ပြည်တွင်းကုန်သွယ်မှုသတင်း

          မြေပဲပင်ပေါက်များသည် တစ်နှစ်မှတစ်ခါ စားရခြင်းဖြစ်ပြီး မိုးရွာမှသာ မြေပဲခင်းမှ မြေပဲစို့လေးများထွက်ပေါ်လာခြင်း ဖြစ်ပါတယ်။ မြေပဲပင်စို့များကို နှုတ်ယူရာတွင် တစ်ဧကလျှင် ပိဿာချိန် ၁၀ မှ ၁၅အထိ နှုတ်ယူရရှိကြပြီး မြေပဲနှုတ်ယူစဉ်အချိန်က မြေပဲလက်ကျန် ကျန်ရှိခဲ့မှု့ အနည်း အများပေါ်မူတည်ပြီး ရရှိခြင်းဖြစ်ပါသည်။ ရောင်းချသူများအနေဖြင့် မြေပဲကို မြေပဲပင်ပေါက်အဖြစ် စိုက်ပျိုးရန် အရင်းအနှီးများသောကြောင့် ပြုလုပ်ရောင်းချနိုင်ခြင်းမရှိသော်လည်း မြေပဲပင် နှုတ်ယူခဲ့စဉ်က ကျန်ခဲ့သည့် လက်ကျန်များကြောင့်သာ စားသုံးသူများသို့ ရောင်းချနိုင်ခြင်း ဖြစ်ပါသည်။ မြေပဲပင်ပေါက်ကို ထိပ်၊ အရွက်၊ အညွှန့်ကလေးများကိုဖဲ့ပြီး ကြော်၍သော် လည်းကောင်း၊ ပြုတ်ကြော်လုပ်၍လည်းကောင်း စားသုံးကြပါသည်။ ယခုရက်အတွင်း မိုးကောင်းလာသည်နှင့်အတူ မြေပဲနှုတ်သိမ်းရာတွင် ကျန်ရှိသည့် မြေပဲများမှ မြေပဲအစို့များထွက်လာကြောင်း သိရပါသည်။ ပြည်ဈေးကွက်တွင် မြေပဲပင်ပေါက် တစ်ပိဿာလျှင် ၄၀၀၀ကျပ်မှ ၄၂၀၀ကျပ်ထိရှိပြီး မြေပဲဆန် တစ်တင်းလျှင် ၆၀၀၀၀ကျပ်မှ ၆၅၀၀၀ကျပ် အထိရှိကြောင်း သိရှိရပါသည်။

DOCA(ပဲခူး)

       ပဲခူးတိုင်း‌ဒေသကြီး ပြည်အာလူးပွဲရုံများသို့ ရှမ်းပြည်နယ်အောင်ပန်းမှ ၁အိတ် ပိဿာ (၃၀)ဝင်ဆံ့ အိတ် ၅၀/၁၀၀ အဝင်ရှိသလို မန္တလေးဘက်မှ တရုတ်အာလူများ တစ်နေ့လျှင် အိတ် ၂၀၀အတွင်း အဝင်ရှိနေသည့်အတွက် တစ်နေ့ကို အာလူးအိတ် ၃၀၀ဝန်းကျင်ခန့် အဝင်ရှိနေကြောင်း သိရပါသည်။ တစ်ပတ်လျှင် ၄ရက်ခန့်အဝင်ရှိပါသည်။ မိုးဦးကာလဖြစ်နေသည့်အတွက် အရောင်းအေးကာ ပြည်မြို့နယ်အတွင်းရှိ လက်လီဝယ်ယူသူများနှင့် လုပ်ငန်းရှင်များမှလည်း အဝယ်ပါးလျှက်ရှိကြောင်း သိရပါသည်။ ယခု တစ်ပတ်မှာ ယခင်ထက် အာလူးအဝင်များနေခြင်းကြောင့် ပွဲရုံလက်ကျန်များသည့်အတွက် အာလူးဈေး အနည်းငယ်လျော့နည်းနေပါသည်။ ယခင်တစ်ပတ်က ပွဲရုံဈေး တစ်ပိဿာလျှင် ကျပ် ၂၀၀၀-၂၁၀၀ ဈေးရှိပြီး ယခုတစ်ပတ်မှာ ကျပ် ၁၈၀၀-၂၀၀၀၊ လက်လီဈေး ယခင်တစ်ပတ်က တစ်ပိဿာလျှင် ကျပ် ၂၂၀၀-၂၈၀၀ဈေးရှိခဲ့ပြီး ယခုတစ်ပတ်တွင် ကျပ် ၂၄၀၀ဈေးရှိပါသည်။

           ကြက်သွန်ဖြူဈေးကွက်မှာ ယခုတစ်ပတ်တွင် အရောင်းအဝယ်အေးလျှက်ရှိပါသည်။ အခြားတိုင်းဒေသကြီး၊ ပြည်နယ်များသို့ တင်ပို့ရောင်းချနိုင်ခြင်းမရှိဘဲ ပြည်ခရိုင်အတွင်းရှိ မြို့နယ်များမှ လက်လီ/လက်ကားဝယ်ယူသူများသာရှိကြောင်း သိရပါသည်။ ရှမ်းပြည်နယ်၊ တောင်ကြီး၊ အောင်ပန်း ဘက်မှရှမ်းစများနှင့် မန္တလေးဘက်မှ ကြူကုတ်များတစ်နေ့လျှင် (၁၅.၁၆) ပိဿာဝင်ဆံ့ အိတ် ၄၀/၁၀၀အတွင်းအဝင်ရှိပါသည်။ ကြူကုတ်မှာ ပွဲရုံဈေး ယခင်က ၁ပိဿာ ၃၅၀၀-၃၈၀၀ ကျပ်ဈေးရှိပြီး ယခုတစ်ပတ်မှာ ၃၅၀၀ကျပ်ဈေးတစ်မျိုးသာရှိ၍ လက်လီဈေးမှာ ပွဲရုံဈေး ယခင်က ၁ပိဿာ ၅၀၀၀-၅၅၀၀ကျပ်ဖြင့် အရောင်းအဝယ်ရှိခဲ့သော်လည်း ယခုတစ်ပတ်မှာ ၃၈၀၀-၄၀၀၀ ကျပ် ဈေးရှိပါသည်။ ရှမ်းစမှာ ပွဲရုံဈေး ၁ပိဿာလျှင် ယခင်တစ်ပတ်က ၂၂၀၀ မှ ၃၅၀၀ကျပ်အတွင်း အရည်အသွေးပေါ်မူတည်၍ ဈေးနှုန်းများရှိခဲ့ပြီး ယခုတစ်ပတ်တွင် ၂၅၀၀မှ ၃၂၀၀ကျပ် အတွင်း ဈေးရှိပြီး လက်လီဈေးမှာ ယခင်တစ်ပတ်က ၃၅၀၀-၄၀၀၀ကျပ်ရှိခဲ့ပြီး ယခုတစ်ပတ်တွင် ရှမ်းစ လက်လီဈေးမှာ အပြောင်းအလဲမရှိကြောင်း သိရှိရပါသည်။

DOCA(ပဲခူး)

                ပဲခူးတိုင်း‌ဒေသကြီး၌ ၂၀၂၁-၂၀၂၂ နွေစပါးအချိန်တွင် လယ်ထွန်စက်များမှာ စက်သုံးဆီဈေးနှုန်းများ စတင်မြင့်တက်လာခြင်းကြောင့် လယ်တစ်ဧကလျှင် ထယ်ထိုးခ ၂၅၀၀၀ ကျပ်၊ ထွန်မွှေခ ၃၀၀၀၀ ကျပ်၊ ရိတ်သိမ်းခြွေလှေ့ချိန်တွင် တစ်ဧက ၇၅၀၀၀ ကျပ် ကုန်ကျစရိတ်ရှိခဲ့ပါသည်။ ယခု မိုးစပါးစတင်စိုက်ပျိုးချိန်တွင် လယ်တစ်ဧကလျှင် ထယ်ထိုးခ ၃၀၀၀၀ ကျပ်၊ ထွန်မွှေခ ၃၅၀၀၀ကျပ် ဖြစ်သဖြင့် ကုန်ကျစရိတ် မြင့်တက်လာပါသည်။ ထိုသို့ ကုန်ကျစရိတ် မြင့်တက်လာခြင်းကြောင့် တောင်သူများမှာ မိရိုးဖလာဖြစ်သည့် ကျွဲ၊ နွားများကို ပြန်လည်အသုံးပြုလာကြသည်ကို တွေ့ရပါသည်။

              ကျွဲ၊ နွားနှင့် ထွန်ယက်ရာတွင် ထယ်အစား စက်တုံးများဖြင့် မောင်းရပြီး တစ်မနက်လျှင် ၁၅၀၀၀ ကျပ်ပေးရပါသည်။ တစ်ဧကလျှင် စပါးစတင်ကျဲ၍ရသည်အထိ ကျွဲ၊ နွား ၅ ရှဉ်း အသုံးပြုရ မည်ဖြစ်သဖြင့် ၇၅၀၀၀ ကျပ် ကုန်ကျမည်ဖြစ်ပါသည်။ ယခုအခါ မိုးစပါးဈေးနှုန်းမှာ တစ်တင်းလျှင် ၉၀၀၀ ကျပ်မှ ၁၂၀၀၀ ကျပ်အထိရှိပြီး တစ်ဧကလျှင် ၃ တင်း အသုံးပြုရပါသည်။ မျိုးစပါးမကျဲမီ ရေထဲတွင် ၂၄ နာရီစိမ်ထားရပြီး ပြန်ဆယ်၍ ကုန်းပေါ်တွင် ၂၄ နာရီထားရပါသည်။ ပြီးလျှင် ရေထိုးပြီး စပါးကို ပြန်လည်အုပ်ထားရပါသည်။ နောက် ၂၄ နာရီပြည့်မှ စတင်ကြဲပက်ရပါသည်။

              မျိုးစပါးကျဲရာတွင် စပါးတစ်တင်းလျှင် ၂၀၀၀ ကျပ်မှ ၂၅၀၀ ကျပ်အထိ ပေးရပါသည်။ ပျိုးသက် ၁၂ ရက်ခန့်တွင် ပေါင်းသေ ပင်ကောင်းဆေး တစ်ဧကလျှင် တစ်အိတ်ကျဲပက်ပေးရပါသည်။ ပေါင်းသေ ပင်ကောင်းဆေး တစ်အိတ်လျှင် ၆၅၀၀၀ ကျပ်မှ ၇၅၀၀၀ ကျပ်အထိ ပေးရပါသည်။ တစ်လခန့်အကြာတွင် ပုလဲဓါတ်မြေဩဇာတစ်အိတ်၏ လေးပုံသုံးပုံ ကြဲပက်ပေးရပါသည်။ ပုလဲမြေဩဇာ တစ်အိတ်လျှင် ၁၀၀၀၀၀ ကျပ် ပေးရပါသည်။ တစ်လမှ နှစ်လအကြားတွင် ဓါတ်မြေဩဇာအစား ကြက်ချေး ၁၀ အိတ်မှ ၁၅ အိတ်အထိ ကြဲနိုင်ပါသည်။ ကြက်ချေးဈေးနှုန်းမှာ တစ်အိတ်လျှင် ၂၀၀၀ ကျပ်၊ ကျုံးခ ၅၀၀ ကျပ်နှင့် သယ်ယူပို့ဆောင်ခများအပါအဝင်ဆိုပါက ၂၇၀၀ ကျပ်မှ ၂၈၀၀ ကျပ်အထိ ရှိပါသည်။

              အပင်သက် ၂ လခွဲမှ ၃ လခန့်အကြာ ဖုံးတုံးလုံးတုံးအချိန်တွင် အသီးဓါတ်မြေဩဇာ တစ် အိတ်နှင့် ပုလဲဓါတ်မြေဩဇာ အိတ်တစ်ဝက် ကျဲမှသာ စပါးအထွက်ကောင်းမည်ဖြစ်ပါသည်။ ဓါတ်မြေဩဇာကျဲရာတွင် လုပ်သားခမှာ တစ်အိတ်လျှင် ၃၀၀၀ ကျပ်မှ ၃၅၀၀ ကျပ်အထိ ရှိပါသည်။ စပါးကျဲခြင်း၊ ပေါင်းလိုက်ခြင်းအတွက် လုပ်သားခ တစ်နေ့ ၇၀၀၀ ကျပ်ရှိပြီး စပါးပိုးကျ၍ ပိုးသတ်ဆေးဖြန်းရပါက ဆေးဖျန်းခ တစ်နေ့ ၅၀၀၀ ကျပ်ရှိပါသည်။ လယ်တစ်ဧကလျှင် စတင်စိုက်ပျိုးချိန်မှ ရိတ်သိမ်းချိန်အထိ သွင်းအားစုဈေး၊ အလုပ်သမားခများနှင့် စက်ရိတ်ခများစုစုပေါင်း ၃၅၀၀၀၀ ကျပ် မှ ၄၀၀၀၀၀ ကျပ်အထိ ရှိပါသည်။ စပါးအထွက်နှုန်းမှာ တစ်ဧကလျှင် ၇၅ တင်းမှ တင်း ၁၀၀ အထိရှိ ကြောင်း သိရပါသည်။

              ယခုနှစ်တွင် စပါးရိတ်သိမ်းခ မည်မျှရှိမည်ဖြစ်ကြောင်းနှင့် စပါးဈေးနှုန်းမည်မျှရှိမည် ဆိုသည်ကို မပြောနိုင်သေးကြောင်း၊ ယခုနှစ်နွေစပါးရာသီတွင် မိုးများစွာရွာသွန်းခြင်းကြောင့် စပါးများရင့်မှည့်ချိန်တွင် ရိုက်ချလိုက်သလိုဖြစ်သည့်အတွက် အထွက်ကောင်းသော်လည်း ထင်သလောက် စပါးမထွက်ကြောင်း၊ သွင်းအားစု၊ လုပ်သားခနှင့် စက်ခများဈေးနှုန်းမြင့်ခြင်းကြောင့် အမြတ်နည်းပါသော်လည်း အဆင်ပြေပါကြောင်း ကျေးတောကျေးရွာမှ စပါးစိုက်တောင်သူတစ်ဦးထံမှ သိရှိရပါသည်။

DOCA(ပဲခူး)

          ကယားပြည်နယ်တွင် ကုန်စည်စီးဆင်းမှုအနေဖြင့် အိမ်ဆောက်ပစ္စည်းနှင့် ဘိလပ်မြေများ ပြည်နယ်တွင်းသို့ ပိုမိုဝင်ရောက်လာပြီး ယခု ဇွန်လဆန်းပိုင်းအတွင်း ဘိလပ်မြေအိတ်(၄၅၆၀) အိတ်ဝင်ရောက်ပြီး ဇွန်ဒုတိယပတ်တွင်ဖြစ်ပေါ်နေသော ဘိလပ်မြေဈေးနှုန်းများမှာ ကမ္ဘောဇ ဘိလပ်မြေ တစ်အိတ် လျှင် (၇၄၀၀) ကျပ်၊ အာပါချီ ဘိလပ်မြေ တစ်အိတ်လျှင် (၇၄၀၀) ကျပ်၊ နဂါးဘိလပ်မြေ တစ်အိတ်လျှင် (၇၃၀၀) ကျပ်ဖြင့် အရောင်းအဝယ် ဖြစ်လျှက်ရှိပြီး  ယခင် မေလဒုတိယပတ်တွင် ကမ္ဘောဇ ဘိလပ်မြေ တစ်အိတ်လျှင် (၇၅၀၀) ကျပ်၊ အာပါချီ ဘိလပ်မြေ တစ်အိတ်လျှင် (၇၈၀၀) ကျပ်၊နဂါးဘိလပ်မြေ တစ်အိတ်လျှင် (၈၀၀၀) ကျပ် ရှိခဲ့ပြီး ယခင် မေလဒုတိယပတ်နှင့် ယခု ဇွန်လဒုတိယပတ် နှိုင်းယှဉ်ကြည့်လျှင် ကမ္ဘောဇ တစ်အိတ်လျှင် (၁၀၀) ကျပ်၊ အာပါချီ တစ်အိတ်လျှင် (၄၀၀) ကျပ်၊ နဂါးဘိလပ်မြေ တစ်အိတ်လျှင် (၇၀၀) ကျပ်ခန့် ဈေးနှုန်းများ ဆက်လက်ကျဆင်းနေကြောင်း၊ ဈေးနှုန်းကျဆင်းရခြင်းမှာ ယခင်လများ ထက်ဘိလပ်မြေ ဝင်ရောက်မှုများလာပြီး  ဝယ်လိုအားမှာလည်း အသင့်အတင့် သာရှိကြောင်း၊ ဘိလပ်မြေဈေးမှာ ဆက်လက်ကျဆင်းမည့် အလားအလာရှိကြောင်း အိမ်ဆောက်ပစ္စည်း အရောင်း ဆိုင်တစ်ဦးထံမှ သိရပါသည်။

DOCA(ကယား)

             စစ်ကိုင်းတိုင်းဒေသကြီးသည် ဇွန်လ(ဒုတိယ)ပတ်၌ စပါး/ဆန်ဈေးနှုန်းများမှာ ဆန်ပိုဒေသများဖြစ်သော ကလေးခရိုင်၊ ကသာခရိုင်၊ စစ်ကိုင်းခရိုင်၊ မုံရွာခရိုင်နှင့် ရွှေဘိုခရိုင်တို့တွင် ဈေးအေးနေပါသည်။

            စစ်ကိုင်းတိုင်းဒေသကြီးအတွင်း မေလ(နောက်ဆုံးပတ်)တွင် ဖြစ်ပေါ်နေသောအခြေခံစားကုန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၅၅၀၀၀၀)၊ ပေါ်ဆန်း (ဆန်)၂၄ ပြည်ပါ တစ်အိတ်လျှင် ကျပ်  ၅၅၀၀၀၊ ဧရာမင်း(စပါး) တင်း ၁၀၀လျှင် ၁၀၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ်လျှင် ကျပ် ၄၄၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၃၅၀၀၀၀၊ ပေါ်ဆန်း(ဆန်) တစ်အိတ်လျှင်ကျပ် ၅၂၀၀၀၊  ဧရာမင်း (စပါး) တင်း၁၀၀ လျှင် ၉၀၀၀၀၀၊ ဧရာမင်း (ဆန်)၂၄ ပြည်ပါ တစ်အိတ်လျှင်  ၄၀၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

        ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည်ပါ တစ်အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာကျပ် ၃၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၈၀၀၀၀၀၊ မှော်ဘီ(၂) ဆန် ၂၄ပြည် တစ်အိတ်လျှင် ကျပ် ၃၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၇၀၀၀၀၀၊ ဆင်းဧကရီ-၃ဆန် ၂၄ပြည် တစ်အိတ်မှာကျပ် ၃၀၀၀၀၊ ဧရာမင်း (စပါး) တင်း ၁၀၀ လျှင် ကျပ် ၉၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၃၉၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၂၀၀၀၊ မနောသုခ (စပါး)တင်း ၁၀၀လျှင် ကျပ် ၇၅၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၂၈၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

           ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၅၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၄၀၀၀ဖြင့် အရောင်းအဝယ် ဖြစ်နေကြောင်း သိရပါသည်။

           စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ မေလ(စတုတ္တ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ မေလ(နောက်ဆုံး)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၂၈၀၀၀၊ မန္တလေးသို့ အိတ်ရေ ၄၁၇၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၀၀၀၀၊ ရှမ်း(တောင်)သို့ အိတ်ရေ ၆၀၀၀၊ ရှမ်း (မြောက်)သို့အိတ်ရေ ၆၀၀၀၊ စုစုပေါင်းအိတ်ရေ (၉၂၇၀၀) အိတ်၊ တန်အားဖြင့် (၄၆၃၅) စီးထွက်ခဲ့ပြီး၊ ယခု ဇွန်လ(ပထမ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၂၄၀၀၀၊ မန္တလေးသို့ အိတ်ရေ ၃၈၆၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၆၅၀၀၊ ရှမ်း(တောင်)သို့ အိတ်ရေ ၄၅၀၀၊ ရှမ်း (မြောက်)သို့ အိတ်ရေ ၄၅၀၀၊ စုစုပေါင်းအိတ်ရေ (၇၉၁၀၀) အိတ်၊ တန်အားဖြင့် (၃၉၅၅) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၁၃၆၀၀)တန်အားဖြင့် (၆၈၀)လျော့နည်းစီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)