သတင်းနှင့် လှုပ်ရှားမှုများ

      (၂၁.၇.၂၀၂၅)ရက်နေ့ နေ့လည်(၁:၀၀)နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်း ခရိုင်ဉီးစီးမှူးရုံးမှ ခရိုင်ဉီးစီးမှူး ဉီးလှစိုးပါ (၄)ဉီး၊ ဆီကုန်သည်များအသင်းမှ ကိုယ်စားလှယ်(၂)ဉီးတို့ ပါဝင်လျက်  လှိုင်သာယာ(အနောက်ပိုင်း)မြို့နယ်ရှိ ပင်လုံဈေးတွင် စားအုန်းဆီလက်လီရောင်းချနေမှု အား ကွင်းဆင်းစစ်ဆေးခဲ့ပါသည်။

          ထိုသို့ဆောင်ရွက်ခဲ့ရာ ပင်လုံဈေးတာဝန်ခံ ဉီးစိုးမင်းထွဋ်မှ ပူးပေါင်းပါဝင်လျက် ဈေးအတွင်း လက်လီရောင်းချနေသော ဘိုဘိုရှန်ဆိုင်ရှင်က မိမိသည် GD Good Golden Co.,Ltd မှ ပိတ်ရက်မှလွဲ၍ နေ့စဉ်ရရှိပါကြောင်း၊ ‌ရောင်းချသောဈေးနှုန်းမှာလည်း သတ်မှတ်ဈေးနှုန်း အပေါ်ဖြစ်သင့် ဖြစ်ထိုက်သည့်ဈေးနှုန်းထက် သယ်ယူစရိတ်အပေါ်အမြတ်(၂%)သာ ထပ်ဆောင်း ရောင်းချကြကြောင်း၊ အလှည့်ကျ လာရောက်ထုတ်ယူကြပါကြောင်း၊ လက်ကျန်လည်းမထားရှိပါ ကြောင်း၊ ထုတ်ရက်ကျော်သည့်စာအုပ်များကိုလည်း နောက်တစ်နေ့တွင် ပြန်လည်ထုတ်ပေးပါ ကြောင်း သိရှိရ ပါသည်။

DOCA (ရန်ကုန်)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၆.၇.၂၀၂၅) ရက်နေ့ ညနေ (၁၅:၃၀)နာရီက လပွတ္တာမြို့နယ် အမှတ်(၂)ရပ်ကွက်ရှိမုန့်မျိုးစုံလုပ်ငန်းတွင် ရောင်းချနေသော မုန့်များအားဈေးကွက်မရောက်မီ ကုန်ညွှန်းအမှတ်အသား ဖော်ပြချက် ပြည့်စုံမှု ရှိ/ မရှိ ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်အမှတ်(၂)ရပ်ကွက်ရှိ မုန့်မျိုးစုံလုပ်ငန်းတွင်  ရောင်းချနေသော မုန့်များတွင် ကုန်ညွန်းအမှတ်အသားဖော်ပြခြင်း ပြည့်စုံမှုရှိ/မရှိစစ်ဆေးခဲ့ပြီး၊ ကုန်မျိုးစုံ လုပ်ငန်းရှင်များအားစီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းနှင့်စပ်လျဉ်၍ မည်သည့် စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာဘာသာဖြစ်၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များ အနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသားဖော်ပြချက်၊ ပြည့်စုံမှု ရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားမည်ဖြစ်ကြောင်း သိရှိရပါသည်။

DOCA (ဧရာဝတီ)

             ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံ ဦးအောင်မိုးသည် (၁၆.၇.၂၀၂၅) ရက်နေ့ မွန်လွှဲ(၁၁:၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်းကာ စားသုံးသူပြည်သူများအား ဝါးခယ်မမြို့နယ်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး  Talk  Show  ပြုလုပ်ခဲ့ပါသည်။

     ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူအသိ ပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များအား ရှင်းလင်းပြောကြားခဲ့ပြီး၊ စားသုံးသူကာကွယ်ရေးဥပဒေ အခန်း(၉)ပါ စားသုံးသူ၏ အခွင့်အရေးနှင့်တာဝန်များ၊ ဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်များနှင့် ပြစ်မှုပြစ်ဒဏ်များ၊ တားမြစ်ချက်များ ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီ လိုက်နာ ဆောင်ရွက်ကြရန် ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်း၊ ဥပဒေအခန်း(၁၄) ပုဒ်မ-၂၇ပါ ဝန်ဆောင်မှုလုပ်ငန်းများ၏ အာမခံချက်နှင့် စားသုံးသူက တောင်းဆိုနိုင်သည့် အခွင့်အရေးများအကြောင်း၊  စီးပွားရေးလုပ်ငန်းရှင်သည် ကုန်စည်နှင့်စပ်လျဉ်း၍ ဖော်ပြရမည့် (အာမခံ)ချက်များအကြောင်း ဟောပြောဆွေးနွေးခဲ့ပါသည်၊ စီးပွားရေးလုပ်ငန်းရှင်များအနေဖြင့် ဥပဒေပါ အချက်အလက် များသိရှိလိုပါက မြို့နယ်စားသုံးသူတာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca. gov.mm website တွင် ဝင်ရောက်လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

      ရန်ကုန်တိုင်းဒေသကြီး စားအုန်းဆီအိမ်တိုင်ရာရောက်ဖြန့်ဖြူးရောင်းချရေးကော်မတီ၏ စီစဉ် ကြီးကြပ်မှုဖြင့် နိုင်ငံ့ဝန်ထမ်း၊ ပင်စင်စားအငြိမ်းစားများအား စားအုန်းဆီများကို ရောင်းချပေးလျက် ရှိရာ ရန်ကုန်တိုင်းဒေသကြီး၊ မှော်ဘီခရိုင်၊ မှော်ဘီမြို့နယ်ရှိ ပင်စင်စားအငြိမ်းစားဝန်ထမ်းများအား ၂၁.၇.၂၀၂၅ ရက်နေ့၊ နံနက်(၆:၀၀)နာရီအချိန်မှစ၍ စားအုန်းဆီများ ဖြန့်ဖြူးရောင်းချပေးခဲ့ကြောင်း သိရှိရပါသည်။

          ထိုသို့ စားအုန်းဆီများ ရောင်းချပေးရာတွင် နိုင်ငံ့ဝန်ထမ်း၊ ပင်စင်စားအငြိမ်းစား ဝန်ထမ်း (၁)ဦးလျှင် ဆီ(၂.၇၅)ပိဿာ၊ (၁)ဗူးစီရောင်းချပေးပြီး (၂၁.၇.၂၀၂၅)ရက်နေ့တွင် (၈၀၀)ဗူးရောင်းချ ခဲ့ရာ ကျန်ရှိသောဗူး(၂၀၀၀)အား ဆက်လက်ရောင်းချပေးသွားမည်ဖြစ်ကြောင်း မြန်မာနိုင်ငံဆီကုန် သည်ကြီးများအသင်းအဖွဲ့ဝင် ကိုယ်စားလှယ်များကလာရောက် ရောင်းချပေးခဲ့ကြောင်း သိရှိရပါ သည်။

DOCA (ရန်ကုန်)

           စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးအနေဖြင့် ရုံးလုပ်ငန်းများကို အပါတ်စဉ် အချိန်ဇယားရေးဆွဲ၍ ခရိုင်ဦးစီးမှူး ဦးဇော်မင်းမှ ကြပ်မတ်ဆောင်ရွက်လျက်ရှိပါသည်။

           မအူပင်ခရိုင်ဝန်ထမ်းများ ဝန်ထမ်းစွမ်းဆောင်ရည် ပြည်မှိစေရေးအတွက် ဝန်ထမ်းတစ်ဦးခြင်း ဌာနခွဲအလိုက် လုပ်ငန်းများ Thurday Talk စောပြောခြင်း၊ အခြားဌာနများနှင့် ပူးပေါင်း၍ စားသုံးသူကာကွယ်ရေး အသိပညာပေးဟောပြောပွဲများလိုက်ပါဆောင်ရွက်ခြင်း၊ အပါတ်စဉ် ရုံးလုပ်ငန်း ဝင်စာ/ထွက်စာ ဖိုင်များ စနစ်တကျ ဖိုင်တွဲထားရေး၊ ရုံးဘီရိုများ စစ်ဆေးခြင်း၊ ရုံးဝန်းသန့်ရှင်းရေး ပြုလုပ်ခြင်းများ၊ နိုင်ငံတော်သစ္စာ အဓိဌာန (၆)ချက်ရွက်ဖတ်ခြင်း၊ နိုင်ငံတော်အလေးပြုခြင်းများ၊ ကွန်ပြူတာ စာဝင်စာထွက်များ စိစစ်တက်စေရန်၊ ဌာနတွင်းစာများ မပေါက်ကြားစေရေး ထိန်းသိမ်းတက်စေရန်လေ့ကျင့်သင်ကြားခြင်း၊ နိုင်ငံဝန်ထမ်းကျင့်ဝတ်အပါး ၃၀ကို လေ့လာကျက် မှတ်နိုင်ရေး၊ ကွန်ပြူတာ နာရီဝက်အတွင်း အလုံး ၁၅၀၀ ရိုက်နှိပ်နိုင်ရေး လေ့ကျင့်သင်ကြားခြင်းများ၊ Shot Video ကျွမ်းကျင်စွာပြုလုပ်တက်စေရန် နှင့်  အထက်ဌာနမှ လမ်းညွှန်ချက်၊ ညွှန်ကြားချက်များကို ဝန်ထမ်းများ လိုက်နာဆောင်ရွက်တက်စေရန် အသိပေးပြောကြားခြင်းတို့ကို ခရိုင်ဦးစီးမှူးမှ ဝန်ထမ်းများကို စိစစ်ကြပ်မတ်ဆောင်ရွက်လျက်ရှိကြောင်း သိရပါသည်။

DOCA(ဧရာဝတီ)