ပြည်တွင်းကုန်သွယ်မှုသတင်း

   နတ်တလင်းခရိုင်၊ နတ်တလင်းမြို့နယ်အတွင်းရှိ ကျောင်းကြီးကျေးရွာ၊ အုတ်တွင်းကုန်း ကျေးရွာ၊ သရက်တပင်ကျေးရွာ၊ ဝဲကြီးကျေးရွာနှင့် အခြားကျေးရွာများတွင် ပန်းဂေါ်ဖီများကို တစ် ပိုင်တစ်နိုင် စိုက်ပျိုးကြပါသည်။

          ပန်းဂေါ်ဖီစိုက်ပျိူးရန် ပျိုးပင်တစ်ပင်ကို(၇၀)ကျပ်နှုန်းဖြင့် (၀.၂၅)ဧက ပျိုးပင်(၃၅၀၀) ခန့်စိုက် ပျိုးရပါသည်။ မြေကျင်းကလေးများတူးပြီး ပျိုးပင်တစ်ပင်ကို ပင်ခြားတန်းခြား နှစ်ပေခွဲထား၍ စိုက်ပျိုးကြပါသည်။ ပန်းဂေါ်ဖီကို စက်တင်ဘာနောက်ဆုံးပတ်မှစတင်စိုက်ပျိုးပြီး တစ်လခွဲခန့် အကြာတွင် စတင်ခုတ်ယူ ရောင်းချပါသည်။ ပန်းဂေါ်ဖီ(၀.၂၅)ဧက စိုက်ပျိုးရာတွင် ကုန်ကျ စရိတ်အနေဖြင့် ပျိုးပင်၊ ထွန်ယက်ခ၊ စိုက်ပျိုးခ၊ ရေသွင်းခ၊  ပေါင်းမြတ်ရှင်းခ၊ ဓာတ်မြေဩဇာ ပိုးသတ်ဆေးအပါအဝင် စုစုပေါင်း(၇၀၀၀၀၀)  ကျပ် ကုန်ကျပါကြောင်း အထွက် နှုန်းမှာ  အပွင့်ရေ (၃၂၀၀)ခန့်ထွက်ရှိပြီး ယခုအောက်တိုဘာလ တတိပတ်တွင် ပန်ဂေါ်ဖီတစ်ပွင့်လျှင် အရွယ်အစား ကိုလိုက်၍ (၉၀၀-၇၀၀-၅၀၀) ကျပ်နှုန်းဖြင့် ရောင်းချရပြီး ဒေသအတွင်းသာမက ကုန်စိမ်းဒိုင်များ မှတဆင့် အခြားမြို့နယ်များသို့ပါ တင်ပို့ရောင်းချ လျက်ရှိပါကြောင်း  ပန်းဂေါ်ဖီစိုက် တောင်သူတစ်ဦး ထံမှသိ ရပါသည်။                    

DOCA(ပဲခူး)                 

ပြည်ခရိုင်တွင် ဆီထွက်သီးနှံများဖြစ်သော နှမ်းနှင့်မြေပဲများကို စိုက်ပျိုးထားရှိပါသည်။ အထွက်နှုန်းအနေဖြင့်လည်း ပန်းတိုင်အထွက်နှုန်းမမှီတောင် မလျော့သော အထွက်နှုန်းများ ထွက်ရှိ ပါသည်။ ဈေးနှုန်းများအနေဖြင့်လည်း နှစ်အလိုက်မြင့်တက်လာခဲ့ပါသည်။ ယခင်နှစ်များက သွင်းအားစုများ၊ စိုက်ပျိုးစရိတ်များမှာ အနည်းငယ်သာရှိခဲ့သော်လည်း နှစ်အလိုက်ဈေးနှုန်း များမြင့် တက်လာခဲ့ပါသည်။ လွန်ခဲ့သော(၃)နှစ်အတွင်းရှိ ပြည်မြို့နှင့်ဈေးကွက်များနှင့် ပွဲရုံများ တွင်ဖြစ် ပေါ်ခဲ့သော ဆီထွက်သီးနှံများ၏ ကာလတူဈေးနှုန်းနှိုင်ယှဉ်ချက်များအား အောက်ပါ အတိုင်း တင်ပြအပ်ပါသည်။

စဉ်      အမျိုးအမည်             ရေတွက်ပုံ      ၂၀၂၁            ၂၀၂၂            ၂၀၂၃            ၂၀၂၄

၁        နှမ်းနီ                      တင်း             ၃၆၀၀၀         ၈၆၀၀၀         ၁၀၁၀၀၀       ၁၂၀၀၀၀

၂        နှမ်းနက်                  တင်း             ၅၆၀၀၀         ၉၃၀၀၀         ၉၅၀၀၀         ၁၆၇၀၀၀

၃        စမုံနက်နှမ်း              တင်း             ၆၀၀၀၀         ၁၀၆၀၀၀       ၁၀၆၀၀၀       ၂၀၀၀၀၀

၄        မြေပဲလုံးဆန်(ဖြူ)      တင်း             ၂၅၀၀            ၃၀၀၀           ၅၅၀၀           ၈၄၅၀

၅        မြေပဲလုံးဆန်(နီ)        တင်း             ၂၂၀၀            ၂၉၀၀            ၅၃၀၀           ၈၄၀၀

၆        မြေပဲဆီဆန်(ဖြူ)       တင်း             ၂၃၀၀            ၂၈၀၀            ၆၇၀၀           ၈၀၀၀

၇       မြေပဲဆီဆန်(နီ)         တင်း             ၂၀၀၀            ၂၆၀၀            ၆၅၀၀           ၇၈၀၀

          ထို့ကြောင့် နှမ်းနီမှာ ၂၀၂၁ခုနှစ်မှ ယခု ၂၀၂၄ခုနှစ်အထိ ဈေးနှုန်းကွာခြားချက်မှာ တစ်တင်းလျှင် ၈၄၀၀၀ကျပ် ခန့်ကွာခြားပြီး ဈေးနှုန်းမှာမြင့်တက်လာခဲ့ပါသည်။ နှမ်းနက်မှာလည်း ထို့အတူ ၂၀၂၁ ခုနှစ်မှ ယခု ၂၀၂၄ခုနှစ်အထိ ဈေးနှုန်းကွာခြားချက်အနေဖြင့် တစ်တင်းလျှင် ၁၁၄၀၀၀ကျပ် ဈေးနှုန်းများမြင့်တက်လာခဲ့ပါသည်။ ယခုလိုနှစ်အလိုက်ဈေးနှုန်းများ မြင့်တက်လာ ရခြင်းမှာ တစ်နှစ်ထက်တစ်နှစ် စိုက်ပျိုးစရိတ်များမြင့်တက်လာခြင်း၊ သွင်းအားစုဈေးများ မြင့်တက် လာခြင်းတို့ကြောင့်ဖြစ်ပါသည်။

          ထို့အပြင်အခြားဆီထွက်သီးနှံတစ်မျိုးဖြစ်သော ဆီကြိတ်မြေပဲဆန်(အဖြူ)ဈေးမှာ ၂၀၂၁ခုနှစ် မှ ယခုနှစ်ဖြစ်သော ၂၀၂၄ခုနှစ်အထိ ဈေးနှုန်းကွာခြားချက်မှာ တစ်ပိဿာလျှင် ၆၂၀၀ကျပ် မြင်တက်လာသလို ဆီကြိတ်မြေပဲဆန်(အနီ)ဈေးမှာလည်း တစ်ပိဿာလျှင် ၅၅၀၀ကျပ်ဖြင့် ဈေးနှုန်းများမြင့်တက်လာခဲ့ပါသည်။ လုံးဆန်(အဖြူ)ဈေးမှာလည်း ၂၀၂၁ ခုနှစ်မှ ၂၀၂၄ခုနှစ်အထိ ဈေးနှုန်းကွာခြားချက်မှာ တစ်ပိဿာလျှင် ၆၂၀၀ကျပ်၊ လုံးဆန်(အနီ)ဈေးမှာ တစ်ပိဿာလျှင် ၆၄၀၀ကျပ်ဖြင့် ဈေးနှုန်းများမြင့်တက်လာခဲ့ပါသည်။

          ပြည်ခရိုင်အနေဖြင့် ဆီထွက်သီးနှံများဖြစ်သော နှမ်းနှင့်မြေပဲမှာ ရာသီအလိုက် ထွက်ပေါ် လာသော သီးနှံဖြစ်၍ မိမိတို့ခရိုင်အတွင်းသို့ အခြားတိုင်းများဖြစ်သော မကွေးတိုင်း၊ ဧရာဝတီတိုင်း တို့မှ ဝင်ရောက်မှုရှိသလို မိမိတို့ခရိုင်အတွင်းရှိ ပေါက်ခေါင်း၊ ရွှေတောင်နှင့် ပြည်မြို့အနီးတဝိုက်ရှိ ကျေးရွာများမှ စိုက်ပျိုးပြီး ပြည်ဈေးကွက်သို့လာရောက်ရောင်းချကြပါသည်။ နှမ်းသီးနှံပေါ်စ အချိန်တွင် တစ်နေ့လျှင် အိတ် (၁၀၀၀)ကျော်ဝင်ရောက်မှုရှိသလို မြေပဲသီးနှံမှာလည်း ပေါ်ခါစတွင် အိတ်(၁၅၀၀)ခန့် ဝင်ရောက်မှုရှိသဖြင့် ပြည်ဈေးကွက်တွင် ပုံမှန်အရောင်းအဝယ်ဖြစ်လျှက်ရှိပါသည်။

          ပြည်ဈေးကွက်တွင် ယခုအပတ်ဒီဇင်ဘာနောက်ဆုံးပတ်တွင် နှမ်းဈေးများအနေဖြင့် နှမ်းနီ တစ်တင်းလျှင် ၁၂၀၀၀၀ကျပ်၊ နှမ်းနက်တစ်တင်းလျှင် ၁၆၇၀၀၀ကျပ်နှင့် စမုံနက်နှမ်းတစ်တင်းလျှင် ၂၀၀၀၀၀ကျပ်ဖြင့် အရောင်းအဝယ်ဖြစ်လျှက်ရှိပါသည်။ မြေပဲဆန်ဈေးနှုန်းများအနေဖြင့် ဆီကြိတ် မြေပဲဆန်(အဖြူ) တစ်ပိဿာလျှင် ၈၀၀၀ကျပ်၊ ဆီကြိတ်မြေပဲဆန်(အနီ) တစ်ပိဿာလျှင် ၇၈၀၀ကျပ်နှင့် လုံးဆန်(အဖြူ)တစ်ပိဿာလျှင် ၈၄၅၀ကျပ်၊ လုံးဆန်(အနီ)တစ်ပိဿာလျှင် ၈၄၀၀ကျပ်ဖြင့် ပြည်ဈေးကွက်တွင် အရောင်းအဝယ်ဖြစ်လျက်ရှိပါသည်။ ကုန်စည်စီးဆင်းမှု အနေဖြင့် မြေပဲဆန်ကို ပြည်မြို့အနီးတဝိုက်ကျေးရွာများနှင့် ပန်းတောင်းဘက်မှ ဝင်ရောက်မှုရှိပြီး တစ်နေ့လျှင် အိတ် ၃၀၀/၄၀၀ခန့် အဝင်ရှိပြီး ရန်ကုန်ဝယ်လက်နှင့်ဆီစက်လုပ်ငန်းရှင်များက အဝယ်ရှိပါသည်။ နှမ်းနီမှာ ပစ္စည်းလက်ကျန်နည်း၍ အရောင်းအဝယ်မဖြစ်ဘဲ ကျန်နှမ်းနက်နှင့် စမုံနက်နှမ်းသာ တစ်ခါတစ်ရံအရောင်းအဝယ်ဖြစ်၍ အရောင်းအဝယ်ဖြစ်လျှင် အိတ် ၁၀၀/၂၀၀ ခန့်သာ အရောင်းအဝယ်ဖြစ်လျက်ရှိကြောင်း သိရပါသည်။

DOCA(ပဲခူး)

ပဲခူးတိုင်းဒေသကြီးပြည်ခရိုင်သည် ဆန်စပါးနှင့်ပဲမျိုးစုံ အဓိကစိုက်ပျိုးသော်လည်း ကြက်သွန်နီကို နိုဝင်ဘာလနှင့် ဒီဇင်ဘာလတို့တွင် စတင်စိုက်ပျိုးပြီး မတ်လနှင့် ဧပြီလများတွင် တူး ဖော်ကာ တစ်နိုင်တစ်ပိုင်စိုက်ပျိုးသည့် ခရိုင်ဖြစ်၍ စိုက်ဧကအားဖြင့် ပြည်ခရိုင်အတွင်း ပန်းတောင်း မြို့နယ်တွင် ၃၂ ဧက ရွှေတာင်မြို့နယ်တွင် ၆၇ဧက ကို ခုနှစ် နိုဝင်ဘာလကုန်အထိ စိုက်ပျိုးပြီးစီး မှုရှိကြောင်းသိရသည်။ ပြည်ခရိုင်အတွင်း စားသုံးမှုနှင့် နှိုင်းယှဉ်ပါက လိုအပ်ချက်ရှိသဖြင့် ကြက်သွန်နီအဓိကစိုက်ပျိုးရာ မကွေးတိုင်း၊ မန္တလေးတိုင်းတို့မှ တင်သွင်းကာ ရောင်းဝယ်စားသောက် ကြရသည်။ ယခုဒီဇင်ဘာလ နောက်ဆုံးပတ်အတွင်း ကြက်သွန်နီ အသစ်များ ပြည်ဈေးကွက်သို့ ရေနံချောင်း၊ တောင်တွင်းကြီး၊ ကျောက်ပန်းတောင်း၊ ဆိပ်ဖြူ စသည့်နယ်ဘက်မှ ကြက်သွန်နီအသစ် များနေ့စဉ်ပိဿာချိန် (၅၀၀၀)ခန့် အဝင်ရှိပြီး ဒီဇင်ဘာလတတိယပတ်အစမှ စတင်ဝင်ရောက်မှုရှိကာ တစ်ပတ်အတွင်း ပိဿာချိန် (၃၀၀၀၀)ပတ်လည်ခန့် အဝင်ရှိနေသည်။ ပြည်ဈေးကွက်သို့ ယခုကာလ တွင် ကြက်သွန်နီ အသစ်များသာ ဝင်ရောက်မှုရှိပြီး အဟောင်းမှာ အဝင်မရှိတော့ဘဲ ပြည်ဈေးကွက်ရှိ ပစ္စည်းလက်ကျန်ဖြင့်သာ ရောင်းဝယ်မှုရှိနေသည်။ အဟောင်းလက်ကျန်မှာ ပိဿာချိန်အားဖြင့် လက်ကားပွဲရုံများနှင့် လက်လီစည် ပင်ဈေးများတွင် (၂၈၀၀၀)ကျပ်ရှိနေပြီး ပစ္စည်းအရည်အသွေးမှာ အစို့ပေါက် အခွံချွတ်များ ဖြစ်နေသဖြင့် အရောင်းအဝယ်မှာ အသစ်နှင့်အတူ မျှတစွာရောင်းဝယ်မှု ရှိနေသည်။ နယ်ကျော်အရောင်းအဝယ်အနေဖြင့် ပြည်ဈေးကွက်မှတစ်ဆင့် သာယာဝတီခရိုင်၊ နတ်တလင်းခရိုင်၊ ပန်းတောင်း(ဥသျှစ်ပင်)နှင့် ရေကြောင်းမှလည်း ထုံးဘို၊ ရွှေဘုံသာ၊ ဆင်တဲ၊ ဧရာဝတီတိုင်းတို့သို့ ရက်ခြားစီးဆင်းမှုရှိနေပြီး ဝင်ရောက်မှု၏ ထက်ဝက်ခန့် ရောင်းဝယ်မှုရှိနေသည်။ ဈေးနှုန်းအနေဖြင့် ပွဲရုံ လက်ကားဈေးမှာ အသစ် (ကြီး၊လတ်၊သေး) တစ်ပိဿာကို ကျပ်(၂၈၀၀-၃၀၀၀-၃၂၀၀)နှုန်း၊ အဟောင်း လက်ကားတစ်ပိဿာကို ကျပ်(၃၀၀၀-၃၃၀၀-၃၆၀၀)နှုန်း နှင့် မြို့ပေါ်လက်လီဈေးတစ်ပိဿာလျှင် အသစ် ကျပ်(၃၅၀၀-၃၈၀၀-၄၀၀၀)နှုန်း၊ အဟောင်းလက်လီ တစ်ပိဿာ ကျပ်( ၃၇၀၀-၄၀၀၀-၄၂၀၀)နှုန်း တို့ဖြင့် အသီးသီးရောင်းဝယ်မှုရှိနေ ကြောင်းသိရသည်။

DOCA(ပဲခူး)

“နွေအချို၊ မိုးအခါး၊ ဆောင်းအချဉ်”ဟူသော ဆိုရိုးစကားနှင့်အညီ ရာသီပေါ်ဇီးဖြူသီးကို ဈေးများတွင် ရောင်းချနေပြီဖြစ်ပါသည်။ ယခုကဲ့သို့ ရာသီချိန်၌ ထမင်းစားပွဲမှာ ဇီးဖြူသီးထောင်း (သို့) ဇီးဖြူသီးထည့်၍ ချက်ထားသော ဟင်းလျာတစ်မျိုးမျိုးကို စားသုံးကြပါသည်။ ဇီးဖြူသီးသည် နေရာတိုင်း၊ ဒေသတိုင်း၌ ပေါက်ရောက်တတ်သော အပင်တစ်မျိုး ဖြစ်ပါသည်။ ဆီးဖြူသီးသည် အကြီးမျိုး၊ အငယ်မျိုး၊ အချဉ်မျိုး၊ အချိုမျိုး စသည်ဖြင့် ကွဲပြားမှုရှိ သော်လည်း စွမ်းရည် သတ္တိများ မှာ အတူတူပင်ဖြစ်ပါသည်။ တချို့ဒေသများတွင် ဆီးဖြူသီးကို သျှိသျှားသီးဟူ၍လည်း ခေါ်ဝေါ် ကြောင်းသိရှိရပါသည်။ ဒေသထွက်ဇီးဖြူသီးများကို မိုးရာသီနှင့် ဆောင်းရာသီများ၌ ဆွတ်ခူး ရောင်းချကြပါသည်။ ဇီးဖြူသီးအလုံးချော နို့ဆီဘူးတစ်ဘူးလျှင် ကျပ် (၆၀၀)၊ ဇီးဖြူသီး အလုံး အသေး နို့ဆီဘူးတစ်ဘူးလျှင် ကျပ် (၅၀၀) ဖြင့် ရောင်းချနေကြောင်း သိရပါ သည်။

ဆီးဖြူပင်သည် မြန်မာနိုင်ငံတွင် သဘာဝအလျောက်သော်လည်းကောင်း၊ စိုက်ပျိုးခြင်းဖြင့် သော်လည်းကောင်း ပေါက်ရောက်ပါသည်။ ရွက်ကြွေပင်လတ်မျိုးဖြစ်ပြီး အပင်ရဲ့ အကိုင်းအခက် တလျှောက်တွင် စိမ်းဝါရောင်အပွင့်များ အဆုပ်လိုက် အဆုပ်လိုက်ပွင့်ပါသည်။ ဆီးဖြူသီး၏ ပုံစံမှာ လုံးဝိုင်းပြီး အမြှောင်း ၆ မြှောင်းပါရှိပါသည်။ သူရဲ့အစေ့ကတော့ သုံးတောင့် ပုံစံ ရှိ ပြီး ဆီးဖြူသီးသည် အစိမ်းဖျော့ရောင်ရှိပြီး အထဲကအစေ့သည် အစိမ်းရင့်ရောင်ရှိပါ သည်။ ချဉ်ပေါင်းသည်တိုင်းလိုလိုမှာ ဆီးဖြူသီးပါလေ့ရှိပြီး ဆီးဖြူသီးကို အမျိုးမျိုးလုပ်စားကြပါသည်။ ထောင်းပြီး သုပ်စားနိုင်သလို အလုံး လိုက်ဆားရည်စိမ်ထားပြီး အတို့အမြုပ်အဖြစ်နဲ့ စားတာလည်းရှိပါတယ်။ ဒါ့အပြင် ငါးပိတို့ ခရမ်းချည် သီးတို့နဲ့ရောပြီး ဇီးဖြူသီးငပိချက်အနေနဲ့လည်း စားကြပါသည်။ အခုနောက်ပိုင်းမှာဆိုရင် ဆီးဖြူသီး ကိုဖျော်ရည်လုပ်သောက်ကြတာမျိုးလည်း ရှိလာကြပါသည်။

DOCA(ပဲခူး)

ဒီဇင်ဘာလကုန်ပတ် ပြည်ပဲဈေးကွက်မှာဘိုကိတ်ပဲသစ်များ ဝင်‌ရောက်မှုအနေဖြင့် ဝင်ရောက်မှုများလာပြီး တစ်ရက်အိတ် (၁၀၀မှ ၂၀၀)‌ကျော်အထိ ဝင်‌ရောက်မှုရှိလာခဲ့ပါသည်။ ပြည်အနီးတဝိုက်ဒေသများမှ ဝင်ရောက်မှုရှိပြီး ဝယ်လိုအားအနေဖြင့် လက်လီ/လက်ကား ရောင်းဝယ်မှုဖြစ်ကြပါသည်။ လက်ကားရောင်းဝယ်မှုအနေဖြင့် ရန်ကုန်ဝယ်လက်သမားများ အဓိက ဝယ်ယူမှုရှိကာအိတ် (၂၀၀)ကျော်နေ့စဉ်ဝယ်ယူကြသလို ဒေသတွင်း လက်လီသမားများမှလည်း နေ့စဉ်ဝယ်ယူကြတာကြောင့် ပဲအဝင်ရှိလာသလောက် အရောင်းအဝယ်ဖြစ် ခဲ့သည်ဟုသိရပါသည်။ ပဲဈေးနှုန်းများ တစ်တင်း (၉၃၀၀၀)ကျပ်ဖြင့် အရောင်းအဝယ်ဖြစ်သည့်အတွက် ပဲဈေးကွက်များတွင် ဈေးကောင်းရသည်ဟု ဆိုရသော်လည်း ပဲနီပြား၊ ထောပတ်ပဲ ဈေးထက်လျော့နည်းနေ ခဲ့ပါသည်။ ယခင်နှစ်က ဘိုကိတ်ပဲသီးနှံယခုကာလဈေးနှုန်းမှာ တစ်တင်း (၇၂၅၀၀)ကျပ်သာ ရရှိခဲ့တာကြောင့် ယခုနှစ်ဘိုကိတ်ပဲသီးနှံဈေး မှာ ယခင်နှစ်ထက်ဈေး ကိုရနေခဲ့ကြောင်းသိရပါသည်။

DOCA(ပဲခူး)