ပြည်တွင်းကုန်သွယ်မှုသတင်း

   တောင်ငူမြို့၏ ပတ်ဝန်းကျင်ရှိ         တရုတ်စောင်းလျား စောင်းလျားသီးဆို အရမ်းချဉ်ပြီး သကြားနှင့်စိမ့်ပြီးသောက်မှ ကောင်းသည့် ပုပ္ပါးတို့အညာဒေသဘက်မှ ပြန်လာရင် ဖန်ပုလင်းနှင့် ထည့်ထားသည့်အသီးကိုသာ မျက်စိထဲပြေးမြင်မိမှာပါ ယခုအသီးလေးကတော့ တရုတ် စောင်းလျား သီးဟု အများကခေါ်ကြသည့် အသီးတစ်မျိုးဖြစ်ပါသည်။

               တရုတ်စောင်းလျားသီးမှာ အပင်၏ပင်စည်မှစပြီး ပင်စည်နှင့် အကိုင်းများ အားလုံးနီးပါးရှိ အညှာလေးများမှ တပင်လုံးလှိုင်နေအောင်သီးသည့်အသီးတစ်မျိုးဖြစ်ပါသည်။ အသီးကို ခေါင်းပိုင်း နှင့် ဖင်ပိုင်းကို ဓါးနှင့်ဖြတ်ပြီး  လေးခြမ်းခြမ်းကာ မာလာကာသီး ၊ သရက်သီးများလို့ သုတ်စားလို့ ရသလို့ အသီးကို ပါးပါးလှီး အရည်ညစ်ပြီး ပုစွန်ခြောက် ၊ စိမ်းစားငါးပိ ၊ ရေကျိုငါးပိ၊ အချဉ်ကြောက်ပါက မြေပဲဆံ များနှင့် ကြော်စားခြင်း ၊ထောင်းပါက မရမ်းသီး၊ သရက်သီးများလို့ စားလို့ကောင်းကြောင်းနှင့် အသီးမှာ ရာသီအလိုက် အသီးသီးကြောင်း၊ တစ်နှစ်ပတ်လုံး အပင်မှ ပန်းပွင့်ပွင့် ပြီး အသီးများ သီးကြောင်း အခြားသစ်သီးများလို့ တစ်နှစ်တွင်တစ်ခါသာသီးခြင်းမဟုတ်ပဲ အမြဲ အပင်မှာ ပန်းပြအပွင့် ပွင့် ပြီးတိုင်း အသီးများသီးကြောင်း အသီးများမှာ အခြားအပင်များလို့ အများကြီး မရှိသည့်အတွက် ယခုအပင်ရှိသည့် ခြံပိုင်ရှင်မှ အသီးများကို ပါဆယ်အိတ် ၅၉ အိတ်တစ်လုံးကို ၅၀၀ ကျပ်ဖြင့်သာ မီးဖိုစရိတ်ကာမိအောင်ရောင်းချပြီး အသီးများကို အိမ်အနီး ပတ်ဝန်းကျင်မှ ဝယ်ယူအားပေးသဖြင့် ဈေးကွက်အတွင်းသို့ မရောက်ကြောင်း နှင့် အပင်များများ ပျိုးစိုက်ပြီး အသီးများ များများရအောင် ပျိုးထားပြီးဖြစ်ကြောင်း တောင်ငူမြို့ ၁၇ ရပ်ကွက် ခြံပိုင်ရှင် ထံမှ သတင်းရရှိပါသည်။

DOCA(ပဲခူး)

              ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်းရှိ ဈေးများတွင် ရောင်းချနေသော ဂျင်း(ချင်း)များကို မန္တလေးမြို့မှလည်းကောင်း၊ ရှမ်းပြည်နယ် အောင်ပန်းမှလည်းကောင်း ဝယ်ယူရကြောင်း၊ ဂျင်း(ချင်း)များကို အစားအသောက်များတွင် အရသာပိုမိုကောင်းမွန်ရန်အတွက် အသုံးပြုကြသလို ဓါးလှီးဂျင်းပေါက်ပြုလုပ်သည့် လုပ်ငန်းရှင်များကလည်း ဝယ်ယူကြောင်းသိရသည်။

          ၂၀၂၅ ခုနှစ်၊ အောက်တိုဘာလ၊ တတိယပတ်တွင် ပြည်မြို့၊ မြို့မစည်ပင်သာယာဈေးကြီးတွင် ရောင်းချနေသည့် ဂျင်း(ချင်း)တက်ဈေးနှုန်းများမှာ လက်ကား(၁)ပိဿာလျှင် (၅၀၀၀)ကျပ်၊ လက်လီ (၁)ပိဿာလျှင် (၅၅၀၀)ကျပ်ဖြင့်ရောင်းချကြောင်း၊ ပြည်မြို့နယ်အတွင်း တစ်ပိုင်တစ်နိုင် ဓါးလှီးဂျင်းလုပ်ငန်းများလုပ်ကိုင်လျက်ရှိရာ ဓါးလှီးဂျင်းဈေးနှုန်းမှာ လက်လီ (၁)ပိဿာလျှင် (၅၅၀၀) ကျပ်နှင့် လက်ကား တစ်ပိဿာလျှင် (၅၀၀၀)ကျပ်ဖြင့် ရောင်းချကြောင်း၊ ဩဂုတ်လ၊ တတိယပတ် ဈေးနှုန်းများဖြင့် နှိုင်းယှဉ်ပါက ယခုတစ်ပတ်တွင်း ဂျင်းတက် (၁)ပိဿာလျှင် (၅၀၀)ကျပ် ဈေးကျလာကြောင်း ဂျင်းတက်ရောင်းချသည့် လုပ်ငန်းရှင်တစ်ဦးထံမှ သိရှိရသည်။

DOCA (ပဲခူး)

            ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ တောင်လုံးညိုကျေးရွာ၊ တောင်သူ ဦးဇော်ဝင်း၏ ဥယျာဉ်ခြံမြေထဲတွင် သီးမွှေးငှက်ပျောများ စိုက်ပျိုးထားကြောင်းသိရသည်။ စိုက်ပျိုး ထားသော မျိုးများမှာ သီးမွှေးဝါနှင့် သီးမွှေးစိမ်းတို့ဖြစ်ကြသည်။ မြေသားနက်ရှိုင်း၍ ရေစီးဆင်းမှု ကောင်းသော မြေဖြစ်သောကြောင့် ငှက်ပျောပင်များနှာ ကြီးထွားမှုဖွံ့ဖြိုးကြောင်း သိရသည်။ အသီး ခိုင်များမှာ ကြီးလွန်းသောကြောင့် အပင်ကို ဝါးများဖြင့် ကျားကန်ထောက်ပေးထားရသည်။

          ငှက်ပျောပင်သည် နိုင်ငံတကာ ဈေးကွက်တွင် အရေးပါဆုံးမျိုးဖြစ်ကြောင်းသိရသည်။ ငှက်ပျောတစ်ဖီးလျှင် အသီး (၂၀ - ၂၅)လုံးပါကြောင်းသိရသည်။ ငှက်ပျောတစ်ခိုင်လျှင် (၇-၈)ဖီးပါရှိသည်။ သီးမွှေးဝါမှာ မှည့်လျှင် အဝါရောင်ရှိပြီး သီးမွှေးစိမ်းမှာ နဂိုအရောင်မပျက်မှည့်ပြီးချိုသည်။ ထွက်ရှိလာသော သီးမွှေးများကိုဈေးကွက်တွင် တစ်ဖီးလျှင် (၇၀၀၀)ကျပ်ဖြင့် ရောင်းချကြောင်း သိရသည်။

DOCA (ပဲခူး)

         ပြည်မြို့၏ သစ်သီးဝလံရောင်းဝယ်မှုဈေးကွက်တွင် ပြောင်းဖူးဈေးကွက်သည်လည်း နေ့စဉ် အရောင်းအဝယ်ဖြစ်လျက်ရှိပါသည်။ပြောင်းဖူးစိမ်းများအား ဈေးများသို့ ပြည်အနီးအနားဒေသများဖြစ်သောဆင်မြီးဆွဲ၊ မှော်ဇာကျေးရွာများမှ ဝင်ရောက်ကြကြောင်းသိရှိရပါသည်။ ပြောင်းဖူးပြုတ်နှင့် ပြောင်းဖူးစိမ်းများအား စက်ဘီး၊ ဆိုင်ကယ်များဖြင့် ရပ်ကွက်များအတွင်း လှည့်လည်ရောင်းချသလို လမ်းဘေးတွင် ပြောင်းဖူးဖုတ်ရောင်းချသူများလည်းရှိကြပါသည်။ မိုးကုန်ရာသီကာလဖြစ်သောကြောင့် ပြောင်းဖူးများဈေးကွက်အတွင်း ပေါများထွက်ပေါ်ခြင်းမှာ ခုတ်တက်စနစ်စိုက်ပျိုးသောကြောင့် ပြောင်းဖူးများ တစ်ခင်းပြီးတစ်ခင်း ထွက်ရှိသောကြောင့် ဈေးကွက်တွင် ပြောင်းဖူးသီးနှံကို ရာသီအချိန်ကာလမရွေး စားသုံးနေကြရပါသည်။ပြောင်းဖူးဈေးကွက်အနေဖြင့် တစ်ဖူးလျှင် (၅၀၀/ ၇၀၀)ကျပ်ဖြင့် ရောင်းချပြီး အရွယ်အစားအလိုက် ဈေးကွာခြားမှုများရှိကြောင်းလည်း တွေ့ရှိရပါသည်။                                                                                               

DOCA(ပဲခူး)

         ပြည်ကြက်သွန်နီဈေးကွက်အတွင်း ၂၀၂၅ ခုနှစ်၊ အောက်တိုဘာလသည် ကထိန်ရာသီ ဖြစ်သည့်အတွက် ကြက်သွန်နီအရောင်းအဝယ်သွက်လျက်ရှိပါသည်။ပြည်ပွဲရုံများသို့ အောင်လံ မြို့နယ်၊ ဆိပ်ဖြူမြို့နယ်နှင့် ကျောက်ပန်းတောင်းမြို့နယ်ဘက်မှ ကြက်သွန်နီများ တစ်ရက်လျှင် ပိသာချိန် တစ်သောင်းခွဲခန့် အဝင်ရှိနေကြောင်းသိရပြီး အောင်လံဘက်မှ ကြက်သွန်နီမှ ဈေးချိုသဖြင့် ပိုမိုအရောင်းသွက်လျက်ရှိသည်။ ပြည်ဈေးကွက်မှ တစ်ဆင့် ပန်းတောင်းနှင့် ဥသျှစ်ပင်၊ နတ်တလင်းခရိုင်၊ သာယာဝတီခရိုင်နှင့် ပေါက်ခေါင်းနယ်ဘက်တို့မှ ဝယ်ယူမှုများရှိနေပြီး ဒေသတွင်း ပုံမှန်ဝယ်လက်များ၊ အိတ်ဆွဲဝယ်ရောင်းသမားများနှင့် အရောင်းအဝယ်ဖြစ်လျက်ရှိရာ ဝင်ရောက်မှု ၏ သုံးပုံနှစ်ပုံအရောင်းအဝယ်ဖြစ်လျက်ရှိနေသည်။ ဈေးနှုန်းမှာ အောင်လံနယ်ဘက်မှ ကြက်သွန်နီ မှာ အရည်အသွေးပိုင်း အနည်းငယ်အားနည်းသဖြင့် တစ်ပိဿာလျှင် ပွဲရုံလက်ကားဈေးမှာ ကျပ် ၁၀၀၀ - ၁၂၀၀ နှုန်းခန့်ရှိပြီး ကျန်အမျိုးအစားကြက်သွန်နီမှာ ပွဲရုံလက်ကားဈေးတစ်ပိဿာလျှင် ကြီး/ လတ်/ သေးကျပ် ၁၆၀၀/၁၅၀၀-၁၄၀၀/၁၃၀၀ နှုန်းတို့နှင့် လက်လီဈေးအသေးများတွင် ကျပ် ၂၀၀၀-၁၉၀၀-၁၈၀၀-၁၇၀၀နှုန်းတို့ဖြင့် အသီးသီးရောင်းဝယ်လျက်ရှိကြောင်း သိရပါသည်။

DOCA(ပဲခူး)