ပြည်တွင်းကုန်သွယ်မှုသတင်း

      ပြည်တွင်းစားသုံးမှုများပြားခြင်းနှင့် ပြည်ပတင်ပို့သည့်ပဲပုတ်မှာ အရောင်းသွက်လျက်ရှိပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ်တွင်ပဲပုတ်အပါအဝင်ပဲမျိုးစုံစိုက်ပျိုးမှု ၁၀၁၉၄၇၇ ဧက ဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်၊စက်ပိုင်များ မဟာကထိန်တော်အသင်း တွင် ၂၀၂၅ ခုနှစ်အောက်တိုဘာလနောက်ဆုံးပတ်အတွင်းပေါက်စျေးမှာ ၃တင်းဝင်တစ်အိတ်လျှင် ပဲပုတ်(ရှမ်း) ၂၇၅၀၀၀ကျပ်နှင့်၃၀၀၀၀၀ကျပ်၊ ပဲပုတ်(ဗမာ) ၃၅၅၀၀၀ကျပ်၊တစ်ပိဿာပေါက်စျေးမှာ ပဲပုတ်(ရှမ်း)၅၁၆၄ကျပ်နှင့်၅၆၃၄ကျပ်၊ပဲပုတ်(ဗမာ)၆၆၆၇ကျပ်တို့ဖြစ်ကြောင်း သိရှိရပါသည်။ ယခင် နှစ်ကာလတူ တစ်ပိဿာစျေးမှာ ပဲပုတ်(ရှမ်း)၆၇၆၁ကျပ်နှင့် ၇၈၈၇ ကျပ်၊ ပဲပုတ်(ဗမာ)  ၇၈၈၇ကျပ်၊ ပဲပုတ် (စက်ပဲ) ၅၆၃၄ကျပ်နှင့် ၆၅၇၃ကျပ်တို့ဖြစ်ကြောင်း သိရှိရပါသည်။ ယခုနှင့်ယခင်နှစ် ကာလတူ ပေါက်စျေး နှိုင်းယှဉ်ပါကပဲပုတ်စျေးမှာ အနည်းငယ်ကျ ဆင်းသွားကြောင်း သိရှိရပါသည်။

DOCA(မန္တလေး)

         မန္တလေးတိုင်းဒေသကြီး ၊ မြင်းခြံခရိုင် ၊ မြင်းခြံမြို့နယ်တွင် ကြက်မွေးရေးခြံများရှိသော်လည်း သုံးစွဲမှုမြင့်မားသည့်အတွက် ဈေးကွက်လိုအပ်ချက်အရ လိုအပ်သော ကြက်ဥ / ဘဲဉများကို တောင်ကြီး ၊ ပြင်ဦးလွင်နှင့် မန္တလေးမြို့များမှ မှာယူရောင်းချကြောင်းသိရသည်။ မြို့ပေါ်ရှိ ကြက်ဥအရောင်းဆိုင် တစ်ဆိုင်သို့ မေးမြန်းကြည့်ရာမှာတော့ ယခင်က ပြင်ဦးလွင်မှ မှာယူရောင်းချပါကြောင်း၊ ယခုမန္တလေးမှ မှာယူရောင်းချပါကြောင်း၊ တစ်ရက်ကို လက်လီ/လက်ကား အလုံးရေ ၄၅၀၀ ရောင်းချရပါကြောင်း၊ ကြက်ဥဈေးနှုန်းအနေဖြင့် ယခင်အပတ်ကြက်ဥတစ်ပိဿာလျှင် ၁၀၅၀၀/- ကျပ်ဈေးရှိပြီး ယခုရက်ပိုင်း အနေဖြင့်တစ်ပိဿာ ၁၁၀၀၀/- ၊ ၁၁၂၀၀/- နိမ့်လိုက် မြင့်လိုက် ဈေးနှုန်းအပြောင်းအလဲဖြင့် မန္တလေး ကြက်ဥဈေးနှုန်းပေါ်အခြေခံ၍ ကြက်ဥတစ်လုံးလျှင် အနိမ့် ၄၀၀/-ကျပ်မှ အမြင့်ဈေး ၅၀၀/- ကျပ် ဈေးရောင်းချလျက်ရှိကြောင်းသိရပါသည်။ ကြက်ဥသည် ဟင်းဖြစ်လည်းလွယ်သည့်အတွက်  ဟင်းလျာ အတွက်ဆိုလျှင် ကြက်ဥပြုတ် ၊ ကြက်ဥကြော် ၊ ကြက်ဥကြော်ချက် ၊ ကြက်ဥပေါင်းချက်နှင့် ကြက်ဥ မွှေချက်တို့ကို အလွယ်တကူချက်ပြုတ် စားသုံးနိုင်သည့်အတွက် အများစုဝယ်ယူစားသုံးကြသည့် အတွက် အရောင်းအဝယ်အားဖြင့် ပုံမှန်အရောင်းအဝယ်ဖြစ်လျက်ရှိကြောင်းသိရပါသည်။

DOCA (မန္တလေး)           

     ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်းသိရပါသည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် အောက်တိုဘာလနောက်ဆုံးပတ်အတွင်း ဖြစ်ပေါ်လျက်ရှိသည့်အမျိုးအစားအလိုက် ပေါက်စျေးများ မှာ ၃တင်းဝင်တစ်အိတ်လျှင် ကုလားပဲ(V-2) ၂၃၈၀၀၀ကျပ်၊ ကုလားပဲ(V-7) ၂၂၀၀၀၀ ကျပ်နှင့် ၂၂၃၀၀၀ကျပ်၊ကုလားပဲ (ထိုင်ဝမ်)၂၂၈၀၀၀ကျပ်နှင့်၂၃၀၀၀၀ကျပ်၊ ကုလားပဲ (929) ၂၃၃၀၀၀ ကျပ်နှင့် ၂၃၅၀၀၀ကျပ်၊ တစ်ပိဿာပေါက်စျေးမှာ ကုလားပဲ(V-2) ၄၁၅၇ကျပ်၊ ကုလားပဲ(V-7)၃၈၄၃ကျပ်နှင့် ၃၈၉၅ကျပ်၊ ကုလားပဲ(ထိုင်ဝမ်)၄၀၅၃ကျပ်နှင့် ၄၀၈၉ကျပ်၊ ကုလားပဲ (929) ၄၁၄၂ ကျပ်နှင့် ၄၁၇၈ကျပ် တို့ဖြစ်ပြီး၊ ယခင်နှစ်ကာလတူတစ်ပိဿာစျေးမှာ ကုလားပဲ(V-2) ၅၄၁၅ကျပ်၊ ကုလားပဲ(V-7) ၅၇၆၄ ကျပ်၊ ကုလားပဲ (ထိုင်ဝမ်) ၄၉၇၈ကျပ်နှင့် ၅၀၁၃ ကျပ်၊ကုလားပဲ(929) ၅၂၀၉ ကျပ်စျေးတို့ဖြစ်ပါသည်။ ယခုနှစ်နှင့်ယခင်နှစ်ကာလတူ ပေါက်စျေးနှိုင်းယှဉ်ပါက ကုလားပဲ စျေးမှာ အနည်းငယ်ကျဆင်းသွားကြောင်း သိရှိရပါသည်။  

DOCA(မန္တလေး)

     ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာအရောင်းသွက်သည့် ပဲအမျိုးအစား ဖြစ်ပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုးမှု (၂၇၀၉၅၈)ဧက၊ ရိတ် သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇)တင်းဖြစ်ကြောင်း သိရှိရပါ သည်။မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင်၂၀၂၅ခုနှစ်အောက်တိုဘာ လနောက်ဆုံးပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်း (ညာ) ၂၄၅၀၀၀ကျပ်နှင့် ၃၃၅၀၀၀ကျပ်၊ပဲတီစိမ်း(ပဲခွဲ)၂၈၀၀၀၀ကျပ်နှင့် ၃၀၅၀၀၀ကျပ်၊ တစ်ပိဿာစျေးမှာ ပဲတီစိမ်း(ညာ)၄၃၅၆ကျပ်နှင့်၅၉၅၆ကျပ်၊ပဲတီစိမ်း(ပဲခွဲ) ၄၉၇၈ကျပ်နှင့် ၅၄၂၂ကျပ် တို့ဖြစ်ကြောင်း သိရှိရပါသည်။ ယခင်နှစ် ကာလတူတစ်ပိဿာစျေးမှာ ပဲတီစိမ်း(အညာ)၃၅၅၆ ကျပ်နှင့် ၄၃၂၀ ကျပ်၊ ပဲတီစိမ်း(ပဲခွဲ) ၂၈၄၄ ကျပ်နှင့် ၃၂၀၀ကျပ်တို့ဖြစ်ပေါ်ခဲ့ပြီး၊ ကာလတူစျေးနှိုင်းယှဉ်ပါက ပဲတီစိမ်း (ညာ) မှာ တစ်ပိဿာလျှင် ၁၆၃၆ ကျပ်စျေး ပိုမိုရရှိကြောင်း သိရပါသည်။

DOCA(မန္တလေး)

    စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက်သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်း အမရပူရ၊ပြင်ဦးလွင်၊  မိုးကုတ်၊တကောင်း၊စဉ့်ကူး၊မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုးပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု  ၁၀၁၉၄၇၇ ဧကဖြစ်ကြောင်း သိရှိရပါသည်။ မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင်၂၀၂၅ခုနှစ် အောက်တိုဘာ လ နောက်ဆုံးပတ်အတွင်းဖြစ်ပေါ်သည့်ပေါက်စျေးမှာ၃တင်းဝင်တစ်အိတ်လျှင် စားတော်ပဲ(ကနေဒါ)    ၃၅၅၀၀၀ကျပ်နှင့် ၃၆၀၀၀၀ကျပ်၊စားတော်ပဲ(ကျွန်း) ၈၅၀၀၀၀ ကျပ်နှင့် ၈၇၀၀၀၀ ကျပ်၊ တစ် ပိဿာလျှင်စားတော်ပဲ (ကနေဒါ) ၅၉၉၂ကျပ်နှင့် ၆၀၇၆ကျပ်၊စားတော်ပဲ(ကျွန်း)၁၄၃၄၆ကျပ်နှင့် ၁၄၆၈၄ ကျပ်တို့ဖြစ်ကြောင်းသိရှိရပါသည်။ ယခင်နှစ်ကာလတူတစ်ပိဿာပေါက်ဈေးမှာ စားတော်ပဲ (ကနေဒါ)၉၁၉၈ ကျပ်နှင့် ၉၂၈၃ကျပ်၊စားတော်ပဲ(ကျွန်း) ၆၀၇၆ ကျပ်နှင့် ၆၅၈၂ကျပ်ဖြစ်ပြီး၊ ယခုနှစ်နှင့် ယခင်နှစ် ကာလတူစျေးနှိုင်းယှဉ်ပါက တစ်ပိဿာ လျှင် စားတော်ပဲ (ကျွန်း) ၈၁၀၂ ကျပ်တို့စျေး ပိုမိုရရှိကြောင်း သိရှိရပါသည်။

DOCA(မန္တလေး)