ပြည်တွင်းကုန်သွယ်မှုသတင်း

    ကျွန်းလှမြို့နယ်အတွင်း လူသုံးကုန်၊ စားသောက်ကုန်ဈေးနှုန်းများ အနည်းငယ်မြင့်တက်လျက် ရှိရာမှ အသားငါးဈေးနှုန်းသည်လည်း မြင့်တက်လျက်ရှိပြီး သဖန်းဆိပ်ဆည်အတွင်းမှ ထွက်ရှိသည့် ဒေသထွက် ရေချိုငါးများကို ဝယ်ယူရောင်းချကာ ဈေးကောင်းရရှိ၍ အရောင်းအဝယ်ဖြစ်လျက်ရှိကြောင်း  သိရသည်။

     စက်တင်ဘာလ တတိယပတ်တွင် ကျွန်းလှမြို့နယ်၊ အင်းကောင်းကျေးရွာ ငါးဒိုင်တွင် ရောင်းချလျက် ရှိသော ငါးဖန့်ဝိုင်း ဈေးနှုန်းအနေဖြင် ငါးဖန့်ဝိုင်း တစ်ပိဿာလျှင်(၁၅၀၀၀)ကျပ်၊ (၅၀)ကျပ်သားလျှင် (၇၅၀၀)ကျပ် နှင့် (၂၅)ကျပ်သားလျှင်(၄၀၀၀)ကျပ် ဈေးနှုန်းတို့ဖြင့်  အရောင်းအဝယ်ဖြစ်လျက်ရှိကြောင်း ငါးအရောင်းအဝယ် လုပ်ကိုင်သည့် ငါးဒိုင်ပိုင်ရှင်ထံမှ သိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို လုပ်ကိုင်စားသောက်ကြရာမှာ စားဖိုဆောင် သီးနှံဖြစ်သည့် ခရမ်းသီးများကိုလည်း တစ်ပိုင်တစ်နိုင် စိုက်ပျိုးရောင်းချလျက်ရှိကြောင်း သိရသည်။

   ၂၀၂၅ ခုနှစ်၊ စက်တင်ဘာလ တတိယပတ်အတွင်း ဖြစ်ပေါ်နေသော ကျွန်းလှမြို့၏ ခရမ်းသီးဈေးနှုန်းအနေဖြင့် ထောပတ် ခရမ်းသီး လက်လီ တစ်ပိဿာလျှင်(၂၄၀၀)ကျပ်၊ (၅၀)ကျပ်သားလျှင် (၁၂၀၀)ကျပ်၊ (၂၅)ကျပ်သားလျှင်(၆၀၀)ကျပ် နှင့် ပဒေသာ ခရမ်းသီး တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင်(၁၀၀၀)ကျပ် နှင့် (၂၅)ကျပ်သားလျှင်(၅၀၀)ကျပ်ဈေးနှုန်းတို့ဖြင့်  အရောင်းအဝယ် ဖြစ်လျက်ရှိကြောင်း သိရသည်။

DOCA(စစ်ကိုင်း)

   မအူပင်မြို့နယ်တွင် ရောင်းချနေသော ဘိလပ်မြေ ဈေးနှုန်း စက်တင်ဘာလ ၁၅ရက်နေ့တွင် အနည်းငယ်မြင့်တက်လာကြောင်း သိရသည်။ ရောင်းချနေသော ဘိလပ်မြေဈေးနှုန်းများမှာ အယ်လဖာ ၁အိတ် ၂၃၅၀၀ကျပ်၊ ကြံနီ ၁အိတ် ၂၃၅၀၀ကျပ်၊ အပါချီ ၁အိတ် ၂၁၅၀၀ကျပ်၊ Yojin ၁အိတ် ၂၃၀၀၀ကျပ်၊ အုတ် ၁ခဲ ၃၅၀ကျပ်၊ မြစ်သဒ ၁ကျင်း ၁၂၀၀၀ကျပ်၊ ကျောက်စရစ် ၁ကျင်း ၁၇၀၀၀၀ကျပ်၊ ၆မူးသံချောင်း ၁တန် ၁၈၀၀၀၀၀ကျပ်၊ ၅မူးသံချောင်း ၁တန် ၁၆၅၀၀၀၀ကျပ်၊ ၃မူးသံချောင်း ၁တန် ၁၄၀၀၀၀၀ကျပ် ဖြင့် အရောင်းအဝယ်ဖြစ်နေပြီး ဘိလပ်မြေဈေးယခင်းဈေးနှင့် နှိုင်းယှဉ်ပါက ၄၅၀၀ကျပ် မြင့်တက်လာကြောင်း ကျန်ပစ္စည်းများမှာ တည်ငြိမ်လျက်ရှိကြောင်းနှင့် ဈေးမြင့်တက်လာရခြင်းမှာ ရန်ကုန်အထိုင်ဈေးမြင့်တက် လာမှုကြောင့် မြို့နယ်အတွင်း ဈေးအနည်းငယ်မြင့်တက်လာခြင်းဖြစ်ကြောင်း အရောင်းဆိုင်များမှ သိရသည်။

DOCA(ဧရာဝတီ)

     ကြက်တက် ရွက်ကို မိုးဦးကျစတွင် စတင်ပေါက်ရောက်လေ့ရှိသော အရွက်တစ်မျိုးလည်း ဖြစ်ပါသည်။  ရာသီစာ ကြက် တက်ရွက်ပြုတ်သည် လူကြိုက်များသော လဖက်အစားထိုး သရေစာတစ်မျိုးဖြစ်ပါသည်။

     ၂၀၂၅ ခုနှစ်၊  စက်တင်ဘာလ ဒုတိယပတ်အတွင်း ကျွန်းလှမြို့၊ ပိတောက်မြိုင်ဈေးတွင် ရောင်းချနေသော ကြက်တက်ရွက်ပြုတ် ဈေးနှုန်းအနေဖြင့်  ကြက်တက်ရွက်ပြုတ် တစ်ပိသာလျှင်(၆၀၀၀)ကျပ်၊ (၅၀)ကျပ်သားလျှင်(၃၀၀၀)ကျပ်၊ (၂၅)ကျပ်သားလျှင်(၁၅၀၀)ကျပ် နှင့် (၁၀)ကျပ်သားလျှင်(၆၀၀)ကျပ် ဈေးနှုန်းတို့ဖြင့် ရောင်းချလျက်ရှိခဲ့ပြီး ယခု စက်တင်ဘာလ တတိယပတ်အတွင်း ကျွန်းလှမြို့၊ ပိတောက်မြိုင်ဈေးတွင် ရောင်းချနေသော ကြက်တက်ရွက်ပြုတ် ဈေးနှုန်းအနေဖြင့်  ကြက်တက်ရွက်ပြုတ် တစ်ပိသာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ်၊ (၂၅)ကျပ်သားလျှင်(၁၃၀၀)ကျပ် နှင့် (၁၀)ကျပ်သားလျှင်(၅၀၀)ကျပ် ဈေးနှုန်းတို့ဖြင့် ရောင်းချသောကြောင့် ယခင်အပတ်ထက် ကြက်တက်ရွက် ပြုတ်ဈေးနှုန်း တစ်ပိဿာလျှင်(၅၀၀)ကျပ် ကျဆင်းပြီး အ‌ရောင်းအဝယ်ဖြစ်လျက်ရှိကြောင်း သတင်း ရရှိပါသည်။

DOCA(စစ်ကိုင်း)

    ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှာ နှစ်ရှည်သီးနှံ ဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ အုန်းသီးပင်၊ မန်ကျည်းသီးပင် နှင့် မာလကာသီးပင်များကိုလည်း မိမိတို့ နေအိမ် ခြံစည်းရိုး များနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိပြီး အုန်းသီးများကို ကျွန်းလှမြို့နယ် အတွင်းရှိကျေးရွာများနှင့် မြို့ပေါ်ရပ်ကွက်များမှ ကျွန်းလှမြို့ပေါ်ရပ်ကွက်ဈေးများနှင့် မိမိတို့ကျေးရွာများ တွင်  ရောင်းချလျက်ရှိကြောင်းသိရသည်။

          ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ဖြစ်ပေါ်နေသော ကျွန်းလှမြို့၏ ဒေသထွက် အုန်းသီး ဈေးနှုန်းများမှာ တစ်လုံးလျှင်(၃၀၀၀)ကျပ်၊ အကြီး အသေးပေါ်မူတည်၍ တစ်လုံးလျှင်(၂၅၀၀ / ၃၀၀၀)အထိ ဈေးနှုန်း အသီးသီ တို့ဖြင့် ရောင်းချလျက်ရှိကြောင်း ရန်ကုန်မှ မှာယူ ရောင်းချသော အုန်းသီးအရင့် တစ်လုံးလျှင်(၄၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ် လျက်ရှိ ကြောင်း အုန်းသီးများကို မုန့်မျိုးစုံရောင်းချသူများ၊ အုန်းနို့ ခေါက်ဆွဲ ရောင်းချသူများ၊ ပေါက်ဆီ ရောင်းချသူများ နှင့် ကွမ်းယာဆိုင်များမှ အသုံးပြုသည့်အတွက် အရောင်းအဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)