ပြည်တွင်းကုန်သွယ်မှုသတင်း

              မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ်သည့်မြေပဲကို မိုးတွင် အများဆုံးစိုက်ပျိုးပြီး၊ဆောင်းတွင် အနည်းငယ်သာစိုက်ပျိုးမှုရှိပါသည်။၂၀၂၁-၂၀၂၂ ခုနှစ်တွင် မိုးမြေပဲစိုက်ပျိုးမှုဧကပေါင်း (၅၈၈၅) ဧကရှိပြီး၊ အထွက်နှုန်း(၄၂.၁၆) တင်းနှုန်းဖြင့် တင်းပေါင်း(၂၄၈၂၆၆၉  )တင်းထွက်ရှိခဲ့ပါသည်။ဆောင်းတွင် စိုက်ပျိုးဧကပေါင်း(၂၉၈)ဧက စိုက်ပျိုးခဲ့ပြီး တစ်ဧကအထွက်နှုန်း(၄၇.၄၁)တင်းဖြင့် တင်းပေါင်း(၁၄၁၂၈)တင်း ထွက်ရှိခဲ့ပါသည်။မိုးမြေပဲကို မေလဆန်းပိုင်းတွင် စတင်စိုက်ပျိုးပြီး ဩဂုတ်လတွင် လှိုင်လှိုင်ထွက်ရှိပါသည်။ ၂၀၂၂-၂၀၂၃ ခုနှစ် မိုးမြေပဲ လျာထားဧကမှာ (၅၈၂၇၁)ဧကဖြစ်ရှိပြီး (၁၄၅၇၉)ဧက စိုက်ပျိုးပြီးဖြစ်ပါသည်။ ဆောင်းမြေပဲ လျာထားဧကမှာ (၃၁၉)ရှိပါသည်။မြေပဲထွက်ပေါ်ချိန် ဩဂုတ်လတွင် ကျောက်ပန်းတောင်းမြို့နှင့်ထိစပ်လျက်ရှိသောကျေးရွာများမှ မြို့ပေါ်ရှိပွဲရုံများနှင့် ဆီစက်များသို့ လာရောက်၍ အရောင်းအဝယ်ပြုလုပ်ကြပါသည်။

          ၂၀၂၂ ခုနှစ်တွင် မြေပဲ(ဆီဆံ) တစ်တင်းလျှင်(၄၅၀၀၀)ကျပ်၊ မြေပဲ(လုံးဆံ)တစ်တင်းလျှင် (၄၈၀၀၀)ကျပ်၊ မြေပဲ(မျိုးဆံ)တစ်တင်းလျှင် (၆၀၀၀၀)ကျပ်တို့ဖြင့်ရောင်းချခဲ့ရပြီး၊ယခုလက်ရှိပေါက်ဈေးများမှာ ဆီဆံတစ်တင်းလျှင် (၆၀၀၀၀)ကျပ်၊လုံးဆံတစ်တင်းလျှင် (၆၃၀၀၀)ကျပ်နှင့် မျိုးဆံတစ် တင်းလျှင် (၇၀၀၀၀)ကျပ်တို့ဖြင့် အရောင်းအဝယ်ဖြစ်ပေါ်နေကြောင်း သိရပါသည်။

          မိုးမြေပဲတစ်ဧကစိုက်ပျိုးမှုကုန်ကျစရိတ်အနေဖြင့် (၄၃၆၀၀၀)ကျပ်ဝန်ကျင်းခန့်ရှိပြီးတစ်ဧကပျမ်းမျှအထွက်တင်းမှာ(၄၃)တင်းနှုန်းခန့် ရှိပါသည်။မြေပဲတောင့်တစ်တင်းရောင်းရဈေးမှာ(၁၅၀၀၀) ကျပ်ဖြင့်ရောင်းချခဲ့ရသောကြောင့် တစ်ဧကဝင်ငွေမှာ(၆၄၅၀၀၀)ကျပ်ဖြစ်၍ တစ်ဧကတောင်သူအကျိုးအမြတ်မှာ(၂၀၉၀၀၀)ကျပ် ရရှိစေပါသည်။ဆောင်းမြေပဲတစ်ဧကကုန်ကျစရိတ်မှာ (၄၃၆၀၀၀) ကျပ်ခန့်ကျသင့်ပြီး အထွက်နှုန်းမှာ(၄၇.၄၁)တင်းထွက်ရှိခဲ့၍ တစ်ဧကဝင်ငွေ((၇၁၁၁၅၀)ကျပ် ရရှိသောကြောင့် တောင်သူအကျိုးအမြတ်အနေဖြင့် (၂၇၅၁၅၀)ကျပ်ခန့် ရရှိကြောင်းသိရပါသည်။ဒေသထွက်မြေပဲများကို ယခင်က အခြားဒေသများသို့ တင်ပို့ရောင်းချမှုများရှိခဲ့သော်လည်း ယခုအချိန်တွင် ရောင်းချမှုနည်းလာပြီး ဒေသတွင်း၌သာ ဆီကြိတ်ခွဲ၍သုံးစွဲမှုများလာပါသည်။

          တောင်သူအကျိုးအမြတ်ရရှိသော ဆီထွက်သီးနှံမြေပဲကို ပိုမိုစိုက်ပျိုးပြီး ပြင်ပသို့ရောင်းချခြင်းမပြုပဲ ပြည်တွင်း၌သာသုံးစွဲခြင်း၊ ဆီကြိတ်ခွဲရောင်းချခြင်းများပြုလုပ်ပါက ဒေသတွင်းဆီစားသုံးမှုဖူလုံလာခြင်း၊ တိရစ္ဆာန်အစာများပေါများလာပြီး မွေမြူရေးလုပ်ငန်းများဖွံဖြိုးလာစေခြင်း၊ ဒေသတွင်းအလုပ်အကိုင်အခွင့်အလမ်းများ ပိုမိုရရှိစေလာခြင်းအပြင် ဘေးအန္တရာယ်ကင်းသော ဆီများစားသုံးရခြင်းတို့ကြောင့် ကျန်းမာရေးညီညွှတ်ကောင်းမွန်လာစေခြင်း စသည့်အကျိုးကျေးဇူးများ ရရှိစေနိုင်သည့်အတွက် ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါသည်။

DOCA(မန္တလေး)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင် ပြည်တွင်းကုန်သွယ်ရေးဖွံ့ဖြိုးမှုနှင့် သုတေသနဌာနခွဲအနေဖြင့် သီးနှံများ၏ ဈေးနှုန်းဆိုင်ရာ အချက်အလက်များနှင့် အရောင်းအဝယ်ဖြစ်မှုစာရင်းများကို ရွှေဘိုမြို့၊ ပဲ၊ နှမ်းကုန်စည်ဒိုင် မှတာဝန်ရှိသူများနှင့်  ချိတ်ဆက်၍ စာရင်းများပြုစုပြီး  အထက်အဆင့်ဌာနများသို့ တင်ပြဆောင်ရွက်လျှက် ရှိပါသည်။

           စစ်ကိုင်းတိုင်းဒေသကြီး၊ ရွှေဘိုခရိုင်၌ ၂၀၂၁-၂၀၂၂ခုနှစ်တွင် နွေသီးနှံအနေဖြင့် နွေနှမ်း(၈၅၃၂၆) ဧက၊ ပဲတီစိမ်း(မိုးကြို)(၄၃၀၂၈)ဧက၊ မတ်ပဲ(မိုးကြို)(၃၅)ဧက၊ နေကြာ(မိုးကြို)(၆၀)ဧကနှင့် ချည်မျှင်ရှည်ဝါ (မိုးကြို)(၁၀)ဧက၊  စုစုပေါင်း(၁၂၈၄၅၉)ဧက စိုက်ပျိုးခဲ့ကြောင်း၊ နွေနှမ်း(၈၅၃၂၆)ဧကမှာ ရွှေဘိုမြို့နယ်တွင် (၉၄၈၅)ဧက၊ ဝက်လက်မြို့နယ်တွင်(၆၆၇၂၉)ဧက၊ ခင်ဦးမြို့နယ်တွင်(၇၃၇)ဧက၊ တန့်ဆည်မြို့နယ်တွင် (၉၅)ဧကနှင့် ဒီပဲယင်းမြို့နယ်တွင် (၈၂၈၀)ဧက စိုက်ပျိုးကြောင်းသိရသည်။ ဝက်လက်မြို့နယ်သည် ရွှေဘိုတစ်ခရိုင်လုံးရှိ စိုက်ဧက၏(၇၈%)ကျော်စိုက်ပျိုးပြီး နှစ်စဉ်ခရိုင်တွင် အများဆုံးစိုက်ပျိုးသည့်မြို့နယ်တစ်ခု ဖြစ်ပါသည်။ နွေနှမ်းကို ၂၀၂၀-၂၀၂၁ခုနှစ်တွင် (၇၉၅၆၉)ဧက စိုက်ပျိုးခဲ့ပြီး ၂၀၂၁-၂၀၂၂ခုနှစ်တွင် (၈၅၃၂၆)ဧကစိုက်ပျိုးခဲ့သဖြင့် ယခင်နှစ်ထက် (၅၇၅၇)ဧက ပိုမိုစိုက်ပျိုးကြောင်း သက်ဆိုင်ရာဌာန၏ စာရင်းများအရ သိရှိရပါသည်။

          စစ်ကိုင်းတိုင်းဒေသကြီး၊ ရွှေဘိုခရိုင်၌ ၂၀၂၀-၂၀၂၁ခုနှစ်၊ နွေသီးနှံအထွက်နှုန်းအနေဖြင့် နှမ်း (၁၄၅၂၇၃၇)တင်း၊ ပဲတီစိမ်း တစ်ဧကလျှင် (၁၇.၅၇)တင်း၊ နေကြာ တစ်ဧကလျှင် (၂၂.၂၅)တင်း၊ ဝါတစ်ဧကလျှင် (၄၀၀ပိဿမှ ၈၀၀ပိဿာ)၊ မတ်ပဲ တစ်ဧကလျှင် (၁၆.၃၈) တင်း ထွက်ရှိခဲ့ကြောင်း သိရှိရပါသည်။ ၂၀၂၁-၂၀၂၂ခုနှစ်တွင် ရွှေဘိုခရိုင်၌ နှမ်းစိုက်ဧက(၈၅၃၂၆) နှမ်းတစ်ဧကလျှင် (၁၈)တင်းနှုန်း ဖြင့် (၁၅၃၅၈၆၈) တင်းထွက်ရှိကြောင်း သိရှိရပါသည်။

          ရွှေဘိုခရိုင်တွင် နှမ်းနက်နှင့်နှမ်းနီ(ဆီကြိတ်နှမ်း)များကိုသာ အဓိကစိုက်ပျိုးကြကြောင်း ၊ ၎င်းစိုက်ပျိုးထားသောနွေနှမ်းများကို မေလဆန်းတွင် စတင်ရိတ်သိမ်းကြပြီး တတိယပတ်ခန့်မှစတင်၍ ဈေးကွက်အတွင်း လာရောက်ရောင်းချခြင်းများရှိကြောင်း၊ တောင်သူများအနေဖြင့်  ဝက်လက်မြို့နယ်မှ ထွက်ရှိသော နှမ်းများကို ဝက်လက်မြို့ပေါ်ရှိ ပွဲရုံများသို့ရောင်းချခြင်း၊ မန္တလေးမြို့ရှိပွဲရုံများသို့ တိုက်ရိုက် ရောင်းချခြင်း များအပြင် ရွှေဘိုမြို့ ပဲ၊ နှမ်းကုန်စည်ဒိုင်နှင့် အခြားသောပွဲရုံများသို့ လာရောက်ရောင်းချခြင်းများလည်း ရှိကြောင်းသိရှိရပါသည်။ ဇွန်လဒုတိယပတ်၌ ရွှေဘို့ပဲ၊ နှမ်းကုန်စည်ဒိုင်၏ ဖြတ်ဈေးမှာ နှမ်းနက် (၁)တင်းလျှင် (၆၈၀၀ဝိ/-)မှ(၇၀၀၀ဝိ/-)ထိ ပေါက်ဈေးရှိပြီး နှမ်းနီ(၁)တင်းလျှင်(၄၈၀၀ဝိ/-)မှ(၅၀၀၀ဝိ/-) ထိပေါက်ဈေးရှိကြောင်း၊  ရွှေဘိုဈေးကွက်သို့ ရွှေဘိုမြို့နယ်နှင့် ဒီပဲယင်းမြို့နယ်ရှိ တောင်သူများအပြင် မြို့၏တောင်ဘက်ခြမ်းရှိ ဝက်လက်မြို့နယ်ရှိ တောင်သူများမှ အများဆုံးလာရောက် ရောင်းချကြကြောင်း၊ ဝယ်ယူရရှိသည့် နှမ်းများကို မန္တလေးဈေးကွက်သို့ ဆက်လက်တင်ပို့ ရောင်းချကြကြောင်းနှင့် မေလအတွင်း ရွှေဘိုမြို့ ပဲ၊ နှမ်းကုန်စည်ဒိုင်အနေဖြင့် နှမ်းနက်(၇၅၀)တင်းနှင့် နှမ်းနီ(၁၁၂၅)တင်း (ခန့်မှန်း)အရောင်းအဝယ်ဖြစ်ကြောင်း ကုန်စည်ဒိုင်တာဝန်ရှိသူများထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကသာခရိုင်အတွင်း မြေပဲစိုက်ဧကမှာ (၅၁၅၄၁)ဧကကျော် စိုက်ပျိုးပြီး မျိုးအနေဖြင့် ဗီယက်နမ် တိုး(အဆံကြီး)နှင့် S1 (အဆံသေး) ပဲအဖြူမျိုးတို့အား အဓိကထား စိုက်ပျိုးကြပါသည်။ စိုက်ပျိုးချိန်အနေဖြင့် ဒီဇင်ဘာလတွင် စတင်စိုက်ပျိုးကြပြီး မေလတွင် မြေပဲများအား စတင်နုတ်ကာ ဇွန်လကုန် တွင် အပြီးသတ်နုတ်ယူကြကြောင်း သိရှိရပါသည်။

          တစ်ဧကစိုက်ပျိုးထုတ်လုပ်မှု ကုန်ကျစရိတ်အနေဖြင့် တစ်ဧကလျှင် မျိုးပဲ တစ်တင်းခန့်စိုက်ပျိုး ပြီး (၉၀၀၀၀) ကျပ်ဝန်းကျင်ကုန်ကျကြောင်း၊ ထွန်စက်ခုတ်ခ တစ်နာရီ (၃၅၀၀၀) ကျပ်၊ ထွန်ရှင်းခ နွားတစ်ရှည်းလျှင်  (၇၀၀၀)ကျပ်နှင့် ပဲစိုက်ခမှာ တစ်ဦးလျှင် (၅၀၀၀)ကျပ် ဖြင့် (၂)ဦးငှားရမ်းရကြောင်း၊ ပေါင်းသင်ပေါင်းရှင်းရာတွင်လည်း တစ်ဦး(၅၀၀၀)ကျပ်နှုန်းဖြင့် ပေါင်းအနည်းအများပေါ် မူတည်၍ (၄)ဦးမှ (၇)ဦးထိ ငှားရမ်းရကြောင်း၊ ဓါတ်မြေဩဇာ အသုံးပြုရာတွင် ကောမက်မြေခံမြေဆီအား (၃)ဧကလျှင် (၈၀)ဂရမ်အသုံးပြုပြီး ဈေးနှုန်းအနေဖြင့် (၉၅၀၀၀) ကျပ်ရှိကြောင်း၊  အာမိုဓါတ်မြေဩဇာအား (၃)ဧက (၁၀၀)ဂရမ်အသုံးပြုရပြီး ဈေးနှုန်းမှာ (၁၂၀၀၀၀)ကျပ် ရှိကြောင်း၊ မြေပဲဥအားဆေး (၂)ဗူး တစ်စုံလျှင် (၁၀)ဧကအသုံးပြုနိုင်ပြီး ဈေးနှုန်းမှာ(၁၀၀၀၀၀)ကျပ်နှင့် ပိုးသတ်ဆေးမှာ မြင်းကျားတံဆိပ်အား အသုံးပြုပြီး တစ်အိတ်လျှင် (၂)ဧက အသုံးပြုရကာ ဈေးနှုန်းမှာ (၆၀၀၀)ကျပ်ရှိကြောင်း၊ စုစုပေါင်း ကုန်ကျစရိတ်အနေဖြင့် သွင်းအားစုအသုံးပြုသည့်အပေါ် မူတည်၍ ကျပ်သုံးသိန်းခန့်မှ ကျပ်ငါးသိန်း ဝန်းကျင်အထိ ကုန်ကျကြောင်း ကသာမြို့ မြေပဲစိုက်ပျိုးသည့် တောင်သူထံမှ သိရှိရပါသည်။

          ပဲစိုက်ရာသီအချိန်တွင် ယခင်က အောက်ပိုင်းဒေသမှ လုပ်သားများ လာရောက်လုပ်ကိုင်ကြပြီး ယခုနောက်ပိုင်းတွင် လာရောက်လုပ်ကိုင်ခြင်း မရှိသောကြောင့် ဒေသတွင်းလုပ်သားများကိုသာ အားထားလုပ်ကိုင်နေရကြောင်း၊ လုပ်အားခအနေဖြင့် အခကြေးငွေယူသူနှင့် မြေပဲဆံယူသူဟူ၍ (၂)မျိုးရှိကြောင်း၊ အခကြေးငွေယူ၍ ပဲနုတ်/ပဲကောက်သူများအား တစ်နေ့လျှင် လုပ်အားခ (၅၀၀၀)ကျပ်မှ (၇၀၀၀)ကျပ်ထိ ပေးရကြောင်း၊ မြေပဲဆံယူ၍ ပဲနုတ်/ပဲကောက်သူများအား ပဲနုတ်ခအနေဖြင့် တစ်ဧက လျှင် လူ(၁၅)ဦး နုတ်ပါက နေ့တစ်ပိုင်းခန့် နုတ်ရပြီး တစ်ဦးလျှင် ပဲအစို တစ်ခွဲ(၆)ပြည်ခန့် ပေးရကြောင်း၊ နုတ်ပုံထားသော မြေပဲများအား ပဲကောက်ခ(ချွေခ)အနေဖြင့် ပဲအစိုကောက်ချိန်ဖြစ်ပါက (၁၈) ပြည်ပါ တင်းတောင်း (၇)တောင်းကောက်ပါက (၁)တောင်းပေးရပြီး ပဲအခြောက်ဖြစ်ပါက (၈)တောင်းလျှင် (၁)တောင်းပေးရကြောင်း ပဲစိုက်ပျိုးသူများ၏ ပြောကြားချက်အရ သိရှိရသည်။

          ဒေသတွင်း အချို့သော ပဲစိုက်တောင်သူများမှာ ဆီစက်လုပ်ငန်းရှင်များထံသို့ ပဲဆံပေး၍ ဆီဖြင့် လဲလှယ်ကြကြောင်း၊ လုံးဆံမလှသော မြေပဲအား ဆီဖြင့် လဲလှယ်ပါက မြေပဲဆံတစ်ပြည်လျှင် ဆီ (၃၅) ကျပ်သားရရှိပြီး လုံးဆံလှသော မြေပဲဆံဖြင့် လဲလှယ်ပါက တစ်ပြည်လျှင် ဆီ(၄၀)ကျပ်သားခန့် ရရှိ ကြောင်း၊ မန္တလေးပွဲရုံများသို့ ရောင်းချပါက ရောင်းဈေးအနေဖြင့် မြေပဲအတောင့် (အခြောက်) တစ်တင်း လျှင် (၁၃၀၀၀)ကျပ်နှင့် မြေပဲ အတောင့်(အစို)တစ်တင်းလျှင် (၁၀၀၀၀)ကျပ်ရှိပြီး မြေပဲဆံဈေးနှုန်းအနေဖြင့် မြေပဲဆံ လုံးဆံမလှသောပဲဆံအား ပိဿာ(၁၀၀)လျှင် မန္တလေးပွဲရုံအရောက်(၃၈၀၀၀၀)ကျပ် ခန့်ရရှိပြီး လုံးဆံအလှဖြစ်ပါက ပိဿာ(၁၀၀)လျှင် (၄၂၀၀၀၀)ကျပ်ရရှိကြောင်း ဒေသတွင်း ပဲစိုက်ပျိုးသူ တောင်သူများထံမှ သိရှိရပါသည်။

DOCA(စစ်ကိုင်း)

         ပဲခူးတိုင်းဒေသကြီး စားသုံးသူရေးရာဦးစီးဌာန၊ သာယာဝတီခရိုင်၊ ဇီးကုန်းမြို့နယ်တွင် ဆီထွက်သီးနှံကြိတ်ခွဲထုတ်လုပ် ရောင်းချသော ဆီစက်လုပ်ငန်းရှင်( ၂) ဦးရှိပြီး လုပ်ငန်းရှင်တစ်ဦးမှ နဝတီကြိတ်ခွဲ ထုတ်လုပ်မှုများအား ဦးစားပေးလုပ်ကိုင်ပြီး အခြားလုပ်ငန်းရှင်တစ်ဦးမှ တစ်ပိုင်တစ်နိုင် ဖြန့်ဖြူးကြိတ်ခွဲ ရောင်းချလျှက်ရှိကြောင်း သိရှိရပါသည်။

          တစ်ပိုင်တစ်နိုင် ကြိတ်ခွဲထုတ်လုပ်ရောင်းချနေသော ဆီစက်လုပ်ငန်းရှင်မှ တစ်လလျှင် နှမ်းဆီ၊ ပဲဆီ ၂ မျိုးပေါင်း ပိဿာ ၄၀ မှ ၅၀ အထိသာ ရောင်းချရကြောင်း၊ ကုန်ကြမ်းရရှိမှုအပေါ် မူတည်၍ ကြိတ်ခွဲရပြီး ၂၀၂၂ ခုနှစ်၊ မတ်လလောက်တွင် ကုန်ကြမ်းဖြစ်သော နှမ်းများ မရရှိသဖြင့် နှမ်းဆီ မကြိတ်ခွဲနိုင်ကြောင်း၊ နေကြာကုန်ကြမ်း မရရှိ၍ နေကြာဆီ ကြိတ်ခွဲမှုမရှိကြောင်း သိရှိရပါသည်။ ယခင်နှစ် မြေပဲဆီ ၁ ပိဿာလျှင် ၈၀၀၀/ကျပ် မှ ယခုနှစ်တွင် ၁၀၄၀၀/ကျပ်ဖြစ်ပြီး ၊ ယခင်နှစ် နှမ်းဆီဈေးမှာ ၈၅၀၀/ ကျပ်မှ ၉၀၀၀/ကျပ်ရှိပြီး ယခုနှစ်တွင်  ၁၁၀၀၀/ကျပ်ဖြစ်ကြောင်း သိရှိရပါသည်။

          နဝလီ ကြိတ်ခွဲ ဆောင်ရွက်နေသော ဆီစက်လုပ်ငန်းရှင်မှလည်း တစ်ပိုင်တစ်နိုင် စက်ငယ်ဖြစ်၍ တစ်နေ့လျှင် ၇ တင်းမှ ၈တင်းခန့် ကြိတ်ခွဲနိုင်ပြီး မြေပဲတောင့် ၁ တင်းလျှင် ဆီ ၂ ပိဿာ၊ နှမ်း ၁ တင်းလျှင် ၆.၅၀ ပိဿာနှင့် နေကြာ ၁ တင်းလျှင် ၂.၅၀ ပိဿာမှ ၃ ပိဿာထွက်ရှိကြောင်း သိရှိရပါသည်။

DOCA(ပဲခူး)

                ပဲခူးတိုင်းဒေသကြီး ၊ ပြည်ကုန်စည်ဒိုင်တွင် မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲ၊ ပဲကြီးနှင့် ဘိုကိတ်ပဲများ အရောင်းအဝယ်ဖြစ်လျှက်ရှိပါသည်။

              မတ်ပဲနှင့်ပတ်သတ်၍ ပြည်ကုန်စည်ဒိုင်တွင် ဧပြီလအစတွင် မတ်ပဲတစ်တင်းကို ၄၆၀၀၀-၄၆၅၀၀-၄၇၀၀၀ကျပ် ဈေးဖြင့် တစ်ရက်ကို အိတ် ၃၀၀/၄၀၀ခန့် အရောင်းအဝယ်ရှိခဲ့ပါသည်။ သင်္ကြန်ပြီးကာလမှာတော့ မတ်ပဲဈေးပြန်မြင့်လာပြီး ပဲတစ်တင်းကို ၄၈၅၀၀-၄၉၀၀၀ကျပ်ဖြစ်လာပြီး အရောင်းအဝယ်မှာ အနည်းငယ်သာရှိခဲ့ပါသည်။ နောက်ဆုံးပတ်မှာတော့ ပဲတစ်တင်းကို ၄၈၅၀၀ကျပ်ဖြင့် အရောင်းအဝယ်အနည်းငယ်ရှိခဲ့ပါသည်။ ပြည်ကုန်စည်ဒိုင်တွင် မေလပထမပတ်တွင် မတ်ပဲဈေးကျလာပြီး ပဲတစ်တင်းကို ၄၇၆၀၀ကျပ်ဖြင့် အရောင်းအဝယ်ဖြစ်ပြီး ဒုတိယပတ်မှာတော့ ပဲဈေးမှာ ၄၈၀၀၀-၄၈၅၀၀ကျပ်ဖြင့် ဈေးပြန်တက်ခဲ့ပြီး တစ်ရက်ကို အိတ် ၁၀၀/၂၀၀ခန့်သာအဝယ်ရှိခဲ့ပါသည်။ တတိယပတ်မှာတော့ ပဲတစ်တင်းကို ၄၆၇၀၀-၄၇၀၀၀ကျပ်ဖြင့် ဈေးပြန်ကျခဲ့ပြီး နောက်ဆုံးပတ်မှာတော့ ပဲတစ်တင်းကို ၄၆၂၀၀-၄၇၂၀၀-၄၇၃၀၀-၄၇၅၀၀ကျပ်ဖြင့် ဈေးပြန်တက်ခဲ့ပြီး အရောင်းအဝယ်မှုမှာ လှောင်သမားများအဝယ်ရှိခဲ့ပြီး တစ်ရက်ကိုအိတ် ၃၀၀/၄၀၀ခန့် အဝယ်ရှိနေပါသည်။

             ကုလားပဲနှင့်ပတ်သတ်၍ ဧပြီလအစတွင် ပြည်ကုန်စည်ဒိုင်တွင် အရောင်းအဝယ်ဖြစ်လျှက်ရှိသော ကုလားပဲ ဟော်လန်တစ်တင်းကို ၄၃၅၀၀ကျပ်၊ ကုလားပဲ(မြကြေးမှုံ)တစ်တင်းကို ၄၄၅၀၀ကျပ်ဖြင့် ခွဲစက် သမားနှင့် ရန်ကုန်အဝယ်ရှိပြီး အရောင်းအဝယ်မှာ သွက်ခဲ့ပါသည်။ ဒုတိယပတ်မှာ ကုလားပဲ ဟော်လန်တစ်တင်းကို ၄၄၀၀၀ကျပ် ၊ ကုလားပဲ (မြကြေးမှုံ) တစ်တင်းကို ၄၅၀၀၀ကျပ်ဖြင့် အရောင်း အဝယ်ရှိခဲ့ပြီး တစ်ရက်ကိုအိတ် ၆၀၀/၇၀၀ခန့် အဝယ်ရှိခဲ့ပါသည်။ တတိယပတ်မှာတော့ ကုလားပဲ ဈေးတက်လာပြီး ကုလားပဲဟော်လန်တစ်တင်းကို ၄၅၅၀၀-၄၆၀၀၀ကျပ်၊ ကုလားပဲ (မြကြေးမှုံ) တစ်တင်းကို ၄၆၂၀၀ကျပ်ဖြင့် အဝယ်ရှိခဲ့ပါသည်။ နောက်ဆုံးပတ်မှာတော့ ကုလားပဲ ဟော်လန်တစ်တင်းကို ၄၄၈၀၀-၄၅၀၀၀ကျပ်၊ ကုလားပဲ (မြကြေးမှုံ) တစ်တင်းကို တစ်တင်းကို ၄၅၇၀၀-၄၅၈၀၀ကျပ်ဖြင့် ဈေးကျလာပြီး မြို့တွင်းအဝယ်နှင့် ရန်ကုန်အဝယ်ရှိခဲ့ပါသည်။ မေလပထမပတ်မှာ ကုလားပဲဟော်လန်တစ်တင်းကို ၄၅၀၀၀ကျပ်၊ ကုလားပဲ (မြကြေးမှုံ ဈေးအနည်းငယ်တက်လာပြီး မြို့တွင်းအဝယ်နှင့် ရန်ကုန် အဝယ်တစ်ရက်အိတ် ၂၀၀/၃၀၀ခန့် အဝယ်ရှိပါသည်။ ဒုတိယပတ်မှာ ကုလားပဲဈေး ထပ်တက်လာပြီး ကုလားပဲ (ဟော်လန်) တစ်တင်းကို ၄၆၅၀၀ကျပ်၊ ကုလားပဲ(မြကြေးမှုံ) တစ်တင်းကို ၄၈၀၀၀-၄၈၅၀၀ ကျပ်ဖြင့် ဈေးတက်ခဲ့ပြီး အဝယ်လည်းသွက်ခဲ့ပါသည်။ တတိယပတ်မှာတော့ ကုလားပဲ ဈေးထပ်တက်လာပြီး ကုလားပဲဟော်လန်တစ်တင်းကို ၄၇၀၀၀ကျပ်၊ ကုလားပဲ(မြကြေးမှုံ) တစ်တင်းကို ၄၈၅၀၀-၄၈၈၀၀-၄၉၀၀၀ကျပ်ဖြင့် ရန်ကုန်အဝယ်တစ်ရက်ကိုအိတ် ၄၀၀/၅၀၀ခန့် အဝယ်ရှိခဲ့ပါသည်။ မေလနောက်ဆုံးပတ်မှာ ကုလားပဲ(ဟော်လန်)တစ်တင်းကို ၄၈၃၀၀-၄၈၅၀၀ကျပ်၊ ကုလားပဲ (မြကြေးမှုံ) တစ်တင်းကို ၄၉၅၀၀ကျပ် ထိဈေးတက်လာခဲ့ပြီး ခွဲစက်သမားများ မြို့တွင်းရောင်းဝယ်မှုနှင့် လှောင်သမားများအဝယ်ရှိခဲ့ပါသည်။

          ပဲစင်းငုံနှင့်ပတ်သတ်၍ ပဲစင်းငုံသီးနှံမှာ ဧပြီလ၏ ပထမပတ်မှာ ပဲတစ်တင်းကို ၄၅၀၀၀ကျပ်ဖြစ်ပြီး ဒုတိယပတ်မှာတော့ ပဲစင်းငုံဈေးကျပြီး ပဲတစ်တင်းကို ၄၃၅၀၀ကျပ်ဖြင့် တစ်ရက်ကို အိတ် ၂၀၀/၃၀၀ခန့် အဝယ်ရှိခဲ့ပါသည်။ တတိယပတ်မှာ ပဲဈေးထပ်ကျပြီး ၄၂၅၀၀ကျပ်ဖြင့် အနည်းငယ်သာ အရောင်း အဝယ်ရှိပြီး တစ်ရက်ကို အိတ် ၁၀၀/၁၅၀ခန့်သာ အဝယ်ရှိခဲ့ပါသည်။ ဧပြီနောက်ဆုံးပတ်မှာတော့ ပဲတစ်တင်းကို ၄၃၀၀၀ကျပ်ဖြင့် တစ်ခါတစ်ရံမှသာအဝယ်ရှိပြီး အဝယ်ဖြစ်လျှင် အိတ် ၂၀၀/၃၀၀ခန့် ရန်ကုန်အဝယ်ရှိခဲ့ပါသည်။ မေလအစမှာ ပဲစင်းငုံတစ်တင်းကို ၄၄၀၀၀ကျပ်ဖြင့် ဈေးတက်ခဲ့ပြီး အရောင်းအဝယ်လည်း အနည်းငယ်သာရှိခဲ့ပါသည်။ မေလဒုတိယပတ်မှာတော့ ပဲဈေးမှာအေးနေပြီး တစ်တင်းကို ၄၄၀၀၀ ကျပ်ဖြင့် အရောင်းအဝယ်ဖြစ်ခဲ့ပါသည်။ မေလနောက်ဆုံးပတ်မှာ ပဲစင်းငုံဈေး အေးနေပြီး ပဲတစ်တင်းကို ၄၄၀၀၀-၄၄၅၀၀ကျပ်ဖြင့် တခါတရံမှသာ အရောင်းအဝယ်ဖြစ်ခဲ့ပါသည်။

            ဘိုကိတ်ပဲနှင့်ပတ်သတ်၍ ဧပြီပထမပတ်မှာ ဘိုကိတ်တစ်တင်းကို ၃၅၀၀၀-၃၅၅၀၀ကျပ်ဖြင့် အဝယ်ရှိပြီး ဒုတိယ ပတ်မှာတော့ ဘိုကိတ်တစ်တင်းကို ၃၅၅၀၀ကျပ်ဖြင့် ရန်ကုန်အဝယ်နှင့် မြို့တွင်း အဝယ်ရှိခဲ့ ပါသည်။ တတိယပတ်မှာတော့ ပဲဈေးကျပြီး ဘိုကိတ်တစ်တင်းကို ၃၄၀၀၀ကျပ်ဖြင့် ဈေးထပ်ကျလာခဲ့ပြီး နောက်ဆုံးပတ်မှာတော့ တတိယပတ်ဈေးဖြင့် ဈေးအေးနေပြီး အရောင်းအဝယ်မှာ တစ်ရက်ကိုအိတ် ၄၀/၅၀ ခန့် အဝယ်ရှိခဲ့ပါသည်။ မေလပထမပတ်နှင့် ဒုတိယပတ်တွင် ဘိုကိတ်ပဲဈေးအေးနေပြီး ပဲတစ်တင်းကို ၃၄၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။ တတိယပတ်မှာတော့ ပဲတစ်တင်းကို ၃၅၅၀၀ကျပ်ဖြစ်ခဲ့ပြီး နောက်ဆုံး ပတ်မှာတော့ ၃၆၀၀၀ကျပ်ဖြင့် ဈေးပြန်တက်ခါ တစ်ရက်ကိုအိတ် ၅၀/၁၀၀ခန့် အရောင်းအဝယ်ဖြစ်ခဲ့ပါသည်။

DOCA(ပဲခူး)