဆင်းဟောပြောလျက်ရှိပါသည်။

     ထိုသို့ ကွင်းဆင်းဟောပြောခြင်းများ ဆောင်ရွက်ရာတွင် စိုက်ပျိုးထုတ်လုပ်သူများ ၊ စီးပွားရေးလုပ်ငန်းရှင်များ ၊ မွေးမြူရေးလုပ်ငန်းရှင်များအား စားသုံးသူကာကွယ်ရေးဆိုင်ရာ အသိပညာ ပေးခြင်းများ ၊ ပြည်တွင်းကုန်သွယ်ရေး ဖွံ့ဖြိုးမှုဆိုင်ရာ ကုန်ထုတ်လုပ်မှု ဖွံ့ဖြိုး တိုးတက် ရေးဆိုင်ရာ ကဏ္ဍများနှင့် စားသုံးဆီသုံးစွဲမှု လျော့ချသွားရန် အသိပညာပေးခြင်းများ ၊ စားသုံးဆီ ပိုမိုသုံးစွဲမှုကြောင့် ဖြစ်ပေါ်လာနိုင်သည့် ဘေးထွက်ဆိုးကျိုးများကို အသိပညာပေးခြင်း ၊ အသင်း အဖွဲ့ဆောင်ရွက်ရန် အခြေအနေများ ၊ တစ်ရာသီသုံးသီးစိုက်ပျိုးခြင်းဖြင့် အကျိုးအမြတ် ရရှိနိုင်မှု အခြေအနေများကို ဆွေးနွေးဟောပြောကြကြောင်း သိရှိရပါသည် ။

   ပဲခူးတိုင်းဒေသကြီးအတွင်းရှိ ခရိုင် ၊ မြို့နယ်များရှိ ကျေးရွာများတွင် ဩဂုတ်လအတွင်း မြို့နယ် (၁၀)မြို့နယ် ၊ ကျေးရွာ (၅၃)ရွာ ၊ တောင်သူလုပ်ငန်းရှင် (၃၂၇၈)ဦးကို ဆွေးနွေး ဟောပြောပြီးကြောင်း သတင်းရရှိပါသည်။

DOCA(ပဲခူး)

     ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် ပဲခူးတိုင်းဒေသကြီး ၊  စားသုံးသူရေးရာဦးစီးဌာနနှင့် ပဲခူးတိုင်းဒေသကြီး ၊ ဆန်စက်လုပ်ငန်းရှင်များ အသင်းတို့၏ ပူးပေါင်းဆောင်ရွက်မှုအရ သနင်ပင် မြို့နယ်တွင် ဆင်းသွယ်လတ် ၊ ဆန်သား ၉၀ ရာနှုန်း အိတ် (၁၅၀)အား သနပ်ပင် မြို့နယ်အတွင်း အထွေထွေအုပ်ချုပ်ရေး ဦးစီးဌာန ၊ မြို့နယ်စည်ပင်သာယာရေးအဖွဲ့ ၊ စားသုံးသူရေးရာ ဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိ ဝန်ထမ်းများ ပူးပေါင်းပြီး (၁၅.၈.၂၀၂၂) ရက်နေ့မှ (၂၁.၈.၂၀၂၂) ရက်နေ့ထိ သနပ်ပင်မြို့မ ၊ စျေးပိုင်ရပ်ကွက် ၊ မြို့မစျေးနှင့် မြို့ပေါ်ရပ်ကွက်ရှိ အုပ်ချုပ်ရေးမှူးရုံးများတွင် ဆန်(၁)ပြည်လျှင် သက်သာသည့်စျေးနှုန်း (၁၆၀၀) ကျပ်ဖြင့် ရောင်းချပေးလျှက်ရှိပြီး အခြေခံစားသုံးသူများမှ ဝယ်ယူလျှက်ရှိကြောင်း သိရှိရပါသည်။ သနပ်ပင် မြို့နယ်အတွင်းရှိ စားသုံးသူပြည်သူများသို့ စုစုပေါင်း ဆန်အိတ် (၁၅၀) ရောင်းချပေးပြီး ဖြစ်ပါကြောင်း သိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ပြည်ခရိုင်၊ ရွှေတောင်မြို့နယ် တာဝန်ခံ ဦးအောင်နိုင်ဦးနှင့် ဝန်ထမ်းများသည် (၇.၉.၂၀၂၂) နေ့ နံနက် (၉:၀၀)အချိန်တွင် ရွှေတောင်မြို့၊ အောင်မြေသာရပ်ကွက်၊ (အ.လ.က) ချည်မျှင်ကျောင်း၌ ရွှေတောင်မြို့နယ် ကျောင်းကျန်းမာရေးကော်မတီအဖွဲ့ဝင်များနှင့် ပူးပေါင်း၍ စားသုံးသူအသိပညာပေး ဟောပြောပွဲ ကျင်းပ ပြုလုပ်ခဲ့ပါသည်။

   ထိုသို့ စားသုံးသူအသိပညာပေးဟောပြောပွဲတွင် စားသုံးသူရေးရာဦးစီးဌာန ရွှေတောင်မြို့ နယ်တာဝန်ခံ ဦးအောင်နိုင်ဦးမှ စားသုံးသူ၏ အဓိပ္ပါယ်၊ စားသုံးသူကာကွယ်ရေး လုပ်ငန်းများ အကြောင်း၊ အစားအသောက်နှင့် ကုန်စည်များကို ဘေးအန္တရာယ်ကင်းစွာ ဝယ်ယူစားသောက် တက်စေရန်၊ စားသုံးသူကာကွယ်ရေးဥပဒေတွင်ပါဝင်သော ကုန်အညွှန်းအမှတ်အသားပါ အချက်အလက်များကို ရှင်းလင်းဆွေးနွေးဟောပြောခဲ့ပါသည်။ အဆိုပါဟောပြောပွဲတွင် ကျောင်းသား/ ကျောင်းသူ (၂၀၀)ဦးနှင့် ဆရာ/ဆရာမ (၁၃)ဦး စုစုပေါင်း (၂၁၃)ဦးတက်ရောက်ခဲ့ကြောင်း သိရပါသည်။

DOCA(ပဲခူး)

     ပဲခူးတိုင်း‌‌ဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးဦးမျိုးအောင်သည် ခရိုင်ဦးစီးမှူးရုံးမှ စားသုံး/ထုတ်လုံတာဝန်ခံ ဦးမင်းဇော်၊ မြို့နယ်တာဝန်ခံ ဦးမြင့်သူတို့နှင့်အတူ ဩဂုတ်လ ၃၀ ရက်နေ့ က Diamond Dragon Co.,Ltd က တောင်ငူမြို့ အခြေခံလူတန်းစားများရာ ရပ်ကွက်များတွင် စားသုံးဆီများအား သက်သာသောဈေးနှုန်းဖြင့် ရောင်းချနေမှုများကို ကြီးကြပ်ဆောင်ရွက်ပေးပါသည်။

     Diamond Dragon Co.,Ltd သည် စားသုံးဆီ ၅၀ ကျပ်သား တစ်ဘူးလျှင် ၃၁၀၀ ကျပ်၊ (တစ်ပိဿာလျှင် ၆၂၀၀ ကျပ်)နှုန်းဖြင့် တောင်ငူမြို့ အမှတ် ၁၈ ရပ်ကွက်၊ ငွေလှံအိုးကုန်းတွင် စားသုံးဆီပိဿာ ၆၆၀ ကိုလည်းကောင်း၊ အမှတ် ၂၂ ရပ်ကွက်၊ မင်းကြီးညိုတွင်  စားသုံးဆီပိဿာ ၆၆၀ ကိုလည်းကောင်း ရောင်းချပေးခဲ့ပါသည်။ ၎င်းကုမ္ပဏီသည် တောင်ငူခရိုင်အတွင်း အခြေခံ လူတန်းစားများသို့ စားသုံးဆီများကို သက်သာသောနှုန်းထားဖြင့် ရောင်းချပေးလျှက်ရှိရာ ဩဂုတ်လ ၃၀ ရက်နေ့အထိ ၈၉၃၂ ပိဿာကို ရောင်းချပေးပြီးဖြစ်ပါသည်။

    စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီနှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် တောင်ငူခရိုင် စားသုံးသူရေးရာဦးစီးဌာန နှင့် တောင်ငူခရိုင်မှ ဆီကုန်သည်များပူးပေါင်း၍ တရားဝင်တင်သွင်း ဖြန့်ဖြူးရောင်းချနေသည့် စားအုန်းဆီများကို ကော်မတီမှ အပတ်စဉ်ထုတ်ပြန်ကြေညာလျှက်ရှိသည့် သတ်မှတ်ရည်ညွှန်း ဈေးနှုန်းအပေါ် ဒေသအလိုက် သယ်ယူပို့ဆောင်ခ ကုန်ကျစရိတ်များ ထပ်ပေါင်း၍ အခြေခံ လူတန်းစားများသို့ ဖြစ်သင့်ဖြစ်ထိုက်သည့် ဈေးနှုန်းများဖြင့် စားသုံးဆီများရောင်းချခြင်းကို ဆောင်ရွက်လျှက်ရှိကြောင်း သိရပါသည်။

DOCA(ပဲခူး)

   ပဲခူးတိုင်း‌‌ဒေသကြီး၊ တောင်ငူမြို့နယ် အားကစားနှင့်ကာယပညာဦးစီးဌာနက ကြီးမှူးကျင်းပသည့် လူငယ်ရေး အသိပညာပေးဟောပြောပွဲကို စက်တင်ဘာ ၇ ရက်နေ့ နံနက်ပိုင်းက တောင်ငူမြို့ အမှတ်(၂)အခြေခံ ပညာအထက်တန်းကျောင်း ဖိုးကွန်းခန်းမ၌ ကျင်းပြုလုပ်ရာ စားသုံးသူရေးရာဦးစီးဌာန၊ တောင်ငူ ခရိုင်ဦးစီးမှူးရုံးမှ ဦးစီးမှူး ဦးစောသန်းထိုက်ကျော်တက်ရောက်၍ စားသုံးသူကာကွယ်ရေးဆိုင်ရာ များကို အသိပညာပေး ဟောပြောခဲ့ပါသည်။

   အခမ်းအနားတွင် စားသုံးသူရေးရာဦးစီးဌာန တောင်ငူခရိုင်ဦးစီးမှူးရုံးမှ ဦးစောသန်းထိုက် ကျော်က စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးနှင့်တာဝန်များ၊ စားသုံးသူနစ်နာဆုံးရှုံမှုမရှိစေရေးအတွက် စစ်ဆေးရေးအရာရှိများက ဈေးကွက်အတွင်း ကွင်းဆင်း လေ့လာစောင့်ကြည့်နေမှုများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများ ဖတ်ရှု သင့်ပုံများနှင့် စားသုံးသူနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်ခြင်းများကို ရှင်းလင်းဟော ပြောပါသည်။

     ထို့အတူ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်သူဇာဝင်း က စာဖတ်ခြင်း၏ အကျိုးကျေးဇူးနှင့် မူးယစ်ဆေးဝါး အန္တရာယ်များကို လည်းကောင်း၊ အားကစား နှင့် ကာယပညာဦးစီးဌာနမှ အားကစားမှူး ဒေါ်သူဇာထွေးက အားကစားလှုပ်ရှားခြင်း၏ အကျိုး ကျေးဇူးများကို လည်းကောင်း ဟောပြောခဲ့ကြောင်းနှင့် ဟောပြောပွဲသို့ ကျောင်းသားကျောင်းသူ ၂၅၀ ဦး တက်ရောက်ကြောင်း သိရှိရပါသည်။

DOCA(ပဲခူး)