ပြည်တွင်းကုန်သွယ်မှုသတင်း

  ဖရဲသီးသည် လူတိုင်းလိုလိုကြိုက်နှစ်သက်သောအသီးဖြစ်ပြီး ဖရဲသီးလေးစားလိုက်လျှင် ရင်ထဲ အေးမြသွားပြီး အမောပြေစေနိုင်ပါသည်။ ဖရဲသီးသည် အရသာချိုမြိန်ပြီး ရေဓာတ်ပြည့်ဝသော အသီး ဖြစ်သည့်အပြင် ကျန်းမာရေးအတွက်လည်း အကျိုးပြုစေနိုင်သော အာဟာရဓာတ်များစွာ ပါဝင်ပါသည်။ ဖရဲသီးတွင် ရေဓာတ် ၉၀ရာခိုင်နှုန်းပါဝင်သောကြောင့် အထူးသဖြင့် ပူပြင်းသောရာသီတွင် ခန္ဓာကိုယ် အတွက်လိုအပ်သော ရေဓာတ်ကို အမြန်ဆုံးဖြည့်တင်း ပေးနိုင်ပါသည်။

   မြန်မာနိုင်ငံတွင် ဖရဲသီးကို နေရာအနှံ့အပြားတွင်စိုက်ပျိုးကြသော်လည်း စီးပွားဖြစ်အများဆုံး စိုက်ပျိုးသောဒေသမှာ မန္တလေးတိုင်းဒေသကြီးဖြစ်ပြီး စစ်ကိုင်းတိုင်း၊ ပဲခူးတိုင်းနှင့် ရှမ်းပြည်နယ်ဘက် တွင်လည်း စိုက်ပျိုးကြသည်။ ဖရဲသီးကို ပုံစံအမျိုးမျိုးတွေ့ရသော်လည်း ဈေးကွက်ဝင်သော ဖရဲသီးများသည် အခွံပါးပြီး အသားထူကာ အချိုဓာတ်မြင့်မားပြီး အစေ့နည်းသော မျိုးစပ်ဖရဲသီးများဖြစ်ကာ ယင်းဒေသများသည် ဈေးကွက်ဝင် ဖရဲသီးများကို အဓိကစိုက်ပျိုးကြပြီး ပြည်တွင်းဈေးကွက်အပြင် ပြည်ပဈေးကွက်သို့ပါ တင်ပို့ရောင်းချလျက်ရှိသောကြောင့် ဖရဲစိုက် တောင်သူများအတွက် စီးပွားဖြစ်ကာ ဈေးကောင်းရလျက်ရှိသည်။

   ရှမ်းပြည်နယ်မှထွက်ရှိသော ဖရဲသီးများသည် အိမ်နီးချင်းနိုင်ငံ၊ နယ်စပ်ပို့ကုန် ဈေးကွက် ဖြစ်သောတရုတ်နိုင်ငံအတွက် ဝယ်လိုအားအလွန်များပြီး  နယ်စပ်ကုန်သွယ်ရေးလမ်းကြောင်းနှင့် အလွယ်တကူ ချိတ်ဆက်နိုင်သောကြောင့် ရှမ်းပြည်နယ်သည် ပြည်တွင်းပြည်ပဈေးကွက်အတွက် အလွန်အရေးပါလှသော ဒေသတစ်ခုလည်းဖြစ်သည်။ ပဲခူးတိုင်းဒေသကြီး၊ တောင်ငူမြို့နယ် အတွင်းရောင်းချနေသော ဖရဲသီးများသည် ရှမ်းပြည်နယ်ဘက်မှ ထွက်ရှိသော ရှည်မျောမျော ဖရဲသီးမျိုးဖြစ်ပြီး ဖရဲသီးတစ်လုံးလျှင် ၂၀၀၀ ကျပ်မှ ၃၅၀၀ ကျပ်အထိ ရောင်းချလျက်ရှိကြောင်း သိရသည်။

DOCA(ပဲခူး)            

  တောင်ငူမြို့ရှိ ညောင်ပင်ဈေးအပါအဝင် မြို့မဈေး၊ ကရင်မဈေး၊ ဘုရင့်နောင်ဈေး ၊ ဘုရားဈေး စသည့်ဈေးများတွင်   သပြေညွန့် နှင့် သပြေငုတ်များ ရောင်းချလျက်ရှိရာ ယခုအခါ ဈေးနှုန်းများ မြှင့်တက်လျှက်ရှိနေသည်။

              ဗုဒ္ဓဘာသာလူမျိုးများသာမက အခြားဘာသာဝင် လူမျိုးအားလုံးနီးပါးသည် ဘုရားစင်၊ နတ်စင်နှင့်  အထွဋ်အမြတ်ထားသည့် နေရာများတွင် အောင်မြင်ပါစေဟူသော အဓိပ္ပာယ်ဖြင့် သပြေညွန့်နှင့် သပြေငုတ်များကို လှူဒါန်း/ပူဇော်လေ့ရှိကြသည်။

              သပြေညွန့် ဈေးနှုန်းမှာ ယခင်လများက စပြီး ယခုလ နိုဝင်ဘာလ ဒုတိယအပါတ်ထိတိုင် သပြေညွန့် ၁၀ညွန့်ပါ ၁ စီး ကို ၁၅၀၀ ကျပ် မှ ၂၀၀၀ ကျပ် ထိပေးရပြီး သပြေငုတ် အသေး ၁ ငုတ်ကို ၁၅၀၀ ကျပ်မှ စပြီး ၂၅၀၀ ကျပ်၊ ၃၅၀၀ ကျပ်၊ ၄၅၀၀ ကျပ် ၊ ၅၀၀၀ ကျပ်ထိဈေးရှိပြီး သပြေငုတ်ကြီးမျာ၏ ဈေးနှုန်းများမှာ ၇၀၀၀ ကျပ် မှ ၁၀၀၀၀ ကျပ်ထိ ဈေးရှိပြီး ဖောက်သည်ယူပါက ဈေးနှုန်း အပြောင်းအလဲရှိကြောင်း နှင့် ရာသီမရွေး အမြဲရောင်းချရာ အရောင်းအဝယ်သွက်သော ပန်းတစ်မျိုးဖြစ်ကြောင်း ရောင်းချသည့် ဈေးသည်တစ်ဦးထံမှ သိရပါသည်။

DOCA(ပဲခူး)

          ကျွဲကော်ပင်များအား ပြည်မြို့နှင့် ဒေသတစ်ဝိုက် ကျေးလက်ဒေသများနှင့် ရွှေတောင်မြို့နယ် အတွင်းရှိ ကျေးလက်ဒေသများတွင် တစ်နိုင်တစ်ပိုင် စိုက်ပျိုးကြပါသည်။ ယခုအချိန် ဈေးကွက် အတွင်း ရောင်းချနေကြသော ကျွဲကော်သီးများမှာ ဝါဆိုသီးများဖြစ်ပါသည်။ သီတင်းကျွတ်နှင့် တန်ဆောင်မုန်းလ များတွင် လှိုင်လှိုင်ထွက်ရှိကြပါသည်။ ဒေသထွက် ကျွဲကော်သီးများကို ဒေသတွင်း သစ်သီးဒိုင်များမှ တစ်ဆင့် ရန်ကုန်မြို့ရှိ သီရိမင်္ဂလာဈေးနှင့် ဒညင်းကုန်းဈေးများသို့ တင်ပို့ရောင်းချ ကြပါသည်။ ကျွဲကော် သီးအကြီးတစ်လုံးလျှင် (၃၅၀၀) ကျပ်၊ အသေးတစ်လုံးလျှင် (၂၀၀၀) ကျပ်ဖြင့် ဈေးကွက်အတွင်း အရောင်းအဝယ်ဖြစ်လျက်ရှိပါသည်။

DOCA (ပဲခူး)

   တောင်ငူမြို့၏ ပတ်ဝန်းကျင်ရှိ         တရုတ်စောင်းလျား စောင်းလျားသီးဆို အရမ်းချဉ်ပြီး သကြားနှင့်စိမ့်ပြီးသောက်မှ ကောင်းသည့် ပုပ္ပါးတို့အညာဒေသဘက်မှ ပြန်လာရင် ဖန်ပုလင်းနှင့် ထည့်ထားသည့်အသီးကိုသာ မျက်စိထဲပြေးမြင်မိမှာပါ ယခုအသီးလေးကတော့ တရုတ် စောင်းလျား သီးဟု အများကခေါ်ကြသည့် အသီးတစ်မျိုးဖြစ်ပါသည်။

               တရုတ်စောင်းလျားသီးမှာ အပင်၏ပင်စည်မှစပြီး ပင်စည်နှင့် အကိုင်းများ အားလုံးနီးပါးရှိ အညှာလေးများမှ တပင်လုံးလှိုင်နေအောင်သီးသည့်အသီးတစ်မျိုးဖြစ်ပါသည်။ အသီးကို ခေါင်းပိုင်း နှင့် ဖင်ပိုင်းကို ဓါးနှင့်ဖြတ်ပြီး  လေးခြမ်းခြမ်းကာ မာလာကာသီး ၊ သရက်သီးများလို့ သုတ်စားလို့ ရသလို့ အသီးကို ပါးပါးလှီး အရည်ညစ်ပြီး ပုစွန်ခြောက် ၊ စိမ်းစားငါးပိ ၊ ရေကျိုငါးပိ၊ အချဉ်ကြောက်ပါက မြေပဲဆံ များနှင့် ကြော်စားခြင်း ၊ထောင်းပါက မရမ်းသီး၊ သရက်သီးများလို့ စားလို့ကောင်းကြောင်းနှင့် အသီးမှာ ရာသီအလိုက် အသီးသီးကြောင်း၊ တစ်နှစ်ပတ်လုံး အပင်မှ ပန်းပွင့်ပွင့် ပြီး အသီးများ သီးကြောင်း အခြားသစ်သီးများလို့ တစ်နှစ်တွင်တစ်ခါသာသီးခြင်းမဟုတ်ပဲ အမြဲ အပင်မှာ ပန်းပြအပွင့် ပွင့် ပြီးတိုင်း အသီးများသီးကြောင်း အသီးများမှာ အခြားအပင်များလို့ အများကြီး မရှိသည့်အတွက် ယခုအပင်ရှိသည့် ခြံပိုင်ရှင်မှ အသီးများကို ပါဆယ်အိတ် ၅၉ အိတ်တစ်လုံးကို ၅၀၀ ကျပ်ဖြင့်သာ မီးဖိုစရိတ်ကာမိအောင်ရောင်းချပြီး အသီးများကို အိမ်အနီး ပတ်ဝန်းကျင်မှ ဝယ်ယူအားပေးသဖြင့် ဈေးကွက်အတွင်းသို့ မရောက်ကြောင်း နှင့် အပင်များများ ပျိုးစိုက်ပြီး အသီးများ များများရအောင် ပျိုးထားပြီးဖြစ်ကြောင်း တောင်ငူမြို့ ၁၇ ရပ်ကွက် ခြံပိုင်ရှင် ထံမှ သတင်းရရှိပါသည်။

DOCA(ပဲခူး)

              ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်းရှိ ဈေးများတွင် ရောင်းချနေသော ဂျင်း(ချင်း)များကို မန္တလေးမြို့မှလည်းကောင်း၊ ရှမ်းပြည်နယ် အောင်ပန်းမှလည်းကောင်း ဝယ်ယူရကြောင်း၊ ဂျင်း(ချင်း)များကို အစားအသောက်များတွင် အရသာပိုမိုကောင်းမွန်ရန်အတွက် အသုံးပြုကြသလို ဓါးလှီးဂျင်းပေါက်ပြုလုပ်သည့် လုပ်ငန်းရှင်များကလည်း ဝယ်ယူကြောင်းသိရသည်။

          ၂၀၂၅ ခုနှစ်၊ အောက်တိုဘာလ၊ တတိယပတ်တွင် ပြည်မြို့၊ မြို့မစည်ပင်သာယာဈေးကြီးတွင် ရောင်းချနေသည့် ဂျင်း(ချင်း)တက်ဈေးနှုန်းများမှာ လက်ကား(၁)ပိဿာလျှင် (၅၀၀၀)ကျပ်၊ လက်လီ (၁)ပိဿာလျှင် (၅၅၀၀)ကျပ်ဖြင့်ရောင်းချကြောင်း၊ ပြည်မြို့နယ်အတွင်း တစ်ပိုင်တစ်နိုင် ဓါးလှီးဂျင်းလုပ်ငန်းများလုပ်ကိုင်လျက်ရှိရာ ဓါးလှီးဂျင်းဈေးနှုန်းမှာ လက်လီ (၁)ပိဿာလျှင် (၅၅၀၀) ကျပ်နှင့် လက်ကား တစ်ပိဿာလျှင် (၅၀၀၀)ကျပ်ဖြင့် ရောင်းချကြောင်း၊ ဩဂုတ်လ၊ တတိယပတ် ဈေးနှုန်းများဖြင့် နှိုင်းယှဉ်ပါက ယခုတစ်ပတ်တွင်း ဂျင်းတက် (၁)ပိဿာလျှင် (၅၀၀)ကျပ် ဈေးကျလာကြောင်း ဂျင်းတက်ရောင်းချသည့် လုပ်ငန်းရှင်တစ်ဦးထံမှ သိရှိရသည်။

DOCA (ပဲခူး)