စားသုံးသူရေးရာဦးစီးဌာန၊   မြန်အောင်မြို့နယ်ဦးစီးမှူးသည် ၂၀၂၅ ခုနှစ်၊ စက်တင်ဘာလ (၅)ရက်နေ့ နေ့လယ်(၁၃:၃၀)အချိန်တွင် မြန်အောင်မြို့နယ်၊ အမှတ်(၃)ရပ်ကွက်၊ ဗောဓိပင်လမ်းရှိ မြို့နယ် သမဝါယမ အစည်းအဝေးခန်းမ၌  စားသုံးသူပြည်သူ (၅၀)ဦးအား စားသုံးသူကာကွယ်ရေး ဆိုင်ရာ  အသိပညာပေး ဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် မြို့နယ်ဦးစီးမှူး ဦးမိုးကျော်က စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များအကြောင်း၊ ဆန်စပါး သိုလှောင်ရုံ မှတ်ပုံတင်ခြင်းဆိုင်ရာ ကိစ္စရပ်များ၊ Online မှတစ်ဆင့် ကုန်စည်ရောင်းဝယ်ခြင်းဆိုင်ရာကိစ္စရပ်များ အကြောင်း၊ ကျေးရွာအုပ်ချုပ်ရေးမှူးများအနေဖြင့် မိမိတို့ ကျေးရွာအတွင်း ကုန်စုံဆိုင်များမှတစ်ဆင့် ပြည်သူများထံ စားသုံးဆီဖြန့်ဖြူးရောင်းချနေမှု့အပေါ် မသမာသောနည်းလမ်းဖြင့် ပါဝင်ပတ်သတ် ရောင်းချခြင်းမပြုရန်၊ စားသုံးဆီဝယ်ယူခွင့်စာအုပ်များဖြင့် စနစ်တကျဖြန့်ဖြူးရောင်းချနိုင်ရေးရှင်း လင်းဆွေးနွေးခြင်း၊ စားသုံးသူများသည် ကုန်စည်ကိုရွေးချယ်ဝယ်ယူတတ်စေရန် ကုန်အညွှန်းအမှတ် အသား နှင့်စပ်လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ်ဝယ်ယူနိုင်ရန်၊ စီးပွားရေးလုပ်ငန်းရှင်များအနေဖြင့် မိမိတို့ရောင်းချနေသော ကုန်စည်နှင့်ဝန်ဆောင်မှုများတွင် အာမခံချက်ပေးနိုင်ခြင်းများအကြောင်း၊  စားသုံး သူကာကွယ်ရေးဥပဒေပါ ပြစ်မှုနှင့်ပြစ်ဒဏ်များ အကြောင်း၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ(Consumer Information and Complaint Center) CICC ဖွင့်လှစ် ထားရှိမှု အခြေအနေကို လည်ကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov. mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကို လည်းကောင်း စသည်တို့ကိုအသိပညာပေးဟောပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ ဆွေးနွေးခဲ့ကြောင်း သိရှိရပါသည်။

EYDNS (DOCA ဧရာဝတီ)

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၅.၉၂၀၂၅)ရက်နေ့၊ နံနက် (၀၉:၀၀) နာရီအချိန်တွင် မြန်အောင်မြို့နယ်၊ သပြေကုန်းကျေးရွာ၊ အမှတ်(၁)ရပ်ကွက်ရှိ အုပ်ချုပ်ရေးမှူးရုံး၌ ကျေးရွာအုပ်ချုပ်ရေးမှူးများနှင့် ဆီလုပ်ငန်းရှင်များအား စားအုန်းဆီဝယ်ယူခွင့် စာအုပ်များဖြင့် စနစ်တကျဖြန့်ခွဲနိုင်ရေး တွေ့ဆုံဆွေးနွေးခြင်းကို ဆောင်ရွက်ခဲ့ပါသည်။

    ထိုဆွေးနွေးပွဲတွင် မြို့နယ်ဦးစီးမှူ ဦးမြင့်အောင်မှ စားအုန်းဆီဝယ်ယူခွင့်စာအုပ်များ ဖြင့် ကျေးရွာ/ရပ်ကွက်အတွင်းရောင်းချရာတွင် အုပ်ချုပ်ရေးမှူးများ၊ ကုန်စုံဆိုင် ပိုင်ရှင်များ၊ ဆီလုပ်ငန်းရှင် များအနေဖြင့်ကျေးရွာ/ ရပ်ကွက်များကိုဆီရောင်းချရာတွင် စနစ်တကျဖြန့်ခွဲပေးနိုင်ရေး၊ ပြည်သူလူထု လက်ထဲသို့အရောက်ပေးပို့နိုင်ရေး၊ စားအုန်းဆီရောင်းချသောကုန်စုံဆိုင်များတွင် သတ်မှတ်ရည်ညွှန်း ဈေး ပါ ဗွီနိုင်းများကို ဆိုင်ရှေ့တွင် ချိတ်ဆွဲထားရန်၊ အိမ်ထောင်စုစာရင်းကိုင်ဆောင်ထားသည့် အိမ်ထောင်စုတိုင်းကို ရောင်းချပေးရန်၊ အဆင်မပြေမှုများရှိလာလျှင်လည်း မိမိကိုယ်တိုင် ကျေးရွာများသို့ လာရောက်ပြီး လုပ်ဆောင်ပေးမည်ဖြစ်ကြောင်း ဟောပြောခဲ့ပြီး ကျေးရွာအုပ်ချုပ်ရေးမှူးများနှင့် ကုန်စုံဆိုင်လုပ်ငန်းရှင်များဘက်မှလည်း သိလိုသည်များ မေးမြန်း၍အပြန်အလှန် ဆွေးနွေးခဲ့ကြောင်း သိရှိရပါသည်။

EYDNS (DOCA ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့၊ အခြေခံပညာကျောင်းများရှိ ကျောင်းမုန့်စျေးတန်း များတွင် ရောင်းချနေသည့် မုန့်စျေးတန်းများစစ်ဆေးခြင်းနှင့် ကျန်းမာရေးအသိပညာပေးခြင်းများကို ၅-၉-၂၀၂၅ ရက်နေ့ နံနက် ၉ နာရီက ဌာနဆိုင်ရာပူးပေါင်းအဖွဲ့များက ကွင်းဆင်း ဆောင်ရွက်ခဲ့ကြသည်။

    ထိုသို့ဆောင်ရွက်ရာတွင် စားသုံးသူရေးရာဦးစီးဌာနက ဦးခိုင်လွမ်းမိုးက စစ်ဆေးရာ အခြေခံပညာကျောင်းများရှိ ကျောင်းမုန့်စျေးတန်း ၅ဆိုင်တွင်  ရောင်းချနေသည့် မုန့်များတွင် FDA ခွင့်ပြုချက် ရှိ/မရှိ၊ ကုန်အညွှန်းအမှတ်အသား ဖော်ပြပါဝင်ခြင်း ရှိမရှိ ရက်လွန်မုန့်များ ရောင်းချခြင်း၊ မသန့်ရှင်းသောပစ္စည်း၊ ဓာတုဆိုးဆေးနှင့် ယင်နားစာများ စနစ်တကျ ထားသိုရောင်းချ ခြင်းရှိ/ မရှိတို့ကို ကျောင်းတာဝန်ခံ ဆရာ/ဆရာမများနှင့် ပူးပေါင်းစစ်ဆေးခဲ့ကြသည်။

    ဓနုဖြူမြို့တွင် မြို့အုပ်ချုပ်ရေးအဖွဲ့နှင့် တိုက်နယ်ကျန်းမာရေးဌာနမှ တာဝန်ရှိသူများနှင့် စားသုံးသူရေးရာဦးစီးဌာနမှ ဦးခိုင်လွမ်းမိုး နှင့် ဌာနဆိုင်ရာအဖွဲ့များက ကျောင်းသား/ကျောင်းသူများ မိုးရာသီကာလ မသန့်ရှင်းသော အစားအစာများကြောင့် ဝမ်းပျက်/ဝမ်းလျှောရောဂါများမဖြစ်ပွားစေရေးအတွက် ကျောင်းမုန့်စျေး တန်းများ စစ်ဆေးခြင်းနှင့် ကျန်းမာရေးအသိပညာပေးခြင်းများကို စဥ်ဆက်မပြတ်ဆောင်ရွက်လျက်ရှိကြောင်း သိရသည်။

DOCA(ဧရာဝတီ)

      စားသုံးသူရေးရာဦးစီးဌာန၊ မအူပင်ခရီုင်ဦးစီးမှူးရုံး မအူပင်မြို့နယ်တွင် လက်ရှိအချိန်ထိ (MyRO)တွင် မှတ်ပုံတင်ထားသော ဆန်သိုလှောင်ရုံ အလုံး (၃၆)ရှိပြီး ၂၀၂၅ခုနှစ် စက်တင်ဘာလအတွင်း (MyRO)မှတ်ပုံတင်ထားသော ဆန်သိုလှောင်ရုံများသည် တစ်နှစ်ပြည့် မြောက်ပြီးသည့်အတွက် ခရိုင်ဦးစီးမှူးရုံးသို့ သက်တမ်းတိုးဆောင်ရွက်နိုင်ရေး လုပ်ငန်းစဉ်များအား မအူပင်ခရိုင်ဦးစီးမှူးရုံးသို့ လာရောက်မေးမြန်းဆောင်ရွက်လျက်ရှိ၍ အသိပညာပေး ဆောင်ရွက်ပေးလျက်ရှိကြောင်း သိရသည်။

    မအူပင်မြို့နယ် ရေလဲလမ်းမပေါ်ရှိ တစ်နှစ်သက်တမ်းပြည်မြောက်သော ဆန်စက်/သိုလှောင် ရုံးလုပ်ငန်း ရှင်များက (MyRO)မှတ်ပုံတင်ထားသော ဆန်သိုလှောင်ရုံများသည် တစ်နှစ်ပြည့် မြောက်ပြီးသည့်အတွက် ခရိုင်ဦးစီးမှူးရုံးသို့ သက်တမ်းတိုးဆောင်ရွက်နိုင်ရေးလုပ်ငန်းစဉ်များအား လာ ရောက်မေးမြန်းဆောင်ရွက် လျက်ရှိရာ မအူပင်ခရိုင် ဒုခရိုင်ဦးစီးမှူး ဦးအောင်ဇော်ဦးက သတ်တမ်းတိုး လျှောက်ထားရာတွင် လုပ်ငန်း အဆင့်ဆင့်ကို ကိုယ်တိုင်ပြုလုပ်နိုင်ရန် အသိပညာပေးခဲ့ပြီး သက်တမ်းတိုးလုပ်ငန်းရှင်များက လစဉ်လ ဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံ များ၏ ကုန်ရ/ ကုန်ထုတ်/ကုန်လက်ကျန် အခြေအနေများအား ထည့်သွင်းပေးရန် ရှင်းလင်းဆွေးနွေး၍ မှတ်ပုံတင် သက်တမ်းတိုးခြင်းအား ကူညီဆောင်ရွက်ပေးခဲ့ကြောင်း သိရသည်။

DOCA(ဧရာဝတီ)

       မအူပင်မြို့နယ်အတွင်းရှိ ဒေသခံပြည်သူများအနေဖြင့် စက်သုံးဆီများ ဝယ်ယူသုံးစွဲရာတွင် စျေးနှုန်းများ မြင့်တက်မှုမရှိစေရေး၊ သုံးစွဲသူများ  စျေးနှုန်းမှန်ကန်စွာ ဝယ်ယူသုံးစွဲနိုင်ရေး၊ ပြည်ပမှ တရားမဝင်တင် သွင်းမှုမရှိစေရေးနှင့် စက်သုံးဆီသုံးစွဲမှုနှင့်ပတ်သက်၍ အခက်အခဲလိုအပ်ချက်များအား ဖြည့်ဆည်း ဆောင်ရွက်နိုင်ရေးနှင့် မီးဘေးကြောင့် အသက်အိုးအိမ်စည်းစိမ်များ ဆုံးရှုံးမှုမရှိစေရေး အတွက် ရည်ရွယ်၍ မအူပင်မြို့နယ်အတွင်းရှိ စက်သုံးဆီဆိုင်များအား   ၆-၉-၂၀၂၅ ရက်နေ့ နံနက် ၉:၀၀ နာရီက သွားရောက်စစ်ဆေးခြင်းများ ပြုလုပ်ခဲ့သည်။

   ထိုသို့သွားရောက်စစ်ဆေးရာတွင် မြို့နယ်စက်သုံးဆီစျေးနှုန်း စောင့်ကြည့်ထိန်းသိမ်းရေး ကော်မတီ ဥက္ကဋ္ဌ  မြို့နယ်အုပ်ချုပ်ရေးမှူး  နှင့်အဖွဲ့ဝင်များ၊ စားသုံးသူရေးရာဦးစီးဌာန ဒေါ်ခိုင်ခိုင်လင်း ဒု-ဦးစီးမှူး တို့က စက်သုံးဆီစျေးနှုန်းများ မှန်ကန်မှုရှိ/မရှိ ၊ ဆီပန့်လီတာများ မှန်ကန်မှုရှိ/ မရှိနှင့် ဆီလှောင်ကန်များ အန္တရာယ်ကင်းရှင်းမှုရှိစေရေး စစ်ဆေးပြီး   မြို့နယ်မီးသတ်ဦးစီးမှူး မှ မီးဘေးအန္တရာယ် ကြိုတင်ကာကွယ် ရေးနည်းလမ်းများ နှင့်ပတ်သက်၍ ဆောင်ရန် /ရှောင်ရန်အချက်များ၊ မီးဘေးအန္တရာယ်ကြိုတင် ကာကွယ်ရေးလုပ်ငန်းများ ၊ မီးလောင်မှုမဖြစ်စေရေးအတွက် စက်သုံးဆီများကို သတိရှိစွာ စနစ်တကျအသုံးပြုစေရေးနှင့် မီးသတ်ဆေးဗူး အသုံးပြုပုံနည်းစနစ်များကို လက်တွေ့သရုပ်ပြသခဲ့ပြီး မီးဘေးအန္တရာယ် ကြိုတင်ကာကွယ်ရေး အသိပညာပေးခြင်းများ ဆောင်ရွက်ခဲ့ကြောင်း သိရသည်။

DOCA(ဧရာဝတီ)