သတင်းနှင့် လှုပ်ရှားမှုများ

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ တမူးမြို့နယ် တာဝန်ခံဦးစွမ်းရည် (ဦးစီးမှူး)သည် ဧပြီလ ( ၂၅ ) ရက်နေ့ နံနက်(၁၀:၃၀)နာရီ အချိန်တွင် စော်ဘွား-၈ရပ်ကွက်ရှိ မိုက်ခရိုဆော့ဖ်ကွန်ပျူတာသင်တန်းကျောင်းသို့  သွားရောက်၍ အသိပညာပေး ဟောပြောပွဲ ကျင်းပပြုလုပ်ခဲ့ရာ သင်တန်းသား/သူ (၁၀)ဦးတက်ရောက်ခဲ့ကြောင်း သိရှိရပါသည်။

     အဆိုပါဟောပြောပွဲတွင်  မိုက်ခရိုဆော့ဖ်ကွန်ပျူတာသင်တန်းကျောင်းမှ သင်တန်းဆရာ ဉီးရွှေသိန်းစိုးမှ အဖွင့်အမှာစကားပြောကြားပြီး စားသုံးသူရေးရာဉီးစီးဌာန၊  တမူးမြို့နယ်တာဝန်ခံ၊ ဦးစွမ်းရည် (ဦးစီးမှူး)မှ  စားသုံးသူရေးရာဉီးစီးဌာန၏ ဥပဒေစာအုပ်ပါ အခန်း ( ၁၃ ) တွင်ပါရှိသည့် ဝန်ဆောင်မှုနှင့် စပ်လျဉ်း၍ အာမခံချက်ပေးခြင်းအကြောင်းအရာများကို ဆွေးနွေးပြောကြားခဲ့ပါ သည်။ ဆွေးနွေးပြောကြားရာတွင် မိုက်ခရိုဆော့ဖ်ကွန်ပျူတာသင်တန်း၏ဝန်ဆောင်မှုနှင့် ပတ်သက်သည့်အချက်အလက်များကို စားသုံးသူများသိရှိစေရန် ကြိုတင်အသိပေးရန်နှင့် မှန်ကန်သော သတင်းအချက်အလက်နှင့် ပြည့်စုံသော ဝန်ဆောင်မှုအဆင့်အတန်းနှင့်အညီ ပြည့်ဝစွာပေးရန်နှင့်  မိမိတို့၏ သင်တန်းမှ အာမခံချက်များပေးထားသည့်အတိုင်း ဆောင်ရွက်ပေးရမည်ဖြစ်ပါကြောင်း ရှင်းလင်းဆွေးနွေးပြောကြားခဲ့ပြီး စားသုံးသူများအနေဖြင့် ကုန်စည်၊ ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုများနှင့် ကြုံတွေ့ရပါက စားသုံးသူရေးရာဦးစီးဌာန၊ ခရိုင်ဦးစီးမှူးရုံးများတွင် ( CICC ) စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ ဖွင့်လှစ်ထားရှိပြီးဖြစ်၍ နစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် အခြားသူများ နစ်နာဆုံးရှုံးစေရန် ရည်ရွယ်၍ တိုင်ကြာမှုမျိုးမဟုတ်ဘဲ မိမိတို့ဘက်မှ အမှန်တစ်ကယ် နစ်နာဆုံးရှုံးမှုများရှိမှသာ တိုင်ကြားနိုင်ပါ ကြောင်း အသိပညာပေး ဆွေးနွေးပြောကြားခဲ့ပါသည်။

DOCA(စစ်ကိုင်း)

    မကွေးတိုင်းဒေသကြီး၊ မကွေးခရိုင်၊ နတ်မောက်မြို့နယ်အတွင်းရှိ ဒေသခံပြည်သူများ စားသောက်ကုန်ပစ္စည်းများဝယ်ယူစားသုံးရာတွင်  ဘေးအန္တရာယ်ကင်းရှင်းစေရန်အတွက် နတ်မောက်မြို့နယ်တာဝန်ခံသည် (၂၄-၄၀-၂၀၂၃) ရက်နေ့၊ နံနက် (၁၀း၃၀) နာရီချိန်၌ နတ်မောက်မြို့၊ မြို့မစျေးတွင် မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့်ပူးပေါင်း၍ အစားအသောက်နှင့်ဆေးဝါးကွပ်ကဲရေးဦးစီးဌာန (FDA) က စားသုံးရန်မသင့်ဟု ထုတ်ပြန်ထားသောစားသောက်ကုန်များအား စျေးကွက်အတွင်းရောင်းချမှုရှိ/မရှိနှင့် ဌာန၏ကုန်အညွှန်းအမှတ်အသားဖော်ပြချက်ပြည့်စုံမှုရှိ/မရှိတို့အား ဈေးကွက်စောင့်ကြည့်စစ်ဆေးမှုများဆောင်ရွက်ခဲ့ပါသည်။

      ထိုသို့ ကွင်းဆင်းစစ်ဆေးရာတွင်  နတ်မောက်မြို့နယ်တာဝန်ခံ ဦးအောင်ဖြိုးဝေ(ဒု-ဦးစီးမှူး)က စျေးဆိုင်များ၌ ကုန်ပစ္စည်းရောင်းချသူများလည်း စားသုံးသူများဖြစ်ကြောင်း၊ ဒေသခံဝယ်ယူအားပေးကြသော ပြည်သူများမှာလည်း စားသုံးသူများဖြစ်ပါကြောင်း၊ ကုန်အညွှန်းအမှတ်အသားနှင့်ပတ်သက်၍ ဌာနမှထုတ်ပြန်ထားသော စည်းမျဉ်းစည်းကမ်းများကိုလည်း လိုက်နာဆောင်ရွက်စေလိုပါကြောင်း၊  တားမြစ်ထားသောစားသောက်ကုန်များ၊ လူသုံးကုန်ပစ္စည်းများကိုလည်း ဖြန့်ဖြူးရောင်းချခြင်းမပြုလုပ်ကြရန်နှင့် စစ်ဆေးတွေ့ရှိပါက စားသုံးသူကာကွယ်ရေးဥပဒေ ၂၀၁၉အရ အရေးယူဆောင်ရွက်သွားမည်ဖြစ်ကြောင်း အသိပညာပေးပြောကြားခဲ့ပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

DOCA(မကွေး)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးမှူး ဦးပိုးဖြူပိုင်မင်းနှင့် မိတ်ဖက်ဌာနဆိုင်ရာများသည် (၁၈-၄-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ပန်းတနော်မြို့နယ်မြို့မဈေးအတွင်းရှိ “မိဘရိပ်မွန်” ကုန်ခြောက်ဆိုင်တွင် ရောင်းချနေသောစားသောက်ကုန်များအား ဈေးကွက်စောင့်ကြည့်စစ်ဆေးခဲ့ကြပါသည်။

  အဆိုပါ ဈေးကွက်စောင့်ကြည့်စစ်ဆေးမှုတွင် ပန်းတနော်မြို့နယ်ဦးစီးမှူး ဦးပိုးဖြူပိုင်မင်းက ပန်းတနော်မြို့နယ်ရှိ ဒေါ်မွန်ရည်အောင် “မိဘရိပ်မွန်” ကုန်ခြောက် ဆိုင်ရှင်အားတွေ့ဆုံ၍ မိမိတို့စားသုံးသူရေးရာဦးစီးဌာနသည် စားသုံးသူပြည်သူများဘေးအန္တရာယ်ကင်းရှင်းစွာစားသုံးနိုင်ရေးနှင့် အသုံးပြုနိုင်ရေးအတွက် လစဉ် စစ်ဆေးရေးအရာရှိများက အခြေခံစားသောက်ကုန်များ၊ မုန့်၊ အလှကုန်နှင့် ဆေးဝါးပစ္စည်းအမျိုးမျိုးကို ဈေးကွက်စောင့်ကြည့်စစ်ဆေးလျက်ရှိပါကြောင်း၊ လိုအပ်ပါက မိတ်ဖက်ဌာနများနှင့်အတူ ကွင်းဆင်းစစ်ဆေးဆောင်ရွက်လျက်ရှိကြောင်းနှင့် ရောင်းချနေသောကုန်စည်များတွင် ကုန်အညွှန်းအမှတ်အသားဖော်ပြရာတွင် ပြည်စုံစွာဖော်ပြပါဝင်ခြင်းရှိ/မရှိနှင့် အခြေခံစားသောက်ကုန်စည်အမျိုးအစားအလိုက် သတ်မှတ်ချက်နှင့်အညီ မြန်မာဘာသာဖြင့် သိသာစွာဖော်ပြရမည့် ကုန်စည်၏အမျိုးအမည်၊ အရွည်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်းနှင့် သက်ဆိုင်ရာဌာနများ၏ သတ်မှတ်ထောက်ခံချက်များဖော်ပြပါဝင်ခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခဲ့ကြပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် တာဝန်ရှိသူများသည် (၂၆-၄-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် ကျိုင်းတုံမြို့၊ ကတ်ဖအုပ်စု၊ ကတ်ဖကျေးရွာအတွင်းရှိ “ကျောက်စိမ်း” အမှတ်တံဆိပ် သောက်ရေသန့်ထုတ်လုပ်ရေးစက်ရုံအား ထုတ်ကုန်များလုံခြုံစိတ်ချရမှုရှိစေရေး၊ ကုန်အညွှန်းအမှတ်အသားပြည့်စုံစွာဖော်ပြပါရှိရေးတို့နှင့်ပတ်သက်၍ ဈေးကွက်စောင့်ကြည့်စစ်ဆေးခဲ့ပြီး သောက်ရေသန့်ထုတ်လုပ်သည့် စီးပွားရေးလုပ်ငန်းရှင်အား တွေ့ဆုံဆွေးနွေးခဲ့ပါသည်။

     ထိုသို့ ဆောင်ရွက်ရာတွင် “ကျောက်စိမ်း” အမှတ်တံဆိပ် သောက်ရေသန့်ထုတ်လုပ်ရေးလုပ်ငန်းအနေဖြင့် သက်ဆိုင်ရာဌာန၏ထောက်ခံချက်များပါရှိပြီး ကုန်အညွှန်းအမှတ်အသားပြည့်စုံစွာဖော်ပြထားသည်ကို တွေ့ရှိရပါသည်။

      ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသုံးသူကာကွယ်ရေးဥပဒေ ၂၀၁၉၊ အခန်း (၁၀) ပါ “စီးပွားရေးလုပ်ငန်းရှင်၏တာဝန်များ” ကို သိရှိလိုက်နာဆောင်ရွက်နိုင်ရန် အသိပညာပေးဆွေးနွေးမှုများဆောင်ရွက်ခဲ့ပါသည်။ 

DOCA(ရှမ်း)

    (၂၄-၄-၂၀၂၃) ရက်နေ့တွင် စားသုံးသူရေးရာဦးစီးဌာန၊ မုဒုံမြို့နယ်တာဝန်ခံနှင့် မုဒုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ မုဒုံမြို့နယ်ရှိ ရက္ကန်းသင်တန်းကျောင်း၌ စားသုံးသူကာကွယ်ရေးအသိပညာပေးဟောပြောဆွေးနွေးပွဲကျင်းပပြုလုပ်ခဲ့ကြောင်း သိရှိရပါသည်။

     အဆိုပါ ဟောပြောဆွေးနွေးပွဲတွင် ရက္ကန်းသင်တန်းကျောင်းအုပ်ဆရာမကြီးက အဖွင့်အမှာစကားပြောကြားခဲ့ပြီးနောက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိက စာဖတ်ခြင်းအကျိုးကျေးဇူးနှင့်ပတ်သက်၍ သိကောင်းစရာများအား ဟောပြောဆွေးနွေးခဲ့ပါသည်။ ထို့နောက် စားသုံးသူရေးရာဦးစီးဌာန၊ မုဒုံမြို့နယ်တာဝန်ခံက စားသုံးသူအခွင့်အရေးနှင့်တာဝန်များ၊ ဝန်ဆောင်မှုအကြောင်းသိကောင်းစရာများ၊ ကုန်အညွှန်းအမှတ်အသားဖော်ပြချက်နှင့်ပတ်သက်သည့်အကြောင်းအရာများ၊ Online Shopping နှင့်ပတ်သက်၍ သတိပြုရမည့်အချက်များ၊ စားသုံးသူနစ်နာဆုံးရှုံးမှုအတွက်  တိုင်ကြားနိုင်သည့်နေရာများ၊ Website ၊ Facebook Page Call Center နှင့်ပတ်သက်သည့်အကြောင်းအရာများအား ဟောပြောဆွေးနွေးခဲ့ပါသည်။ အဆိုပါ ဟောပြောဆွေးနွေးပွဲသို့ သင်တန်းသူ (၂၀) ဦးတက်ရောက်ခဲ့ကြောင်း သိရှိရပါသည်။

DOCA(မွန်)