ပြည်တွင်းကုန်သွယ်မှုသတင်း

      မင်္ဂလာဒုံမြို့နယ်ရှိ ရတနာသီရိဈေးအတွင်းသို့ ၂၀၂၄ခုနှစ်၊ ဧပြီလ (၂၄)ရက်နေ့မှ ဧပြီလ(၃၀) ရက်နေ့အထိ တပ်ကုန်း၊ ရွှေတောင်၊ ဝက်ပုတ်၊ ပုတီးကုန်း၊ အောင်ပန်း၊ မင်းလှ၊ နတ်တလင်း၊ ကြို့ပင် ကောက်နှင့် ခရမ်းသုံးခွတို့မှ ဟင်းသီးဟင်းရွက်များ ဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ဂေါ်ဖီတစ်ထုပ်လျှင် ကျပ်၆၀၀မှ  ကျပ်၁၆၀၀၊ ဂေါ်ရခါးသီးတစ်လုံးလျှင် ကျပ်၂၀၀မှ ကျပ်၃၀၀၊ ခရမ်းချဉ်သီးတစ်ပိဿာလျှင် ကျပ်၁၂၀၀မှ  ကျပ်၂၀၀၀၊ ပန်းဂေါ်ဖီတစ်ထုပ်လျှင် ကျပ်၁၀၀၀မှ ကျပ်၁၈၀၀၊ ခရမ်းသီးတစ်ပိဿာလျှင် ကျပ်၁၅၀၀မှ ကျပ်၂၀၀၀၊ ခဝဲသီးတစ်တောင့်လျှင် ကျပ်၄၀၀မှ  ကျပ်၈၀၀၊ ဂျူးမြစ်တစ်ပိဿာလျှင် ကျပ်၂၈၀၀မှ ကျပ်၃၈၀၀၊ ငရုတ်သီးစိမ်းတစ်ပိဿာလျှင် ကျပ် ၂၂၀၀မှ ကျပ်၃၅၀၀၊ ပဲသီးတစ်စည်းလျှင် ကျပ်၆၀၀မှ ကျပ်၁၀၀၀၊ ကန်စွန်းရိုးနီတစ်စည်းလျှင် ကျပ်၁၅၀မှ ကျပ်၂၀၀၊ ချဉ်ပေါင်ရွက်တစ်စည်းလျှင် ကျပ်၁၀၀မှ ကျပ်၂၀၀၊ ဗုံလုံသီးတစ်တောင့်လျှင် ကျပ်၅၀၀မှ  ကျပ်၇၀၀၊ သံပရာသီးတစ်လုံးလျှင် ကျပ်၂၅၀မှ ကျပ်၃၀၀၊ ကင်ပွန်းချဉ်တစ်စည်းလျှင် ကျပ်၂၀၀မှ  ကျပ်၃၀၀၊ ငရုတ်အာဝါးသီးတစ်တောင့်လျှင် ကျပ်၈၀မှ ကျပ်၁၀၀၊ ကြက်ဟင်းခါးသီးတစ်လုံးလျှင် ကျပ်၂၀၀ မှ ကျပ်၅၀၀၊ ရှမ်းနံနံတစ်စည်းလျှင် ကျပ်၁၅၀မှ ကျပ်၂၅၀၊ ပင်စိမ်းတစ်စည်းလျှင် ကျပ်၂၀၀မှ ကျပ်၂၅၀၊ ရွှေဖရုံသီး(ကြီး/လတ်/သေး)တစ်လုံးလျှင် ကျပ်၁၀၀၀မှ ကျပ်၃၀၀၀၊ ကျောက်ဖရုံသီးတစ်လုံးလျှင် ကျပ်၁၀၀၀မှ ကျပ်၂၅၀၀၊ ဘူးသီးတစ်လုံးလျှင် ကျပ်၁၅၀၀မှ ကျပ်၃၅၀၀၊ ဂွေးတောက်ရွက်တစ်စည်းလျှင် ကျပ်၁၀၀မှ ကျပ်၂၀၀၊ ရုံပတီသီးတစ်တောင့်လျှင် ကျပ်၃၀မှ ကျပ်၇၀၊ ခရမ်းကျွတ်သီးတစ်လုံးလျှင် ကျပ်၅၀မှ ကျပ်၈၀၊ ပဲစောင်းလျားသီးတစ်ပိဿာလျှင် ကျပ်၁၈၀၀မှ ကျပ်၃၀၀၀၊ ရွှေပဲသီးတစ်ပိဿာလျှင် ကျပ်၁၀၀၀၀မှ ကျပ်၁၄၀၀၀၊ ငရုတ်ပွတစ်ပိဿာလျှင် ကျပ်၄၀၀၀မှ ကျပ်၅၀၀၀၊ မုန်လာဥနီတစ်ပိဿာလျှင် ကျပ်၅၀၀၀မှ ကျပ်၆၅၀၀၊ ဘိုစားပဲတစ်ပိဿာလျှင် ကျပ်၅၀၀၀မှ ကျပ်၆၀၀၀၊ ကိုက်လန်တစ်စည်းလျှင် ကျပ်၅၀၀မှ ကျပ်၆၀၀၊ တရုတ်နံနံတစ်စည်းလျှင် ကျပ်၅၀၀မှ ကျပ်၁၀၀၀၊ ဗမာနံနံတစ်ပိဿာလျှင် ကျပ်၅၀၀၀မှ ကျပ်၁၂၀၀၀၊ မျှစ်တစ်ပိဿာလျှင် ကျပ်၂၅၀၀မှ ကျပ်၃၀၀၀၊ တရုတ်ကန်စွန်းရွက်တစ်စည်းလျှင် ကျပ်၂၀၀မှ ကျပ်၃၀၀၊ ဆူးပုတ်တစ်စည်းလျှင် ကျပ်၂၀၀မှ ကျပ်၃၀၀၊ မြင်းခွာရွက်တစ်စည်းလျှင် ကျပ်၃၀၀မှ ကျပ်၄၀၀၊ ဟင်းနုနွယ်တစ်စည်းလျှင် ကျပ်၂၀၀မှ ကျပ်၄၀၀၊ ပြောင်းဖူးတစ်ဖူးလျှင် ကျပ်၃၀၀မှ ကျပ်၅၀၀၊ မုန်ညင်းရွက်တစ်စည်းလျှင် ကျပ်၂၀၀မှ ကျပ်၃၀၀၊ ဆလပ်ရွက်တစ်စည်းလျှင် ကျပ်၁၅၀မှ ကျပ်၂၀၀အတွင်းဖြစ်ကြောင်းသိရှိရပါသည်။ ရတနာသီရိဈေးအတွင်းသို့ နေ့စဉ်ကုန်အဝင်မှာ ရုံးပတီသီးကုန်ချိန်ပိဿာ (၄၀၀) ကျော်၊ ငရုတ်ပွကုန်ချိန်ပိဿာ (၃၀)ကျော်၊ ခရမ်းသီးကုန်ချိန်ပိဿာ(၃၀၀၀)ကျော်၊ ရွှေဖရုံသီးကုန်ချိန်ပိဿာ (၃၅၀၀)ကျော်၊ နံနံပင်ကုန်ချိန်ပိသာ (၄၀၀) ကျော် အသီးသီးအဝင်ရှိကြောင်းသိရှိရပါသည်။

DOCA(ရန်ကုန်)

     ပီလောပီနံသည် စိုက်ပျိုးရန်လွယ်ကူသဖြင့် လုပ်အားခနှင့် ကုန်ကျစရိတ်များ သက်သာသဖြင့် မွန်ပြည်နယ်အတွင်းရှိ မြို့နယ်/ကျေးရွာများတွင် နေရာအနှံစိုက်ပျိုးကြသည်။ အချို့တွင် အိမ်ခြံစည်းရိုးများတွင် ပင်စိုက်ပျိုးကြသည်။

    ဇန်နဝါရီလနောက်ပိုင်းတွင် ဝဥရာသီကုန်ဆုံးချိန်ဖြစ်သဖြင့် မွန်ပြည်နယ်ရှိ ဝဥစက်ရုံအချို့မှာ ပိတ်ထားရပြီး အချို့မှာ ပီလောပီနံများကို ထုတ်လုပ်လျက်ရှိသည်။ ပီလောပီနံဈေးနှုန်းများမှာ ပီလောပီနံအစို တစ်ပိဿာလျှင် စက်ရုံအရောက်ဈေးနှုန်း (၅၀၀-၁၀၀၀) ကျပ်ဖြင့် ဝယ်ယူရရှိပြီး အမှုန့်ကြိတ်ကာ အမှုန့်တစ်ပိဿာလျှင် (၃၀၀၀) ကျပ်ဖြင့် ရောင်းချ ကြောင်းသိရှိရသည်။ ယခင်နှစ်များက ပီလောပီနံအမှုန့်များကို ထိုင်းနိုင်ငံသို့ တင်ပို့ရောင်းချခဲ့သော်လည်း ယခုနှစ်တွင် ပြည်ပမှ တင်သွင်းသည့် ဂျုံမှုန့်များမှာ ဈေးနှုန်းကြီးမြင့်သဖြင့် ဂျုံမှုန့်နေရာတွင် ပီလောပီနံမှုန့်များကို အစားထိုးအသုံးပြုလာကြသောကြောင့် ပြည်တွင်း ဝယ်လိုအား မြင့်တက်လျက်ရှိကြောင်း ဝဥစက်ရုံလုပ်ငန်းရှင်များထံမှ သိရှိရသည်။

     ပီလောပီနံမှုန့်များကို စားသောက်ကုန်များဖြစ်သည့် ကော်မှုန့်၊ သာကူချောင်း၊ သာကူစေ့များပြုလုပ်ခြင်း၊ စားသောက်ကုန်များပြုလုပ်ရာတွင် ဂျုံမှုန့်နှင့်ရောနှောအသုံးပြုခြင်း၊ တိရစ္ဆာန်အစာတောင့်များပြုလုပ်ခြင်းတို့တွင် အသုံးပြုကြကြောင်း သိရှိရပါသည်။

DOCA(မွန်) 

      ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် လယ်ယာစိုက်ပျိုးရေးလုပ်ငန်းကို အဓိကထားလုပ်ကိုင်လျက်ရှိကြပြီး ဆောင်းသီးနှံ သီးထပ်၊ သီးနှံမျိုးစုံစိုက်ပျိုးလျက်ရှိသည့်အပြင် နွေစပါးသီးနှံကိုလည်းစိုက်ပျိုးကြကြောင်း၊ စိုက်ပျိုးမှုအနေဖြင့် (၂၀၂၃-၂၀၂၄) ဘဏ္ဍာနှစ်အတွင်း ကော့မှူးမြို့နယ်တွင် (၁၉၅၃၃)ဧကအောင်မြင်စွာစိုက်ပျိုးနိုင်ခဲ့ပြီး ယခုလက်ရှိအချိန်တွင် ဧက(၁၆၉၇၉)ရိတ်သိမ်းခြွေလှေ့ပြီးဖြစ်ကြောင်း မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရသည်။

         ကော့မှူးမြို့နယ်၌ ဆောင်းသီးနှံ သီးထပ်စိုက်ပျိုးရာသီတွင် ဒေသခံတောင်သူများ သီးနှံဝင်ငွေတိုးပွားစေရန်နှင့် ပြည်တွင်းစားသုံးမှုဖူလုံစေရန်နှင့် ပြည်ပသို့တင်ပို့နိုင်ရေးအတွက်ရည်ရွယ်၍ တစ်မြို့နယ်လုံး နွေစပါးလျာထားဧကစိုက်ပျိုးမှုအနေဖြင့် (၁၅၆၈၇)ဧကလျာထားခဲ့ပြီး တိုးချဲ့စိုက်ဧက (၁၉၅၃၃)ဧကအောင်မြင်စွာစိုက်ပျိုးနိုင်ခဲ့ကြောင်း၊ ယခုလက်ရှိအချိန်တွင် (၁၆၉၇၉)ဧကရိတ်သိမ်းခြွေလှေ့နိုင်ခဲ့ပြီး အထွက်နှုန်းမှာ တစ်ဧကလျှင် (၉၅.၄၉)တင်းထွက်ရှိခဲ့ပြီး ကော့မှူးမြို့နယ်အနေဖြင့် ယခုလက်ရှိအချိန်ထိ နွေစပါး(၁၆၂၁၃၆၇) တင်းထွက်ရှိပြီးဖြစ်ကြောင်း မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်းမြို့နယ်များနှင့် အခြားတိုင်းဒေသကြီး/ ပြည်နယ်များရှိ ကိုယ်စားလှယ်များသို့ စားအုန်းဆီ နေ့စဉ်ထုတ်ပေးလျက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည်ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေးနှင့် ဈေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးတို့အတွက်လည်း ဝန်ထမ်းများက ကွင်းဆင်းကြပ်မတ်ဆောင်ရွက်လျက်ရှိကြောင်းနှင့် (၂၂-၄-၂၀၂၄)ရက်နေ့မှ (၂၇-၄-၂၀၂၄)ရက်နေ့အထိ ဆီကုမ္ပဏီ (၁၉)ခုနှင့် စားအုန်းဆီတန်ချိန် (၆၆၂၃.၉၉၄)တန်ထုတ်ပေးခဲ့ကြောင်းသိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ ၂၀၂၄ခုနှစ်၊ ဧပြီလ နောက်ဆုံးပတ်မှ မေလဆန်းအတွင်း ဖြစ်ပေါ်ခဲ့သော အခြေခံစားသောက်ကုန်ဈေးနှုန်းများမှာ ကြက်သွန်ဖြူ (ကြူကုတ်-ရှယ်) ၁ပိဿာလျှင် အမြင့်ဈေး ၁၃၀၀၀/-ကျပ်မှ အနိမ့်ဈေး ၁၂၅၀၀/-ကျပ်ထိလည်းကောင်း၊  ကြက်သွန်ဖြူ(အောင်ပန်း ထူး-၂) ၁ပိဿာလျှင် ၆၅၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၃) ၁ပိဿာလျှင် ၇၀၀၀/-ကျပ်ဖြင့်လည်းကောင်း၊ ကြက်သွန်ဖြူ (အောင်ပန်း ထူး-၄) ၁ပိဿာလျှင် ၇၅၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၅) ၁ပိဿာလျှင် ၈၀၀၀/-ကျပ်ဖြင့်လည်းကောင်း၊ ငရုတ်သီး (ဆင်ဖြူကျွန်း-ပု) ၁ပိဿာလျှင် ၁၀၀၀၀/-ကျပ်မှ ၁၁၀၀၀/-ကျပ်ထိလည်းကောင်း၊ ငရုတ်သီး(ပန်းရဲ-သစ်) ၁ပိဿာလျှင် ၄၀၀၀/-ကျပ်မှ ၄၅၀၀/-ကျပ်ထိလည်းကောင်း၊ ငရုတ်သီး မြှားနီတစ်ပိဿာလျှင် ၃၅၀၀/-ကျပ်မှ ၄၀၀၀/-ကျပ်ထိလည်းကောင်း၊ မန်ကျည်းသီး ၁ပိဿာလျှင် ၃၄၀၀/-ကျပ်မှ ၃၅၀၀/-ကျပ်ထိလည်းကောင်း၊ မန်ကျည်းသီး (အသား) ၁ပိဿာလျှင် ၄၀၀၀/-ကျပ်မှ ၄၅၀၀/-ကျပ်ထိလည်းကောင်း၊ မန်ကျည်းသီး (ရမည်းသင်း) (ဒါးဇင်း) ၁ပိဿာလျှင် ၃၂၀၀/-ကျပ်မှ ၃၃၀၀/-ကျပ်ထိလည်းကောင်း၊ ကြံသကာ (အိတ်သွတ်စ) ၁ပိဿာလျှင် ၂၇၀၀/-ကျပ်မှ ၃၁၀၀/-ကျပ်ထိလည်းကောင်း၊ ကြံသကာ(သစ်) ၁ပိဿာလျှင် ၄၁၀၀/-ကျပ်မှ ၄၂၀၀/-ကျပ်ထိလည်းကောင်း၊  သကြား (ပြည်တွင်း) ၁ပိဿာလျှင် ၄၆၀၀/-ကျပ်ဖြင့်လည်းကောင်း၊ ထန်းလျက် (တောင်သာ) ၁ပိဿာလျှင် ၄၅၀၀/-ကျပ်မှ ၄၇၀၀/-ကျပ်ဖြင့်လည်းကောင်း၊ ထန်းလျက် (ညောင်ဦး) ၁ပိဿာလျှင် ၃၈၀၀/-ကျပ်မှ ၅၂၀၀/-ကျပ်ထိ လည်းကောင်း၊ ရေစကြိုထန်းလျက် ၁ပိဿာလျှင် ၅၆၀၀/-ကျပ်မှ ၅၈၀၀/-ကျပ်ထိလည်းကောင်း၊ အာလူး (ပခုက္ကူ-OK) ၁ပိဿာလျှင် ၁၈၀၀/-ကျပ်၊ အာလူး (ပခုက္ကူ-S1) ၁ပိဿာလျှင် ၁၈၀၀/-ကျပ်၊ အာလူး (ဟဲဟိုး-A1) ၁ပိဿာလျှင် ၁၄၀၀/-ကျပ်၊ အာလူး (ဟဲဟိုး-OK) ၁ပိဿာလျှင် ၁၈၀၀/-ကျပ်ဖြင့်လည်းကောင်း၊ အာလူး (ဟဲဟိုး-S1) ၁ပိဿာလျှင် ၁၆၀၀/-ကျပ်ဖြင့်လည်းကောင်း၊ အာလူး (ဟဲဟိုး-S2) ၁ပိဿာလျှင် ၁၄၀၀/-ကျပ်ဖြင့်လည်းကောင်း၊ ကြက်သွန်နီ (ဆိပ်ဖြူ) ၁ပိဿာလျှင် ၂၅၀၀/-ကျပ်မှ ၂၆၅၀/-ကျပ်ထိလည်းကောင်း အသီးသီးဖြစ်ပေါ်ခဲ့ပြီး ကြက်သွန်ဖြူဈေးနှုန်းများ အနည်းငယ်မြင့်တက်လျက်ရှိပြီး ကျန်အခြေခံစားသောက်ကုန်ဈေးနှုန်းများမှာ ဈေးနှုန်းအနည်းငယ်သာ အတက်အကျရှိကြောင်းသိရှိရပါသည်။

DOCA(ရန်ကုန်)