ပြည်တွင်းကုန်သွယ်မှုသတင်း

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ် ဦးစီးမှူး ဦးအောင်လွင်နှင့် ဝန်ထမ်းများသည် (၁၃.၆.၂၀၂၂) နေ့ နံနက်ပိုင်း(၁၀၃၀) အချိန်တွင် ညောင်တုန်းမြို့နယ် (၄)ရပ်ကွက်ရှိ ရွှေပြည်စိုး ဆန်ပွဲရုံသို့ သွားရောက်၍ SMEလုပ်ငန်းများ ဖွံ့ဖြိုးတိုးတက်ရေးအတွက် တွေ့ဆုံဆွေးနွေးခဲ့ပါသည်။

          အဆိုပါ တွေ့ဆုံ ဆွေးနွေးပွဲတွင် ရွှေပြည်စိုး ဆန်ပွဲရုံ ပိုင်ရှင်မှ ညောင်တုန်းမြို့နယ် ဆန်ဈေး ကွက် အခြေအနေများ မိုးစပါး၊ ဆင်းသုခ၊ မနောသုခ၊ ဆန်တစ်အိပ်လျှင် ၃၅၀၀ဝိ/- ဖြင့် အရောင်း အဝယ်ဖြစ်နေပြီး သီးထပ်ရင် ဆန်တစ်အိပ်လျှင် ၃၂၀၀ဝိ/- ဆန်ကွဲ တစ်အိပ်လျှင် ၂၈၀၀ဝိ/- ဖြင့် အရောင်း အဝယ်တွင်ကျယ်လျက်ရှိကြောင်း သိရှိရပါသည်။

           မြို့နယ်ဦးစီးမှူး ဦးအောင်လွင်မှ မြို့နယ် ဈေးကွက်မှ ရန်ကုန်ဈေးကွက် ထိုးဖောက်နိုင်ရေး အရည်အသွေးကောင်းသည့် ဆန်များ ပိုမိုထွက်ရှိနိုင်ရေးတို့ကို အလေးပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

           မကွေးတိုင်းဒေသကြီး၊ မကွေးမြို့တွင် သီးနှံများ စိုက်ပျိုးရာသီရောက်ရှိလာပြီဖြစ်သဖြင့် စျေးကွက်အတွင်း အ‌ရောင်းအဝယ်ဖြစ်နေသည့် ဓါတ်မြေသြဇာနှင့် ပိုးသတ်ဆေးစျေးနှုန်းများ အရောင်းအဝယ်ဖြစ်လျှက် ရှိပါသည်။

        စျေးကွက်အတွင်း အရောင်းအဝယ်ဖြစ်ပြီး လူသုံးများ‌သော ဓါတ်မြေသြဇာများမှ အာမို၊ MC ၊ တက်တိုးနှင့် ရွှေပုလဲတို့ဖြစ်ကြပြီး စျေးနှုန်းများမှာ ယခင်အပတ်တွင် အာမို(၁၅:၁၅:၁၅)(50kg) တစ်အိတ်လျှင်(၉၆၅၀ဝိ/-) ကျပ်ရှိပြီး ယခုအပတ်တွင် အာမို(၁၅:၁၅:၁၅)(50kg) တစ်အိတ်လျှင် (၉၈၀၀ဝိ/-)ကျပ်ဖြစ်၍ (၁၅၀ဝိ/-)ကျပ် စျေးတက်၊ MC (50kg) တစ်အိတ်လျှင် ယခင်အပတ် (၈၀၀၀ဝိ/-)ကျပ်ဖြစ်ပြီး ယခုအပတ် (၉၂၀၀ဝိ/-)ကျပ်ဖြစ်၍ (၁၂၀၀ဝိ/-)ကျပ်စျေးတက်ခဲ့ပြီး တက်တိုး (၁၅:၇:၈) တစ်အိတ်လျှင် ယခင်အပတ် (၇၈၀၀ဝိ/-)ကျပ်ဖြစ်ပြီး ယခုအပတ်(၇၈၀၀ဝိ/-) ကျပ်၊ ရွှေပုလဲ(မြင်းကျား) တစ်အိတ်လျှင် ယခင်အပတ် (၅၅၀၀ဝိ/-)ကျပ်ဖြစ်ပြီး ယခုအပတ် (၅၅၀၀ဝိ/-)ကျပ်ဖြင့် ယခင်စျေးနှုန်းအတိုင်း ပြောင်းလဲမှုမရှိဘဲ အရောင်းအဝယ်ဖြစ်လျှက် ရှိကြောင်းနှင့် လူသုံးများသော ပိုးသတ်ဆေးများမှာ ဆိုင်ကလုံး၊ ကင်ရွန်နှင့် အီရာပရိုသရင်း တို့ဖြစ်ပြီး ပိုးသတ်ဆေးစျေးနှုန်းမှာ ဆိုင်ကလုံး(၅၅၀EC)တစ်ဗူးလျှင် (၁၆၀၀ဝိ/-)ကျပ်၊ ကင်ရှန့် (၅၅၀-EC)တစ်ဗူးလျှင် (၁၉၀၀ဝိ/-)ကျပ်နှင့် အီရာပရိုသရင်း(၅၀-CC)တစ်ဗူးလျှင် (၁၆၅၀ဝိ/-)ကျပ်တို့ဖြင့် အရောင်းအဝယ်ဖြစ်လျှက်ရှိကြောင်း စျေးကွက်အတွင်းမှ သိရှိရပါသည်။

DOCA(မကွေး)

          မုံရွာကုန်စည်ဒိုင်တွင် ဇွန်လ ၂ ရက်နေ့မှ ၁၅ ရက်အတွင်း ပဲမျိုးစုံဈေးကွက်တွင် ပဲတီစိမ်း ၁၉ ပိဿာတစ်တင်းလျှင် ယခင်တစ်ပတ် ကျပ် ၄၅၀၀၀၊ ယခုတစ်ပတ် ၄၃၀၀၀၊ ကုလားပဲအနီ(၉၂၉) ၁၉ ပိဿာတစ်တင်းလျှင် ယခင်တစ်ပတ် ကျပ်၄၅၆၀၀၊ ယခုတစ်ပတ် ကျပ် ၄၆၈၀၀၊ ကုလားပဲ(ထိုင်ဝမ်) ၁၉ ပိဿာတစ်တင်းလျှင် ယခင်တစ်ပတ် ကျပ် ၄၃၆၀၀၊ ယခုတစ်ပတ် ကျပ်၄၄၀၀၀၊ ကုလားပဲအဖြူ(v_7,v₃) ၁၉ ပိဿာတစ်တင်းလျှင် ယခင်တစ်ပတ် ကျပ် ၄၅၀၀၀၊ ယခုတစ်ပတ် ကျပ် ၅၅၀၀၀၊ မတ်ပဲ ၂၀ ပိဿာတစ်တင်းလျှင် ယခင်တစ်ပတ် ကျပ် ၄၆၆၀၀၊ ယခုတစ်ပတ် ၄၉၀၀၀၊ ပဲပုတ်(ဗမာ) ၁၈ ပိဿာတစ်တင်းလျှင် ယခင်တစ်ပတ် ကျပ် ၄၈၃၀၀၊ ယခုတစ်ပတ် ကျပ် ၅၀၀၀၀၊ ပုဂံပဲ ၂၀ ပိဿာတစ်တင်းလျှင် ယခင်တစ်ပတ် ကျပ်  ၅၉၃၀၀၊ ယခုတစ်ပတ် ကျပ် ၅၉၃၀၀၊ ထောပတ်ပဲ ၁၉ ပိဿာတစ်တင်းလျှင် ယခင်တစ်ပတ် ကျပ် ၄၇၃၀၀၊ ယခုတစ်ပတ် ကျပ် ၄၄၀၀၀၊ မြေထောက်ပဲ ၁၈ ပိဿာတစ်တင်းလျှင် ယခင်တစ်ပတ် ကျပ် ၄၈၃၀၀၊ ယခုတစ်ပတ် ကျပ် ၅၅၀၀၀၊ မြေပဲလုံးဆံနီ  ၁ ပိဿာလျှင် ယခင်တစ်ပတ် ကျပ်  ၃၉၅၀၊ ယခုတစ်ပတ် ကျပ် ၄၃၀၀၊ မြေပဲလုံးဆံဖြူ ၁ ပိဿာလျှင် ယခင်တစ်ပတ် ကျပ် ၄၀၀၀၊ ယခုတစ်ပတ် ကျပ် ၄၃၅၀၊ ပဲစဉ်းငုံ(နီ) ၂၀ ပိဿာတစ်တင်းလျှင် ယခင်တစ်ပတ် ကျပ်  ၄၃၀၀၀၊ ယခုတစ်ပတ် ကျပ် ၄၃၅၀၀၊ ပဲနီလုံးကြား ၁၉ ပိဿာတစ်တင်းလျှင် ယခင်တစ်ပတ် ကျပ် ၅၉၀၀၀၊ ယခုတစ်ပတ် ကျပ် ၆၀၀၀၀၊ ပဲလွန်းပြာ ၁၈ ပိဿာတစ်တင်းလျှင် ယခင်တစ်ပတ် ကျပ် ၃၁၆၀၀၊ ယခုတစ်ပတ် ကျပ် ၃၀၆၀၀၊ နှမ်းဖြူ ၁၅ ပိဿာတစ်တင်းလျှင် ယခင်တစ်ပတ် ကျပ် ၅၁၀၀၀၊ ယခုတစ်ပတ် ကျပ် ၅၉၀၀၀၊ နှမ်းနီ ၁၅ ပိဿာတစ်တင်းလျှင် ယခင်တစ်ပတ် ကျပ် ၅၂၀၀၀၊ ယခုတစ်ပတ် ကျပ် ၅၇၅၀၀၊ နှမ်းနက်(စမုန်) ၁၅ ပိဿာတစ်တင်းလျှင် ယခင်တစ်ပတ် ကျပ် ၇၃၀၀၀၊ ယခုတစ်ပတ် ကျပ် ၇၀၀၀၀၊ ပန်းနှမ်း ၁၅ ပိဿာတစ်တင်းလျှင် ယခင်တစ်ပတ် ကျပ် ၃၅၀၀၀၊ ယခုတစ်ပတ် ကျပ် ၃၃၃၀၀၊ မတ်ပဲ ၂၀ ပိဿာတစ်တင်းလျှင် ယခင်တစ်ပတ် ကျပ်  ၄၆၆၀၀၊ ယခုတစ်ပတ် ကျပ် ၄၉၀၀၀၊ ပဲယင်းဝါ (ကြီး)၂၀ ပိဿာတစ်တင်းလျှင် ယခင်တစ်ပတ် ကျပ်  ၄၉၃၀၀၊ ယခုတစ်ပတ် ကျပ် ၄၅၀၀၀ ဖြစ်ခဲ့သည်။

         အရောင်းအဝယ်ဖြစ်မှုအနေဖြင့် ဇွန်လပထမအပတ်နှင့် ဒုတိယအပတ်တွင် ကုလားပဲအဖြူ (v_7,v₃) အိတ်လုံးရေ ၁၀၀၀ တန်အားဖြင့် (၅၀)တန်၊ ကုလားပဲအနီ အိတ်လုံးရေ ၁၅၀၀ တန်အားဖြင့် (၇၅)တန်၊ နှမ်းနီအိတ်လုံးရေ ၁၀၀၀ တန်အားဖြင့် (၅၀)တန်၊ နှမ်းနက်(စမုန်) အိတ်လုံးရေ ၅၀၀၀ တန်အားဖြင့် (၂၅၀)တန်၊ ပဲတီစိမ်း(အသစ်) အိတ်လုံးရေ ၂၅၀၀ တန်အားဖြင့် (၁၂၅)တန်၊ ပဲကြီးအိတ်လုံးရေ ၁၀၀၀ တန်အားဖြင့် (၅၀) တန်၊  ပဲစဉ်းငုံအိတ်လုံးရေ ၁၅၀၀ တန်အားဖြင့် (၇၅)တန်၊ မြေပဲအိတ်လုံးရေ ၅၀၀၀ တန်အားဖြင့် (၂၅၀)တန်  တို့ဖြစ်သည်။ မတ်ပဲနှင့်ပဲယင်းမှာ ယခင်လများတွင် အရောင်းအဝယ်ဖြစ်သော်လည်း ယခုလတွင် အရောင်းအဝယ်ဖြစ်မှု မရှိသလောက်နည်းနေကြောင်း ကုလားပဲအဖြူ(v_7,v₃) တို့ကို ရန်ကုန်ကုန်စည်ဒိုင်သို့တင်ပို့ရပြီး ထိုမှတစ်ဆင့် ပါကစ္စတန်နိုင်ငံအပါအဝင် အခြားပြည်ပနိုင်ငံများသို့ တင်ပို့ကြောင်းနှင့် ကုလားပဲအနီကို ပြည်တွင်းမှာပဲ အရောင်းအဝယ်ဖြစ်ကြောင်း၊ ပဲကြီးကိုလည်း ပြည်တွင်းရှိ ပဲကြော်ဖိုများဖြစ်သည့် ချောက်မြို့၊ ကျောက်ပန်းတောင်းမြို့၊ ဆလင်းမြို့စသည့် မြို့ကြီးများသို့ တင်ပို့ကြောင်းသိရသည်။

       ပဲကြီးဈေးနှုန်းအနေဖြင့် ပဲကြီး ၂၀ ပိဿာတစ်တင်းလျှင် ယခင်တစ်ပတ် ကျပ်  ၆၅၀၀၀ ယခုတစ်ပတ် ကျပ် ၆၇၀၀၀ ဇွန်လပထမအပတ်နှင့် ဒုတိယအပတ်အတွင်းတွင် ကုလားပဲ၊ ပဲကြီး၊ ပဲတီစိမ်း၊ ပဲစဉ်းငုံ၊ မြေပဲ စသည့် ပဲမာများမှာ အရောင်းအဝယ်ဖြစ်ပြီး ဈေးကောင်းရနေကြောင်း မုံရွာကုန်စည်ဒိုင်မှ သိရှိရပါသည်။

DOCA(စစ်ကိုင်း)

            ရှမ်းပြည်နယ် (အရှေ့ပိုင်း)၊ ကျိုင်းတုံမြို့သည် သစ်တောထွက် သယံဇာတ တစ်ခုဖြစ်သော သဘာဝပျားရည်စစ်စစ်ထွက်ရှိရာ မြို့တစ်မြို့ဖြစ်ပါသည်။ သဘာဝပျားရည်သည် စားသုံးရာတွင် အရသာရှိပြီး ကျန်းမာရေးအတွက် အထောက်အကူဖြစ်စေသည့်အပြင် ကိုယ်အလေးချိန်လျှော့ချခြင်း၊ အမြင်အာရုံအားနည်းသူများအတွက် တိုးတက်ကောင်းမွန်စေခြင်း၊ အအေးမိချောင်းဆိုးရောဂါများကို သက်သာစေခြင်းနှင့် အစာကြေလွယ်၍အိပ်ပျော်စေခြင်းစသည့် ကျန်းမားရေးကောင်းကျိုးများကို ရရှိစေပါသည်။ သဘာဝပျားရည်သည် ကျိုင်းတုံမြို့ရှိ တောင်ပေါ်ငါးအုပ်စု (နမ့်ခတ်၊ နမ့်အင်း၊ မိုင်းအင်း၊ နောင်ကော၊ နားပေါ်)တွင် အဓိကထွက်ရှိပြီး တောင်သူများသည် လယ်ယာလုပ်ငန်းခွင် နားချိန်၌ ပျားရှာ၊ ပျားဖွတ်ခြင်းများ လုပ်ကိုင်ကြပါသည်။

          တောင်ပေါ်ငါးအုပ်စုဒေသ၌ မိုးရာသီနှင့် ဆောင်းရာသီတွင် လယ်ယာလုပ်ငန်းခွင် အလုပ်များပြားသော်လည်း ယခုကဲ့သို့ နွေဦးကာလ (၄)လပိုင်း ဧပြီလမှစ၍ (၆)လပိုင်း ဇွန်လအတွင်း ပျားရှာ၊ ပျားဖွတ်ကြသော လုပ်ငန်းဖြင့် ဝင်ငွေရရှိနေပါသည်။ လက်ရှိရောင်းချရာ၌ ပျားသလက်၊ ပျားရည်ဟူ၍ (၂)မျိုးရှိပြီး ပျားသလက် (၁)ပိဿာလျှင် ကျပ် (၈၀၀၀)မှ ကျပ် (၁၀၀၀၀)အတွင်း ရောင်းရပြီး လတ်လတ်ဆတ်ဆတ် စားသုံးလိုသူများအတွက် အဆင်ပြေ၍ အကြိုက်တွေ့ကြကြောင်း ကျိုင်းတုံမြို့နယ် ဒေသခံတစ်ဦးက ပြောကြားပါသည်။

         ကျိုင်းတုံမြို့မဈေးကွက်၌ သဘာဝပျားရည် တစ်ပုလင်းလျှင် ကျပ် (၁၀၀၀၀)မှ ကျပ် (၁၂၀၀၀)ပေါက်ဈေး ရရှိပါသည်။ ဆေးဖက်ဝင်အဖြစ် ဝယ်ယူစားသုံးသူများပြားပြီး လူကြီးမိတ်ဆွေ၊ သူငယ်ချင်းများသို့ လက်ဆောင်အဖြစ် ရောင်းချနေရာ၌ ပျားရည်ဝယ်ယူသူများ များပြားလျက်ရှိကြောင်း ရောင်းချသူထံမှ သိရပါသည်။

 DOCA(ရှမ်း)

              ကလေးဝမြို့နယ်တွင် ဆီထွက်သီးနှံများအနေဖြင့် ဒေသတွင်းထွက်ရှိသည့်မြေပဲနှင့် နေကြာ တို့ကိုသာကြိတ်ခွဲနေရပြီး မြေပဲဆံနှင့်နေကြာဆံများ အရောင်းအဝယ်ဖြစ်လျက်ရှိကြောင်း သိရသည်။  သီးနှံများ ပေါ်စအချိန်ကပင် မြေပဲဆံ ( ၁၆ ) ပြည် တစ်တင်းလျှင် ( ၄၃၀၀၀ - ၄၅၀၀၀ )ကျပ်၊ နေကြာဆံ( ၁၆ ) ပြည်တစ်တင်းလျှင် ( ၂၀၀၀၀ မှ ၂၁၀၀၀ ) ကျပ် ပေါက်ဈေးနှုန်းများရှိခဲ့ပြီး ယခုလက်ရှိတွင် မြေပဲဆံ ( ၁၆ ) ပြည် တစ်တင်းလျှင် ( ၅၄၀၀၀ - ၅၆၀၀၀ ) ကျပ်၊ နေကြာဆံ ( ၁၆ ) ပြည်တစ်တင်းလျှင် ( ၂၄၀၀၀ မှ ၂၅၀၀၀ ) ကျပ် ခန့်ရှိပြီး ဆီထွက်သီးနှံများ အမြင့်ဈေးသို့ ရောက်ရှိကာ ရောင်းဝယ်မှုများရှိကြောင်း သိရှိရပါသည်။

             စားသုံးဆီဈေးကွက်အနေဖြင့် ​မြေပဲဆီ ( ၁၀ ) ပိဿာဝင် တစ်ပုံးလျှင် ( ၉၅၀၀၀ - ၉၇၀၀၀ ) ကျပ်၊ နေကြာဆီ ( ၁၀ ) ပိဿာဝင် တစ်ပုံးလျှင် ( ၇၈၀၀၀ - ၈၀၀၀၀ ) ကျပ်ဖြင့် ရောင်းချနေပြီး ဈေးကွက်အနေဖြင့် ဒေသတွင်းသာ ရောင်းချလျက်ရှိပါကြောင်း ဆီကုန်သည်တစ်ဦး၏ ပြောပြချက်အရ သိရှိရပါသည်။

DOCA(စစ်ကိုင်း)