သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ ဇူလိုင်လ အတွက် သင့်တင့်မျှတသော ဈေးကွက်ဈေးနှုန်း (Reasonable Market Price) ထုတ်ပြန်ချက် အရ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်းရှိ ဆန်ဆိုင်များသို့ ဇူလိုင်လ (၂၁)ရက်နေ့၊ နေ့လည် (၁၃:၀၀) နာရီအချိန်တွင် ဆန်အမျိုးအစားအလိုက် ဖြန့်ဖြူး ရောင်းချလျက်ရှိသော ဈေးနှုန်းအခြေအနေအား ကွင်းဆင်းစစ်ဆေးခဲ့ကြောင်း သိရသည်။

   ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ အမှုဆောင်အရာရှိ ဦးတင်ထွန်းအောင်နှင့် ဝန်ထမ်းများ၊ မြို့မဈေးတာဝန်ခံ ဦးအေးသွင်တို့သည် မြို့နယ်စည်ပင်သာ ယာမြို့မဈေးအတွင်း/အပြင်ရှိ ဆန်ဆိုင်များမှ ဆိုင်ပိုင်ရှင် စီးပွားရေးလုပ်ငန်းရှင်များအနေဖြင့် ဈေးကွက်အတွင်း ဖြန့်ဖြူးရောင်းချလျက်ရှိသော ရွှေဘိုပေါ်ဆန်း၊ ကျားပျံ၊ ဧရာဝတီပေါ်ဆန်း၊ တောင်ပျံ၊ ငကျွဲ၊ ဧည့်မထ စသည့်ဆန်အမျိုးအစားအလိုက် စားသုံးသူရေးရာဦးစီးဌာနမှ လစဉ် ထုတ်ပြန်ပေးလျက်ရှိသော သင့်တင့်မျှတသည့် ဆန်ဈေးကွက်ဈေးနှုန်း ဇူလိုင်လအတွက် သတ်မှတ်ရည်ညွှန်းဈေးထက်  ဈေးနှုန်းအဆမတန် ရောင်းချခြင်းများ မပြုလုပ်ကြရန် စားသုံးသူ ကာကွယ်ရေး အသိပညာပေး ဆွေးနွေးပြောကြားခဲ့ပြီး ဆန်အမျိုးအစားအလိုက် (၂၄)ပြည် တစ်အိတ်နှင့် တစ်ပြည်ဈေးနှုန်းတို့အား စာရင်းကောက်ယူ ဈေးကွက်အတွင်း ကွင်းဆင်းစစ်ဆေး ခဲ့ကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံသည် ခရမ်း မြို့နယ်အတွင်းရှိ စားအုန်းဆီလက်လီလက်ကား ရောင်းချနေသော ကုန်စုံဆိုင်များတွင် စားအုန်း ဆီများ သတ်မှတ်ဈေးနှုန်းများနှင့် ရောင်းချမှုရှိ/မရှိကို ဇူလိုင်လ (၂၁)ရက်နေ့၊ နေ့လည် (၁၁:၃၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့ ကွင်းဆင်းစစ်ဆေးရာတွင် ခရမ်းမြို့နယ်တာဝန်ခံ ဒေါ်ကျော့ကေခိုင်နှင့် မြို့နယ် စည်ပင်သာယာရေးအဖွဲ့တို့ ပူးပေါင်း၍ ခရမ်းမြို့နယ်အတွင်းရှိ စားအုန်းဆီထုတ်ကိုယ်စားလှယ် ဦးရဲဝင်းကျော်မှ စားအုန်းဆီ ဝယ်ယူရာတွင် စားအုန်းဆီ (၁)ပိဿာ ဒေသတွင်း သယ်ယူစရိတ် ၂%အမြတ်နှင့် လက်လီပြန်လည်ဖြန့်ဖြူးသည့် ဈေးနှုန်းများအား စစ်ဆေးခဲ့ပြီးနောက် လက်လီ ရောင်းချသော စည်ပင်သာယာမြို့မဈေးအတွင်း/အပြင် ကုန်စုံဆိုင်များ၏ စားအုန်းဆီ တစ်ပိဿာ သယ်ယူစရိတ်၊ ၂%အမြတ်ဖြင့် အိမ်ထောင်စုများသို့ လက်လီပြန်လည် ရောင်းချနေ သော ဈေးနှုန်းများအား စစ်ဆေးခဲ့ကြပြီး မြို့နယ်တာဝန်ခံမှ ကုန်စုံဆိုင်ပိုင်ရှင်များအား စားအုန်း ဆီများကို လက်လီလက်ကား ပြန်လည်ဖြန့်ဖြူး ရောင်းချကြရာတွင် သတ်မှတ်ဈေးနှုန်းများထက် ကျော်လွန်ပြီး ရောင်းချမှုမပြုလုပ်ကြရန် ဆီများကို သိုလှောင်ထားခြင်း မပြုလုပ်ကြရန်၊ အိမ် ထောင်စုများအား ဖြန့်ဖြူးရောင်းချကြရာတွင်လည်း အလေးချိန် မှန်ကန်မှုရှိစေရန် စားအုန်းဆီ များ ရောင်းချရာတွင် မသမာမှုများရှိပါက အရေးယူဆောင်ရွက်သွားမည်ဖြစ်ကြောင်း အသိပေး ခဲ့ကြောင်း သိရှိရပါသည်။

DOCA(ရန်ကုန်)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် ဝါးခယ်မမြို့နယ် တာဝန်ခံ ဦးအောင်မိုးနှင့် ဝန်ထမ်းများသည် (၁၈.၇.၂၀၂၅) ရက်နေ့ နံနက် (၁၀:၃၀)နာရီအချိန်တွင် ဝါးခယ်မမြို့နယ် ရွာသစ်ရပ်ကွက်ရှိ မုန့်ဟင်းခါးဖတ်လုပ်ငန်းများအား ကုန်အညွှန်းအမှတ်အသားပြည့်စုံမှုရှိ/ မရှိ ကွင်းဆင်း စစ်ဆေးခဲ့ပါသည်။

            ထို့သို့ကွင်းဆင်းစစ်ဆေးရာတွင်ဝါးခယ်မမြို့နယ်တာဝန်ခံမှ ရွာသစ်ရပ်ကွက်ရှိ မုန့်ဟင်းခါးဖတ်လုပ်ငန်းများတွင် ထုတ်လုပ်လျက်ရှိသော မုန့်ဟင်းခါးဖတ်များအားကုန်အညွှန်းပြည့်စုံစွာ ဖော်ပြထားခြင်းရှိ/ မရှိ၊ စားသုံးသူ ဘေးအန္တရာယ်ဖြစ်စေနိုင်သော ပါဝင်ပစ္စည်းများရှိ/ မရှိ စစ်ဆေးခဲ့ပြီး သတ်မှတ်စံချိန်စံနှုန်းနှင့် ကိုက်ညီမှုရှိခြင်း၊ သက်ဆိုင်ရာဌာနမှခွင့်ပြုထားသော ကုန်အညွှန်းအမှတ်အသား ပြည့်စုံစွာဖော်ပြထားသည့် မုန့်ဟင်းခါးဖတ်များကိုသာ ဈေးကွက်အတွင်း တင်သွင်းရောင်းချစေရန် အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ခရိုင်ဉီးစီးမှူး ဉီးလှစိုးပါ (၄)ဉီး၊ ဆီလုပ်ငန်းရှင်များအသင်းမှ(၂)ဉီးတို့ပူးပေါင်းပါဝင်လျက် (၂၁.၇.၂၀၂၅)ရက်နေ့ နေ့လည်(၂:၁၅)နာရီ အချိန်တွင် လှိုင်သာယာ(အရှေ့ပိုင်း)မြို့နယ်ရှိ ရွှေလင်ပန်းဈေးတွင် စားအုန်းဆီလက်လီရောင်းချနေ သောဆိုင်သို့ ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် ဈေးတာဝန်ခံ ဒေါ်မိုးအေးကြူမှ လိုက်ပါလျက် ဈေးရုံ ပျံကျရှိ လှလှသိန်းဆိုင်သို့ ရောက်ရှိခဲ့ရာ မိမိတို့ဈေးတွင် စားသုံးသူပြည်သူများအား စာအုပ်စနစ်ဖြင့် အိမ်ထောင်စု တစ်စုလျှင် (၅၀)ကျပ်သားနှုန်းဖြင့် တစ်လလျှင် (၂)ပိသာပေးပါကြောင်း၊ ရပ်ကွက် အလိုက်စနစ်တကျရောင်းပေးပါကြောင်း၊ သတ်မှတ်ဈေးနှုန်းအတိုင်း ရောင်းချပေးပြီး ဈေးနှုန်းလည်း မြှင့်တင်ရောင်းချခြင်းမရှိပါကြောင်း၊ လက်ကျန်လည်းမထားရှိပါကြောင်း မိမိတို့ဌာနမှလည်း သိုလှောင်ထားခြင်းများရှိခဲ့လျှင် တရားဥပဒေအရ အရေးယူဆောင်ရွက် သွားမည်ဖြစ်ကြောင်း သိရှိရ ပါသည်။

DOCA (ရန်ကုန်)

               ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၈.၇.၂၀၂၅) ရက်နေ့ နံနက် (၁၀:၀၀) နာရီအချိန်တွင် လပွတ္တာမြို့နယ် အမှတ်(၇)ရပ်ကွက်သကြားဘုရားကုန်းရှိ(စတား)မုန့်မျိုးစုံလုပ်ငန်းတွင် ရောင်းချနေသောမုန့်များအား ဈေးကွက်မရောက်မီ ကုန်ညွှန်းအမှတ်အသား ဖော်ပြချက် ပြည့်စုံမှု ရှိ/ မရှိ ကွင်းဆင်းစစ်ဆေးခဲ့ပါသည်။

             ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်အမှတ်(၇)ရပ်ကွက် သကြားဘုရားကုန်းရှိ မုန့်မျိုးစုံလုပ်ငန်းတွင်  ရောင်းချနေသော မုန့်များတွင် ကုန်ညွန်းအမှတ်အသားဖော်ပြခြင်း ပြည့်စုံမှုရှိ/ မရှိစစ်ဆေးခဲ့ပြီး၊ ကုန်မျိုးစုံ လုပ်ငန်းရှင်များအားစီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းနှင့်စပ်လျဉ်၍ မည်သည့် စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာဘာသာဖြစ်၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များ အနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသားဖော်ပြချက်၊ ပြည့်စုံမှုရှိ/ မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွား ပါမည်ဖြစ်ကြောင်း သတင်းရရှိပါသည်။

DOCA (ဧရာဝတီ)