သတင်းနှင့် လှုပ်ရှားမှုများ

      ၂၀၂၅ ခုနှစ်၊ ဇူလိုင် လ ၁၉ ရက်‌နေ့၊ နံနက် ၁၁း၃၀ နာရီအချိန်တွင် တနင်္သာရီတိုင်းဒေသကြီး၊  ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ဟိုင်းဝေးကားဂိတ် ယာဉ်ရပ်နားစခန်းသို့  မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှ စီစဥ်မှုဖြင့် Myanmar Oil Alliance Co,ltd ကုမ္ပဏီမှ တင်ပို့ရောင်းချသည့် တစ်ပေပါ လျှင် ၁၁၀ ပိဿာပါ စားအုန်းဆီ (၇၂)ပေပါကို ယာဥ်မောင်း ဦးရဲနိုင်ဦး၊ မော်တော်ယာဥ်အမှတ် 2I-7044 Nissan Diesel အမျိုးအစား မော်တော်ယာဥ်ဖြင့် ရောက်ရှိလာရာ တိုင်းဒေသကြီး စားသုံးသူရေးရာဦးစီးမှူး ဦးစိုးဦးနှင့် တာဝန်ရှိသူများက သွားရောက်စစ်ဆေးခဲ့ပြီး အဆိုပါစားအုန်းဆီ (၇၂)ပေပါအား ထားဝယ်မြို့ အိုးလုပ်ရပ်ကွက်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင် ကုန်စုံဆိုင်အပါအဝင် အထိုင်ရောင်းချနေသည့် လက်လီဆိုင် ၁၅ ဆိုင်တို့မှ သတ်မှတ်ရည်ညွှန်းဈေးအတိုင်း စားသုံးသူပြည်သူများသို့ ခွဲဝေရောင်းချပေးသွားမည် ဖြစ်ကြောင်း သိရှိရပါသည်။

DOCA(တနင်္သာရီ)

    ကလေးမြို့၊ အ.ထ.က( ၃ )ကျောင်းသို့ ( ၁၈.၇.၂၀၂၅ )ရက်နေ့၌ လူကုန်ကူးမှုတားဆီးနှိမ်နင်း ရေးရဲတပ်ဖွဲ့၊ မြန်မာနိုင်ငံရဲတပ်ဖွဲ့ယာဉ်ထိန်းရဲတပ်ဖွဲ့၊ အမှတ်(၅)မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့စုတို့နှင့်အတူ ကလေးခရိုင်စားသုံးသူရေးရာဦးစီးဌာနမှ ဝန်ထမ်းများနှင့်အတူ သွားရောက်၍ ဆရာ/ ဆရာမ (၅၅)ဦး၊ ကျောင်းသား/ ကျောင်းသူ( ၁၅၀ ) ဦး စုစုပေါင်း ( ၂၀၅ ) တို့အား အသိပညာ ပေးဟောပြောခဲ့ပါသည်။

        အသိပညာပေးဟောပြောပွဲတွင် ဦးစွာပထမ အ.ထ.က(၃)ကျောင်းရှိ ကျောင်းဆရာကြီး ဦးဇော်ဝင်းမှ အဖွင့်အမှာစကားပြောကြားပြီး လူကုန်ကူးမှုတားဆီးရေးရဲတပ်ဖွဲ့၊ ဒုရဲမှူး ကျော်ဝင်းသန်းမှ လူကုန်ကူးမှုဆိုသည်မှာ လူတစ်ဦးသည် အခြားလူတစ်ဦးကို အဓ္ဓမပြည့်တန်ဆာ လုပ်ခိုင်းခြင်း၊ အခြားကာမဆိုင်ရာကိစ္စတစ်မျိုးမျိုးပြုလုပ်ခိုင်းခြင်း၊ အဓ္ဓမအလုပ်ခိုင်းစေခြင်း၊ အဓ္ဓမ လက်ထပ်ထိမ်းမြားခြင်း၊ ကျွန်ပြုခြင်း၊ ကျေးကျွန်ကဲ့သို့ခိုင်းစေခြင်း၊ ကြွေးမြီဖြင့်နှောင်ဖွဲ့ခိုင်းစေခြင်း၊ အခြားသူတစ်ယောက်၏ ခန္ဓာကိုယ်အစိတ်အပိုင်းအား ထုတ်ယူဖယ်ရှားခြင်း၊ ရောင်းစားခြင်းစသည် တို့ကိုပြုရာမှ ငွေကြေးကိုသော်လည်းကောင်း၊ အကျိုးအမြတ်တစ်စုံတစ်ရာကိုသော်လည်းကောင်း လက်ခံခြင်း(သို့မဟုတ်) လက်ခံရယူရန်သဘောတူခြင်းတို့ကို ဆွေးနွေးပြောကြားပြီး၊ မြန်မာနိုင်ငံ ရဲတပ်ဖွဲ့ယာဉ်ထိန်းရဲတပ်ဖွဲ့ အမှတ်-၁၀၈ ယာဉ်ထိန်းရဲ ရဲအုပ်ကျော်ညွှန့်စိုးက စည်းကမ်းလိုက်နာ ဘေးကင်းကွာ၊ စည်းကမ်းဆိုတာလူ၏တန်ဖိုးဖြစ်ပြီး ယာဉ်အန္တရာယ်၊ လမ်းအန္တရာယ်ကင်းရှင်းရေး၊ ယာဉ်စည်းမ်း၊ လမ်းစည်းကမ်းနှင့် လမ်းကိုအသုံးပြုသူတိုင်း ယာဉ်အန္တရာယ်ကင်းရှင်းရေးအတွက် ယာဉ်စည်းကမ်း၊ လမ်းစည်းကမ်းများကို မလွဲမသွေလိုက်နာရမည့်အကြောင်း၊ ဆိုင်ကယ်စီးလျှင် ဆိုင်ကယ်ဦးထုပ်ဆောင်းခြင်းဖြင့်ကာကွယ်ရမည့်အကြောင်း၊ အမှတ်-၅ မူးယစ်ဆေးဝါးတားဆီး နှိမ်နှင်းရေးရဲတပ်ဖွဲ့စု ဒုရဲမှူး မင်းဆွေမှ  မူးယစ်ဆေးဝါးဆိုသည်မှာ ဦးနှောက်နှင့်အာရုံကြောကို ထိခိုက်ထုံထိုင်း/ မူးယစ်/ ရူးသွပ်စေခြင်း၊ ခန္ဓာကိုယ်ကို တစ်နည်းနည်းဖြင့် အန္တရာယ်ဖြစ်စေခြေင်း၊ ဆေးဝါးပေါ်စိတ်ရောကိုယ်ပါစွဲလမ်းမှုဖြစ်စေပြီး မသုံးစွဲဘဲမနေနိုင်သော ဆေးဝါးများဖြစ်ကြောင်း၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးအဓိပ္ပာယ်၊ မူးယစ်ဆေးဝါးအဓိက အုပ်စုကြီး (၃)ခုအကြောင်းနှင့် ကလေးခရိုင်စားသုံးသူရေးရာဦးစီးဌာန၊ ဒေါ်သိမ့်သိမ့်ထွန်း ဒု-ဦးစီးမှူးမှ ကျောင်းသား/ကျောင်းသူများ( အခြေခံပညာ ) သိသင့်သည့် စားသုံးသူကာကွယ်ရေးအသိပညာ အကြောင်းအရာများခေါင်းစဉ်မှ ဘေးအန္တရာယ်ကင်းရှင်းစွာ အသုံးပြုနိုင်ခွင့်ရှိခြင်း၊ သတင်းအချက် အလက် ပြည့်စုံမှန်ကန်စွာ သိရှိခွင့်နှင့်ပြေစာ(သို့) အထောက်အထားရယူခွင့်ရှိခြင်း၊ စိတ်ကြိုက်ရွှေး ချယ်ဝယ်ယူခွင့်ရှိခြင်း၊ ကုန်စည်နှင့်ဝန်ဆောင်မှုများနှင့် စက်လျဉ်း၍အခြေခံ လိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ နစ်နာဆုံးရှုံးမှုများကိုရှင်းလင်းတင်ပြခွင့်နှင့် တိုင်ကြားခွင့်ရရှိစေခြင်း၊ အသိ ပညာ၊ အခွင့်အရေးနှင့်အချက်အလက်များကို လေ့လာနိုင်ခွင့်ရှိခြင်း၊ နစ်နာဆုံးရှုံးမှုများကို ပြန်လည် ကုစားခွင့်ရရှိခြင်း၊ ကောင်းမွန်သောလူနေမှုအဆင့်တန်းနှင့် ပတ်ဝန်းကျင်တွင် နေထိုင်နိုင်ခွင့်ရှိခြင်း နှင့် ကုန်အညွှန်းအမှတ်အသားဖော်ပြခြင်းစသည့် အကြောင်းအရာများကို ရှင်းလင်းပြောကြားခဲ့ပြီး သက်ဆိုင်ရာဌာနအသီးသီးမှ Projector ဖြင့်မိမိတို့ဌာန၏ အသိပညာပေးလိုသည့် Video ဖိုင်များပြသ၍ ရှင်းလင်းခဲ့ကြကြောင်း သတင်းရရှိရပါသည်။

DOCA(စစ်ကိုင်း)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၄) ရက်နေ့၊ နေ့လယ် (၁၂:၀၀) နာရီအချိန်တွင် ဒေးဒရဲမြို့မဈေးကြီးအတွင်းရှိ ကုန်မျိုးစုံအရောင်းဆိုင်များတွင် စားအုန်းဆီများ ရည်ညွှန်းဈေးဖြင့် ဆိုင်းဘုတ်တင်ရောင်းချခြင်းရှိ/မရှိ တို့ကို ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် မြို့နယ်တာဝန်ခံမှ လက်လီ/လက်ကား ကိုယ်စားလှယ်များအနေဖြင့် ခွဲတမ်းရရှိသော စားအုန်းဆီများကို သတ်မှတ်စည်းမျဉ်းစည်းကမ်းများနှင့် အညီ စနစ်တကျဖြန့်ဖြူးရောင်းချရန်နှင့် စားအုန်းဆီလက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် စားသုံးသူများ မြင်သာထင်သာရှိသောနေရာတွင် ရက်အလိုက် ရည်ညွှန်းဈေးနှုန်းအတိုင်း ဆိုင်းဘုတ်တင် ရောင်းချနေမှုရှိ/ မရှိတို့ကို ကွင်းဆင်းစစ်ဆေးခဲ့ရာ ရောင်းချနေကြောင်း တွေ့ရှိရသည်ဟု သတင်းရရှိပါသည်။

DOCA(ဧရာဝတီ)

           ဖျာပုံခရိုင်၊ ဘိုကလေးမြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်း တို့သည် ၂၀၂၅ ခုနှစ်၊ ဇူလိုင်လ(၁၇) ရက်နေ့၊ နံနက် (၁၁:၃၀) နာရီအချိန်တွင် ဆန်စက်လုပ်ငန်းရှင်အသင်းရုံး၌ ဆန်စက်လုပ်ငန်းရှင်အသင်း အမှုဆောင်တစ်ဦးဖြစ်သူ ဦးအောင်သိုက်နှင့် တွေ့ဆုံဆွေးနွေးခဲ့ကြပါသည်။

          ထိုသို့ ဆွေးနွေးရာတွင် ပြည်တွင်းပြည်ပ ကုန်သွယ်မှုဖွံ့ဖြိုးတိုးတက်ရေးအတွက် အားပေးမြှင့်တင်ဆောင်ရွက်ရန်နှင့် ဆန်စပါးဈေးနှုန်းတည်ငြိမ်မှုရှိစေရေး၊ ကြိတ်ခွဲထုတ်လုပ်မှုတွင် ခေတ်မီစက်ကိရိယာများ တပ်ဆင်အသုံးပြု၍ ပြည်တွင်းပြည်ပ ဈေးကွက်ယှဉ်ပြိုင်နိုင်ရေး၊ ပုဂ္ဂလိက ကဏ္ဍ ဖွံ့ဖြိုးတိုးတက်စေရေးတို့ကို ရည်ရွယ်ပါသည်။

          ဘိုကလေးမြို့နယ် ဆန်စက်လုပ်ငန်းရှင်များအသင်းအနေဖြင့် စားသုံးသူပြည်သူများ တည်ငြိမ်သောဈေးနှုန်းဖြင့် ဝယ်ယူစားသုံးနိုင်ရေးအတွက် ဆန်စပါးကုန်သည်အသင်း၊ ဆန်စက်လုပ်ငန်းရှင်များအသင်းတို့ ပူးပေါင်း၍ သက်သာသောဈေးနှုန်းဖြင့် ရောင်းချပေးရန် စီစဉ်ဆောင်ရွက်လျက်ရှိကြောင်း သတင်းရရှိပါသည်။

DOCA(ဧရာဝတီ)