“ကွမ်းခြံကုန်းမြို့နယ်အခြေခံစားသောက်ကုန်ဈေးနှုန်းများကွင်းဆင်းစစ်ဆေးခြင်း”
ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် ဈေးကွက်အတွင်း ရောင်းချနေသော အခြေခံစားသောက်ကုန်ဈေးနှုန်းများ စုံစမ်းစိစစ်ရန် တောင်ပိုင်းခရိုင် ဦးစီးမှူးရုံး၏ ညွှန်ကြားချက်နှင့်အညီ ဧပြီလ (၂၈) ရက်နေ့၊ နံနက်(၀၉:၀၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရသည်။
ထိုသို့ ကွင်းဆင်းစိစစ်ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံ ဦးဇော်အေးမင်း၊ ကျန်းမာရေးမှူး-၃ ဦးထွန်းထွန်း၊ မြို့နယ်စားသုံးသူရေးရာဦးစီးဌာနမှ မြို့နယ် တာဝန်ခံ ဒေါ်နွယ်နွယ်အေးနှင့် ဌာနနခွဲစာရေး ဦးတင်ထွန်းဦးတို့ ပူးပေါင်းဆောင်ရွက်ခဲ့ကြပြီး အခြေခံစား သောက်ကုန်များဖြစ်သည့် ဆန်၊ ဆီ၊ ငရုတ်၊ ကြက်သွန်၊ အာလူး၊ ကုလားပဲ၊ ကြက်ဥ၊ ဘဲဥ၊ ကြက်သား၊ ဝက်သား စသည့်ရောင်းသည့် ဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
အဆိုပါ ကွင်းဆင်းစစ်ဆေးရာတွင် ဆန်ဆိုင်များဖြစ်သည့် ကွမ်းခြံကုန်းမြို့နယ်၊ မြို့မဈေးမှ ဒေါ်အေးကြိုင် ဆန်ဆိုင်၊ ကိုမျိုးလွင် ဆန်ဆိုင်၊ ဆီရောင်းချသည့် ဆိုင်များဖြစ်သည့် ဗိုလ်ချုပ်လမ်း ဈေးပိုင်းရပ်ကွက်ရှိ ဦးဟိန်းသော်ဇင်ဦး စားအုန်းဆီလက်လီ၊ လက်ကားဆိုင်၊ မြို့မဈေးရှိ ဒေါ်လဲ့လဲ့ သင်း ကုန်စုံဆိုင်၊ စားဖိုအောင်သုံး ပစ္စည်းများ ဖြစ်သည့် ကြက်သွန်၊ ငရုတ်၊ အာလူး၊ ကုလားပဲ စသည့် တို့ကို မြို့မဈေးရှိ ဒေါ်မာမာစိုး ကုန်စုံဆိုင်၊ ဒေါ်ရီရီသန်း ကုန်စုံဆိုင်များတွင်လည်းကောင်း၊ ငံပိကို ဒေါ်ကုလားမ ဆိုင်တွင်လည်းကောင်း၊ ကြက်ဥ၊ ဘဲဥများကို ဒေါ်ခင်အုန်းမြင့်ဆိုင်မှလည်းကောင်း၊ ကြက်သားကို ဒေါ်ရွှေရည်ဝင်းဆိုင်မှ လည်းကောင်း၊ ဝက်သားကို ဦးအောင်လင်းထိုက်ဆိုင်မှလည်း ကောင်း မေးမြန်းစုံစမ်း စိစစ် ခဲ့ကြောင်း သိရသည်။
ထိုသို့ မေးမြန်းစုံစမ်း စိစစ်ရာတွင် ဆန်ဈေးနှုန်းအနေဖြင့် ငစိန်၊ ကျားပျံ ဈေးနှုန်းများမှာ ယခင်တစ်ပတ်ထက် အနည်းငယ်ဈေးမြင့်သော်လည်း မြန်မာနိုင်ငံ ဆန်စပါးအသင်းချုပ်မှ သတ်မှတ်ထားသော ဈေးနှုန်းအတွင်း၌ ရောင်းချနေကြောင်း၊ ဆီဈေးနှုန်းအနေဖြင့် စားအုန်းဆီ များမှာ ယခင်တစ်ပတ်ထက်ဈေးကျနေကြောင်း၊ အခြေခံစားသောက်ကုန်များ ဈေးနှုန်းမှာလည်း ယခင်တစ်ပတ် ထက် ဈေးကျနေကြောင်း၊ ကြက်ဥ၊ ဘဲဥ၊ ငံပိဈေးနှုန်းမှာ ယခင်တစ်ပတ်နှင့် ဈေးနှုန်းညီစွာ ရောင်းချနေကြောင်း၊ ကြက်သား၊ ဝက်သား ဈေးနှုန်းများမှာလည်း ပြောင်းလဲမှု မရှိဘဲ ယခင်တစ်ပတ်နှင့် ဈေးနှုန်းညီစွာ ရောင်းချနေကြောင်း သိရသည်။
စားသုံးသူရေးရာဦးစီးဌာနအနေဖြင့် ကုန်ဈေးနှုန်းတည်ငြိမ်ရေး၊ ပစ္စည်းပြတ်လပ်မှု မရှိ စေရေး၊ ဈေးနှုန်းမြှင့်တင်ရောင်းချမှုမရှိစေရေး၊ စားသုံးသူများ ဘေးအန္တရာယ်ကင်းရှင်းပြီး စိတ်ချလုံခြုံမှုရှိစေရေးတို့အတွက် ဈေးကွက်ကွင်းဆင်း စိစစ်ဆောင်ရွက်နေကြောင်းတို့ကို မြို့နယ်တာဝန်ခံ ဒေါ်နွယ်နွယ်အေးက စီးပွားရေးလုပ်ငန်းရှင်များသို့ တွေ့ဆုံဆွေးနွေးကွင်းဆင်း စိစစ်ခဲ့ကြောင်း သိရသည်။
DOCA(ရန်ကုန်)
