သတင်းနှင့် လှုပ်ရှားမှုများ

          ၂၀၂၅ ခုနှစ် ဇူလိုင်လ ၁၅ ရက်နေ့ နံနက် (၀၉:၀၀) နာရီအချိန်တွင် စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံနှင့် ဝန်ထမ်းများသည် အင်္ဂပူမြို့၊ ချယ်ရီလမ်းနှင့် မြို့မစည်ပင်ဈေးအတွင်းရှိ ကုန်မျိုးစုံဆိုင်များတွင် ရောင်းချသော အသင့်စားမုန့်အမျိုးမျိုးအား  ကုန်အညွှန်းအမှတ်အသား ပြည့်စုံမှန်ကန်စွာဖော်ပြခြင်းရှိ/ မရှိ  ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/ မရှိ၊ သက်ဆိုင်ရာဌာန၏ ထောက်ခံချက်ရှိ/ မရှိ တို့ကိုစစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့် အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များ ကိုသာရောင်းချကြရန်ဖြစ်ကြောင်းနှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည် အသွေးပြည့်မီသောကုန်စည် များကိုသာရောင်းချရန်၊ စားသုံးသူဥပဒေပါ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေး ဆွေးနွေးခဲ့ပြီး၊ အရောင်းဆိုင်(၅)ဆိုင်အား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA (ဧရာဝတီ)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဒေါ်အေးအေး မော် နှင့် ဝန်ထမ်းများသည် အွန်လိုင်းစနစ်ဖြင့် ရောင်းချခြင်းလုပ်ငန်းများ မှတ်ပုံတင်လက်မှတ် စိစစ်ထုတ်ပေးခြင်း၊မြေပြင်လုပ်ငန်းနှင့်မှတ်ပုံတင်ထားရှိမှု ကိုက်ညီမှု ရှိ/မရှိ၊ လုပ်ငန်းလိပ်စာ မှန်ကန်မှု ရှိ/မရှိကို (၁၈.၇.၂၀၂၅) ရက်နေ့ ၊ နံနက်(၁၀:၀၀)နာရီအချိန်တွင် (Busy Mom)  စားသောက်ကုန်ပစ္စည်းများ Online Sale လုပ်ငန်း အိမ်အမှတ်(၁၅၈/၂)၊မြင်သာ(၁၁)လမ်း၊ (၁၄) ရပ်ကွက်၊တောင်ဥက္ကလာပမြို့နယ်သို့ သွားရောက်၍ Online Sale မှတ်ပုံတင်မြေပြင်စစ်ဆေး ခြင်း ဆိုင်ရာ အချက်အလက်များ ကိုက်ညီမှု ရှိ/မရှိ ကို စစ်ဆေးခဲ့ကြောင်း သိရှိရပါသည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို ဆွေးနွေးရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေနဲ့ စားသုံးသူများကို အကာအကွယ်ပေး ရန်နှင့် e-Commerce လုပ်ငန်းများ ဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်း လုပ်ငန်းများကို အရေးကြီးကုန်စည် ဝန်ဆောင်မှုအဖြစ် သတ်မှတ်ပြီး လုပ်ငန်းမှတ်ပုံတင် လက်မှတ်များကို ခွင့်ပြုထုတ်ပေးလျက်ရှိကြောင်း ၊ e-Commerce Registration စနစ်မှတစ်ဆင့် လျှောက်ထားလာသော အွန်လိုင်းစနစ်နဲ့ရောင်းချခြင်းလုပ်ငန်းမျာ၏ လျှောက်လွှာများနှင့် သက်တမ်းတိုးသော လျှောက်လွှာများကို သက်ဆိုင်ရာတာဝန်ရှိသူများက အချက်အလက် မှန်ကန်မှု ရှိ/မရှိ မြေပြင် ကွင်းဆင်းစစ်ဆေးပြီးမှသာ Online Sale လုပ်ငန်း မှတ်ပုံတင် လက်မှတ်များ ထုတ်ပေး သွားမှာ ဖြစ်ကြောင်းပြောကြားခဲ့ပြီး၊လုပ်ငန်းသည် စားသောက်ကုန် လုပ်ငန်းဖြစ်သည့်အတွက် စားသုံးသူ ကာကွယ်ရေးဥပဒေပါ အခန်း ၁၁၊ ပုဒ်မ ၂၃ ပါ စီးပွားရေးလုပ်ငန်းရှင်၏ အာမခံချက်များပါ အချက်အလက်များကိုလည်းကောင်း စားသုံးသူ ကာကွယ်ရေးဥပဒေပါ  အခန်း(၁၈)ရှိ ကုန်အညွှန်း အမှတ်အသားဖော်ပြခြင်းနှင့်ပတ်သတ်၍ အသိပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

   (၁၈.၇.၂၀၂၅)ရက်နေ့ နေ့လည်(၁၂:၅၅)အချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ (၄)ဉီးတို့သည် အမှတ်(၂၃)၊ လှိုင်မြစ်လမ်း၊ ကွက်သစ် ရပ်ကွက်၊ အင်းစိန်မြို့နယ်ရှိ သန့်စင်စတိုးတွင် ရောင်းချနေသော ကုန်ပစ္စည်းများအား ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးရာတွင် လက်ဖက်အကြော်စုံအမှတ်တံဆိပ်များဖြစ်သော ယုဇန          (လက်ဖက်အချိုနှပ်၊ အကြော်စုံ)၊ မထွေးလေး(လက်ဖက်နှင့်အကြော်စုံ)၊ စည်တော်ကြီး(၄ မျိုးစုံ လက်ဖက်)၊ ပွဲတော်အုပ်(လက်ဖက်ပွဲနှင့်ရေနွေးကြမ်း)၊ ရွှေမန်းသူ(ဂျင်းနှင့်နှစ်ပြန်ကြော်)၊ ရွှေစည်းစိမ် (ဇယန်းလက်ဖက်နှင့်နှစ်ပြန်ကြော်)နှင့် ဗေဒါရွှေကြာ(မယ်ထွေးနှပ်၊ နှစ်ပြန်ကြော်)တို့တွင် စားသုံးသူ ကာကွယ်ရေးဥပဒေတွင် ပြဌာန်းထားသည့်ကုန်ပစ္စည်းအမှတ်အသားဖော်ပြခြင်းဆိုင်ရာ အချက်များ နှင့် ကိုက်ညီပြည့်စုံမှုရှိပြီး မည်သည့်ကုန်ပစ္စည်းမဆို ကုန်အညွှန်းအမှတ်အသားပြည့်စုံစွာပါရှိသော ကုန်စည်များကို ရွေးချယ်ရောင်းဝယ်မှုပြုရန် အသိပညာပေးဆွေးနွေးပြောကြားခဲ့ကြောင်း သိရှိရပါ သည်။

DOCA (ရန်ကုန်)

  စားသူံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးမှ ဝန်ထမ်းများသည် ပတ်ဝန်းကျင်ထိန်းသိမ်းရေးဦးစီးဌာနမှ ဦးဆောင်ပြီး  ဌာနဆိုင်ရာများနှင့် ပူးပေါင်း၍ ဇူလိုင်(၂၀) ရက်နေ့ နံနက် (၀၇း၀၀)နာရီအချိန်တွင် စစ်ကိုင်းမြို့၊ လေးကျွန်းမြေရပ်ကွက်ရှိ ကိုးပေတံတားအောက်၌ သစ်ကိုင်းများ၊ ခြုံနွယ်ပိတ်ပေါင်းများ ခုတ်ထွှင်ရှင်းလင်းခြင်း၊ အမိူက်လှဲခြင်း၊ စုပေါင်းသန့်ရှင်းရေး ဆောင်ရွက်ခြင်းတို့တွင် ပူးပေါင်းဆောင်ရွက်ခဲ့ပါသည်။

    အဆိုပါ စုပေါင်းသန့်ရှင်းရေးဆောင်ရွက်ရာ၌ ခရိုင်အဆင့်ဌာနဆိုင်ရာများ၊ မြို့နယ်အဆင့်ဌာန ဆိုင်ရာများက ပူးပေါင်းဆောင်ရွက်ခဲ့ပြီး ခရီးသွားပြည်သူများ အသုံးပြုလျက်ရှိသော စစ်ကိုင်းမြို့၊ လေးကျွန်းမြေရပ်ကွက်၊ ကိုးပေတံတားအနီး ပတ်ဝန်းကျင်ရှိ ဘုရားစေတီများသို့ စစ်ကိုင်းမြို့နှင့် အနီးပတ်ဝန်းကျင်ရှိ ရပ်ကွက်နေပြည်သူများ လာရောက်ဖူးမျှော်နိုင်ရေးနှင့် ပတ်ဝန်းကျင်သန့်ရှင်း သပ်ရပ်စေရေး၊ သန့်ရှင်းပြီး စိမ်းလန်းစိုပြေစေရေး ဝိုင်းဝန်းဆောင်ရွက်ကြကြောင်း သတင်းရ ရှိပါသည်။

DOCA(စစ်ကိုင်း)

    (၁၈.၇.၂၀၂၅)ရက်နေ့ နေ့လည်(၁၂:၄၀)အချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ (၄)ဉီးတို့သည် ဈေးကွက်အတွင်း ရောင်းချနေသော ပေါင်မုန့်အမျိုးမျိုးတွင် ကုန်အညွှန်းအမှတ်အသားပြည့်စုံခြင်းရှိ/မရှိအား ကွင်းဆင်းစစ်ဆေးခဲ့ပါသည်။

   ထိုသို့စစ်ဆေးခဲ့ရာတွင် အမှတ်(၂၃)၊ လှိုင်မြစ်လမ်း၊ ကွက်သစ်ရပ်ကွက်၊ အင်းစိန်မြို့နယ်ရှိ သန့်စင်စတိုးတွင် တွေ့ရှိရသောပေါင်မုန့်အမျိုးမျိုးမှာ Good Morning (ချောကလက်အရသာ)၊ မြေပဲ (ထောပတ်) (ကက်စတက်)၊ Moe (ပေါင်မုန့်)၊ PUCCI (ချောကလက်ပေါင်မုန့်)၊ Happy (အငံမုန့်)၊ ရွှေနဒီ(ခရမ်ပေါင်မုန့်)၊ Dlike (ပူတင်းပေါင်မုန့်)တို့တွင် သက်ဆိုင်ရာဌာနများမှ ညွှန်ကြားထားသော ကုန်အညွှန်းအမှတ်အသားဆိုင်ရာ လိုက်နာရမည့်အချက်များကို မြန်မာဘာသာဖြင့်သော်လည်းကောင်း၊ မြန်မာဘာသာနှင့်အခြားဘာသာတစ်ခုခု(သို့မဟုတ်) တစ်ခုထက်ပို၍ တွဲလျက်ရေးသား ဖော်ပြရမည့်အချက်များ ပြည့်စုံစွာဖော်ပြထားသည်ကို စစ်ဆေးတွေ့ရှိရကြောင်း သိရှိရပါသည်။

DOCA (ရန်ကုန်)